သတင်းနှင့် လှုပ်ရှားမှုများ

   မန္တလေးတိုင်းဒေသကြီး အသေးစား၊အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး အေဂျင်စီမှ ကြီးမှူး၍ မန္တလေးတိုင်းဒေသကြီး၊ မဟာအောင်မြေခရိုင်၊ မဟာ အောင်မြေမြို့နယ်အတွင်း    ရက်(၁၀၀)စီမံချက်ဖြင့် MSME One Stop Service  ရုံးဖွင့်ပွဲ အခမ်း အနားအား ၂၀.၇.၂၀၂၇ ရက်နေ့နံနက်(၀၉:၃၀)နာရီအချိန်၌ ကျင်းပခဲ့ရာ မန္တလေးတိုင်းဒေသကြီး စီမံကိန်း၊စီးပွားရေးနှင့်ဘဏ္ဍာရေးဝန်ကြီးဦးသိန်းဌေး၊ လျှပ်စစ်၊ စွမ်းအင် စက်မှုနှင့် လမ်းပန်း ဆက် သွယ်ရေးဝန်ကြီးဦးကျော်မိုးသက်၊ MRCCI အသင်းဝင်များ၊ MSME လုပ်ငန်းရှင်များ၊ လွှတ်တော် ကိုယ်စားလှယ်များ၊သက်ဆိုင်ရာဌာနများနှင့်အတူ စားသုံးသူရေး ရာ ဦးစီးဌာန၊ မန္တလေးတိုင်း ဒေသကြီးဦးစီးမှူး ဦးဇေယျာဆွေ၊ ညွှန်ကြားရေးမှူးနှင့်အတူ  တက်ရောက် အင်အား(၈၀)ဦး ဖြစ် ကြောင်း သိရှိရပါသည်။အခမ်း အနားပထမပိုင်းတွင် မန္တလေးတိုင်းဒေသကြီးအသေးစား၊ အငယ်စား နှင့်အလတ်စား စီးပွားရေး လုပ်ငန်းများဖွံ့ဖြိုးတိုးတက်ရေးအေဂျင်စီဥက္ကဌမန္တလေးတိုင်းဒေသကြီး၊ လျှပ်စစ်၊ စွမ်းအင်စက်မှုနှင့် လမ်းပန်းဆက်သွယ်ရေးဝန်ကြီးဦးကျော်မိုးသက်က MSME One Stop Service  ဆိုင်းဘုတ်အား စက်ခလုပ်နှိပ်၍ဖွင့်လှစ်ခဲ့ကြောင်း သိရှိရပါသည်။   ဆက်လက်၍ အခမ်း အနား ဒုတိယပိုင်းအား ကျင်းပရာ အေဂျင်စီဥက္ကဌ မန္တလေးတိုင်းဒေသကြီးလျှပ်စစ်၊စွမ်းအင်စက်မှုနှင့် လမ်းပန်းဆက်သွယ်ရေးဝန်ကြီးဦးကျော်မိုးသက်မှ အဖွင့်အမှာစကားပြောကြားပြီးနောက်ဒေသတွင်း စီးပွားရေးလုပ်ငန်း များ၏လိုအပ်ချက်များကို တစ်နေရာတည်းတွင် လွယ်ကူမြန်ဆန်စွာ ဝန်ဆောင်မှု ပေးနိုင်ရန်ရည်ရွယ်၍MSME One Stop Service (OSS)ရုံးအား ဖွင့်လှစ်ရခြင်းဖြစ်ပါကြောင်း၊လုပ်ငန်း ရှင်များ အတွက်လိုအပ်သောလုပ်ငန်းလိုင်စင်မှတ်ပုံတင်ခြင်း၊လိုအပ်သောငွေကြေးအထောက် အပံ့ များ ရယူနိုင်ခြင်း၊ထုတ်လုပ်မှုနည်းပညာများ အကြံဉာဏ်ပေးနိုင်ခြင်း၊ စျေးကွက်ချိတ်ဆက်မှုများ ရရှိ နိုင်ခြင်း၊ ဥပဒေအကြံဉာဏ်နှင့်ပတ်သက်၍ ဝန်ဆောင်မှုများပေးနိုင်ခြင်း၊ လုပ်ငန်းအခက်အခဲများ လျော့ချ၍ သတင်းအချက်အလက်များ၊ ဝန်ဆောင်မှုနှင့် အကြံဉာဏ်များတစ်နေရာတည်း ရရှိ နိုင်ခြင်း၊လုပ်ငန်းရှင်များနှင့် သက်ဆိုင်ရာဌာနများ ချိတ်ဆက်မှုကိုမြှင့်တင်ပေးမည့် ပလက်ဖောင်း တစ်ခုလည်းဖြစ်ပါကြောင်းနှင့် OSS ရုံး၏ ဝန်ဆောင်မှုများကို အသုံးချသွားကြရန် လိုအပ်ကြောင်း၊ ဝန်ဆောင်မှုအနေဖြင့် နေ့စဉ်ရုံးဖွင့်ရက်နှင့်ရုံးချိန်အတွင်း ဆောင်ရွက်ပေးသွားမည်ဖြစ်ပါကြောင်း ပြောကြားခဲ့ပါသည်။ မန္တလေးတိုင်းဒေသကြီး အသေးစား၊ အငယ်စားနှင့်အလတ်စားစီးပွားရေး လုပ်ငန်းများဖွံ့ဖြိုးတိုးတက်ရေးအေဂျင်စီအတွင်းရေးမှူးတိုင်းဒေသကြီးစက်မှုကြီးကြပ်ရေးနှင့် စစ်ဆေးရေး ဦးစီးဌာန၊ညွှန်ကြားရေးမှူးက MSME One Stop Service ရုံးမှ ဆောင်ရွက်ပေးမည့် လုပ်ငန်းစဉ် များအား ဆွေးနွေးပြောကြားခဲ့ပြီးနောက် မန္တလေးတိုင်းဒေသကြီး၊စီမံကိန်း၊စီးပွားရေးနှင့် ဘဏ္ဍာရေးဝန်ကြီးဦးသိန်းဌေးမှ လုပ်ငန်းရှင်(၃)ဦးသို့ ယာယီလုပ်ငန်းလိုင်စင်များပေးအပ်ခဲ့ကြောင်း သိရှိရပါသည်။

DOCA(မန္တလေး)

     စားသုံးသူရေးရာဦးစီးဌာန ၊  ကျန်းမာရေးဦးစီးဌာန၊ ကျောင်းကျန်းမာရေးအဖွဲ့ တို့နှင့်ပူးပေါင်း၍ (၁၄-၇-၂၀၂၆) ရက် ၊ နံနက်(၀၈:၃၀) နာရီအချိန် တွင် ဘားအံမြို့ရှိ  အ.ထ.က ခွဲ (၂)၊ အခြေခံပညာ အထက်တန်းကျောင်း၌ ကျောင်းမုန့်ဈေးတန်း (၄)ဆိုင်တွင် ရောင်းချနေသော စားသောက်ကုန်များကို ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေး ကော်မရှင် ညွှန်ကြားချက်အမှတ်၊ ၂/၂၀၁၉ နှင့်အညီ ကိုက်ညီမှု ရှိ / မရှိ ‌ဈေးကွက် စောင့်ကြည့်စစ်ဆေးခဲ့ကြောင်း သိရသည်။

     ထိုသို့ဈေးကွက်စောင့်ကြည့်စစ်ဆေးရာတွင် ကရင်ပြည်နယ်စားသုံးသူရေးရာကော်မတီက  သတ်မှတ်ထားသော ဦးစားပေးဆောင်ရွက်မည့်  ကုန်စည် (၁၀) မျိုးထဲမှ အသင့်စား မုန့်အမျိုးမျိုးတို့ကို ကုန်အညွှန်းအမှတ်အသား ပြည်စုံစွာဖော်ပြထားမှု ရှိ/ မရှိ စစ်ဆေး ဆောင်ရွက်ခဲ့သည့်အပြင်  စစ်ဆေးရေးအရာရှိ ဒေါ်သီတာဌေးက ကျောင်းမုန့်ဈေးတန်းတွင် စားသောက်ကုန်များရောင်းချ ရာ၌ FDA မှ ထောက်ခံချက်ရရှိသော စားသောက်ကုန်များနှင့် စားသုံးသူရေးရာဦးစီးဌာနမှ ဥပဒေနှင့် အညီ ပြဌာန်းသတ်မှတ်ထားသော ကုန်အညွှန်းအမှတ်အသားပြည့်စုံစွာ ဖော်ပြထားသည့် စားသောက် ကုန်များကိုသာ ရောင်းချကြရန်နှင့် ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော စားသောက်ကုန်များကို မရောင်းချရန် စစ်ဆေးပြောကြားခဲ့ကြောင်း သတင်းရရှိသည်။

DOCA(ကရင်)

            တောင်ငူခရိုင်၊ ရေတာရှည်မြို့နယ်၊ ညောင်ပင်သာအခြေခံပညာအထက်တန်းကျောင်းမှ ကျောင်းသား၊ ကျောင်းသူများအား သိသင့်သိထိုက်သည့် အသိပညာဗဟုသုတများရရှိစေရန် ရည်ရွယ်၍ စားသုံးသူ ရေးရာဦးစီးဌာန၊ ပြန်ကြားရေးနှင့်ပြည့်သူ့ဆက်ဆံရေးဦးစီးဌာန တို့ပူးပေါင်း၍ အသိပညာပေးဟောပြောပွဲကို (၈.၇.၂၀၂၆) ရက်နေ့ နံနက်(၉)နာရီ အချိန်တွင် ယင်းကျောင်း၌ ကျင်းပပြုလုပ်ခဲ့ပါသည်။

          အဆိုပါ ဟောပြောပွဲတွင် တောင်ငူခရိုင်၊ ရေတာရှည်မြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံ  ဒေါ်ပပလင်းက စားသုံးအခွင့်အရေးနှင့် တာဝန်များအကြောင်း၊ ကုန်စည်နှင့် ဝန်ဆောင်မှုများ အပေါ် စားသုံးသူများနစ်နာဆုံးရှုံးမှု မဖြစ်ပေါ်စေရန်နှင့် စားသုံးသူနစ်နာဆုံးရှုံးမှုများ ဖြစ်ပေါ်ပါက တိုင်ကြားနိုင်ခြင်းများ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်သင့်ကြောင်း သတိပြုရမည့်အချက်များကို အသိပညာပေးရှင်းလင်းပြောကြားခဲ့ ပါသည်။

          ထိုနောက်ဆက်လက်၍ဟောပြောပွဲ၌ ပြန်ကြားရေး နှင့် ပြည်သူ့ဆက်ဆံရေးဦးစီးဌာန၊ မြို့နယ် ဦးစီးမှူး ဒေါ်သော်ဇင်အောင်က ကျောင်းသား၊ ကျောင်းသူများအား သရုပ်ပြပုံပြင်နှင့်၊ လူကုန်ကူမှုပပျောက် ရေးနှင့် ကလေးအလုပ်သမားပပျောက်ရေးများ မဖြစ်စေရန်သတိပြုရမည့် အချက်များ အားရှင်းလင်း ပြောကြားခဲ့ပြီး  နံရံကပ်စာစောင်များလည်းလိုက်လံပြသပေးခဲ့ခြင်းနှင့် ဟောပြောပွဲပြီးသည့်အချိန်တွင် လူငယ်စကားဝိုင်းအားဆက်လက်ကျင်းပခဲ့ ပါသည်။၎င်းဟောပြောပွဲ သို့ ကျောင်းသား၊ ကျောင်း သူ(၂၅၇)ဦး တက်ရောက်ခဲ့ပါသည်။

DOCA(ပဲခူး)

        ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေး အတွင်း/ အပြင်ရှိ ဆန်ဆိုင်ကြီးများတွင် ဆန်အမျိုးအစားအလိုက် ဖြန့်ဖြူးရောင်းချနေမှု အခြေအနေအား ဇူလိုင်လ (၁၄)ရက်နေ့၊ နံနက်(၁၀:၀၀)နာရီအချိန်တွင် မြို့နယ်အဆင့်ဌာနဆိုင်ရာများ ပူးပေါင်း၍ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

     ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်မီးသတ်ဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူရေးရာ ဦးစီးဌာနတို့မှ တာဝန်ရှိသူများ ပူးပေါင်း၍ စည်ပင်သာယာမြို့မဈေး အတွင်း/ အပြင်ရှိ ဆန်ဆိုင်ကြီးများဖြစ်သော မိဘရိပ်၊ ဒေါ်မူ၊ ဒေါ်လုံးလုံး၊ ဦးတင်ထူး ဆန်ဆိုင်ပိုင်ရှင်စီးပွားရေးလုပ်ငန်းရှင်များနှင့် တွေ့ဆုံခဲ့ပြီး သက်ဆိုင်ရာဌာနများမှ ဇူလိုင်လအတွင်း သင့်တင့်မျှတသော ဆန်ဈေးကွက်ဈေးနှုန်းအား ဆန်အမျိုးအစာစးအလိုက် သတ်မှတ်ရည်ညွှန်းဈေးထုတ်ပြန်လျက်ရှိကြောင်း မိမိတို့အနေဖြင့် ဆန်ဈေးနှုန်းမြှင့်တင်စေရေးနှင့် ဈေးကစားရန်ရည်ရွယ်ပြီး သိုလှောင်ထားခြင်းများ မပြုလုပ်ကြရန်နှင့် ဒေသထွက်ဆန်၊ အခြားဒေသထွက်ဆန်များ ဈေးကွက်အတွင်း ဝယ်ယူဖြန့်ဖြူး ရောင်းချရာတွင်လည်း ဈေးနှုန်းအဆမတန်မြှင့်တင်ရောင်းချခြင်းများ မပြုုလုပ်ကြရန် စားသုံးသူ ကာကွယ်ရေးအသိပညာပေး ဆွေးနွေးပြောကြားခဲ့ပြီး ဈေးကွက်အတွင်း ဖြန့်ဖြူးရောင်းချလျက်ရှိသော ဆန်အမျိုးအစားအလိုက် ဈေးနှုန်းအခြေအနေတို့အား စာရင်းဇယားယူ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

        စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ ရန်ကုန်တောင်ပိုင်းခရိုင်၊ ကော့မှူးမြို့နယ် စည်ပင်သာယာမြို့မဈေးကြီးအတွင်း/ အပြင်ရှိ ကုန်ခြောက်ဆိုင်များသို့ ဇူလိုင်လ(၁၃)ရက်နေ့၊ နံနက်(၀၉:၀၀)နာရီအချိန်တွင် အမှတ်တံဆိပ်ပြည် တွင်းထုတ်ရောနှောဆီများ ဖြန့်ဖြူးရောင်းချနေမှု အခြေအနေအား ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ကွင်းဆင်းစစ်ဆေးခဲ့ရာတွင် ကော့မှူးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်း၊ ဒုတိယဦးစီးမှူး ဒေါ်နီလာဝင်း၊ မြို့နယ်စည်ပင်သာယာရေးအဖွဲ့မှ ဈေးတာဝန်ခံ ဦးအေးသွင်နှင့်ဝန်ထမ်းများ ပူးပေါင်း၍ စည်ပင်သာယာမြို့မဈေးကြီးအတွင်း/ အပြင်ရှိ အခြေခံစားသောက်ကုန်ပစ္စည်း အရောင်းဆိုင်များရှိ အမှတ်တံဆိပ်ပြည်တွင်းထုတ် ရောနှောဆီအမျိုး အစားအမျိုးမျိုးတို့တွင် သက်ဆိုင်ရာဌာနများမှ ဖော်ပြပါရှိရန် ညွှန်ကြားထားသောအချက်များ၊ ခွင့်ပြုချက်များ၊ စားသုံးသူရေးရာဦးစီးဌာနမှ ကုန်အညွှန်းအမှတ်အသားဖော်ပြခြင်းဆိုင်ရာ သတ်မှတ်ထားသော ညွှန်ကြားချက်များနှင့် အညီ စားသုံးဆီ၏ ပင်ရင်းပါဝင်ပစ္စည်းကို အခြေခံဖော်ပြရမည့် ဟင်းသီးဟင်းရွက်ဆီ (Vegetable Oil Cooking Oil)များအား ထုတ်လုပ်သူ စီးပွားရေးလုပ်ငန်းရှင်များအနေဖြင့် အပြည့်အဝ ရာနှုန်းပြည့်မီအောင် လိုက်နာဆောင်ရွက်သွားစေရန် ရည်ရွယ်ပြီး ကော့မှူးမြို့နယ် ဈေးကွက်အတွင်း ပြန်လည်ဖြန့်ဖြူးရောင်းချလျက်ရှိသော ဆိုင်ပိုင်ရှင်စီးပွားရေးလုပ်ငန်းရှင်များအနေဖြင့် အမှတ်တံဆိပ်ပြည်တွင်းထုတ်ရောနှောဆီများ ဝယ်ယူဖြန့်ဖြူးရာတွင် ကုန်အညွှန်းအမှတ်အသားပြည့်စုံစွာဖော်ပြပါရှိသော စားသုံးဆီအမျိုးမျိုးတို့ကိုသာ ဖြန့်ဖြူးရောင်းချပေးကြရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)