သတင်းနှင့် လှုပ်ရှားမှုများ

      ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၄) ရက်နေ့၊ နေ့လယ် (၁၅:၀၀) နာရီအချိန်တွင် ဒေးဒရဲမြို့နယ်ရှိ အသင့်စားခေါက်ဆွဲ ရောင်းချနေသော ကုန်မျိုးစုံ ဆိုင်(၃) ဆိုင်သို့ ကွင်းဆင်းစစ်ဆေးခဲ့ကြပါသည်။

    ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ မြို့နယ်တာဝန်ခံဦးသိန်းမောင်က စားသုံးသူကာကွယ်ရေး ဥပဒေ အခန်း(၁၈) အရ ကုန်အညွှန်းအမှတ်အသား ဖော်ပြချက်နှင့် ကိုက်ညီမှုရှိ/မရှိ၊ ဈေးကွက်အတွင်းရောင်းချနေသော အသင့်စားခေါက်ဆွဲခြောက်ထုပ်များအား စစ်ဆေးခဲ့ကြရာ ရောင်းချနေသော Jumbo ၊ Shin Shin ၊ Yum Yum ၊ Wah–Lah ခေါက်ဆွဲခြောက်ထုပ်များတွင် FDA ထောက်ခံချက်အမှတ်နှင့် ကုန်အညွှန်းအမှတ်အသားများ ပြည့်စုံစွာ ဖော်ပြထားရှိမှု အခြေအနေတို့အား  ကွင်းဆင်းစစ်ဆေးခဲ့မှုအရ သတင်းရရှိခဲ့ပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးထွေးသိမ်းနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၄) ရက်နေ့၊ နေ့လယ် (၁၄:၀၀) နာရီအချိန်တွင် ဖျာပုံမြို့နယ်  သလိပ်ကြီးကျေးရွာရှိ အုပ်ချုပ်ရေးမှူးနှင့် ရပ်မိရပ်ဖများကို ခေါ်ယူ၍ စားအုန်းဆီခွဲဝေဖြန့်ဖြူး ရောင်းချ ခဲ့ပါသည်။

     ထို့နောက် အုပ်ချုပ်ရေးမှူးနှင့် ရပ်မိရပ်ဖများအား ကျေးရွာရှိ အိမ်ထောင်စုများသို့ စားအုန်းဆီများကို ပြည်သူထံသို့ ရောင်းချနေမှုများအား မှတ်တမ်းဓာတ်ပုံရိုက်၍ ပြန်လည်ပေးပို့ရန်နှင့် ဆီစာအုပ်များကို အိမ်ထောင်စုအလိုက် ခွဲဝေပေးရှိကြရန် ဆွေးနွေးခဲ့ကြပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဩဂုတ်လ (၁) ရက်နေ့၊ နေ့လယ်  (၁၂:၀၀) နာရီအချိန်တွင် ချောင်းဖျားကျေးရွာရှိ “ဒေါ်ထွေး” ငါးပိ၊ ငံပြာရည် လုပ်ငန်းသို့ စားသုံးသူများ ဘေးအန္တရာယ်ကင်းရှင်း စေရေးနှင့် ထုတ်ကုန်လုံခြုံစိတ်ချရမှု ရှိစေရေးအတွက် ကွင်းဆင်းခဲ့ကြပါသည်။

       လုပ်ငန်းရှင်က ငါးပိ၊ငံပြာရည် ထုတ်လုပ်ရန်အတွက် ကုန်ကြမ်းကို ဖျာပုံမြို့နယ် ၊ ဘုန်းကြီးသောင် ကျေးရွာမှ ရေငန်ထွက်ပစ္စည်း ဖြစ်သော ငါးတံခွန်၊မျှင်ငါးပိ အစရှိသည့် ကုန်ကြမ်း ပစ္စည်းများကို ဝယ်ယူရသည်။ အဆိုပါကုန်ကြမ်းများကို ဆားနှင့်နယ်ပြီး အိုးထဲတွင် (၃) လခန့် သိုလှောင်ရပြီး ထွက်ရှိလာသော ငံပြာရည် အကြည်ကို ခပ်ပြီးလျှင် မိုးပြဲဒယ်နှင့် ကျိုရပြီး အနည်နှင့် စွန့်ပစ်ပစ္စည်းများကို ဇကာဖြင့် စစ်၍စွန့်ပစ်သည်။ ထို့နောက်ရရှိလာသော ငံပြာရည်ကြည်များကို အအေးခံကာ ဒေးဒရဲမြို့နယ်နှင့် အခြားမြို့နယ်များသို့ ရောင်းချလျက်ရှိပါသည်။ ဈေးနှုန်း အနေဖြင့် ငါးပိတစ်ပိဿာလျှင် (၃၅၀၀) ကျပ်၊ မျှင်ငါးပိ တစ်ပိဿာလျှင် (၅၀၀၀) ကျပ်၊ ငံပြာရည် တစ်ပိဿာ လျှင် (၁၅၀၀) ကျပ်ဖြင့် ရောင်းချလျက်ရှိကြောင်း ၊ မြိုနယ်တာဝန်ခံမှ စားသုံးသူများ ဘေးအန္တရာယ် ကင်းရှင်းစေရေးအတွက် ဓာတုဆိုးဆေးနှင့် ဖော်မလင်များ ထည့်သွင်းသုံးစွဲမှုမရှိစေရေးအတွက် တွေ့ဆုံဆွေးနွေး ကွင်းဆင်းခဲ့ကြောင်း သတင်းရရှိပါသည်။

DOCA(ဧရာဝတီ)

    (၄.၈.၂၀၂၅)ရက်နေ့ နံနက် (၀၉:၃၀)နာရီတွင် ညောင်တုန်းမြိုနယ်စားသုံးသူရေးရာဦးစီးဌာနမှ မြိုနယ်ဦးစီးမှုးဦးအောင်လွင်သည် မြန်မာ့လယ်ယာဖွံဖြိုးရေးဘဏ့် ငွေထုတ်လာသည့် တောင်သူ(၁၅၀)ဦးခန့်အား MyRO မှတ်ပုံတင်နှင့် စပ်လျဉ်၍ တောင်သူများ သိရှိနိုင်ရန် အသိပညာပေး ဟောပြောခဲ့ကြောင်း သိရသည်။ 

     ဟောပြောရာတွင် မြို့နယ် စိုက်ပျိုးရေးဦးစီးဌာန ရုံးဝန်တွင် တောင်သူများအား ဆွေးနွေး ပြောကြားရာ ဆန်တန်ချိန် ၅၀ တန်(သို့မဟုတ်) စပါးတင်း ၅,၀၀၀ နှင့်အထက် သိုလှောင်ထားရှိသည့် ဆန်စပါးသိုလှောင်ရုံ များအားလုံးကို မြန်မာဆန်စပါးအွန်လိုင်း Myanmar Rice Online(MyRO) စနစ်တွင်မှတ်ပုံတင်ရန် ၂၀၂၃ ခုနှစ်၊ နိုဝင်ဘာလ ၄ ရက်မှစတင်ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ထုတ်ပြန်ခဲ့ခြင်းဖြစ်ပါတယ်။ ဥပဒေအရ စီးပွားရေးအလို့ငှာ  စပါး/ဆန် သိုလှောင်သူများ မှတ်ပုံတင်ရမည်ဖြစ်ကြောင်းကိုလည်းကောင်း၊ စပါးစိုက်ပျိုးပြီး မရောင်းချခင် စီးပွားရေးအလို့ငှာ စပါးသိုလှောင်ထားရှိသော သိုလှောင်ရုံများ ရှိပါက မှတ်ပုံတင်ရန်သပ်မှတ်ထားသည့်အတိုင်း မှတ်ပုံတင်ရမည်ဖြစ်ပြီး သိုလှောင်မှု ပမာဏထက်ပိုမိုသိုလှောင်ခွင့်မရှိကြောင်းသိုလှောင်ပါကအရေးယူခံရကြောင်းမဟုတ်မမှန်သတင်းလွှင့်နေမှုမှာမှန်ကန်မှုမရှိကြောင်းနှင့်MyROမှတ်ပုံတင်ဆောင်ရွက်ရမည့်လုပ်ငန်းစဉ်အား တောင်သူများသိရှိနိူင်ရေးအသိပညာပေးဆွေးနွေးခဲ့ပြီး  တောင်သူများ သိလိုသည်ကိုလည်း ပြန်လည်ဖြေရှင်းဆွေးနွေးခဲ့ကြောင်း သိရသည်။

DOCA(ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် တွင် ၄-၈-၂၀၂၅ရက်နေ့ နံနက် (၀၉:၃၀) အချိန်က မအူပင်မြို့နယ် လေးအိမ်စုကျေးရွာ(အ-ထ-က)တွင် ကျောင်းသား/ ကျောင်းသူများအား စားသုံးသူကာကွယ်ရေး ပါတ်သက်သည့် အသိပညာပေးဟောပြောပွဲကို ကျင်းပပြုလုပ်ပြီး မြို့နယ်ပြည်သူကျန်းမာဦးစီးဌာန၊ FDA၊ ပညာရေးဦးစီးဌာန တို့နှင့်ပူးပေါင်း၍ဆောင်ရွက်ခဲ့ကြောင်း သိရသည်။

  အသိပညာပေးဟောပြောပွဲရာတွင် ကျောင်းအုပ်ဆရာမကြီးက အဖွင့်စကားပြောကြားပြီး စားသုံးသူရေးရာဦးစီးဌာနမှ စားသုံးသူကာကွယ်ရေး သိကောင်းစရာများအကြောင်းကို ဦးအောင်ဇော်ဦး ဦးစီးအရာရှိက ရှင်းလင်းဟောပြောရာ စားသုံးသူကာကွယ်ရေး ဥပဒေစာအုပ် အခန်း(၁၁)  ကုန်စည်နှင့်စပ်လျဉ်း၍ စီးပွားရေးလုပ်ငန်းရှင်များ ဖော်ပြရမည့် အာမခံချက်များ အကြောင်းတို့ကို ဆွေးနွေးပြောကြားခြင်း၊ စားသုံးသူကာကွယ်ရေးဥပဒေ (၂၀၁၉)ကို ၂၀၁၉ ခုနှစ် မတ်လ ၁၅ ရက်နေ့ သောကြာနေ့တွင် ပြည်ထောင်စုလွှတ်တော် ဥပဒေ အမှတ်(၉)ဖြင့် ပြဋ္ဌာန်းနိုင်ခဲ့သော ဥပဒေတစ်ခုဖြစ်ကြောင်း၊ အသစ်ပြဋ္ဌာန်းခဲ့သော စားသုံးသူ ကာကွယ်ရေးဥပဒေ (၂၀၁၉) အရ စားသုံးသူများရရှိမည့် အခွင့်အရေး၊ တာဝန်နှင့် တောင်းဆိုပိုင်ခွင့်များအပြင် လုပ်ငန်းရှင်များ လိုက်နာဆောင်ရွက်သင့်သည့်အချက် များကို ပြည့်စုံတိကျရှင်းလင်းစွာ ဖော်ပြထားကြောင်း၊ စားသုံးသူကာကွယ်ရေးဥပဒေသည် စားသုံးသူကို ကာကွယ်ထားသလို၊ မှန်ကုန်သော စီးပွားရေးလုပ်ငန်းရှင်တစ်ဦးဖြစ်ပါကလည်း အပြည်အဝအခွင့်အရေး ဥပဒေဖြင့် ကာကွယ်ထားပေးသော ဥပဒေတစ်ခုဖြစ်ကြောင်း ကိုအကျယ်တဝင့်ရှင်းလင်းဟောပြောခဲ့ကြောင်း သတင်းရရှိပါသည်။

ဟောပြောပွဲသို့  ကျောင်းသား/သူဆရာ/ဆရာ (၃၂၀)ဦးတက်ရောက်ခဲ့ကြောင်း သိရသည်။

DOCA(ဧရာဝတီ)