သတင်းနှင့် လှုပ်ရှားမှုများ

    စားသုံးသူများဘေးအန္တရာယ်ကင်းရှင်းရေး၊ ကျန်းမာရေး၊ စိတ်ကျေနပ်မှု ရရှိစေရေးအတွက် အာမခံချက်ပေးနိုင်သော အရည်အသွေးမြင့်မားသည့် ကုန်စည် သို့မဟုတ် ဝန်ဆောင်မှုများကို ဖော်ဆောင် ဖြည့်ဆည်းပေးနိုင်ရန် ရည်ရွယ်လျက် စားသုံးသူရေးရာဦးစီးဌာန၊ မြစ်ကြီးနားခရိုင်ရုံးမှ ဦးဇေယျာအောင် (ခရိုင်ဦးစီးမှူး) သည် ၆.၈.၂၀၂၅ ရက်နေ့တွင် မြစ်ကြီးနားမြို့၊ အမှတ် (၆) အခြေခံပညာအထက်တန်းကျောင်း၊ အင်ဂျန်ဒုံရပ်ကွက်ရှိ ဆရာ/ဆရာမ များနှင့် ကျောင်းသား/သူ (၁၂၆)ဦးအား စားသုံးသူကာကွယ်ရေး အသိပညာပေး ဆောင်ရွက်ခဲ့ပါသည်။

      ထိုသို့ ဟောပြောရာတွင် ဦးဇေယျာအောင်(ခရိုင်ဦးစီးမှူး) က၂၀၁၉ခုနှစ်၊ စားသုံးသူကာကွယ်ရေး စတင်ပေါ်ပေါက်လာပုံ၊စားသုံးသူကာကွယ်ရေးဥပဒေပါ စားသုံးသူကာကွယ်ရေးနှင့် စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူအခွင့်အရေး(၈)ချက်နှင့် တာဝန်(၄)ချက် ၊ ကုန်စည် / ဝန်ဆောင်မှု နှင့် စပ်လျဉ်း၍ အာမခံချက် ပေးခြင်းအပေါ် စားသုံးသူကတောင်းဆိုနိုင်သည့် အခွင့်အရေးများ၊ အချိုရည် သောက်သုံးမှုကြောင့် ဖြစ်ပေါ်လာနိုင်သည့် အန္တရာယ်များအကြောင်း၊ အစားအသောက်တွင် သုံးစွဲခွင့်မရှိ သောဆိုးဆေးများအကြောင်း၊ ကုန်စည်များကို ဝယ်ယူသုံးစွဲရာတွင် ကုန်အညွှန်းအမှတ်အသား ပြည့်စုံမှန်ကန်မှုရှိသော ကုန်စည်များကိုသာ ဝယ်ယူသုံးစွဲရန်၊ စားသုံးသူ နစ်နာဆုံးရှုံးမှုများအတွက်လည်း တိုင်ကြားရန် CICC ရုံးခန်းများကို ဖွင့်လှစ်ထားရှိမှု၊ ဖြေရှင်းပေးနေမှုအခြေအနေများ  Call Center  1535 သို့ တိုက်ရိုက် ခေါ်ဆို မေးမြန်းတိုင်ကြားနိုင်ပါကြောင်း အသိပညာပေး ဟောပြောခဲ့ပါ သည်။

DOCA(ကချင်)

   မြစ်သားမြို့နယ်တွင် အခြေခံစားသောက်ကုန်ပစ္စည်းများ သက်သာသောဈေးနှုန်းဖြင့် ဝယ်ယူ ရရှိနိုင်ရေးအား ခရိုင်/မြို့နယ်စီမံအုပ်ချုပ်ရေးအဖွဲ့ ၊ မြို့နယ်စည်ပင်သာယာရေးအဖွဲ့ ၊ စားသုံးသူရေးရာဦးစီးဌာနတို့ ပူးပေါင်းစီစဉ်မှုဖြင့် လုပ်ငန်းရှင်များနှင့်ညှိနှိုင်း၍ စားသုံးသူပြည်သူ များအား သက်သာဈေးနှုန်းဖြင့် ရောင်းချပေးခဲ့ကြောင်း သိရှိရပါသည် ။ သြဂုတ်လ(၂) ရက်နေ့တွင် မြစ်သားမြို့ ၊ ဈေးတောင်ဘက်၌ အခြေခံစားသောက်ကုန်ပစ္စည်းများဖြစ်သော  အမဲသား တစ်ပိဿာ လျှင်(၂၅၀၀၀/-)ကျပ် ၊ ဝတ်သား တစ်ပိဿာလျှင် (၂၆၀၀၀/-) ကျပ် ၊ ဆိတ်သား (၁)ပိဿာလျှင် (၂၈၀၀၀/-)ကျပ်၊  ငါး တစ်ပိဿာလျှင် (၁၈၀၀၀/-) ကျပ်၊ ကြက်သား တစ်ပိဿာလျှင်(၂၀၀၀၀/-) ကျပ်၊ စားအုန်းဆီ (၁)ပိဿာလျှင် (၇၁၄၅/-)ကျပ်၊ ခရမ်းချဉ်သီး တစ်ပိဿာလျှင်(၂၃၀၀/-)ကျပ်၊ ကြက်ဥ(၁၀)လုံးလျှင်(၂၅၀၀)ကျပ်နှင့်ဟင်းသီးဟင်းရွက်တို့အား ရောင်းချပေးခဲ့ပြီး ပြည်သူများ သက်သာဈေးနှုန်းဖြင့် ဝယ်ယူစားသုံးနိုင်ရေးအတွက် သက်မှတ်ထားသောနေရာများတွင် ဆက်လက် ရောင်းချပေးသွား မည် ဖြစ်ကြောင်း သိရှိရပါသည်။

DOCA (မန္တလေး)                                                                                         

    ဆက်သွယ်ရေးဝန်ဆောင်မှု(အင်တာနက်ဝန်ဆောင်မှု)လုပ်ငန်းရှင်များနှင့်တွေ့ဆုံဆွေးနွေးပွဲအခမ်းအနားကို  စီးပွားရေးနှင့်ကူးသန်းရောင်းဝယ်ရေဝန်ကြီးဌာန ( ရန်ကုန်)၏ ပဉ္စမထပ် အစည်းအဝေးခန်းမတွင် ဇူလိုင်လ ၃၁ ရက်နေ့ကကျင်းပပြုလုပ်ခဲ့ပါသည်။ အခမ်းအနားကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်နှင့်တကွ အရာထမ်း၊အမှုထမ်းများ၊ ဆက်သွယ်ရေးညွှန်ကြားမှုဦးစီးဌာနမှညွှန်ကြားရေးမှူး ဦးနေလင်းထွန်း နှင့် အင်တာနက်ဝန်ဆောင်မှုလုပ်ငန်းများမှတာဝန်ရှိသူများ စုစုပေါင်း ၈၉ ဦး တက်ရောက်ခဲ့ ပါသည်။ အခမ်းအနားစတင်ချိန်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဦးစီးမှူး ဦးကျော်ကျော်လွင်က စားသုံးသူကာကွယ်ရေးဆိုင်ရာကိစ္စရပ်များနှင့်ပတ်သတ်၍ အဖွင့် အမှာ စကားပြောကြားခဲ့ပါသည်။ ဆက်လက်၍ ဆက်သွယ်ရေးညွှန်ကြားမှုဦးစီးဌာနမှ ညွှန်ကြားရေးမှူးဦးနေလင်းထွန်းက ရန်ကုန်တိုင်းဒေသကြီးအတွင်းဆက်သွယ်ရေးဝန်ဆောင်မှုလုပ်ငန်းများ ဆောင်ရွက်ရာတွင် လိုက်နာရမည့်လုပ်ငန်းစဉ်များကိုရှင်းလင်းပြောကြားခဲ့ပါသည်။ ထို့နောက် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ဒေါ်ဝါဝါခိုင်က ဆက်သွယ်ရေးဝန်ဆောင်မှု(အင်တာနက်ဝန်ဆောင်မှု)များနှင့်ပတ်သတ်၍ စားသုံးသူနစ်နာမှုမရှိစေရေး ဈေးကွက်စောင့်ကြည့်စစ်ဆေးခြင်း ကိစ္စရပ်များကိုရှင်းလင်း ပြောကြားခဲ့ပြီး တက်ရောက်လာကြသူများက အထွေထွေဆွေးနွေးခဲ့ကြကာ အခမ်းအနား အောင်မြင်စွာ ပြီးမြောက်ခဲ့ကြောင်း သိရပါသည်။

DOCA (ရန်ကုန်)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မန္တလေးတိုင်းဒေသကြီး  ဦးစီးမှူးရုံး သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ(ဦးစီးအရာရှိ)သည် ပုသိမ်ကြီးမြို့နယ် ကုန်ဈေးနှုန်းတည်ငြိမ်ရေးအဖွဲ့များနှင့် ပူးပေါင်း၍ ပုသိမ်ကြီးမြို့နယ်အတွင်းရှိ ကျော်စားသုံးဆီရောင်းဝယ်ရေးဆိုင်အား  ၃-၈-၂၀၂၅ ရက်နေ့ တွင် ကွင်းဆင်း စစ်ဆေးခြင်း ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ပုသိမ်ကြီး မြို့နယ် အထွေထွေအုပ်ချုပ်ရေး ဦးစီးဌာနမှ ဒေါ်မွန်မွန်ခင်(ဒု-ဦးစီးမှူး) ၊ပုသိမ်ကြီးမြို့နယ် အခွန်ဦးစီး ဌာနမှ ဦးနေဖြိုးအောင် (ဒု-ဦးစီးမှူး)၊ ပုသိမ်ကြီးမြို့မ ရဲစခန်းမှ ဒု-ရဲအုပ်  ဒေါ်ခင်ဇာဦး၊ ပုသိမ်ကြီးမြို့နယ် စည်ပင်သာယာရေးအဖွဲ့မှ ဦးသန်းနိုင်ဦး(အငယ်တန်းစာရေး)၊ ပုသိမ်ကြီးမြို့နယ် မွေးမြူရေးနှင့် ကုသရေးဦးစီးဌာနမှ ဒေါ်စိုးစိုးပိုင်(လက်ထောက်ကြီးကြပ်ရေးမှူး)တို့ ပါဝင်သော ပုသိမ်ကြီးမြို့နယ် ၊ ကုန်ဈေးနှုန်းတည်ငြိမ်ရေးအဖွဲ့များသည်။ဈေးကွက်အတွင်း  ဆီနှင့်ကုန်ပစ္စည်းများ ဈေးနှုန်းမြှင့်တင် ရောင်းချခြင်း ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သတင်းရရှိပါသည်။

DOCA (မန္တလေး)                                                                                

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မန္တလေးတိုင်း ဒေသကြီး ဦးစီးမှူးရုံး သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ (ဦးစီးအရာရှိ)သည် ပုသိမ်ကြီးမြို့နယ် ကုန်ဈေးနှုန်းတည်ငြိမ်ရေးအဖွဲ့များနှင့် ပူးပေါင်း၍ ပုသိမ်ကြီးမြို့နယ်အတွင်းရှိ စိန်စိုးဦးကုန်စုံဆိုင်အား  ၃-၈-၂၀၂၅ ရက်နေ့တွင် ကွင်းဆင်း စစ်ဆေးခြင်း ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ပုသိမ်ကြီးမြို့နယ် အထွေထွေ အုပ်ချုပ်ရေး ဦးစီးဌာနမှ ဒေါ်မွန်မွန်ခင်(ဒု-ဦးစီးမှူး) ၊ပုသိမ်ကြီးမြို့နယ် အခွန်ဦးစီးဌာနမှ ဦးနေဖြိုးအောင် (ဒု-ဦးစီးမှူး)၊ ပုသိမ်ကြီးမြို့မ ရဲစခန်းမှ ဒု-ရဲအုပ် ခင်ဇာဦး၊ ပုသိမ်ကြီးမြို့နယ် စည်ပင်သာယာရေးအဖွဲ့မှ  ဦးသန်းနိုင်ဦး ( အငယ်တန်းစာရေး) ၊ ပုသိမ်ကြီးမြို့နယ် မွေးမြူရေးနှင့် ကုသရေးဦးစီးဌာနမှ ဒေါ်စိုးစိုးပိုင်(လက်ထောက်ကြီးကြပ်ရေးမှူး)တို့ ပါဝင်သော ပုသိမ်ကြီးမြို့နယ် ၊ ကုန်ဈေးနှုန်းတည်ငြိမ်ရေးအဖွဲ့များသည်။ဈေးကွက်အတွင်း  ဆီနှင့်ကုန်ပစ္စည်းများ ဈေးနှုန်းမြှင့်တင် ရောင်းချခြင်း ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သတင်းရရှိပါသည်။

DOCA (မန္တလေး)