၁၄.၈.၂၀၂၅ ရက်နေ့ နံနက် ၉း၀၀နာရီ အချိန်တွင် စားသုံးသူရေးရာဦးစီးဌာန၊ ကျိုက်ထို မြို့နယ်တာဝန်ခံသည် အခြားမိတ်ဖက်ဌာနဆိုင်ရာတို့ဖြင့် ပူးပေါင်း၍ ကျိုက်ထိုမြို့ပေါ်ရှိ လက်လီ/လက်ကားဆိုင်များတွင် ရောင်းချလျက်ရှိသော စားသုံးဆီအမျိူးမျိုးတို့အား စျေးကွက် စောင့်ကြည့်စစ်ဆေးခြင်း ဆောင်ရွက်ခဲ့ကြောင်းသိရသည်။

          ထို့သို့ ကွင်းဆင်းဆောင်ရွက်ရာတွင် ကျိုက်ထိုမြို့ပေါ်ရှိ လက်လီ/လက်ကားဆိုင်များတွင် ရောင်းချလျက်ရှိသော စားသုံးဆီအမျိုးမျိုးတို့တွင် ဘေးအန္တရာယ်ဖြစ်ပေါ်နိုင်မှု ရှိ/မရှိ၊ ကုန်အညွှန်းအမှတ်အသားပြည့်စုံမှန်ကန်မှု ရှိ/မရှိ၊ စားသုံးသူကာကွယ်‌ရေးဥပဒေနှင့်အညီ စျေးကွက်စောင့်ကြည့်စစ်ဆေးခဲ့ရာ ပုဇွန်နှစ်ကောင်အမှတ်တံဆိပ် ဟင်းသီးဟင်းရွက်ဆီများ၊ မြေပဲဆီ၊ နှမ်းဆီများကို ရောင်းချကြောင်း၊ ကုန်အညွှန်းအမှတ်အသား ပြည့်စုံမှန်ကန်မှုရှိပြီး ဘေးအန္တရာယ်မရှိကြောင်း သိရပါသည်။

DOCA(မွန်)

  ၁၅.၈.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံးခန်းမ၌ မွန်ပြည်နယ်ကုန်သည်များနှင့်စက်မှုလက်မှုလုပ်ငန်းရှင်များအသင်းမှ တာဝန်ရှိသူများနှင့်တွေ့ဆုံခဲ့သည်။

   ထိုသို့ တွေ့ဆုံရာတွင် အသင်း၏တာဝန်ရှိသူများမှ မွန်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များအသင်း ပြန်လည်ဖွဲ့စည်းမည့်ကိစ္စအား ဆွေးနွေးခဲ့ရာ ပြည်နယ် ဦးစီးမှူးက လုပ်ထုံးလုပ်နည်း၊ စည်းမျဉ်းစည်းကမ်းနှင့်အညီ ရွေးချယ်ကြရန် အကြံပြုဆွေးနွေးခဲ့ ပြီး မိမိတို့ဌာနအနေဖြင့် လိုအပ်သည်များ ကူညီဆောင်ရွက်သွားမည်ဖြစ်ကြောင်း ဆွေးနွေးခဲ့ သည်။

DOCA (မွန်)

     ၂၀၂၅ ခုနှစ်၊ ဩဂုတ်လ(၁၂)ရက်နေ့၊ နေ့လယ်(၁:၀၀)နာရီအချိန်တွင် ဓနုကိုယ်ပိုင် အုပ်ချုပ် ခွင့်ရဒေသ၊ စားသုံးသူရေးရာဦးစီးဌာန၊ ပင်းတယမြို့နယ်ဒေသဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများသည် ပင်းတယမြို့အတွင်းရှိ ဆေးဆိုင်များအား စားသုံးသူများ ဘေးကင်းလုံခြုံမှုရှိစေရန် ဈေးကွက်စောင့်ကြည့်စစ်ဆေးခဲ့ပါသည်။ထိုသို့ စစ်ဆေးရာ၌ ဆေးဆိုင်များတွင် ရောင်းချနေသော တိုင်းရင်းဆေး အမျိုးမျိုးတို့တွင် ကုန်အညွှန်း အမှတ်အသား ပြည့်စုံစွာဖော်ပြထားခြင်း ရှိ/မရှိ၊ စားသုံးသူဘေးအန္တရာယ် ဖြစ်စေနိုင်သော ကုန်စည် များရောင်းချခြင်းရှိ/မရှိ၊ သတ်မှတ်စံချိန်စံနှုန်းနှင့် ကိုက်ညီ၍ သက်ဆိုင်ရာဌာနများမှ ခွင့်ပြုထားသော ကုန်အညွှန်းအမှတ်အသားပြည့်စုံစွာ ဖော်ပြထားသည့် ကုန်စည်များကိုသာ ဈေးကွက်အတွင်း တင်သွင်းရောင်းချရန်နှင့် စားသုံးသူကာကွယ်ရေး ဥပဒေအခန်း(၁၀)ပါ “စီးပွားရေးလုပ်ငန်းရှင်၏ တာဝန်များ”ကို လိုက်နာဆောင်ရွက်ရန် အသိပညာပေး ဆွေးနွေးခြင်းများဆောင်ရွက်ခဲ့ပါသည်။

DOCA(ရှမ်း)

      မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင်သည် (၁၂.၈.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့၊ ရက်ကန်းနှင့် အသက်မွေးပညာ သင်တန်းကျောင်း၌ကျင်းပသော “ဒေသဖွံ့ဖြိုးရေး လုပ်ငန်းသုံးပစ္စည်းပေးအပ်ပွဲ” အခမ်းအနားသို့ တက်ရောက်ခဲ့ကြောင်း သိရသည်။

     အခမ်းအနားတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ ဦးမြင့်နိုင်က အဖွင့်အမှာစကား ပြောကြားခဲ့ပြီး သင်တန်းကျောင်းမှ ကျောင်းအုပ်ဆရာမကြီး ဒေါ်သန္တာယုက အမှတ် (၅) နှင့် အမှတ် (၁၃) ရပ်ကွက်တို့တွင် အခြေခံ/မွမ်းမံ စက်ချုပ်ပညာသင်တန်းနှင့် အမှတ်(၃)ရပ်ကွက်တွင် လက်ရက်ကန်းဒီဇိုင်းတီထွင်ဆန်းသစ်မှုသင်တန်းများ ဖွင့်လှစ်ခဲ့ပြီး ဖွင့်လှစ်ရခြင်း ရည်ရွယ်ချက်များ ကို ပြောကြားခဲ့ရာ အသေးစားကုန်ထုတ်လုပ်ငန်းများ ဖန်တီးပေးနိုင်ရေး၊ ကျေးလက် နေမိသားစုများ ဝင်ငွေတိုးစေရေးနှင့် အလုပ်အကိုင်အခွင့်အလမ်းများရရှိစေရန်ရည်ရွယ်၍ သင်တန်းကိုဖွင့်လှစ်ရ ခြင်းဖြစ်ကြောင်း ပြောကြားခဲ့ပါသည်။  

       အခြေခံစက်ချုပ်သင်တန်းသူ(၁၅)ဦး၊ မွမ်းမံစက်ချုပ်သင်တန်းသူ (၁၅)ဦးနှင့်  လက်ရက်ကန်း ဒီဇိုင်းတီထွင်ဆန်းသစ်မှုသင်တန်းသူ (၁၅)ဦး၊ စုစုပေါင်း (၄၅) ဦးတက်ရောက်ခဲ့ပြီး တက်ရောက်သူများမှ ထူးချွန်စွာအောင်မြင်သော သင်တန်းသူ(၁၅)ဦးကို ရွေးချယ်၍ ကျပ်(၁၈)သိန်းခန့် တန်ဖိုး ရှိသည့် စက်ချုပ်ခြင်းဆိုင်ရာပစ္စည်းများနှင့် ရက်ကန်းစင်များကို ချီးမြှင့်သွားမည်ဖြစ်ကြောင်း သိရှိ ရသည်။

    ဆက်လက်၍ သင်တန်းကျောင်းတွင် စက်ချုပ်နှင့် ရက်ကန်းပညာများသာမက လက်မှုပညာ များကိုလည်း သင်ကြားပေးကြောင်းနှင့် သင်တန်းသူများကိုယ်တိုင် ဖန်တီးထားသည့် တဘတ်(ကြာ၊ ချည်၊ သဘာဝသစ်ရွက်ဆိုးဆေးအသုံးပြုထားသော)၊ အင်္ကျီစ၊ ပုဆိုး၊ လုံချည်၊ ခြေသုတ်ခုံ၊ ဖုန်းတင်ခုံ၊ ပစ္စည်းထည့်ဖာတောင်း၊ အသီးထည့်ခြင်း စသည့်ပစ္စည်းများကို ပြသခဲ့ရာ လှည့်လည်ကြည့်ရှုခဲ့ကြောင်း သိရသည်။

DOCA(မ‌ကွေး)

                ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊   လပွတ္တာမြို့နယ်တာဝန်ခံ ဦးမြင့်ဌေးသည်   (၁၂.၈.၂၀၂၅) ရက်နေ့ နံနက်(၁၂း၀၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်းကာ စားသုံးသူ ပြည်သူများအား လပွတ္တာခရိုင်၊  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး  Talk  Show  ပြုလုပ်ခဲ့ပါသည်။

            ထိုသို့ပြောဆွေးနွေးရာတွင်  ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူ အသိပညာပေး Talk Show ပြုလုပ်ရခြင်း၏ ရည်ရွယ်ချက်အားရှင်းလင်းပြောကြားပြီး၊ စားသုံးသူရေးရာဦးစီးဌာန၊ စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနနမှ ထုတ်ပြန်ထားသော  စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ အခန်း(၉)ပါ စားသုံးသူ၏ အခွင့်အရေးနှင့်တာဝန်များ၊ အခန်း(၁၀)ပါ စီးပွားရေးလုပ်ငန်းရှင်၏ တာဝန်များနင့် အခန်း(၂၃)ပါ တားမြစ်ချက်(၄)ချက် ၊အခန်း(၂၄)ပါ ပြစ်မှုပြစ်ဒဏ်များ အခန်း(၁၈)ပါ  ကုန်အညွှန်း အမှတ်အသား‌ဖော်ပြခြင်းနှင့်စပ်လျဉ်း၍ မည့်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့်(ဆ)ပါ ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေနှင့်အညီလိုက် နာဆောင်ရွက်ကြရန် ဥပဒေတားမြစ်ချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ်များအတိုင်း ဆောင်ရွက်သွားမည်ဖြစ်ကြောင်း စီးပွားရေးလုပ်ငန်းရှင်များအနေဖြင့် ဥပဒေပါ အချက်အလက်များသိရှိလိုပါက မြို့နယ်စားသုံးသူတာဝန်ခံရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca.gov.mm website တွင် ဝင်ရောက်လေ့လာနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေးဆွေးနွေးခဲ့ပါသည်။

(  DOCAဧရာဝတီ)