သတင်းနှင့် လှုပ်ရှားမှုများ

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ပိန္နဲကုန်းကျေးရွာအုပ်စုဓမ္မာရုံတွင် စက်တင်ဘာလ(၂၆)ရက်နေ့၊ နံနက် (၀၉:၀၀)နာရီအချိန်တွင် မြို့နယ်မှတောင်သူအသိပညာပေး ကွင်းဆင်းကြီးကြပ်ရေးအဖွဲ့(၂)ဌာနဆိုင်ရာ တာဝန်ရှိသူများအား တောင်သူအသိပညာပေးခြင်း လုပ်ငန်းရှင်များ ကွင်းဆင်းစစ်ဆေးခဲ့ကြောင်း သိရသည်။

    ထိုသို့ တောင်သူအသိပညာပေး ကွင်းဆင်းဆောင်ရွက်ခဲ့ရာတွင် မြို့နယ်မြေစာရင်းဦးစီး ဌာန၊ မြို့နယ်စားသုံးသူရေးရာဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်စည်ပင်သာယာရေး အဖွဲ့၊ မြို့နယ်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာ၊ မြန်မာ့ဆက်သွယ်ရေးလုပ်ငန်း (စာတိုက်)တို့မှ တာဝန်ရှိသူများသည် အဖျောက်၊ ဇရပ်ကုန်း၊ ပိန္နဲကုန်းကျေးရွာအုပ်စုများမှ မိုးစပါး စိုက်တောင်သူများအား စိုက်ပျိုးသီးနှံများနှင့်ပတ်သတ်၍ ပန်းတိုင်အထွက်နှုန်းရရှိစေရေးအတွက် စိုက်နည်းစနစ်များ ပြောင်းလဲစိုက်ပျိုး ဆောင်ရွက်နိုင်ရေး၊ ရေရရှိရေး၊ ပေါင်းစပ်ညှိနှိုင်းရေး၊ အရည်သွေးမီသွင်းအားစုများ စနစ်တကျသုံးစွဲရေး၊ သီးနှံဖျက်ပိုးကာကွယ်ခြင်း၊ နှိမ်နှင်းခြင်းများ အတွက် ပိုးသတ်ဆေးသုံးစွဲမှုများအား စနစ်တကျအသုံးပြုနိုင်ရေး၊ ပိုးသတ်ဆေးဓာတ်ကြွင်းဓာတ် ကျန်များအား အထူးသတိပြုဆောင်ရွက်ကြရန်၊ မျိုးကောင်းမျိုးသန့်များအား တိုက်ရိုက်မျိုးစေ့ချ ကိရိယာဖြင့် ပြောင်းလဲစိုက်ပျိုးနိုင်ရေးနှင့် လယ်ယာမြေဥပဒေအကြောင်း ဆွေးနွေးခြင်း နွေစပါး အတွက်ရေရရှိရေး၊ ရေမြောင်းများ လိုအပ်ပါက တင်ပြတောင်းခံကြရန် တောင်သူအသိပညာပေး လုပ်ငန်းများအား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(  ရန်ကုန်)                       

    ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာန အနေဖြင့် ဆက်စပ်ဌာနများနှင့် ပူးပေါင်း၍ ကွင်းဆင်းစိစစ်ဆောင်ရွက်ခြင်းများအား စက်တင်ဘာ လ(၂၆)ရက်နေ့၊ နံနက်(၀၉:၃၀)နာရီအချိန်တွင် စိုက်ပျိုးရေးဦးစီးဌာနမှ ဦးဆောင်သော ဓာတ်မြေ ဩဇာဆိုင်များ စစ်ဆေးရာတွင် ပူးပေါင်း၍ ကွင်းဆင်းစိစစ်ခဲ့ကြောင်း သိရှိရသည်။

    ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် မြို့နယ်အထွေထွေအုပ်ချုပ်ရေးဦးစီး ဌာန အကြီးတန်းစာရေး ဦးသန့်ဇော်ဦး၊ မြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးကြည်စိန် နှင့်ဝန်ထမ်းများ၊ မြို့နယ်သမဝါယမဦးစီးဌာန ဦးစီးမှူး ဒေါ်ခင်ယုမွန်နှင့်ဝန်ထမ်းများ၊ မြို့နယ်စား သုံးသူရေးဦးစီးဌာန ဌာနခွဲစာရေး ဦးတင်ထွန်းဦးတို့ ပါဝင်သောပူးပေါင်းအဖွဲ့သည် မြို့နယ်အတွင်း ဓာတ်မြေဩဇာ ရောင်းချသည့် ဆိုင်များဖြစ်သည့် ဈေးပိုင်းရပ်ကွက်ရှိ ဒေါ်လာဝင်း ဓာတ်မြေ ဩဇာ အရောင်းဆိုင်၊ စန်းသော်တာ စိုက်ပျိုးရေးဓာတ်မြေဩဇာနှင့် မျိုးစေ့အရောင်းဆိုင်၊ ကိုကျော်မင်းသူ+ မသုန်သုန်ဖြိုး ဓာတ်မြေဩဇာ၊ ပိုးသတ်ဆေးနှင့်စိုက်ပျိုးရေးပစ္စည်းအမျိုးမျိုး အရောင်းဆိုင်များတွင် ယူရီးယား ဓာတ်မြေဩဇာ၊ တီစူပါ(သံကွင်း) ဓာတ်မြေဩဇာ၊ ပိုတက် ဓာတ်မြေဩဇာနှင့် ကွန်ပေါင်းဓာတ်မြေဩဇာများ၏ ရောင်းချသည့် ဈေးနှုန်းမြှင့်တက်မှုရှိ/မရှိ၊ အလေးချိန်ပြည့်ဝမှုရှိ/မရှိ၊ ပစ္စည်းပြတ်လပ်မှုရှိ/မရှိ ကွင်းဆင်းစိစစ်ခဲ့ကြောင်း သိရှိရသည်။

DOCA(  ရန်ကုန်)                                     

        မန္တလေးတိုင်းဒေသကြီး၊ ကျောက်ဆည်ခရိုင်၊ စားသုံးသူရေးရာဦးစီးဌာနမှ စစ်ဆေးရေးအရာရှိ များသည် စက်တင်ဘာလ(၂၃)ရက်နေ့တွင် မြစ်သားမြို့ရှိ ဆေးဆိုင်နှင့် စတိုးဆိုင်များသို့ DKSH Myanmar Ltd မှ တင်သွင်းသည့် ထောက်ခံချက်ရရှိထားသော Dumex Dupro Brand (နို့စို့ကလေးနှင့် ကလေးငယ်များအတွက်ဖော်စပ်စာ)များကို ဈေးကွက်အတွင်း ကုန်ပစ္စည်းအတုများ ဖြန့်ဖြူးရောင်းချမှု မရှိစေရေး၊ ထုတ်ကုန်များ လုံခြုံစိတ်ချရမှုရှိစေရန်နှင့် ကုန်အညွှန်းအမှတ်တံဆိပ်များ ပြည့်စုံစွာပါဝင်မှု ရှိစေရေးအတွက် စျေးကွက်စောင့်ကြည့်စစ်ဆေးခြင်းလုပ်ငန်းကို မြို့နယ်စည်ပင်သာယာရေးအဖွဲ့နှင့် ပူးပေါင်း ဆောင်ရွက်ခဲ့ပါသည်။ ထိုသို့စစ်ဆေးရာတွင် ဆေးဆိုင်နှင့် စတိုးဆိုင်များအား မြန်မာနိုင်ငံ စားသုံးသူကာကွယ်ရေးကော်မရှင် ညွှန်ကြားချက်အမှတ်(၂/၂၀၁၉)နှင့် စားသုံးသူကာကွယ်ရေးဥပဒေ အခန်း ၁၈ ပါ စီးပွား‌‌ရေးလုပ်ငန်းရှင်များ လိုက်နာရမည့် ကုန်အညွှန်းအမှတ်အသားဖော်ပြခြင်းနှင့် ပတ်သက်၍ပုဒ်မ(၄၁)ပါ အချက်အလက်များအား ရှင်းလင်းဆွေးနွေးခြင်းနှင့် ၄င်းအချက်အလက်များမှ ပုဒ်မ(ခ) ရှိ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှု အညွှန်း ၊ သုံးစွဲပုံနည်းလမ်း နှင့် ပုဒ်မ(ဆ)ရှိ ကျန်းမာရေးဆိုင်ရာ ဘေးထွက် ဆိုးကျိုး သို့မဟုတ် ဓါတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့အား မြန်မာ ဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍ ပြည့်စုံစွာ ဖော်ပြရ မည်ဖြစ်ပြီး စီးပွားရေးလုပ်ငန်းရှင်များဘက်မှလည်း ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်သွားကြရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

        ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်း စေရေး၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေး အသိပညာပေး ဟောပြောဆွေးနွေးပွဲများကျင်းပခြင်းနှင့် စျေးကွက်စောင့်ကြည့်စစ်ဆေးခြင်းလုပ်ငန်းတို့ကို စဉ်ဆက် မပြတ်ဆောင်ရွက်လျှက်ရှိရာ စက်တင်ဘာလ(၂၃)ရက်နေ့တွင် မြစ်သားမြို့နယ်၊ ကူမဲမြို့ အမှတ်(၅) ရပ်ကွက်၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပြုလုပ်ခဲ့ပါသည်။ ဟောပြောဆွေးနွေးပွဲတွင် ကျောက်ဆည်ခရိုင် စားသုံးသူရေးရာဦးစီးဌာနမှ ဦး‌ဇော်မင်းလတ် (ဒု-ခရိုင်ဦးစီးမှူး)က တက်ရောက်လာသည့် ရပ်ကွက်သူ/ရပ်ကွက်သားများအား စားသုံးသူ ကာကွယ်ရေးဥပဒေ၏ ရည်ရွယ်ချက်များ၊စားသုံးသူကာကွယ်ရေး ဥပဒေပါအချက်များဖြစ်သည့် စားသုံးသူများ၏ အခွင့်အရေးနှင့်တာဝန်များ ၊ စီးပွားရေးလုပ်ငန်းရှင်များ လိုက်နာရမည့်တာဝန်များ၊ ကုန်စည်ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများနှင့် စားသုံးသူ များနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး / ပြည်နယ် များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆိုတိုင်ကြား နိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca.gov.mm ထဲသို့ဝင်‌ရောက်ပြီး တိုင်ကြားနိုင်ပါကြောင်း ဆွေးနွေးပြောကြားခဲ့ပြီး အသိပညာပေးဟောပြောဆွေးနွေးပွဲသို့ ရပ်ကွက်သူ/ရပ်ကွက်သားများ စုစုပေါင်း(၂၀၀)ဦး တက်ရောက် ခဲ့ကြပြီး တက်‌ရောက်လာသော ရပ်ကွက်သူ/ရပ်ကွက်သားများအား စားသုံးသူအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မန္တလေး)

     စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယတိုင်းဒေသကြီးဦးစီးမှူး ဦးတင်မိုးအောင်နှင့် အရှေ့ပိုင်းခရိုင်ဦးစီးမှူး ဦးဇော်မင်းလတ်နှင့် ဝန်ထမ်းများကဦးဆောင် လျက် ဆီလုပ်ငန်းရှင်များအသင်းမှ တာဝန်ရှိသူများနှင့် ၊ သက်ဆိုင်ရာမြို့နယ်အုပ်ချုပ်ရေးမှုးများ၊ စားအုန်းဆီဝယ်ယူဖြန့်ဖြူးရောင်းချသည့်ကုမ္မဏီမှ တာဝန်ရှိသူများ၊  လက်ကားကိုယ်စားလှယ် များ၊ လက်လီကိုယ်စားလှယ်များနှင့် ရက်ကွက်အုပ်ချုပ်ရေးမှူးများပူးပေါင်း၍ ၂၆.၉.၂၀၂၅ ရက် နေ့၊ နေ့လယ်(၁၆း၃၀)နာရီအချိန်ခန့်တွင် စားအုန်းဆီဖြန့်ဖြူးသည့်အိမ်ထောင်စုများသို့ ကွင်းဆင်း စစ်ဆေးဆောင်ရွက်ခဲ့ကြောင်း သိရှိရပါသည်။

      ထိုသို့ စစ်ဆေးဆောင်ရွက်ရာတွင် ဒုတိယတိုင်းဒေသကြီးဦးစီးမှူး ဦးတင်မိုးအောင်က ဖြန့် ဖြူးသည့်ကုမ္မဏီများမှတဆင့် လက်ကားကိုယ်စားလှယ်၊ လက်လီကိုယ်စားလှယ်များအနေဖြင့် သတ်မှတ်ရည်ညွှန်းဈေးအပေါ် ၂ ရာခိုင်နှုန်းဖြင့်ရောင်းချမှုအခြေအနေတို့ကို ဖြန့်ဖြူးသည့်ရပ် ကွက်၊ ပိဿာအရေအတွက်၊ အိမ်ထောင်စုဦးရေနှင့်တစ်လလျှင်(၁)အိမ်ထောင်စု စားအုန်းဆီရရှိ မှုပိဿာတို့ကို ကွင်းဆင်းစစ်ဆေးခဲ့ရာ တောင်ဒဂုံမြို့နယ်၊ (၅)၊ (၁၃)၊ (၁၄)ရပ်ကွက်အတွင်းရှိ အိမ်ထောင်စုများအား မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (ရန်ကုန်)