သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာနမှ ဒုခရိုင်ဦးစီးမှူးဦးဆောင်၍ ဝန်ထမ်းများနှင့်အတူ မြို့နယ်စည်ပင်သာယာရေး၊ မြို့နယ်ကျမ်းမာရေးဦးစီးဌာနတို့ ပူးပေါင်း၍ ၂၀၂၅ခုနှစ်၊ နိုဝင်ဘာလ (၁၉)ရက်နေ့တွင် ဖျာပုံမြို့နယ်၊ ဒုတိယလမ်းရှိ “ဘေဘီဖက်ရှင်”ကလေးအသုံးအဆောင်ပစ္စည်းအရောင်းဆိုင်နှင့် မိဘအရိပ်”ကလေးအသုံးအဆောင်ပစ္စည်းအရောင်းဆိုင်သို့ ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် ဒုခရိုင်ဦးစီးမှူးမှ ကလေးအသုံးအဆောင်ပစ္စည်းအရောင်း ဆိုင်တွင် ရောင်းချနေသော ပစ္စည်းများတွင်  သက်တမ်းကုန်ဆုံးရက်ကျော်လွန်သောပစ္စည်းများ မရောင်းချစေရေး၊ ကုန်အညွှန်းအမှတ်အသားများ ပြည့်စုံစွာပါရှိပြီး သက်ဆိုင်ရာဌာနများ၏ ထောက်ခံချက်များ ပါရှိသော ပစ္စည်းများရောင်းချစေရေးနှင့် လိုအပ်သည်များမှာကြားခဲ့ကြောင်း သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည်၂၀၂၅ ခုနှစ်၊နိုဝင်ဘာလ (၁၈)ရက်နေ့မနက် (၁၂:၀၀) နာရီတွင် ဆီလုပ်ငန်းရှင်အသင်းနှင့် တွေ့ဆုံဆွေးနွေး ခဲ့ပါသည်။

    ဆီကုန်သည်နှင့် ဆီလုပ်ငန်းရှင်အသင်း(ယာယီ)တို့၂၀၂၄ ခုနှစ်၊ဇန်နဝါရီလ(၁၆)ရက်နေ့တွင် ဆီလုပ်ငန်းရှင်(၁၁)ဦးဖြင့် ဥက္ကဌ၊ ဒု-ဥက္ကဌ၊အတွင်းရေးမှူး၊ဘဏ္ဍာရေးမှူး၊စာရင်းစစ်၊အမှုဆောင်အဖွဲ့ ဝင်များဖြင့် အသင်းဖွံ့ဖြိုးတိုးတက်အောင် ဆောင်ရွက်နေပါကြောင်း မြို့နယ်အနေဖြင့် ဆီလက်လီ/ လက်ကားကိုယ်စားလှယ်များအား ကျေးရွာ၊ရပ်ကွက်၊ အိမ်ထောင်စုများကိုဆီစာအုပ်များဖြင့်ရောင်း ချရာတွင် ဈေးနှုန်းမှန်ကန်စွာရောင်းချရေး အရည်အသွေးပြည့်ဝသည့်ဆီများအား အလေးချိန်ခွင် မှန်ကန်စွာ ရောင်းချရေး၊ သတ်မှတ်ရည်ညွှန်းဈေးဖြင့် ရောင်းချခြင်းရှိ/မရှိတိုကို စားသုံးသူဌာနနှင့် ပူးပေါင်း၍ အပတ်စဉ်၊ လစဉ်ကွင်းဆင်းဆောင်ရွက်ရာတွင် ပူးပေါင်းဆောင်ရွက်နိုင်ရေးကို စားသုံးသူ များ စိတ်ကျေနပ်စွာ ရောင်းချပေးကြရန် ဆီအသင်းကြီးမှ ကြီးကြပ်ဆောင်ရွက်ပေး ရန်လိုကြောင်း တွေ့ဆုံဆွေးနွေးခဲ့ကြောင်း သတင်းရရှိခဲ့ပါသည်။

DOCA(ဧရာဝတီ)

     ဖျာပုံခရိုင်၊ဒေးဒရဲမြို့နယ်စားသုံးသူရေးရာဦးစီးဌာမှမြို့နယ်တာ၀န်ခံနှင့်၀န်ထမ်းတို့သည်     စည်ပင်သာယာရေးဦးစီးဌာနနှင့် ပူးပေါင်း၍(၁၉-၁၁-၂၀၂၅) ရက်နေ့၊ မွန်းလွဲ(၁၄:၀၀)နာရီ အချိန် တွင်ဒေးဒရဲမြို့အမှတ်၁ရပ်ကွက်ရှိ အေးမေတ္တာစတိုး၊ဖူးပွင့်စံစတိုး၊ရွှေနန်းထွဋ် စတိုးဆိုင်များတွင် ရောင်းချသော Baby Mildအမှတ်တံဆိပ်ကလေးတစ်ကိုယ်ရည်သုံး ပစ္စည်းများအားဈေးကွက် စောင့်ကြည့်စစ်ဆေးခြင်းကိုဆောင်ရွက်ခဲ့ပါသည်။
          ထိုသို့ကွင်းဆင်းစစ်ဆေးရာတွင် စားသုံးသူများဘေးအန္တရာယ်ကင်းရှင်းစေရန် အတွက်ဈေး ကွက်အတွင်းရောင်းချလျက်ရှိသော ကလေးတစ်ကိုယ်ရည်သုံးပစ္စည်းများတွင် ကုန်စည်အမျိုးအစား အလိုက် ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်းရှိ/မရှိတို့ကို စစ်ဆေးခဲ့ပြီး
စားသုံးသူကာကွယ်ရေး ဥပဒေအခန်း(၁၈)ပုဒ်မခွဲ၄၁၊၄၂၊၄၃နှင့်အညီကုန်အညွှန်းအမှတ်အသား ပြည့်
စုံစွာဖော်ပြထားသောကုန်စည်များကိုရောင်းချလျက်ရှိကြောင်း သတင်းရရှိရပါသည်။

DOCA(ဧရာဝတီ)

   မြန်မာနိုင်ငံစက်သုံးဆီတင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့်တိုင်းဒေသကြီး၊ပြည်နယ်အလိုက်မြို့ကြီးများ၏ရည်ညွှန်းလက္ကားဈေးနှုန်းများအားနေ့စဉ် သတ်မှတ် ထုတ်ပြန်ပေးလျက်ရှိရာ ဒေးဒရဲမြို့နယ်စားသုံးသူရေးရာဦးစီးဌာန၊ စည်ပင်သာယာ‌‌ရေးဦးစီးဌာန နှင့်မီးသတ်ဦးစီးဌာနတို့ပူးပေါင်း၍ စက်သုံးဆီအရောင်းဆိုင်များသို့ ကွင်းဆင်းခြင်းကိုဆောင်ရွက်ခဲ့ ပါသည်။
     ဒေးဒရဲမြို့နယ်တွင်စက်သုံးဆီဆိုင်(၄)ဆိုင်ပုံမှန်ဖွင့်လှစ်ရောင်းချလျက်ရှိကာစက်သုံးဆီပြတ် လပ်မှု မရှိဘဲ(PPRD)စက်သုံးဆီတင်သွင်းသိုလှောင်ဖြန့်ဖြူးခြင်း ကော်မတီမှနေ့စဉ်သတ်မှတ် ထုတ်ပြန်ထားသော စက်သုံးဆီရည်ညွှန်းဈေးနှုန်းအတိုင်း ရောင်းချပြီးအချိန်အတွယ်နှင့်အလေးချိန် မှန်ကန် စွာ ရောင်းချလျက်ရှိကြောင်းစစ်ဆေးတွေ့ရှိရသည်ဟု သတင်းရရှိပါသည်။ 

DOCA(ဧရာဝတီ)

                      ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်း စေရေး၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေး အသိပညာပေး ဟောပြောဆွေးနွေးပွဲများကျင်းပခြင်းနှင့် စျေးကွက်စောင့်ကြည့်စစ်ဆေးခြင်းလုပ်ငန်းတို့ကို စဉ်ဆက် မပြတ်ဆောင်ရွက်လျှက်ရှိရာ နိုဝင်ဘာလ(၂၄)ရက်နေ့တွင် စဉ့်ကိုင်မြို့၊ မြို့သစ်ရပ်ကွက်၌ စားသုံးသူ ကာကွယ်ရေးအသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ပါသည်။ ဟောပြောဆွေးနွေးပွဲ တွင် ကျောက်ဆည်ခရိုင် စားသုံးသူရေးရာဦးစီးဌာနမှ ဦး‌ဇော်မင်းလတ် (ဒု-ခရိုင်ဦးစီးမှူး)က တက်ရောက်လာသည့် ကျေးရွာသူ/ကျေးရွာသားများအား စားသုံးသူကာကွယ်ရေးဥပဒေ၏ ရည်ရွယ် ချက်များ၊ စားသုံးသူကာကွယ်ရေး ဥပဒေပါ အချက်များဖြစ်သည့် စားသုံးသူများ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ လိုက်နာရမည့်တာဝန်များကို အကျယ်တဝင့် ဆွေးနွေး ပြောကြားခဲ့ပြီး၊ ဦးစိုးလွင် (စဉ့်ကိုင်မြို့နယ်တာဝန်ခံ)မှ စားသုံးသူကာကွယ်ရေး ဥပဒေ၏ ရည်ရွယ် ချက်များ၊ စားသုံးသူကာကွယ်ရေး ဥပဒေပါအချက်များဖြစ်သည့် စားသုံးသူများ၏ အခွင့်အရေးနှင့် တာဝန်များ၊ ကုန်စည်ဝန်ဆောင်မှုနှင့်စပ်လျဉ်း၍ အာမခံပေးထားသည့်အပေါ် စားသုံးသူက တောင်းဆိုနိုင်သည့် အခွင့်အရေးနှင့် စားသုံးသူများနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး/ ပြည်နယ်များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆိုတိုင်ကြားနိုင်သည့်အပြင် စားသုံးသူရေးရာ ဦးစီးဌာန၏ Website ဖြစ်သော www.doca.gov.mm ထဲသို့ဝင်‌ရောက်ပြီး တိုင်ကြားနိုင်ပါကြောင်း ဆွေးနွေးပြောကြားခဲ့ပြီးအသိပညာပေးဟောပြောဆွေးနွေးပွဲသို့ကျေးရွာသူ/ကျေးရွာသားများစုစုပေါင်း(၂၀၀)ဦးတက်ရောက်ခဲ့ကြပြီးတက်‌ရောက်လာသော ကျေးရွာသူ/ကျေးရွာသားများအားစားသုံးသူအသိပညာပေးလက်ကမ်း စာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မန္တလေး)