သတင်းနှင့် လှုပ်ရှားမှုများ

  (၂၇-၅-၂၀၂၅) ရက် ၊ နံနက် (၀၉:၀၀) နာရီအချိန် တွင် ဘားအံမြို့ရှိ  လှာကမြင် ရပ်ကွက် အတွင်း ရောင်းချနေသော စားသောက်ဆိုင်(၄)ဆိုင်သို့ မြို့နယ်စည်ပင်သာယာရေးအဖွဲ့၊ မြို့နယ်ပြည်သူ့ ကျန်းမာရေးဦးစီးဌာန၊ စားသုံးသူရေးရာဦးစီးဌာန၊  ရပ်ကွက်အုပ်ချုပ်ရေးမှူး တို့နှင့်အတူ ပူးပေါင်း၍ ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။

   ထိုသို့ဈေးကွက်စောင့်ကြည့်ဆေးခဲ့ရာတွင် ဘားအံမြို့ရှိ စားသောက်ဆိုင်(၄)ဆိုင်အား အောက်ပါအချက်များဖြင့် ကွင်းဆင်းစစ်ဆေး ဆောင်ရွက်ခဲ့ပါသည်။ အစားအသောက် ပြုပြင်ရောင်း ချသည့်နေရာများ သန့်ရှင်းမှု ရှိ/မရှိ၊အစားအသောက် ကိုင်တွယ်ချက်ပြုတ်သူများ သန့်ရှင်းမှု ရှိ/မရှိ၊ ဝန်ဆောင်မှုပေးသူများ၏ တစ်ကိုယ်ရည် သန့်ရှင်းမှု ရှိ/မရှိ၊အစားအသောက်များ သန့်ရှင်းလတ်ဆတ် သန့်ရှင်းမှု ရှိ/မရှိ၊ စားသောက်ဆိုင်များသည် မိမိတို့ဆိုင်များမှ ပေးအပ်သည့် ဝန်ဆောင်မှုနှင့် စပ်လျဉ်း၍  စားသုံးသူများအား လုံလောက်သည့် သတင်းအချက်အလက်များကို ဖော်ပြခြင်း ရှိ/မရှိ၊ ရောင်းချသည့် စားသောက်ဖွယ်ရာများ၏ အမျိုးအစား၊ အရွယ်အစား (size) ပမာဏ အလိုက် ဈေးနှုန်းအား ပွင့်လင်းမြင်သာစွာ ကြိုတင်သတိပေးဖော်ပြထားခြင်း ရှိ/မရှိ၊Table check အပါအဝင် အခြား ဝန်ဆောင်မှုများအတွက် ကောက်ခံနှုန်းထားများရှိပါက ဖော်ထားခြင်းရှိ/မရှိ စစ်ဆေးခဲ့ရာ အဆိုပါ စားသောက်ဆိုင် (၄)ဆိုင်သည် အစားအသောက် ပြုပြင်ရောင်းချသည့်နေရာများ သန့်ရှင်းမှုရှိပါကြောင်း၊ အစားအသောက် ကိုင်တွယ်ချက်ပြုတ်သူများ သန့်ရှင်းမှုရှိပါကြောင်း၊ ဝန်ဆောင်မှုပေးသူများ၏ တစ်ကိုယ်ရည် သန့်ရှင်းမှုရှိပါကြောင်း၊ စားအသောက်များ သန့်ရှင်းလတ်ဆတ်သန့်ရှင်းမှုရှိပါကြောင်း၊ စားသောက်ဆိုင်များသည် မိမိတို့ဆိုင်များမှ ပေးအပ်သည့် ဝန်ဆောင်မှုနှင့် စပ်လျဉ်း၍  စားသုံးသူများအား လုံလောက်သည့် သတင်းအချက်အလက်များကို အသိပညာပေး ဖော်ပြခြင်း အားနည်းမှုရှိပါကြောင်း၊ ရောင်းချသည့် စားသောက်ဖွယ်ရာများ၏ အမျိုးအစား၊ အရွယ်အစား (size) ပမာဏ အလိုက် ဈေးနှုန်းအား ပွင့်လင်းမြင်သာစွာ ကြိုတင်သတိပေးဖော်ပြထားမှု မရှိကြောင်း စိစစ်တွေ့ရှိရပါသည်။

     စစ်ဆေးတွေ့ရှိမှုအပေါ် ဆိုင်ပိုင်ရှင်အား စားသောက်ဖွယ်ရာများ၏ အမျိုးအစားအလိုက် ဈေးနှုန်းအား ပွင့်လင်းမြင်သာစွာ ဖော်ပြထား မှုဆောင်ရွက်ရန်၊ အစားအသောက် ကိုင်တွယ်ချက် ပြုတ်သူများကို ခေါင်းစည်းစွပ်ရန်၊ လက်အိတ်စွပ်ရန်၊ နေ့စဉ်တစ်ကိုယ်ရေသန့်ရှင်းမှု ဆောင်ရွက်သွားရန်၊ အစားအသောက်များအား ယင်မနားအောင်ဖုံးအုပ်ထားရန်၊ ရေမြောင်းများအား ရေစီးရေလာကောင်း အောင် နေ့စဉ်သန့်ရှင်းဆောင်ရွက်ထားရန် အသိပညာပေး ဆောင်ရွက်ခဲ့ကြောင်းသတင်းရရှိပါသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးသည် စားသုံးသူအခွင့်အရေးနှင့်စားသုံးသူ အကျိုးစီးပွားကို ကာကွယ်ရန်ရည်ရွယ်၍ (၂၇.၅.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် ခရိုင်ဦးစီးမှူးရုံး၌ ပြည်သူများအား စားသုံးသူကာကွယ်ရေးအသိပညာပေး ဟောပြောပွဲကျင်းပပြုလုပ်ခဲ့ကြောင်း သိရ သည်။

    ခရိုင်ဦးစီးမှူးက ဆွေးနွေးရာတွင်  ဌာန၏ မျှော်မှန်းချက်၊ ရည်မှန်းချက်များ၊ စားသုံးသူအခွင့် အရေးများအား သိရှိနားလည်ပြီး နစ်နာဆုံးရှုံးမှုများ ဖြစ်ပေါ်လာပါက တိုင်ကြားဆောင်ရွက်နိုင် ကြောင်း၊ စားသုံးသူ၏တာဝန်များလည်းရှိ၍ လိုက်နာရန်လိုအပ်ကြောင်း၊ ယခုအချိန်တွင် Online မှ ကုန်စည်နှင့်ဝန်ဆောင်မှုများ ရယူအသုံးပြုရာတွင် လိမ်လည်လှည့်စားမှုများ မကြာခဏဖြစ်ပေါ်နေ ၍ သတိပြုသုံးစွဲရန်အချက်အလက်များနှင့် လုံခြုံစိတ်ချရမှုရှိသော Page များတွင်သာ သေချာစွာ စိစစ်၍ အသုံးပြုစေလိုကြောင်း၊ ဌာနမှလည်း Online မှတ်ပုံတင်ခြင်းများ လုပ်ဆောင်ပေးလျက်ရှိ‌ ကြောင်း၊ www.ecomreg.gov.mm Link အားကြည့်ရှု၍အသုံးပြုစေလိုကြောင်း၊ စားသုံးသူကာကွယ် ရေးဆိုင်ရာသိကောင်းစရာများအကြောင်းအား Power point ဖြင့် ရှင်းလင်းဆွေးနွေးခဲ့ကြောင်း သိရှိရသည်။

DOCA(မကွေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ ပခုက္ကူခရိုင်ဦးစီးမှူးရုံးမှဝန်ထမ်းများသည် တိုင်းဒေသကြီးဦးစီးမှူး၏ လမ်းညွှန်မှု၊ ခရိုင် ဦးစီးမှူး၏ကြီးကြပ်မှုဖြင့် ထုတ်ကုန်များလုံခြုံစိတ်ချရမှုရှိစေရေးအတွက် မိတ်ဖက်ဌာနဆိုင်ရာများ နှင့်ပူးပေါင်း၍ (၂၇.၅.၂၀၂၅)ရက်နေ့၊ နံနက်(၀၉:၃၀)အချိန်တွင် ပခုက္ကူမြို့ပေါ်ရှိ အစားအသောက် ရောင်းချသည့် စားသောက်ဆိုင်များသို့သွားရောက်၍ ကွင်းဆင်းအသိပညာပေးခြင်းများ ဆောင်ရွက် ခဲ့ကြောင်း သိရသည်။

    အစားအသောက်ရောင်းချသည့် လုပ်ငန်းရှင်များအား မိမိတို့ရောင်းချသော စားသောက်ဆိုင် များတွင် အစားအသောက်ပြုပြင် ရောင်းချသည့်နေရာများ သန့်ရှင်းမှုရှိစေရန်၊ အစားအသောက် ကိုင်တွယ်ချက်ပြုတ်သူများ၊ ဝန်ဆောင်မှုပေးသူများ၏ တစ်ကိုယ်ရေသန့်ရှင်းမှုများရှိစေရန်၊ မိမိတို့ဆိုင် များမှ ပေးအပ်သည့် ဝန်ဆောင်မှုနှင့်စပ်လျဉ်း၍ စားသုံးသူများအား လုံလောက်သည့် သတင်းအချက် အလက်များကို အသိပေးဖော်ပြစေရန်၊  စားသောက်ဖွယ်ရာများ၏ အမျိုးအစား၊ အရွယ်အစားပမာဏ အလိုက် ဈေးနှုန်းများအား ပွင့်လင်းမြင်သာစွာ ကြိုတင်အသိပေးဖော်ပြထားရန်လိုအပ်ကြောင်း၊ သို့မှ သာ စားသုံးသူ၏အခွင့်အရေးများ ရရှိလာမည်ဖြစ်ပြီး  စားသောက်ဆိုင်၏ ဂုဏ်သတင်းများမှာလည်း ကျော်ကြားလာမည်ဖြစ်ပြီး အစားအသောက်ဝန်ဆောင်မှုကဏ္ဍအနေဖြင့် အသိပညာပေးဆွေးနွေး ခဲ့ကြောင်း သိရှိရသည်။

DOCA(မကွေး)

(၂၇.၅.၂၀၂၅) ရက်နေ့ နံနက် ၁၀ နာရီအချိန်၊ မုံရွာမြို့၊ စစ်ကိုင်းတိုင်းဒေသကြီးအစိုးရရုံး၊  DICA အစည်းအဝေးခန်းမတွင် စားသုံးသူကော်မတီ(၂/ ၂၀၂၅) ကြိမ်မြောက်အစည်းအဝေးကို ကျင်းပဆောင်ရွက် ရာတွင်  စားသုံးသူရေးရာကော်မတီဥက္ကဌ စီးပွားရေးရာဝန်ကြီးဒေါ်ရီရီသန်းက အဖွင့်အမှာစကား ပြောကြားပြီး ကော်မတီအဖွဲ့ဝင်များနှင့်စားသုံးသူရေးရာဉီးစီးဌာနမှ ဝန်ထမ်း(၇)ဦးတက်ရောက်ခဲ့ကြောင်း သတင်းရရှိ ပါသည်။

          အဆိုပါ အစည်းအဝေးတွင် စားသုံးသူရေးရာကော်မတီဥက္ကဌ၊ စီးပွားရေးရာဝန်ကြီး  ဒေါ်ရီရီသန်းက အဖွင်အမှာစကားပြောကြားရာ ဒီနေ့ကျင်းပတဲ့ စစ်ကိုင်းတိုင်းဒေသကြီး စားသုံးသူရေးရာ ကော်မတီအစည်းအဝေးကို (၃)လတစ်ကြိမ် ကျင်းပပြုလုပ်တာဖြစ်ကြောင်း၊ ၂၀၂၅-၂၀၂၆ ဘဏ္ဍာနှစ်၊ ဧပြီလနှင့်မေလအတွင်း စားသုံးသူကာကွယ်ရေးလုပ်ငန်းဆောင်ရွက်နိုင်မှုအခြေအနေများနဲ့ ရှေ့ဆက် ဆောင်ရွက်မယ့် လုပ်ငန်းများချပြရှင်းလင်းတဲ့ လုပ်ငန်းညှိနှိုင်းအစည်းအဝေးဖြစ်ကြောင်း၊ စားသုံးသူ ကာကွယ်ရေးလုပ်ငန်းများဆောင်ရွက်ရာမှာ စားသုံးသူအသိပညာပေးဟောပြောပွဲများဆောင်ရွက်ခြင်း၊ လုပ်ငန်းရှင်များနှင့်တွေ့ဆုံ၍ အမိန့်ညွှန်ကြားချက်များရှင်းလင်းခြင်း၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာနနှင့်ချိတ်ဆက်၍ Talk Show စနစ်ဖြင့် ပညာပေးခြင်း၊ ဈေးကွက်စောင့်ကြည့်စစ်ဆေးခြင်း၊ တိုင်ကြားမှုများအား ညှိနှိုင်းဖြေရှင်းဆောင်ရွက်ခြင်းများကို စားသုံးသူကာကွယ်ရေးဥပဒေနှင့်အညီ ဆောင်ရွက်လျက်ရှိပါကြောင်း၊   ၂၀၂၅-၂၀၂၆ ဘဏ္ဍာနှစ်၊ ဧပြီလမှ မေလအထိ စားသုံးသူကာကွယ်ရေး လုပ်ငန်းများဖြစ်သည့် စားသုံးသူအသိပညာပေးဟောပြောပွဲ (၁၆)ကြိမ်၊ လုပ်ငန်းရှင်များနှင့်တွေ့ဆုံ၍ အမိန့်ညွှန်ကြားချက်များ ရှင်းလင်းခြင်း(၄၀)ကြိမ်၊ ဈေးကွက်စောင့်ကြည့်စစ်ဆေးခြင်း (၃၅)ကြိမ်၊ တိုင်ကြားမှုများအား ညှိနှိုင်ဖြေရှင်း ဆောင်ရွက်ခြင်း (၁)ကြိမ်ဆောင်ရွက်ခဲ့ပါတယ်။ လစဉ်လျာထားချက် များပြည့်မီအောင် ဆောင်ရွက်နိုင်ခဲ့ပါကြောင်း၊ စစ်ကိုင်းတိုင်းဒေသကြီး စားသုံးသူရေးရာကော်မတီ အဖွဲ့ဝင်များအနေဖြင့် စားသုံးသူပြည်သူများက စားသုံးသူအခွင့်အရေး(၈)ချက်ပါ မူလရပိုင်ခွင့်များ အပြည့်အဝရရှိနိုင်ရေးအတွက် စားသုံးသူပညာပေးခြင်းလုပ်ငန်းများနဲ့ စားသုံးသူနစ်နာမှုများရှိပါက တိုင်ကြားတတ်စေဖို့၊ တိုင်ကြားလာတဲ့အခါ စေ့စပ်ညှိနှိုင်းဖြေရှင်းပေးနိုင်ဖို့ ဝိုင်းဝန်း ဆောင်ရွက်ပေးကြဖို့ တိုက်တွန်းလိုပါကြောင်း၊ ကော်မတီအတွင်းရေးမှူး တိုင်းဒေသကြီး စားသုံးသူရေးရာဦးစီးဌာန တိုင်းဒေသကြီးဦးစီးမှူး ဦးခမ်လျှန်စွမ်းက စားသုံးသူကာကွယ်ရေးလုပ်ငန်းသည် ပြည်သူအတွက် အထူးလိုအပ်ပါကြောင်း၊ စားသုံးသူပြည်သူများနစ်နာမှုရှိက တိုင်ကြားလာမှုရှိစေရေးနှင့် စားသုံးသူ ကာကွယ်ပေးရေးဥပဒေနှင့်အညီ ညှိ့နှိုင်းဖြေရှင်းဆောင်ရွက်ခြင်းများ၊ အွန်လိုင်းစနစ်သုံးစွဲမှုများ စိစစ် ကြပ်မတ်ဆောင်ရွက်ခြင်းများ ဆောာင်ရွက်ရန်လိုအပ်ကြောင်း၊ ယခင်ယခု လုပ်ငန်းဆောင်ရွက်မှုများ နှိုင်းယှဥ်ချက်များရှင်းလင်းဆွေးနွေးတင်ပြီး တက်‌ရောက်လာသော ကော်မတီအဖွဲ့ဝင်များက ဖြည့်စွက် ဆွေးနွေးခြင်းနှင့် အမှစာတင်ပြမှုအပေါ် ရှေ့ဆက်ဆောင်ရွက်မည့်လုပ်ငန်းများအား အစည်းအဝေး ဆုံးဖြတ်ချက်ချမှတ်၍ (၂/၂၀၂၅)ကြိမ်မြောက် စားသုံးသူရေးရာကော်မတီအစည်းအဝေးကို အောင်မြင်စွာကျင်းပဆောင်ရွက်နိုင်ခဲ့ပါသည်။

Doca(စစ်ကိုင်း)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ မျှော်မှန်းချက် ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ အပြင် စားသုံးသူကာကွယ်ရေးအသိပညာပေးလုပ်ငန်းများကို ဆောင်ရွက်လျက်ရှိရာ ရွှေဘိုခရိုင်ဦးစီးမှူးရုံးမှ ခရိုင် ဦးစီးမှူး ဦးဆောင်၍ ၂၀၂၅ခုနှစ်၊ မေလအတွင်း စီးပွားရေးလုပ်ငန်းရှင်များနှင့် တွေ့ဆုံခြင်းအား (၅)  ကြိမ် ဆောင်ရွက်ခဲ့ပါသည်။

 ရွှေဘိုခရိုင်အနေဖြင့် ၂၀၂၅ခုနှစ် မေလအတွင်း စီးပွားရေးလုပ်ငန်းရှင်အား တွေ့ဆုံခြင်း (၅) ကြိမ် ဆောင်ရွက်ခဲ့ရာ ခရိုင်ဦးစီးမှူးဦးဆောင်သော ဝန်ထမ်းများအဖွဲ့သည် (၇.၅.၂၀၂၅) ရက်နေ့ စားသောက် ဆိုင်လုပ်ငန်းရှင်၊ (၁၂.၅.၂၀၂၅)ရက်နေ့တွင် ရေသန့်စက်လုပ်ငန်းရှင်၊ (၁၂.၅.၂၀၂၅)ရက်နေ့ တွင် ဆန်စက် လုပ်ငန်းရှင်၊ (၁၄.၅.၂၀၂၅)ရက်နေ့တွင် အဆင့်မြင့်ဆန်ရွေးစက်လုပ်ငန်းရှင် ၊ (၁၆.၅.၂၀၂၅) ရက် နေ့တွင် စားသောက်ဆိုင်လုပ်ငန်းရှင်တို့နှင့်တွေ့ဆုံ ဆွေးနွေးပြီး စားသုံးသူ ကာကွယ်ရေးဥပဒေ၊  အမိန့် ၊  ညွှန် ကြား ချက်များကို  ဌာနမှ ဆောင်ရွက်လျက်ရှိသော လုပ်ငန်းများအား အသိပညာပေး ဆွေးနွေးခဲ့ကြောင်း သတင်းရရှိပါသည်။

Doca(စစ်ကိုင်း)