သတင်းနှင့် လှုပ်ရှားမှုများ

      (၁၅.၆.၂၀၂၅) ရက်နေ့မှ (၁၆.၆.၂၀၂၅)ရက်နေ့များတွင်  ဓနုဖြူမြို့နယ်အတွင်းရှိ Gasifier သုံးဆန်စက်များတွင် ရေစစ်ကန်များ စံနစ်တကျအသုံးပြုနေမှုအခြေအနေအား သဘာဝပတ်ဝန်းကျင်ထိန်းသိမ်းရေးဦးစီးဌာန၊ စက်မှုကြီးကြပ်ရေး ဦးစီးဌာနတို့နှင့် ပူးပေါင်း၍ ကွင်းဆင်းစစ်ဆေးဆောင်ရွက်ခဲ့ပါသည်။

       ကွင်းဆင်းစစ်ဆေးရာတွင် ဆန်စက်လုပ်ငန်းရှင်များနှင့် တွေ့ဆုံ၍ စီးပွားရေးလုပ်ငန်းများ ဖွံ့ဖြိုးတိုးတက်စေရန် နိုင်ငံတော်အတွက်လိုအပ်သည့် လျှပ်စစ်ဓာတ်အားကို မိမိတို့မြို့နယ်မှ တစ်ဖက်တစ်လမ်းကအထောက်အကူပြု၍ အဓိကကျသော လျှပ်စစ်ဓာတ်အားရရှိခြင်းဖြင့် ဒေသတွင်းကုန်ထုတ်မှုစွမ်းအားများမြင့်တက်၍ လူမှုစီးပွားဘဝဖွံဖြိုးတိုးတက်လာမည်ဖြစ်ကြောင်း ဆွေးနွေးခြင်း၊ စပါးခွံကိုအသုံးပြု၍ လျှပ်စစ်ဓာတ်အားထုတ်လုပ်နိုင်မှုအခြေအနေမှာ Gasifier အသုံးပြုလည် ပတ်လျက်ရှိသော ဆန်စက်များမှ Gasifier အသုံးပြုဆန်စက်များမှ ထွက်ရှိသော ရေဆိုးများကို ပြန်လည်သန့်စင်ရန် ရေဆိုးစစ်ကန်ကို အုတ်ကျိုး၊ ဖွဲပြာ၊ ဗေဒါ၊ မီးသွေး အဆင့်လေးဆင့်ဖြင့် စနစ်တကျစစ်ထုတ်ကာ Recycle ပြုလုပ်ပြီး ရေသန့်ပြန်လည်ရရှိရေး၊ ရေဆိုးစစ်ကန်များ စနစ်တကျပြုလုပ် ၍ လည်ပတ်နိုင်ရေး၊ လျှပ်စစ်အင်ဂျင် သက်တမ်းကြာရှည်စွာအသုံးပြုနိုင်ရေး၊ Gasifier ဓာတ်ငွေ့တွင် ကတ္တရာပါဝင်မှုလျော့ကျစေရေး နည်းပညာ အသစ်များအသုံးပြု၍ ဆောင်ရွက်သွားရန် ဆန်စက်ရှိဝန်ထမ်းများ၏ ကျန်းမာရေးထိခိုက်မှုမရှိစေရေး၊ အနံဆိုးများမထွက်စေရန်နှင့် ပတ်ဝန်းကျင် ထိခိုက်မှုမရှိစေရန် Gasifier ဖွံဖြိုးတိုးတက်ရေး၊ နည်းပညာအဆင့်မြှင့်တင်ရေး၊ ပတ်ဝန်းကျင်ထိခိုက်မှုမရှိစေရေးတို့အတွက် ကွင်းဆင်းကြပ်မတ်ဆောင်ရွက်လျက်ရှိကြောင်း သိရသည်၊၊

DOCA(ဧရာဝတီ)

    (၁၅.၆.၂၀၂၅)ရက်နေ့၊နံနက် (၁၀:၀၀)နာရီတွင် ဓနုဖြူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊မြို့နယ်ကျန်းမာရေးဦးစီးဌာန၊ မြို့နယ်အရံမီးသတ်တပ်ဖွဲ့၊မြို့နယ် စားသုံးသူရေးရာဦးစီးဌာန၊ များပါဝင်သောပူးပေါင်းအဖွဲ့မှ မြို့နယ် သန့်ရှင်သာယာရေးအဖွဲ့၊  အမှိုက်ပုံး(၄)မျိုးသုံးစွဲပုံနှင့် စနစ်တကျ အမှိုက်စွန့်ပစ်ရေး ပညာပေးဆောင်ရွက်ခဲ့ကြသည်။

     ဆောင်ရွက်ရာတွင် ခရီးသွားမိဘပြည်သူများအ​​နေဖြင့် အမှိုက်များကိုလမ်းဘေးဝဲယာတွင် လွယ်လင့်တကူ မစွန့်ပစ်ရန်နှင့် ခရီးသွားကားများပေါ်တွင် အမှိုက်ပုံးများထားရှိပေးထားသည့်အတွက် စနစ်တကျစွန့်ပစ်ကြရန်၊ မြို့တွင်း၌အမှိုက် စွန်ပစ်ခြင်းများတွေ့ရှိပါက ကားများကိုရပ်တန့်စေပြီး ဒါဏ်ရိုက်အရေးယူခြင်းများ ဆောင်ရွက်သွားမည်ဖြစ်ကြောင်းနှင့် အမှိုက်စွန့်ပစ်ရမည့် နေရာများတွင်သာ အမှိုက်များအားစနစ်တကျ စွန့်ပစ်စေရေးအသိပညာပေးခြင်းများ တစ်ခါသုံးပလတ်စတစ်ပစ္စည်းများ ထုတ်လုပ်သုံးစွဲမှုကိုလျှော့ချခြင်း၊ ရေရှည်စဉ်ဆက်မပြတ်သော အခြားနည်းလမ်းများ၊ ပစ္စည်းများကိုရှာ ဖွေဖော်ထုတ်ခြင်းများ၊ စက်မှုလုပ်ငန်းများ၊ ပြည်သူလူထုအစုအဖွဲ့များနှင့် တစ်ဦးချင်းစီ အတူတကွပူးပေါင်း ဆောင်ရွက်ကြမှသာ စွန်ပစ်ပစ္စည်းစီမံခန့်ခွဲမှုကို လျော့ချနိုင်ဖြစ်ကြောင်း အသိပညာပေးခဲ့ကြောင်း သတင်းရရှိပါသည်။

DOCA(ဧရာဝတီ)

      မန္တလေးတိုင်းဒေသကြီး မြင်းခြံခရိုင် စားသုံးသူရေးရာဦးစီးဌာနသည် စားသုံးသူပြည်သူများ ကုန်စည်နှင့်ဝန်ဆောင်မှုများ သုံးစွဲရာတွင် ထိခိုက်နစ်နာမှုမရှိစေရေး၊ လုံခြုံစိတ်ချရမှုရှိစေရေး၊ ဥပဒေ ပြဌာန်းချက်များနှင့်ကိုက်ညီမှုမရှိဘဲ မမှန်မကန် ထုတ်လုပ်ဖြန့်ဖြူးရောင်းချလျက်ရှိသော ကုန်စည် များနှင့်လုံခြုံစိတ်ချရမှုမရှိသော ကုန်စည်များလျော့နည်းပပျောက်သွားစေရေးတို့အတွက် နေရာစုံ၌ နည်းလမ်းပေါင်းစုံဖြင့် စီးပွားရေးလုပ်ငန်းရှင်များအပါအဝင် စားသုံးသူပြည်သူတစ်ရပ်လုံးကို အသိ ပညာပေးလျက်ရှိသလို တဖက်မှလည်း ဈေးကွက်များအတွင်း ရောင်းချမှုမရှိစေရေး ဈေးကွက်စောင့် ကြည့်စစ်ဆေးခြင်းများကို အစဉ်တစိုက်ဆောင်ရွက်လျက်ရှိပါသည်။

            စားသုံးသူရေးရာဦးစီးဌာနသည် (၉.၆.၂၀၂၅)ရက်နေ့၊ နံနက် (၁၁:၀၀) နာရီအချိန်တွင် ဦးတင်ဇော်ထွေး (ဒု-ခရိုင်ဦးစီးမှူး) ဦးဆောင်၍ ဝန်ထမ်းများသည် မြင်းခြံမြို့၊ မြို့မစည်ပင်သာယာ ဈေးအတွင်းရှိ မမာဆွေ ကုန်မျိုးစုံအရောင်းဆိုင်အား အသင့်စားခေါက် ဆွဲခြောက်ထုပ်များရောင်း ချမှုကို ကွင်းဆင်းစစ်ဆေးခြင်း ဆောင်ရွက်ခဲ့ကြသည်။ ပူးပေါင်းအဖွဲ့ဝင်များသည် ရောင်းချသော ကုန်စည်များတွင်  စားသုံးသူကာကွယ်ရေးဥပဒေပါ ကုန်အညွှန်းအမှတ် အသားဖော်ပြခြင်းများနှင့် ကိုက်ညီသော ကုန်စည်များသာရောင်းချစေရေး၊ မြန်မာဘာသာဖြင့်  ဖော်ပြထားသော ကုန်စည်များ ရောင်းချစေရေးတို့အတွက် စစ်ဆေးမှုများဆောင်ရွက်ခဲ့ပြီး၊ စစ်ဆေးမှုများတွင် သတ်မှတ်ချက်များနှင့် ကိုက်ညီမှုရှိသော ခေါက်ဆွဲခြောက်အထုပ်များကိုသာ ရောင်းချမှုရှိကြောင်း တွေ့ရှိရပြီး စားသုံးသူရေးရာဦးစီးဌာနအနေဖြင့် စားသုံးသူပြည်သူများ ကုန်ပစ္စည်းများကို ဝယ်ယူသုံးစွဲရာတွင် လုံခြုံ စိတ်ချရမှုရှိပြီး၊ ဘေးအန္တရာယ်ကင်းရှင်းစေရန်နှင့် ဖြစ်သင့်ဖြစ်ထိုက်သော ဈေးနှုန်းများနှင့်သာ ဝယ်ယူသုံးစွဲနိုင်ရေး၊ ထိခိုက်နစ်နာဆုံးရှုံးမှုများ မဖြစ်ပေါ်စေရေးတို့အတွက် စဉ်ဆက်မပြတ် ဈေး ကွက်စောင့်ကြည့် စစ်ဆေးမှုများ ဆောင်ရွက်သွားမည်ဖြစ်ကြောင်း သိရှိရပါသည်။

DOCA(မန္တလေး)

       ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ ဒုဦးစီးမှူးသည်  သာပေါင်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးမှူးရုံး၌ စားသုံးသူကာကွယ်ရေးဥပဒေပါ စားသုံးသူ၏ အဓိပ္ပာယ်နှင့် စားသုံးသူများရရှိနိုင်မည့်တာဝန်များ အကျယ်တဖွင့် ရှင်းလင်း၍ စားသုံးသူအသိပညာပေး TALK SHOW ပြုလုပ်ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

       ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူးသည် သာပေါင်းမြို့နယ်တာဝန်ခံရုံး၌ ကွင်းပေါက်ကျေးရွာအုပ်စု၊ လက်ခုပ်ကျေးရွာမှ ဦးရဲဇော်မျိုး၏ (ဆီစက်သေး) အသစ်တည်ဆောက်ပြီးစီးမှုအား လုပ်ငန်းရှင်တွေ့ဆုံဆွေးနွေးခဲ့ရာတွင် ဆီစက်၏ လုပ်ငန်းလိုင်စင်၊ စက်မှုကြီးကြပ်မှတ်ပုံတင်များ ပြည့်စုံစွာဆောင်ရွက်ထားရှိရန်၊ ထုတ်လုပ်မှုအရည်အသွေး ကောင်းမွန်စေရန်နှင့် လုပ်သားများ ဘေးအန္တာရာယ်ကင်းရှင်းစေရန် စိတ်ချလုံခြုံရသော စက်ကိရိယာများ ရွေးချယ်သုံးစွဲရန် ဆီစက်မှ ဆီထွက်ရှိနှုန်း၊ တစ်နေ့ပျှမ်းမျှကြိတ်ခွဲနိုင်မှု၊ ဈေးနှုန်းဈေးကွက်အခြေအနေတို့ကို လုပ်ငန်းရှင်တွေ့ဆုံဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)