သတင်းနှင့် လှုပ်ရှားမှုများ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မန္တလေးတိုင်းဒေသကြီး ဦးစီးမှူးရုံး သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ (ဦးစီးအရာရှိ)သည် ပုသိမ်ကြီးမြို့နယ် ကုန်ဈေးနှုန်းတည်ငြိမ်ရေးအဖွဲ့များနှင့် ပူးပေါင်း၍ ပုသိမ်ကြီးမြို့နယ်အတွင်းရှိ အောင်မေတ္တာဆီရောင်းဝယ်ရေးဆိုင်အား ၃-၈-၂၀၂၅ ရက်နေ့ တွင် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ပုသိမ်ကြီးမြို့နယ် အထွေထွေ အုပ်ချုပ်ရေး ဦးစီးဌာနမှ ဒေါ်မွန်မွန်ခင်(ဒု-ဦးစီးမှူး) ၊ပုသိမ်ကြီးမြို့နယ် အခွန်ဦးစီးဌာနမှ ဦးနေဖြိုးအောင် (ဒု-ဦးစီးမှူး)၊ ပုသိမ်ကြီးမြို့မ ရဲစခန်းမှ ဒု-ရဲအုပ်  ခင်ဇာဦး၊ ပုသိမ်ကြီးမြို့နယ် စည်ပင်သာယာရေးအဖွဲ့မှ  ဦးသန်းနိုင်ဦး ( အငယ်တန်းစာရေး) ၊ ပုသိမ်ကြီးမြို့နယ် မွေးမြူရေးနှင့် ကုသရေးဦးစီးဌာနမှ ဒေါ်စိုးစိုးပိုင်(လက်ထောက်ကြီးကြပ်ရေးမှူး)တို့ ပါဝင်သော ပုသိမ်ကြီးမြို့နယ် ၊ ကုန်ဈေးနှုန်းတည်ငြိမ်ရေးအဖွဲ့များသည်။ဈေးကွက်အတွင်း  ဆီနှင့်ကုန်ပစ္စည်းများ ဈေးနှုန်းမြှင့်တင် ရောင်းချခြင်း ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သတင်းရရှိပါသည်။

DOCA (မန္တလေး)

    အွန်လိုင်းစနစ်ဖြင့်ရောင်းချခြင်း (Online Sale) လုပ်ငန်းရှင်များ သိရှိလိုက်နာဆောင်ရွက်ရမည့် ဥပဒေလုပ်ထုံးလုပ်နည်းများအား အသိပညာပေးဟောပြောဆွေးနွေးပွဲအခမ်းအနားကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ အစည်းအဝေးခန်းမတွင် ဇူလိုင်လ ၂၉ ရက်နေ့ နံနက် ၁၀ နာရီက ကျင်းပပြုလုပ်ခဲ့ပါသည်။ အခမ်းအနားကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်နှင့် အရာထမ်း၊ အမှုထမ်းများနှင့် ဖိတ်ကြားထားသော လုပ်ငန်းရှင်များ စုစုပေါင်း ၂၈ ဦးတက်ရောက်ခဲ့ကြောင်း သိရပါသည်။ အခမ်းအနားကျင်းပပြုလုပ်ရသည့်ရည်ရွယ်ချက်မှာ မြေပြင်စစ်ဆေးအတည်ပြုပြီး မှတ်ပုံတင်လက်မှတ် ရရှိထားသည့်လုပ်ငန်းရှင်များအား  အွန်လိုင်းစနစ်ဖြင့် ရောင်းချသည့် လုပ်ငန်းဆိုင်ရာ အမိန့်ကြော်ငြာစာများ၊ စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏တာဝန်များနှင့် ကုန်အညွှန်းအမှတ်အသားဖော်ပြချက်များအား အသိပညာပေးရန် ဖြစ်ကြောင်း သိရပါသည်။ အခမ်းအနားစတင်ချိန်တွင် စားသုံးသူရေးရာဦးစီးဌာန၊ ရန်ကုန်တိုင်း ဒေသကြီးဦးစီးမှူး ဦးကျော်ကျော်လွင်က စားသုံးသူကာကွယ်ရေးဆိုင်ရာကိစ္စရပ်များနှင့် အရေးကြီးကုန်စည်နှင့် ဝန်ဆောင်မှု ဥပဒေနှင့်ပတ်သတ်၍ အဖွင့်အမှာစကားပြောကြားခဲ့ပါသည်။ ဆက်လက်၍ စားသုံးသူရေးရာဦးစီး ဌာန၊ ရန်ကုန်တိုင်းဒေသကြီးမှ ဒုတိယတိုင်းဒေသကြီး ဦးစီးမှူး ဦးမြင့်အောင်က လုပ်ငန်းရှင်များ လိုက်နာဆောင်ရွက်ရမည့်ကိစ္စရပ်များကို ရှင်းလင်းပြောကြားခဲ့ပါသည်။ ထို့‌နောက် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ‌ဒေါ်ဝါဝါခိုင်က ကုန်စည်အုပ်စုနှင့် ဝန်ဆောင်မှုအုပ်စု သတ်မှတ်ချက်များ၊ အွန်လိုင်းစနစ်ဖြင့်ရောင်းချခြင်း ဆိုင်ရာလုပ်ငန်းများအတွက် မြေပြင် စစ်ဆေးခြင်းဆိုင်ရာအချက်အလက်များ၊ ရောင်းချမည့် ကုန်စည်/ဝန်ဆောင်မှုနှင့်စပ်လျဉ်းသည့် အချက်အလက်များစစ်ဆေးခြင်း၊ စောင့်ကြည့်စစ်ဆေးခြင်း၊ စီးပွားရေးလုပ်ငန်းရှင် လိုက်နာရမည့် တာဝန်များနှင့် ကုန်အညွှန်းအမှတ်အသားဖော်ပြချက်များအား ရှင်းလင်းပြောကြားခဲ့ကြောင်း သိရပါသည်။

DOCA (ရန်ကုန်)

    စားအုန်းဆီ တင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီသည် စားအုန်းဆီများသတ်မှတ်အရည်အသွေး၊ စံချိန်စံညွှန်းများနှင့်အညီများနှင့်အညီ စားသုံးသူ ပြည်သူများ ကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာ ဝယ်ယူစားသောက်နိုင်ရေးကြီးကြပ်ထိန်းကျောင်း၍ သက်ဆိုင်ရာ ကုမ္ပဏီများက စားအုန်းဆီများပြည်ပမှ တင်သွင်းလျက်ရှိရာ ရန်ကုန်တိုင်းဒေသကြီး သီလဝါဆိပ်ကမ်း၊ ဗားကရာ (သဲကွင်း) ဆိပ်ကမ်း၊ ကြည့်မြင်တိုင်မြို့နယ် ကမ်းနားဈေးဆိပ်ကမ်း၊ KIPT ဆိပ်ကမ်းသို့ ဆီသင်္ဘောများ ဆိုက်ကပ်ပြီး ကြည့်မြင်တိုင်မြို့နယ် KIPT ဆိပ်ကမ်းသို့ ၃.၈.၂၀၂၅ ရက်နေ့တွင် MT TIRTASARI V.16/25 သင်္ဘောဖြင့် STAR ဆီကန်သို့ 5300 MT တန်ချိန်ဝင်ရောက်လျက်ရှိကြောင်း သိရှိရပါသည်။

DOCA (ရန်ကုန်)

       ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် သမဝါယမနှင့် ကျေးလက်ဖွံ့ဖြိုး ရေးဝန်ကြီးဌာန၊ သမဝါယမဦးစီးဌာနက ၂၀၂၅-၂၀၂၆ခုနှစ် မိုးစပါးစိုက်ပျိုးရာသီတွင် လယ်ယာ စနစ်ဖြင့် ဆောင်ရွက်မည့် သမဝါယအသင်းသား တောင်သူများသို့ သွင်းအားစု ဓာတ်မြေဩဇာ များ ပေးအပ်ခြင်း အခမ်းအနားကို ခရမ်းမြို့နယ် သမဝါယမဦးစီးဌာနရုံးတွင်  ဩဂုတ်လ(၁)ရက် နေ့၊ ညနေ(၁၅:၀၀)နာရီတွင် ကျင်းပဆောင်ရွက်ခဲ့ကြောင်း သိရှိရပါသည်။

    ထိုအခမ်းအနားသို့ ခရမ်းမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး၊ မြို့နယ်ကျေးလက်ဒေသဖွံ့ဖြိုးရေးဦးစီးဌာန ဦးစီးမှူး၊ မြို့နယ်ကြေးတိုင်းနှင့်မြေစာရင်းဦးစီးဌာနဦးစီးမှူး၊ မြို့နယ်စိုက်ပျိုးရေးဦးစီးဌာန ဦးစီးမှူးနှင့် မြို့နယ်သမဝါယမဦးစီးဌာနမှူး၊ စားသုံးသူရေးရာဦးစီးဌာန ခရမ်းမြို့နယ်တာဝန်ခံတို့ တက်ရောက်ခဲ့ကြပြီး၊ မြို့နယ်အုပ်ချုပ် ရေးမှူး ဦးအောင်ရဲက အဖွင့်အမှာစကားပြောကြားခြင်း၊ မြို့နယ်သမဝါယမဦးစီးဌာနမှူး ဒေါ်ခင်သန္တာအောင်က ခရမ်းမြို့နယ်အတွင်း ကန်ထရိုက်လယ်ယာစနစ်ဖြင့် ဆောင်ရွက်နေသည့် ကျေးရွာများရှိလယ်ဧကများနှင့် တောင်သူဦးရေများအား ပေးအပ်မည့်သွင်းအားစု ဓာတ်မြေဩဇာများအား ရှင်းလင်းပြောကြားပြီး ခရမ်းမြို့နယ်ရှိကန်ထရိုက်လယ်ယာစနစ် ဆောင်ရွက်၍ မိုးစပါးစိုက်ပျိုးသော ကြူတောကျေးရွာတွင် တောင်သူ(၂၀)ဦး၏ လယ်ဧက (၃၀၀) ဧက၊ ဇီးဖြူပင်ကျေးရွာတွင် တောင်သူ(၄၀)ဦး၏ လယ်ဧက(၄၀၀)ဧကနှင့် ဆင်မင်းအိုင် ကျေးရွာတွင် တောင်သူ (၂၀)ဦး၏ လယ်ဧက (၃၀၀)ဧကတို့အတွက် တက်ရောက်လာသော တောင်သူကိုယ်စားလှယ်များအား သွင်းအားစုဓာတ်မြေဩဇာများ ပေးအပ်ခဲ့ကြောင်း သိရှိရ ပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ဇူလိုင်လ (၃၁)ရက်နေ့၊ နံနက်(၁၀:၀၀)နာရီတွင် မြို့နယ်အဆင့် ဌာနဆိုင် ရာတာဝန်ရှိသူများ၊ ရပ်ကွက်/ကျေးရွာအုပ်စုများမှ အုပ်ချုပ်ရေးမှူးနှင့် စာရေးများ လကုန် လုပ်ငန်းညှိနှိုင်း အစည်းအဝေး ကျင်းပခဲ့ကြောင်း သိရသည်။

   အဆိုပါ လုပ်ငန်းညှိနှိုင်း အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ဥက္ကဌ ဦးစိုင်းအောင်မြတ်က ပါတီစုဒီမိုကရေစီ အထွေထွရွေးကောက်ပွဲ အောင်မြင်အောင်ကျင်းပနိုင်ရေး၊ စီမံ ခန့်ခွဲရေး၊ လုံခြုံရေး၊ စီးပွားရေး၊ လူမှုရေးနှင့် ဒေသတွင်း ဖွံ့ဖြိုးရေးလုပ်ငန်းများအား ညှိနှိုင်းပေါင်း စပ်ဆောင်ရွက်နိုင်ရေး၊ ပြည်သူ့စစ်မှုထမ်း ဆင့်ခေါ်ရေးနှင့် ပတ်သတ်၍ မြို့နယ်အနေဖြင့် သတ်မှတ်ပေးပို့ရမည့် အင်အားအတိုင်း ပြည့်မီရေးနှင့် ဥပဒေ၊ နည်းဥပဒေအတိုင်း တိကျစွာ ဆောင်ရွက်နိုင်ရေး၊ မိုးစပါးလျာထားဧက ပြည့်မီအောင် စိုက်ပျိုးနိုင်ရေးစသည့် အကြောင်းအရာများအား အကျယ်တဝင့် ရှင်းလင်းဆွေးနွေးပြောကြားခဲ့ပြီး တက်ရောက်လာသော မြို့နယ်အဆင့် ဌာနဆိုင် ရာတာဝန်ရှိသူများက မိမိတို့ဌာနအလိုက် ဆောင်ရွက်နေသည့် လုပ်ငန်းများအား ချပြဆွေးနွေး ပြောကြားခဲ့ကြပြီး ရပ်ကွက်/ကျေးရွာအုပ်စုများမှ အုပ်ချုပ်ရေးမှူးများ သိရှိလိုသည့် အချက်များအား ပြန်လည်ဖြေကြားပေးခဲ့ကြောင်း သိရှိရသည်။ အဆိုပါ အစည်းအဝေးသို့ မြို့နယ်စီမံအုပ်ချုပ် ရေးအဖွဲ့ဥက္ကဌ၊ မြို့နယ်စီမံအုပ်ချုပ်ရေးအဖွဲ့မှ အဖွဲ့ဝင်များနှင့် မြို့နယ်အဆင့် ဌာနဆိုင်ရာ တာဝန်ရှိသူများတက်ရောက်ခဲ့ကြောင်း သိရှိရပါသည်။

DOCA (ရန်ကုန်)