သတင်းနှင့် လှုပ်ရှားမှုများ

                 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်လေး ပင်မြို့နယ်တာဝန်ခံရုံးအနေဖြင့် ကုန်ဈေးနှုန်းတည်ငြိမ်ရေးလုပ်ငန်းများ၊ စားသုံးသူပြည်သူများ၏ ဘေးကင်း လုံခြုံရေးကိစ္စရပ်များကို အားတက်ကြိုးပမ်း ဆောင်ရွက်လျက်ရှိရာ ၄.၅.၂၀၂၆ ရက်နေ့ တွင် ညောင်လေးပင်မြို့နယ်တာဝန်ခံ ဦးကျော်သက်မိုးနှင့် ဌာနခွဲစာရေး ဒေါ်ကြည်ကြည်ထွန်း၊ နေ့စားဝန်ထမ်း ဦးခန့်နောင်ဦးတို့သည် ပြွန်တန်ဆာမြို့ရှိ ဒေါ်ရွှေပိုင်၏ (ရွှေပိုင်) စိုက်ပျိုးရေးသုံး ဆေးပစ္စည်းအရောင်းဆိုင်အား အဖွဲ့ဖြင့် ကွင်းဆင်းစစ်ဆေးခဲ့ကြောင်း သတင်းရရှိပါသည်။

                   မြို့နယ်တာဝန်ခံနှင့် အဖွဲ့တို့သည် သက်ဆိုင်ရာမိတ်ဖက်ဌာနများဖြစ်သော ပြွန်တန်ဆာမြို့မ ဈေးတာဝန်ခံ၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့်အတူ ပြွန်တန်ဆာမြို့ရှိ ဒေါ်ရွှေပိုင်၏ (ရွှေပိုင်) စိုက်ပျိုးရေးသုံး ဆေးပစ္စည်းအရောင်းဆိုင်အားဈေးနှုန်းမြှင့်တင် ရောင်းချခြင်းများ မပြုလုပ်ရန်၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများ မပြုလုပ်ကြရန်၊ သက်တမ်းကျော်လွန် ပြီးသော စိုက်ပျိုးရေးသုံး ဆေးပစ္စည်းများအား ရောင်းချခြင်း မပြုလုပ်ရန်၊ စိုက်ပျိုးရေးသုံး ဆေးပစ္စည်းများ၏ အကျိုးနှင့် အပြစ်ကို ဆေးပစ္စည်းသုံးစွဲသူ တောင်သူများအား သိရှိနားလည်အောင် ရှင်းပြရန်၊ စိုက်ပျိုးရေးသုံး ဆေးပစ္စည်းများအား မည်သို့မည်ပုံ အသုံးပြုရမည်၊ သီးနှံများ အထွက်တိုးအောင် မည်ကဲ့သို့ သုံးစွဲရမည်ကို ရှင်းပြရန်လိုအပ်ကြောင်းတို့ကို အသိပညာပေး ဟောပြောခဲ့ကြောင်း သတင်းရရှိပါသည်။

DOCA(ပဲခူး)

            ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်အတွင်း ရောင်းချလျက်ရှိ သော  ရွှေဆိုင်များအား နိုင်ငံတော်က သတ်မှတ်ထားသည့် ရည်ညွှန်းဈေးဖြင့် ရောင်းချခြင်း ရှိ၊ မရှိ ကွင်းဆင်းစစ်ဆေးခြင်းကို မေလ ၄ ရက် နံနက် ၁၀ နာရီက ပူးပေါင်းအဖွဲ့ဖြင့် ကွင်းဆင်း စစ်ဆေးခဲ့ကြောင်း သိရသည်။

                   စစ်ဆေးဆောင်ရွက်ရာတွင် မအူပင်ခရိုင် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ နှင့်ကော်မတီဝင်များ၊ မြို့နယ်ကော်မတီဝင်များ၊ မြို့နယ် စားသုံးသူရေးရာတာဝန်ရှိသူများ  ဌာနဆိုင်ရာများပါဝင်သော ပူးပေါင်းအဖွဲ့သည့် ပန်းတနော်မြို့နယ်အတွင်း ရောင်းချလျက်ရှိသည့် ရွှေဆိုင်များအား ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်း လိုင်စင်လျှောက်ထား ရယူထားရှိ ရှိ/မရှိ၊နိုင်ငံတော်က သတ်မှတ်ထားသော စံချိန်စံညွှန်းကိုက်ညီသည့် ဓာတ်သတ္တု (ရွှေ)ကိုသာ ရောင်းချခြင်း၊ ဝယ်ယူခြင်းရှိ/မရှိ၊ ဓာတ်သတ္တု (ရွှေ)ရောင်းဝယ်ခြင်း ဝန်ဆောင်မှု လုပ်ငန်းနှင့်စပ်လျဉ်း၍ ပြည်ထောင်စုအစိုးရအဖွဲ့က ဖွဲ့စည်းပေးထားသော ဓာတ်သတ္တု (ရွှေ)ရည်ညွှန်းဈေး သတ်မှတ်ရေးကော်မတီက သတ်မှတ်ထုတ်ပြန်ထားသည့် ရည်ညွှန်းဈေးဖြင့် ရောင်းဝယ်ခြင်း၊ ရှိ/မရှိစိစစ်ခြင်း၊ တည်ဆဲအခွန်ဆိုင်ရာဥပဒေများ၊ နည်းဥပဒေများ၊ စဉ်းမျဉ်းများ၊ လုပ်ထုံးလုပ်နည်းများနှင့်အညီ အခွန်ထမ်းဆောင်သူ ဟုတ်၊ မဟုတ်စိစစ်ခြင်း၊ ရွေရောင်းဝယ်မှု ဝန်ဆောင်မှုလုပ်ငန်းဆိုင်ရာ ငွေပေးခြေမှု၊ ငွေးကြေးလွှဲပြောင်းဆောင်ရွက်မှုများ၊ ဗဟိုဘဏ် ထုတ်ပြန်ထားသောစည်းမျဉ်းစည်းကမ်းများ၊ သက်ဆိုင်ရာစည်ပင်သာယာရေးအဖွဲ့၏ လုပ်ငန်း လိုင်စင် ရယူထား ခြင်းရှိ/မရှိနှင့်အမှတ်(၂) သတ္တုတွင်းလုပ်ငန်းက ရွှေရောင်းဝယ်ခြင်း ဝန်ဆောင်မှု လုပ်ငန်း လုပ်ကိုင်ခွင့်ပြုထားသော နေရာတွင်သာ ရွှေရောင်းဝယ်ခြင်းရှိ/မရှိတို့အား ပူးပေါင်းအဖွဲ့ဖြင့် သတ်မှတ်စည်းကမ်းချက်များအား ပန်းတနော် မြို့နယ်အတွင်းရောင်းချလျက်ရှိသော ရွှေပုထိမ်(၅) ဆိုင်အား စစ်ဆေးခဲ့ကြောင်း သိရသည်။

DOCA(ဧရာဝတီ)

    ၂၀၂၆ခုနှစ်၊ ဧပြီလ ၁၁  ရက်နေ့၊ နံနက် ၁၀:၀၀ နာရီအချိန်၌ စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးနေဝေယံဦး(လ/ထ ညွှန်ကြားရေးမှူး) ဦးဆောင်၍ ဝန်ထမ်း (၆) ဦးတို့သည် အထွေထွေအုပ်ချုပ်ရေးဦးစီးဌာန၊ အစားအသောက်နှင့် ဆေးဝါးကွပ်ကဲရေး ဦးစီးဌာန တို့နှင့် ပူးပေါင်း၍ ဇမ္ဗူသီရိမြို့နယ်၊ အလျင်လိုကျေးရွာရှိ  ဆားထုတ်လုပ် ဖြန့်ဖြူး ရောင်းချသည့်  လုပ်ငန်းသို့  ဈေးကွက်မရောက်မီ စောင့်ကြည့် စစ်ဆေးခြင်း ဆောင်ရွက်ခဲ့ပါသည်။

         အဆိုပါဈေးကွက်မရောက်မီစောင့်ကြည့်စစ်ဆေးရာတွင် ကုန်အညွှန်းအမှတ်အသားဖော်ပြ ခြင်းများအား စျေးကွက်မရောက်မီစောင့်ကြည့်စစ်ဆေးခြင်း(Pre Market Surveillance)အရ စားသုံးသူကာကွယ်ရေးဥပဒေအရ ထုတ်ပြန်ထားသည့် ကုန်အညွှန်းအမှတ်အသား ဖော်ပြခြင်းဆိုင်ရာ  ညွှန်ကြားချက် (၂/၂၀၁၉)၊ (၁/၂၀၂၁)တို့နှင့် ကိုက်ညီမှုရှိ/မရှိနှင့် သက်ဆိုင်ရာဌာနများ၏ ဥပဒေ၊ ညွှန်ကြားချက်များ နှင့်ကိုက်ညီစွာဖြန့်ဖြူးရောင်းချနေမှု ရှိ/မရှိများအားစစ်ဆေးခြင်း၊ စားသုံးသူ ပြည်သူများဘေးအန္တရာယ် ကင်းရှင်းစွာဝယ်ယူသုံးစွဲနိုင်ရေးအတွက် အမှတ်တံဆိပ်အမျိုးမျိုးတွင် ကုန်အညွှန်းအမှတ်အသားများ ပြည့်စုံစွာဖော်ပြပါရှိမှု ရှိ/မရှိ၊ သက်ဆိုင်ရာဌာနဆိုင်ရာများ၏ သတ်မှတ်ချက်များနှင့် ကိုက်ညီမှု ရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။  

DOCA (ပြည်ထောင်စုနယ်မြ)

    စားသုံးသူများ ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ် ရှိသောကုန်စည်များ  ဈေးကွက်အတွင်းမှပပျောက်စေရေး၊ တရာမဝင်ကုန်စည်များ ဝင်ရောက်မှုမရှိ စေရေးအတွက် မြစ်ကြီးနားခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့မှ ရှောင်တခင် စစ်ဆေး ဆောင်ရွက်လျက်ရှိရာ ၂၃-၄-၂၀၂၆ ရက်နေ့တွင် သိမ်းဆည်းမိန့်ထုတ်ပြန်ထားပြီး အများ ပြည်သူ စားသုံးရန်မသင့်သော ပိတ်ပင်တားမြစ်ကုန်ပစ္စည်းဖြစ်သည့် Brand-JUSTUS (Lager Beer) များအား ၁၁-၅-၂၀၂၆ ရက်နေ့ ၁၀:၀၀ နာရီအချိန်တွင် မြစ်ကြီးနားမြို့၊မြို့နယ်အကောက်ခွန်ဦးစီးဌာန ရုံးဝန်းအတွင်း ဖျက်ဆီးဆောင်ရွက်ခဲ့ပါသည်။

    အဆိုပါ Brand-JUSTUS(Lager  Beer)များ ဖျက်ဆီးမှုအား  မြစ်ကြီးနားခရိုင် တရားမဝင် ကုန်သွယ်မှုတိုက်ဖျက်ဆီးရေး အထူးအဖွဲ့ဝင်များဖြစ်သည့် အထွေထွေအုပ်ချုပ်ရေးဦးစီးဌာန၊  အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ ပြည်တွင်းအခွန်များဦးစီးဌာန၊ မြန်မာနိုင်ငံ ရဲတပ်ဖွဲ့မှ တာဝန်ရှိသူများ ပူးပေါင်းပါဝင်ဆောင်ရွက်ခဲ့ပြီး အများပြည်သူစားသုံးရန်မသင့်သော ပိတ်ပင်တားမြစ် ကုန်ပစ္စည်းဖြစ်သည့် Brand-JUSTUS(Lager Beer) (320ml×200 Pkgs, C/O Chinaခန့်မှန်းတန်ဖိုး ငွေကျပ်(၉၆၀၀၀၀၀)အား စနစ်တကျဖျက်စီးဆောင်ရွက်ခဲ့ကြောင်း သတင်းရရှိ ပါသည်။

DOCA(ကချင်)

                  စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဦး‌အောင်ကျော်ထွေး(ဦးစီးအရာရှိ) ဦးဆောင်သော အဖွဲ့သည် ၇-၈-၂၀၂၆ ရက်နေ့ ၁၁:၃၀ နာရီအချိန်၌ တောင်ကြီးမြို့၊ အနောက်မြို့ပတ်လမ်း၊မြို့မရပ်ကွက်ရှိ ကုန်မျိုးစုံရောင်းချသည့် စီးပွားရေးလုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဥပဒေပြဋ္ဌာန်းချက်ပါ စီးပွားရေးလုပ်ငန်းရှင်များ  လိုက်နာရန် အချက်အလက် များနှင့်ပတ်သက်၍ ရှင်းလင်းဆွေးနွေး ခဲ့ပါသည်။

          ထိုသို့ ဆွေးနွေးရာတွင် ဦး‌အောင်ကျော်ထွေး (ဦးစီးအရာရှိ)က စားသုံးသူကာကွယ်ရေးဥပ‌ဒေပါ အခန်း (၁) ( ပုဒ်မ၂။ ပုဒ်မခွဲ)(ဂ) အရ စီးပွားရေးလုပ်ငန်းရှင်ဆိုသည်မှာ ကုန်စည်ကို ထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့ တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည်ရောင်းချခြင်းကိုဖြစ်စေ၊ ထောက်ပံ့ခြင်းကိုဖြစ်စေ၊ ဝန်ဆောင်မှုပေးခြင်းကိုဖြစ်စေ၊ ကြော်ငြာလုပ်ငန်းလုပ်ကိုင်ခြင်းကိုဖြစ်စေ၊ တစ်ဦးချင်းသော်လည်း ကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်းနှင့် စားသုံးသူကာကွယ် ရေးဥပဒေအခန်း((၁၀)၊ပုဒ်မ(၂၁) အရ စီးပွားရေးလုပ်ငန်းရှင်၏တာဝန်များဖြစ်သော ကုန်စည် သို့မဟုတ် ဝန်ဆောင်မှု၏ အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သော သတင်းအချက် အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာ ဆက်ဆံခြင်း စသည့်အချက် များအကြောင်းအပြင် ဥပဒေအခန်း(၁၄)၊ပုဒ်မ (၂၇) အရ ဝန်ဆောင်မှုလုပ်ငန်းများ၏ အာမခံချက်နှင့် စပ်လျဉ်း၍ စားသုံးသူကတောင်းဆိုနိုင်သည့် အခွင့်အရေး များအကြောင်းနှင့် ကျန်းမာ‌ရေးဝန်ကြီးဌာန မှ အ‌ရေးကြီးကုန်စည်နှင့်ဝန်ဆောင်မှုဥပဒေအမိန့်ထုတ်ပြန်ခြင်းအကြောင်း၊ အီလက်ထရောနစ်အငွေ့ ရှူစက်ဖြစ်သည့်၊ အီလက်ထရောနစ်စီးကရက်ကဲသို့သော ပစ္စည်းများ အကြောင်း၊ အွန်လိုင်းစီးပွားရေး လုပ်ငန်းရှင်များ လိုက်နာဆောင်ရွက်ရမည့်အချက်များအကြောင်း၊ အွန်လိုင်းငွေကြေးဝန်ဆောင်မှု လုပ်ငန်းများသုံးစွဲရာတွင် သတိပြုဆောင်ရွက်သင့်သည့်အချက်များအကြောင်း၊ ကုန်အညွှန်းအမှတ် အသားဖော်ပြခြင်းဆိုင်ရာ အချက်အလက်အကြောင်း၊ တားမြစ် ချက်များ၊ ပြစ်မှုပြစ်ဒဏ်များကို ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ရှမ်း)