သတင်းနှင့် လှုပ်ရှားမှုများ

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ဈေးကွက်အတွင်း ဓာတ်မြေဩဇာ အမျိုးအစားအလိုက် ဖြန့်ဖြူးရောင်းချနေမှုအခြေအနေအား စက်တင်ဘာလ(၂)ရက်နေ့၊ နံနက်(၁၀:၀၀)နာရီအချိန်တွင်ရပ်ကွက်ကျေးရွာအုပ်စုများရှိ ဓာတ်မြေဩဇာအရောင်းဆိုင်များသို့ သက်ဆိုင်ရာဌာနများ ပူးပေါင်း၍ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

         ထိုသို့ကွင်းဆင်းစစ်ဆေးခဲ့ရာတွင်‌ ကော့မှူးမြို့နယ်အထွေထွေအုပ်ချုပ်ရေးမှူးဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်သမဝါယမဦးစီးဌာန၊ မြို့နယ်မြေစာရင်းဦးစီးဌာနတို့မှ တာဝန်ရှိသူများ ပူးပေါင်း၍ ကော့မှူးမြို့နယ် စည်ပင်လမ်း ပြည်တော်သာရပ်ကွက်၊ မကျီးတန်းရပ်ကွက်နှင့် ထမ္မနိုင်ကျေးရွာ၊ ဝါးဘလောက်သောက်ကျေးရွာ များရှိ ဓာတ်မြေဩဇာအရောင်းဆိုင်များမှ ဆိုင်ပိုင်ရှင်စီးပွားရေးလုပ်ငန်းရှင်များအား မိမိတို့ဖြန့် ဖြူးရောင်းချလျက်ရှိ‌သော ဓာတ်မြေဩဇာအမျိုးအစားအလိုက် ဈေးနှုန်းများအား သတ်မှတ်ရည် ညွှန်းဈေးနှုန်းများအတိုင်း ရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်းများ မပြု လုပ်စေရေးနှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်းများ မပြုလုပ်ကြရန် အသိပညာပေးပြောကြားခဲ့ပြီး  ယူရီးယားဓာတ်မြေဩဇာ ဝယ်ယူဖြန့်ဖြူးရောင်းချနေခြင်းရှိ/မရှိဓာတ်မြေဩဇာအမျိုးအစားအလိုက်ဈေးနှုန်းများအားစာရင်းကောက်ယူမြေပြင်ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(ရန်ကုန်)

            စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ တွံတေးခရိုင်၊ ကော့မှူးမြို့နယ်ဈေးကွက်အတွင်း အမှတ်တံဆိပ်ပြည်တွင်းထုတ်ရောနှောဆီများ ကုန်အညွှန်းအမှတ်အသားပြည့်စုံစွာဖော်ပြပါရှိစေရန် ရည်ရွယ်၍ စက်တင်ဘာလ(၁)ရက်နေ့၊ နံနက်(၀၉:၀၀)နာရီအချိန်တွင် ကော့မှူးမြို့နယ်ရှိ စည်ပင်သာယာမြို့မဈေးအတွင်း/အပြင်ရှိ ဈေး ဆိုင်များသို့ သက်ဆိုင်ရာဌာနများနှင့် ပူးပေါင်းကွင်းဆင်းစစ်ဆေးခဲ့ကြောင်း သိရသည်။

          ထိုသို့ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနနှင့် မြို့နယ်စည်ပင် သာယာရေးအဖွဲ့မှ တာဝန်ရှိသူများ ပူးပေါင်းအဖွဲ့ဖြင့် ကော့မှူးမြို့နယ်စည်ပင်သာယာမြို့မဈေး အတွင်း/အပြင်ရှိ အခြေခံစားသောက်ကုန်ပစ္စည်းအမျိုးမျိုးတို့အား ဖြန့်ဖြူးရောင်းချလျက်ရှိသော ကုန်ခြောက်ဆိုင်များတွင် ဈေးကွက်အတွင်းဖြန့်ဖြူးရောင်းချလျက်ရှိသောအမှတ်တံဆိပ်ပြည်တွင်းထုတ်ရောနှောဆီအမျိုးမျိုးတို့တွင်သက်ဆိုင်ရာဌာနများ၏ညွှန်ကြားချက်၊ ခွင့်ပြုချက်များ စားသုံးဆီအမျိုးမျိုးတို့တွင် ပင်ရင်းပါဝင်ပစ္စည်းကို အခြေခံဖော်ပြရမည့် ဟင်းသီးဟင်းရွက် ဆီ ( Vegetable Oil Cooking Oil)များအား ဖော်ပြပါရှိခြင်းရှိ/မရှိ စားသုံးသူရေးရာဦးစီးဌာနမှ စားသုံးဆီအမျိုးမျိုးတို့တွင် သတ်မှတ်ထားသော ညွှန်ကြားချက်များဖြစ်သည့် ကုန်အညွှန်းအမှတ် အသားဖော်ပြပါရှိရမည့် အချက်များပြည့်စုံစွာဖော်ပြထားခြင်းရှိ/မရှိ ပူးပေါင်းအဖွဲ့ဖြင့် ဈေးကွက် အတွင်းကွင်းဆင်းစစ်ဆေးခဲ့ကြောင်း သိရှိရပါသည်။  

DOCA(ရန်ကုန်)

               စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဒေါ်သစ္စာဖူး( ဦးစီးအရာရှိ ) ဦးဆောင်၍ ၂၀၂၆ ခုနှစ်၊ စက်တင်ဘာလ( ၉ ) ရက်နေ့၊  ( ၁၃:၀၀ ) နာရီအချိန်တွင် လွိုင်ကော်မြို့၊ ‌သီရိမင်္ဂလာဈေးရှိ အသင့်စားမုန့်အမျိုးမျိုးရောင်းချနေသော လက်လီ/လက္ကားကုန်စုံဆိုင်များသို့ မြန်မာ နိုင်ငံစားသုံးသူကာကွယ်ရေးကော်မရှင်၏( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက် များနှင့် ကိုက်ညီမှုရှိ/မရှိ သက်ဆိုင်ရာမိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေး ရာတွင်လွိုင်ကော်မြို့၊ သီရိမင်္ဂလာဈေးရှိ အသင့်စားမုန့်အမျိုးမျိုးရောင်းချနေသော လက်လီ/လက္ကား ကုန်စုံဆိုင်များ၌ ရောင်းချနေသောအသင့်စားမုန့်အများစုမှာ မြန်မာနိုင်ငံစားသုံးသူကာကွယ်ရေး ကော်မရှင်၏( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်များအနေဖြင့် ကုန်အညွှန်းအမှတ်အသားသတ်မှတ်ချက်များ နှင့် ကိုက်ညီမှုရှိသည့် အသင့်စားမုန့်များကိုသာ တင်သွင်းရောင်းချကြရန်၊ စီးပွားရေးလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းများနှင့်အညီ ဖြောင့်မတ်မှန်ကန်စွာဆောင်ရွက်ကြရန်နှင့် တရားမဝင် ကုန်စည်များ ရောင်းချခြင်း၏ဆိုးကျိုးများအား အသိပညာပေး ဈေးကွက်စောင့်ကြည့်စစ်ဆေးဆောင်ရွက် ခဲ့ကြောင်း  သတင်းရရှိပါသည်။

DOCA(ကယား)

          ၂၀၂၆ ခုနှစ်၊ စက်တင်ဘာလ ၈ ရက်နေ့၊ ၁၄း၀၀ နာရီအချိန်တွင် မြိတ်ခရိုင်ဦးစီးမှူးရုံးမှ ခရိုင် ဦးစီးမှူးနှင့်ဝန်ထမ်းများသည် မြိတ်မြို့ပေါ်ရှိ ဒေသတွင်း MSME လုပ်ငန်းများမှ ထုတ်လုပ်ဖြန့်ဖြူး ရောင်းချသည့် ထုတ်ကုန်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ သတ်မှတ်ချက်များနှင့်အညီ ပြည့်စုံမှန်ကန်စွာဖော်ပြပါရှိမှုများ ရှိ/မရှိ၊ ထုတ်လုပ်သည့်ရက်စွဲ/သက် တမ်းကုန်ဆုံးသည့်ရက်စွဲများ ဖော်ပြပါရှိမှုများ ရှိ/မရှိ၊ ထုတ်လုပ်သည့်နေရာ၊ ပါဝင်ပစ္စည်းများ ဖော်ပြ ပါရှိမှုများ ရှိ/မရှိအား မြိတ်မြို့၊ ရှမ်းချောင်းဝန်ထမ်းရပ်၊ ကြည်မျှော်(၂)လမ်းရှိ ရွှေခရုမုန့်တိုက်အား စစ်ဆေးဆောင်ရွက်ခဲ့ပါသည်။

          အဆိုပါစစ်ဆေးဆောင်ရွက်ရာတွင် မြိတ်မြို့၊ ရွှေခရုအမှတ်တံဆိပ်မုန့်တိုက်မှ ထုတ်လုပ်ဖြန့် ဖြူးရောင်းချလျက်ရှိသော ထုတ်ကုန်များတွင် ထုတ်လုပ်သည့်ရက်စွဲ/သက် တမ်းကုန်ဆုံးသည့် ရက်စွဲ များ ထုတ်လုပ်သည့်နေရာ၊ ပါဝင်ပစ္စည်းများ ဖော်ပြပါရှိကြောင်း စစ်ဆေးတွေ့ရှိရပြီး အခြားလိုအပ် သည်များအား ပြည့်စုံမှန်ကန်စွာပါရှိမှု ရှိစေရေးနှင့် ဌာနအနေဖြင့် လိုအပ်သည့်ကိစ္စရပ်များနှင့် ပတ် သက်၍ ကူညီဆောင်ရွက်ပေးနိုင်သည့်ကိစ္စရပ်များအား ကူညီဆောင်ရွက် ပေးသွားမည် ဖြစ်ကြောင်း ပြောကြားခဲ့ပါသည်။

DOCA(တနင်္သာရီ)

    စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ စစ်ဆေးရေးအရာရှိ ဦးမျိုးဝင်းနိုင် နှင့် ဝန်ထမ်းများသည် (၂၆-၈-၂၀၂၅) ရက် ၊ နံနက်(၁၁:၃၀) နာရီအချိန် ဘားအံမြို့ရှိ  စံဖရီးကျေးရွာ တောင်ကလေး စက်မှုဇုန်အတွင်း  ရပ်ကွက်လက်လီဆိုင်များတွင်  ရောင်းချနေသော စားသောက် ကုန်များကို ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေး ကော်မရှင် ညွှန်ကြားချက်အမှတ်၊ ၂/၂၀၁၉ နှင့်အညီ ကိုက်ညီမှု ရှိ / မရှိ ‌ဈေးကွက်စောင့်ကြည့် စစ်ဆေးခဲ့ကြောင်း သိရသည်။

          ထိုသို့ဈေးကွက်စောင့်ကြည့်စစ်ဆေးရာတွင် ကရင်ပြည်နယ်စားသုံးသူရေးရာကော်မတီ က  သတ်မှတ်ထားသော ဦးစားပေးဆောင်ရွက်မည့်  ကုန်စည် (၁၀) မျိုးထဲမှ အသင့်စားမုန့်အမျိုးမျိုးတွင် ကုန်အညွှန်းအမှတ်အသား ပြည်စုံစွာဖော်ပြထားမှု ရှိ/ မရှိ စစ်ဆေးဆောင်ရွက်ခဲ့ရာ ကုန်အညွှန်း အမှတ်အသား ပြည့်စုံစွာပါရှိသည်ကိုတွေ့ရှိရပါသည်။ စားသောက်ကုန်များ ရောင်းချရာ၌ FDA မှ ထောက်ခံချက်ရရှိသော စားသောက်ကုန်များနှင့် စားသုံးသူရေးရာ ဦးစီးဌာနမှ ဥပဒေနှင့်အညီ ပြဌာန်း သတ်မှတ်ထားသော ကုန်အညွှန်းအမှတ်အသားပြည့်စုံစွာဖော်ပြထားသည့် စားသောက်ကုန်များကို သာရောင်းချကြရန်၊ သက်ဆိုင်ရာဥပဒေလုပ်ထုံးလုပ်နည်းနှင့်အညီ  စားသောက်ကုန်များကို ရောင်းချ ကြရန်နှင့် ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော စားသောက်ကုန်များကို မရောင်းချရန် စစ်ဆေးပြောကြားခဲ့ကြောင်း သတင်းရရှိသည်။

DOCA(ကရင်)