သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် ( ၂၇-၉-၂၀၂၅ )ရက်နေ့ ၊ နေ့လယ် (၁၃:၀၀)နာရီအချိန်တွင်  ဆီကုန်သည်နှင့် ဆီလုပ်ငန်းရှင်များအသင်း ဥက္ကဌ ဦးကျော်ဝင်းမော်နှင့် တွေ့ဆုံဆွေးနွေးခဲ့ကြောင်း သိရသည်။

            အသင်းအနေဖြင့် လက်ရှိတွင် စားအုန်းဆီလက်လီ/ လက်ကားကိုယ်စားလှယ်များ သတ်မှတ်အလေးချိန်၊ သတ်မှတ်ဈေးနှုန်း၊ အရည်အသွေးကောင်းမွန်စွာ ဖြန့်ဖြူးရောင်းချနိုင်ရေးနှင့် မြို့နယ်အတွင်းရှိ မြို့ပေါ်ရပ်ကွက်နှင့် ကျေးရွာအုပ်စုများအား ဆီစာအုပ်များဖြင့် ၁၀၀% အပြည့်အဝဖြန့်ဖြူးရောင်းချနိုင်ရေး စီစဉ်ဆောင်ရွက်ပေးလျက်ရှိပြီး မြို့နယ်ရပ်ကွက်များနှင့် ကျေးရွာအုပ်စုများရှိ လက်လီအရောင်းဆိုင်များမှတဆင့် အိမ်ထောင်စုအလိုက်ဖြန့်ဖြူးရောင်းချရာတွင် သတ်မှတ်ဈေးနှုန်း၊ အလေးချိန်နှင့် အကြိမ်အရေအတွက်မှန်ကန်စွာ ရောင်းချနိုင်ရေး ဌာနဆိုင်ရာများနှင့် ပူးပေါင်း၍ ကြပ်မတ်ဆောင်ရွက်သွားမည်ဖြစ်ကြောင်း ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

         (၁.၁၀.၂၀၂၅)ရက်နေ့ နေ့လယ်  (၁၃:၃၀)နာရီအချိန်တွင် ထန်းတပင်မြို့နယ်၊ တူးချောင်း ကျေးရွာသို့ Zabu Kan Tun ကုမ္ပဏီမှ စားအုန်းဆီဖြန့်ဖြူးမှုအခြေအနေများကို သိရှိနိုင်ရေး ကွင်းဆင်း စစ်ဆေးဆောင်ရွက်ခဲ့ပါသည်။

      ထိုသို့ဆောင်ရွက်ရာတွင် စားသုံးသူရေးရာဦးစီးဌာန၊ ရန်ကုန်မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်၍ ဝန်ထမ်း(၄)ဦး၊ မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံ ဆီကုန် သည်နှင့်ဆီလုပ်ငန်းရှင်များအသင်း၊ ကုမ္ပဏီတာဝန်ခံများနှင့် သက်ဆိုင်ရာရပ်/ ကျေးတာဝန်ရှိသူများ ပါဝင်သော အဖွဲ့များသည် ထန်းတပင်မြို့နယ်တူးချောင်းကျေးရွာသို့ သွားရောက်၍ Zabu Kan Tun ကုမ္ပဏီသည် ဆီထုတ်လက်ကားကိုယ်စားလှယ်များမှတစ်ဆင့် လက်လီကိုယ်စားလှယ်များထံမှ ကျေးရွာနေစားသုံးသူပြည်သူများအား ဖြန့်ဖြူးပေးလျက်ရှိပြီး ကွင်းဆင်းစစ်ဆေးရေးအဖွဲ့အနေဖြင့် စားအုန်းဆီအား သတ်မှတ်ရည်ညွှန်းဈေးအတိုင်း ရောင်းချ ခြင်းရှိ/မရှိ၊ အလေးချိန်ပြည့်/မပြည့်၊ ဝယ်ယူစားသုံးသူပြည်သူများ ပွင့်လင်းမြင်သာမှုရှိစေရေး အတွက် ရောင်းချသည့်ရက်စွဲ၊ ပိဿာချိန်၊ ရောင်းချသည့်ဈေးနှုန်းနှင့် ရောင်းချသူစာအုပ်တို့ ပါဝင်သော ဗီနိုင်းချိတ်ဆွဲရောင်းချခြင်းရှိ/မရှိတို့ကို ကြီးကြပ်စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

   ၂၀၂၅ ခုနှစ်၊ အောက်တိုဘာလ ၃ ရက်နေ့၊ နေ့လည်(၂း၃၀) နာရီအချိန်တွင် စားသုံးသူ‌ရေးရာ ဦးစီးဌာန၊ တိုင်းဒေသကြီးဦးစီးမှူးမှ ကုန်အညွှန်းအမှတ်အသားလာရောက်လျှောက်ထားသည့် လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

          တွေ့ဆုံရာတွင် တိုင်းဒေသကြီးဦးစီးမှူးမှ ကုန်အညွှန်းအမှတ်အသားဖော်ပြခြင်းနှင့် ပတ်သက် ၍ပါဝင်ရမည့်အချက်များအား လာရောက်တင်ပြရာတွင် ပါဝင်ရမည့်အချက်များ ပြည့်စုံစွာဖော်ပြ ပါရှိနိုင်‌ရေးနှင့် စီးပွားရေးလုပ်ငန်းရှင်များ၏ တာဝန်များအကြောင်းများ ရှင်းလင်းဆွေးနွေး ခဲ့ကြောင်း သိရှိရပါသည်။

DOCA(တနင်္သာရီ)

        စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးရုံးမှ မြို့နယ်(၆)မြို့နယ်နှင့်Onlineစနစ်ဖြင့် ဆောင်ရွက်သော ဝန်ထမ်းစွမ်းဆောင်ရည်မြှင့်တင်ရေးသင်တန်းကို (၂၆.၈.၂၀၂၅) ရက်နေ့ နံနက် (၀၉:၃၀)နာရီအချိန်တွင် စားသုံးသူရေးရာဦးစီးဌာနမှအမှုထမ်း(၁၈)ဦးကို လူ့စွမ်းအားအရင်းအမြစ်များ တိုးတက်လာစေခြင်း၊ ဌာန၏လုပ်ငန်းဆောင်ရွက်ချက်များ လွယ်ကူလျင်မြန်သွက်လက်လာစေရန် ရည်ရွယ်ခြင်း၊ မိမိတို့ဆောင်ရွက်နေသော ဌာနခွဲများ၏ လုပ်ငန်းစဉ်များကို ချပြရှင်းလင်း ဟောပြောနိုင်ရေး ကိုရည်ရွယ်၍ ဆောင်ရွက်ခဲ့ကြောင်း သိရသည်။

          အဆိုပါ ဝန်ထမ်းစွမ်းဆောင်ရည်မြှင့်တင်ရေးသင်တန်းကို ပထမဦးစွာ စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးဦးဇော်မင်းက ဝန်ထမ်းများ၏ စွမ်းဆောင်ရည်မြင့်မားလာစေရေးအတွက် ရုံးလုပ်ငန်းဆိုင်ရာတာဝန်ဝတ္တရားများနှင့် အသိပညာများ အမြဲမပြတ်ကြိုးစားသင်ယူလေ့လာရန် လိုအပ်ကြောင်းကိုလည်းကောင်း၊ ဒု-ခရိုင်ဦးစီးမှူး ဦးမောင်မောင်မြတ်ခိုင်မှ “ MyRo တွင် စာရင်းရေးသွင်း ခြင်းနှင့်မှတ်ပုံတင်ခြင်းဆိုင်ရာအကြောင်း” ခေါင်းစဉ်ဖြင့် လည်းကောင်း၊ စီမံရေးရာဌာနခွဲမှူး ဦးစီးအရာရှိ ဦးအောင်မျိုးထိုက်မှ ရုံးလုပ်ငန်းများအကြောင်း၊ စားသုံးသူရေးရာဌာနခွဲမှူး ဦးစီးအရာရှိ ဦးဝင်းအောင်က ဈေးကွက်စောင့်ကြည့်စစ်ဆေးရခြင်းအကြောင်းကိုလည်းကောင်း၊ စားသုံးသူရေးရာ  ဌာနခွဲမှ ဦးစီးမှူး ဒေါ်နှင်းဝေဖြိုးက Online Shopping လုပ်ငန်းနှင့် စပ်လျဉ်း၍ သိကောင်းစရာအကြောင်း    အသီးသီး ရှင်းလင်းဆွေးနွေးခဲ့ပါသည်။ ဆွေးနွေးပို့ချချက်များအပြီးတွင် သင်တန်းသားများမှ မရှင်းလင်းသည်များကို မေးမြန်းခြင်းအပေါ် ပြန်လည်ရှင်းလင်းပြောကြားခြင်းအစီအစဉ်ကို ပြုလုပ်ခဲ့ပြီး နေ့လယ်(၁၅:၀၀)နာရီအချိန်တွင် သင်တန်းဆင်းအခမ်းအနား ဆောင်ရွက်ခဲ့ကြောင်း သိရှိရပါသည်။ အဆိုပါ သင်တန်းသို့ ဟင်္သာတခရိုင်ဦးစီးမှူးရုံးမှ ဝန်ထမ်း(၁၈)ဦး တက်ရောက်ခဲ့ကြောင်း သတင်းရရှိပါသည်။

DOCA (ဧရာဝတီ)

        စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးရုံးမှ မြို့နယ် (၆)မြို့နယ်နှင့် Online စနစ်ဖြင့် ဆောင်ရွက်သော Thursday Talk ဟောပြောခြင်းကို (၂၇.၉.၂၀၂၅)ရက်နေ့ နံနက်(၁၀:၃၀)နာရီအချိန်တွင်  စားသုံးသူရေးရာဦးစီးဌာနမှအမှုထမ်း(၁၈)ဦးတက်ရောက်ခဲ့ပြီး Online Virtual စနစ်ဖြင့် ဆောင်ရွက်ခဲ့ပါသည်။ ဝန်ထမ်းများအနေဖြင့် မိမိတို့ဆောင်ရွက်နေသော ဌာနခွဲများ၏လုပ်ငန်းစဉ်များ၊ ဝန်ထမ်းနှင့် ရုံးလုပ်ငန်းဆိုင်ရာတာဝန်ဝတ္တရားများနှင့် အသိပညာများ၊ ရုံးလုပ်ငန်း၏အခြေခံသဘောတရားများ  အမြဲမပြတ်ကြိုးစားသင်ယူလေ့လာရန်၊ ဌာန၏ လုပ်ထုံးလုပ်နည်း၊ နည်းဥပဒေများကို သိရှိစေခြင်းရည်ရွယ်၍ ဆောင်ရွက်ခြင်းဖြစ်ကြောင်း သိရသည်။

          အဆိုပါဟောပြောပွဲတွင် ပထမဦးစွာ ခရိုင်ဦးစီးမှူးမှ ဝန်ထမ်းများ၏ စွမ်းဆောင်ရည် မြင့်မားလာစေရေးအတွက် ဝန်ထမ်းနှင့်ရုံးလုပ်ငန်းဆိုင်ရာ တာဝန်ဝတ္တရားများနှင့် အသိပညာများအမြဲမပြတ် ကြိုးစားသင်ယူလေ့လာရန်၊ ဌာန၏ လုပ်ထုံးလုပ်နည်း၊ နည်းဥပဒေများကို သိရှိစေခြင်း၊ ပြည်သူများနှင့် ထိတွေ့ဆောင်ရွက်ရာတွင် စွမ်းဆောင်ရည်မြင့်မားလာစေခြင်း၊ မိမိဌာန၏လုပ်ငန်းတာဝန်များအပြင် အခြားဌာနခွဲများ၏ လုပ်ငန်းတာဝန်များကိုလည်းသိရှိဆောင်ရွက်နိုင်စေရန် လေ့လာသင်ယူရန်  လိုအပ်ကြောင်း ကိုလည်းကောင်း၊ ဆက်လက်၍ လေးမျက်နှာမြို့နယ်ဦးစီးမှူးရုံးမှမြို့နယ်တာဝန်ခံ ဦးအောင်သန်းဌေးက ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်များပေါ်တွင် ဖော်ပြရမည့်  အချက်အလက်များ၊  တားမြစ်ချက်များနှင့်  ပြစ်မှုပြစ်ဒဏ်များအကြောင်း  စသည့်တို့ကို အကျယ်တဝင့် ရှင်းလင်းဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)