သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင် မော်ကျွန်းမြို့နယ် တာဝန်ခံ ဦးမင်းဇော်လတ်သည် (၂၀.၂.၂၀၂၆ရက်နေ့ နေ့လယ်(၁၃:၃၀)နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် ပူးပေါင်းကာ စားသုံးသူပြည်သူများအား မော်ကျွန်းမြို့နယ် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး  Talk  Show  ပြုလုပ်ခဲ့ပါသည်။

       ထိုသို့ပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူ အသိပညာပေး Talk Show ပြုလုပ်ရခြင်း၏ ရည်ရွယ်ချက်အားရှင်းလင်းပြောကြားပြီး၊ စားသုံးသူရေးရာဦးစီးဌာန မြို့နယ်တာဝန်ခံမှ ဌာန၏မျှော်မှန်းချက်၊ ရည်မှန်းချက်များအား ရှင်းလင်းပြောကြားခဲ့ပြီး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်များမှ အခန်း(၉)ပါ စားသုံးသူ၏အခွင့်အရေးနှင့် တာဝန်များ၊ ဥပဒေအခန်း(၁၀)ပါ စီးပွားရေးလုပ်ငန်းရှင်၏တာဝန်များနှင့် ဥပဒေအခန်း(၂၃)ပါ တားမြစ်ချက်များ၊ ဥပဒေအခန်း(၂၄)ပါ ပြစ်မှုပြစ်ဒဏ်များ၊  ဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ) နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍တွဲလျှက်ဖြစ်စေ၊ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက်သတ်မှတ်ထားသည့် ဥပဒေများနှင့်အညီ လိုက်နာဆောင်ရွက်ကြရန် ဥပဒေတားမြစ်ချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ်များအတိုင်း ဆောင်ရွက်သွားမည်ဖြစ်ကြောင်း၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါအချက်အလက်များသိရှိလိုပါက မြို့နယ်စားသုံးသူရေးရာ တာဝန်ခံရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca. gov.mm web site တွင် ဝင်ရောက်လေ့လာနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)

                နတ်တလင်းခရိုင်၊ ပေါင်းတည်မြို့နယ် စားသုံးသူရေးရာဦးစီးဌာန၌ (၂၄-၂-၂၀၂၆) ရက်နေ့     နံနက် (၁၁:၀၀) နာရီ အချိန်တွင် ဒု-ခရိုင်ဦးစီးမှူး၊ ပေါင်းတည်မြို့နယ်၊ မြို့နယ်တာဝန်ခံနှင့် ဝန်ထမ်းများသည် ပေါင်းတည်မြို့နယ်အတွင်းရှိ စားအုန်းဆီ လက်လီလက်ကား ရောင်းချနေသော လုပ်ငန်းရှင်များနှင့် တွေ့ဆုံ ဆွေးနွေးမှုများ ပြုလုပ်ခဲ့ပါသည်။

          ထိုသို့ တွေ့ဆုံဆွေးနွေးရာတွင် ဒု-ခရိုင်ဦးစီးမှူးမှ မြို့နယ်အတွင်းရှိ စားအုန်းဆီ လက်လီ၊ လက္ကား ရောင်းချနေသော လုပ်ငန်းရှင်များကို ပြည်သူများသို့ ဆီရောင်းချရာတွင် Capital Connect ကုမ္ပဏီမှ Softwar စနစ်ထည့်သွင်း၍ ရောင်းချမည့် အစီအစဉ်အား ဆွေးနွေးခဲ့ပါသည်။ စားအုန်းဆီ ရောင်းချဖြန့်ဖြူးနေသော လက်လီ၊ လက္ကားလုပ်ငန်းရှင်များအား လိုက်ပါပူးပေါင်းဆောင်ရွက် ပေးပါ ရန်နှင့် ခွဲတမ်းရရှိသောဆီများအား ပြည်သူလက်ဝယ်သို့ ရောက်ရှိရေး၊ ဈေးနှုန်း မှန်ကန်စေရေး၊ နေရာမှန်ကန်စေရေး၊ လက်လီ/လက္ကားစာရင်း မှန်ကန်စေရေး၊ အချိန်မှန်စေရေး၊ အရေအတွက် မှန်စေရေး၊ အချိန်အတွယ်နှင့် အရည်အသွေးမှန်စေရေး စသော မှန် (၆) မှန်နှင့် အညီဆောင်ရွက်ပေးရန် ဆွေနွေးခဲ့ရာ ကိုယ်စားလှယ်များမှ လည်းသိလိုသည်များကို ပြန်လည် ဆွေးနွေးမေးမြန်းခဲ့ပြီး အဆိုပါ ဆွေးနွေးပွဲသို့ ဆီလုပ်ငန်းရှင် (၁၅)ဦးတက်ရောက် ခဲ့ကြောင်းသိရှိရပါသည်။

DOCA(ပဲခူး)

                 ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ဒိုက်ဦးမြို့နယ်တာဝန်ခံရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည်ငြိမ်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ၁၉.၂.၂၀၂၆ ရက်နေ့၌ ဒိုက်ဦးမြို့နယ်တာဝန်ခံ ဦးကျော်သက်မိုးသည် ပြန်ကြားရေး နှင့် ပြည်သူ့ဆက်ဆံရေးဦးစီးဌာနရုံးတွင် စားသုံးသူကာကွယ်ရေး အသိပညာပေး ဟောပြောခဲ့ကြောင်း သတင်းရရှိပါသည်။

               မြို့နယ်တာဝန်ခံသည် ပြန်ကြားရေးဝန်ကြီးဌာနလက်အောက်ရှိ ပြန်ကြားရေးနှင့် ပြည်သူ့ ဆက်ဆံရေးဦးစီးဌာနရုံးတွင် ဒိုက်ဦးမြို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ  တာဝန်ရှိသူနှင့်အတူ စားသုံးသူရေးရာဦးစီးဌာန၏ မျှော်မှန်းချက်များ၊ ရည်မှန်းချက်များ၊ စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ( Cosumer Information And Complaint Center) CICC ဖွင့်လှစ်ထားရှိမှု အခြေအနေ၊ စားသုံးသူကာကွယ်ရေးဥပဒေအကြောင်း၊ ဥပဒေပါအချက်အလက်များ အကြောင်း၊ စားသုံးသူကာကွယ်ရေးဥပဒေပါ (၂၀၁၉) ပါပြဌာန်းချက် များမှ စားသုံးသူတို့၏ အခွင့်အရေးနှင့်တာဝန်များအကြောင်း၊ စီးပွားရေးလုပ်ငန်းရှင်များ၏ တာဝန် များ၊ တားမြစ်ချက်များ၊ ပြစ်မှု ပြစ်ဒဏ်များအား အသေးစိတ်ဟောပြော ရှင်းလင်းခဲ့ကြောင်း သတင်း ရရှိပါသည်။

DOCA(ပဲခူး)

                  ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်အတွင်းရှိ  စိုက်ပျိုးရေးဆေးဆိုင်များအား တရားမဝင် ပိုးသတ်ဆေးများ ရောင်းချမှု ရှိ/မရှိ စစ်‌ဆေး၍ ငါးဖမ်းရာတွင် အသုံးပြုသည့်ဆေးများ စိစစ်ရောင်းချရေး အသိပေးခြင်းကို ဖေဖော်ဝါရီလ(၂၃)ရက်နေ့၊ နံနက်(၉)နာရီတွင် မြို့နယ်အဆင့် သက်ဆိုင်ရာဌာနများနှင့်ပူပေါင်း၍ ကွင်းဆင်းခဲ့ပါသည်။

          ထိုသို့စစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်ငါးလုပ်ငန်းဦးစီးဌာန၊ မြို့နယ်စည်ပင်သာယာရေးအဖွဲ့နှင့် မြို့နယ်စားသုံးသူရေးရာဦးစီဌာနတို့ ပူးပေါင်း၍ စိုက်ပျိုးရေးဆေးဆိုင်(၁၉)ဆိုင်အား  တရားမဝင်ပိုးသတ်ဆေး၊ ပေါင်းသတ်ဆေးများ ရောင်းချ ခြင်း မပြုကြရန်၊ မြန်မာကုန်အညွှန်းအမှတ်အသားပါသော တရားဝင်ဆေးများကိုသာ ဖြန့်ဖြူးရောင်းချသွားရန် အသိပေးဆွေးနွေးခဲ့ကြောင်း၊ ပိုးသတ်ဆေးဆိုင်များ လိုင်စင်သက်တမ်း ကုန်ဆုံးနေပါက သက်တမ်းတိုးခြင်း ပြုလုပ်ပြီးမှသာ ဆက်လက်ရောင်းချရန် ၊ စိုက်ပျိုးရေးသုံး ပိုးသတ်ဆေး၊ ပေါင်းသတ်ဆေးများဖြစ်သည့် အင်ဒိုစတား၊ Mic Chong Bao ၊ ဂေါ်ဇီလာဆေးများအား ငါးဖမ်းရာတွင် အသုံးမပြုကြရေး၊ ပစ္စည်းအဝင်/အထွက် မှတ်တမ်းရေးသွင်းရန်တို့အား သတိပေးမှာကြားခြင်းများ ဆောင်ရွက်ခဲ့ပါသည်။

DOCA(ပဲခူး)

         စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အရေးကြီးကုန်စည်နှင့်ဝန်ဆောင်မှုဥပဒေအရ Online Sale ရောင်းဝယ်မှုများအား အရေးကြီးဝန်ဆောင်မှုအဖြစ်သတ်မှတ်ထားသဖြင့် ကုန်သွယ်ရေးဦးစီးဌာနသို့ မှတ်ပုံတင်လျောက်ထားလာသည့် Online လုပ်ငန်းများကို စားသုံးသူရေးရာဦးစီးဌာနမှ မြေပြင်ကွင်းဆင်းစစ်ဆေးမှုများ ဆောင်ရွက်လျက်ရှိရာ စီးပွားရေးလုပ်ငန်းရှင်များအနေဖြင့် အွန်လိုင်းမှတ်ပုံတင်လုပ်ငန်းဆောင်ရွက်နိုင်စေရေး အသိပညာပေးခြင်းကို ၂၀၂၆ ခုနှစ်၊ ဖေဖော်ဝါရီလ (၂၀)ရက်နေ့ နေ့လယ်(၁၄:၀၀)နာရီအချိန်တွင် ဟင်္သာတမြို့ စည်ပင်သာယာစျေးအတွင်းရှိ ဈေးတာဝန်ခံရုံး၌ Online Sale ရောင်းချမှုနှင့်စပ်လျဉ်း၍ အလှကုန်၊ အဝတ်အထည်နှင့်လူသုံးကုန် စားသောက်ကုန်ရောင်းချသူ လုပ်ငန်းရှင်များအား အသိပညာပေး ဟောပြောခြင်းကို ဆောင်ရွက်ခဲ့ပါသည်။

       ထိုသို့ဆောင်ရွက်ရာတွင် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမိုးကျော်က အလှကုန်၊ အဝတ်အထည်နှင့် လူသုံးကုန်ပစ္စည်းရောင်းချရာတွင် အွန်လိုင်းမှတစ်ဆင့် ရောင်းချမှုမှာ ကျယ်ကျယ်ပြန့်ပြန့်ရောင်းဝယ်မှုဖြစ်လျက်ရှိကြောင်း၊ ထိုသို့ရောင်းချရာတွင် စီးပွားရေးလုပ်ငန်းရှင်များအနေဖြင့် အွန်လိုင်းမှတ်ပုံတင်ခြင်းလုပ်ငန်းကို ဆောင်ရွက်ရမည်ဖြစ်ကြောင်း၊  အွန်လိုင်းမှတ်ပုံတင် လျောက်ထားရာတွင် ကိုက်ညီရမည့်အချက်များ၊ အထောက်အထားများ၊ မှတ်ပုံတင်လက် မှတ်ရရှိသူ၏တာဝန်နှင့် အခွင့်အ‌ရေးများ၊ မှတ်ပုံတင်လက်မှတ်ဆိုင်းငံ့ခြင်း သို့မဟုတ် ပယ်ဖျက်ခြင်း ဆိုင်ရာအကြောင်းအရာများ၊ Online Sales မှတ်ပုံတင်လက်မှတ်ထုတ်ယူပုံအဆင့်ဆင့်၊ သက်တမ်းတိုးခြင်းနှင့်ပတ်သက်၍ သိရှိရန်အချက်များ၊ အွန်လိုင်းလုပ်ငန်းဆောင်ရွက်လိုသူများအနေဖြင့် တရားမဝင်တင်သွင်းလာသောကုန်ပစ္စည်းများအား ဝယ်ယူရောင်းချခြင်းမပြုရန်နှင့် အရေးကြီးကုန်စည်နှင့် ဝန်ဆောင်မှုဥပဒေပါ ပြစ်မှု၊ ပြစ်ဒဏ်တို့ကို အသိပညာပေးဆွေးနွေးခဲ့ကြောင်း၊  သတင်းရရှိပါသည်။

DOCA (ဧရာဝတီ)