ချောင်းဆုံမြို့နယ်တာဝန်ခံမှ မုန့်လုပ်ငန်းရှင်နှင့်တွေ့ဆုံဆွေးနွေး
၁၁.၈.၂၀၂၅ ရက်နေ့တွင် စားသုံးသူရေးရာဦးစီးဌာန၊ ချောင်းဆုံမြို့နယ်တာဝန်ခံသည် ချောင်းဆုံမြို့နယ်၊ မုဒွန်းကျေးရွာရှိ “လင်းယုန်ဦး” မုန့်တိုက်လုပ်ငန်းရှင်နှင့် တွေ့ဆုံဆွေးနွေးခဲ့ သည်။
ထိုသို့ တွေ့ဆုံဆွေးနွေးရာတွင် ချောင်းဆုံမြို့နယ်တာဝန်ခံက မုန့်တိုက်လုပ်ငန်းရှင်အား တစ်နေ့ထုတ်လုပ်မှု၊ ဖြန့်ဖြူးမှုအခြေအနေများအား မေးမြန်းရာ လုပ်ငန်းရှင်က တစ်နေ့ထုတ် လုပ်မှုမှာ ဗူး (၃၀၀) ခန့် ထုတ်လုပ်ပြီး ချောင်းဆုံမြို့နယ်၊ မော်လမြိုင်မြို့နယ်၊ သထုံမြို့နယ်၊ ဘားအံမြို့နယ်များသို့ ဖြန့်ဖြူးကြောင်း ဆွေးနွေးခဲ့သည်။ ထို့နောက် ချောင်းဆုံမြို့နယ်တာဝန်ခံ က ထုတ်လုပ်မှုလုပ်ငန်းစဉ်တစ်လျှောက် သန့်ရှင်းသပ်ရပ်မှုနှင့် စားသုံးသူဘေးအန္တရာယ်ကင်း ရှင်းရေးကို အလေးထားဆောင်ရွက်ရန်၊ ကုန်အညွှန်းအမှတ်အသားများကို စားသုံးသူကာကွယ် ရေးဥပဒေပြဌာန်းချက်နှင့်အညီ ဖော်ပြရန်၊ သက်ဆိုင်ရာဌာနများ၏ စည်းမျဉ်း၊ စည်းကမ်းများကို လိုက်နာဆောင်ရွက်ရန် ဆွေးနွေးခဲ့ကြောင်း သိရှိရပါသည်။
DOCA (မွန်)
