ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်၊ အမှုထမ်းရပ်ကွက်၊ အမှတ်(၄၉)၊ စိုက်ပျိုးရေးလမ်းရှိ ကြိမ်ပရိဘောဂနှင့် ကြိမ်ထည်ပစ္စည်းအမျိုးမျိုးထုတ်လုပ်သည့် လုပ်ငန်းအား ပြည်ပပို့ကုန် ပြည်ပသို့ ပိုမိုတင်ပို့နိုင်ရေးနှင့် ထုတ်လုပ်ဖြန့်ဖြူးသည့် ကုန်စည်များအား ဘေးအန္တရာယ်ကင်းရှင်းစွာ ထုတ်လုပ်ဖြန့်ဖြူးနိုင်ရေးအတွက် ရည်ရွယ်၍ စားသုံးသူရေးရာဦးစီးဌာန၊ တောင်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်စိုးမိုးနှင့်ဝန်ထမ်းများသည် အဆိုပါ လုပ်ငန်းသို့ ၂၀၂၆ခုနှစ်၊ မေလ(၈)ရက်နေ့၊ နေ့လယ်(၁၄:၀၀) နာရီအချိန်တွင် မြေပြင်ကွင်းဆင်း စစ်ဆေးခဲ့ကြောင်း သိရှိရသည်။
ထိုသို့ မြေပြင်ကွင်းဆင်းစစ်ဆေးရာတွင် ခရိုင်ဦးစီးမှူး ဦးအောင်စိုးမိုးမှ ကြိမ်ပရိဘောဂနှင့် ကြိမ်ထည်ပစ္စည်းအမျိုးမျိုး ထုတ်လုပ်ဖြန့်ဖြူးရောင်းချသည့် ပိုင်ရှင်နှင့် တွေ့ဆုံကာ စားသုံးသူရေး ရာဦးစီးဌာနအနေဖြင့် နိုင်ငံတော်၏ ရက်(၁၀၀)စီမံချက်အတွင်း လယ်ယာထွက်ကုန်များ၊ ရေထွက်ပစ္စည်းများ၊ သစ်တောထွက်ပစ္စည်းများနှင့် MSME လုပ်ငန်းများ ပြည်တွင်းကုန်သွယ်မှု ဖွံ့ဖြိုးတိုးတက်စေရေးနှင့် ပြည်ပသို့ ပို့ကုန်မြှင့်တင်တင်ပို့နိုင်ရေးတို့အတွက် စီးပွားရေးလုပ်ငန်းရှင်များ အထောက်အကူဖြစ်စေရေး ရန်ကုန်တိုင်းဒေသကြီး၊ အစိုးရအဖွဲ့၏ အနီးကပ်ကြီးကြပ်မှုဖြင့် ဆက်စပ်ဌာနများ၊ အသင်းအဖွဲ့များနှင့်အတူ ပူးပေါင်းဆောင်ရွက်ပေးရန်တွက် မြေပြင်ကွင်းဆင်း စစ်ဆေးခြင်းဖြစ်ကြောင်း လုပ်ငန်းရှင်များ အနေဖြင့် မိမိတို့တွေ့ကြုံရသည့် အခက်အခဲများကို တင်ပြပေးစေလိုကြောင်း စသဖြင့် ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ရန်ကုန်)