သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်တာဝန်ခံနှင့် ဝန်ထမ်းသည် (၈.၁.၂၀၂၆) ရက်နေ့၊ ညနေ(၁၆:၃၀)နာရီအချိန်တွင် စလင်းမြို့ပေါ်ရှိ အွန်လိုင်းစနစ်ဖြင့် ရောင်းချသည့် Phyoe Rice Trading စားသောက်ကုန်ပစ္စည်းများရောင်းချသည့် လုပ်ငန်းအား Online မှတ်ပုံတင်ရာတွင် အချက်အလက်များနှင့်ကိုက်ညီမှု ရှိ/မရှိ မြေပြင်ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။

     ထိုသို့ကွင်းဆင်းစစ်ဆေးရာတွင် စလင်းမြို့နယ်တာဝန်ခံက Phyoe Rice Trading စားသောက် ကုန်ပစ္စည်းများရောင်းချသည့် လုပ်ငန်းအား Online စနစ်ဖြင့် ရောင်းချခြင်းလုပ်ငန်းနှင့် ပတ်သက်၍ မှတ်ပုံတင်မည့် လုပ်ငန်းအမည် မှန်ကန်မှု ရှိ/မရှိ၊ လုပ်ငန်းလိပ်စာမှန်ကန်မှု ရှိ/မရှိ၊ ဖုန်းနံပါတ်မှန်ကန်မှု ရှိ/မရှိ၊ လျှောက်ထားသူ၏ အကျင့်စာရိတ္တကောင်းမွန်ကြောင်း၊ အမည် ပျက်စာရင်းတွင် ပါဝင်ခြင်း မရှိကြောင်း ထောက်ခံချက်နှင့် ရောင်းချနေသည့် ကုန်စည်/ဝန်ဆောင်မှု အုပ်စုအတိုင်း ကိုက်ညီမှု ရှိ/မရှိ၊ ရောင်းချနေသည့် ကုန်စည်/ဝန်ဆောင်မှုသည် ဥပဒေတစ်ရပ်ရပ်အရ တားမြစ်ထားသော (သို့မဟုတ်)ကန့်သတ်ထားသော ကုန်စည်ဟုတ်/မဟုတ် (သို့မဟုတ်) ဥပဒေ တစ်ရပ်ရပ်နှင့် ငြိစွန်းခြင်း ရှိ/မရှိ၊ ကုန်စည်အလိုက် သက်ဆိုင်ရာဌာနများ၏ ထောက်ခံချက်/ ညွှန်ကြားချက်များနှင့် ကိုက်ညီမှု ရှိ/မရှိ စသည့် မြေပြင်စစ်ဆေးရမည့် အချက် (၁၈)ချက်နှင့်အညီ စစ်ဆေးခဲ့ပြီး အွန်လိုင်းစနစ်ဖြင့် ရောင်းချသည့် လုပ်ငန်းဆိုင်ရာ အမိန့်ကြော်ငြာစာများ၊  အွန်လိုင်း မှတ်ပုံတင်လက်မှတ်ရရှိထားသူ၏ တာဝန်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် ၏ တာဝန်နှင့် အာမခံရမည့်အချက်များ၊ စားသုံးသူအခွင့်အရေးနှင့်တာဝန်များအကြောင်းကို ရှင်းလင်း ဆွေးနွေးခဲ့ကြောင်း သိရှိရသည်။

 DOCA(မကွေး)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါးအသင်းချုပ်တို့ ပူးပေါင်း၍ ဆန်စပါး စီးပွားရေးလုပ်ငန်းများအား စနစ်တကျ စီမံခန့်ခွဲ ဆောင်ရွက်နိုင်ရန်၊ တောင်သူလယ်သမားများ၊ ကုန်သည်၊ စက်ပိုင် လုပ်ငန်းရှင်များ၊ ပြည်တွင်း/ပြည်ပ ဝယ်သူ/ရောင်းသူများ၊ ကျွမ်းကျင်ပညာရှင်များ၊ သုတေသီများ၊ စားသုံးသူများ အပါအဝင် ဆန်စပါး လုပ်ငန်းနှင့် ဆက်နွယ်သည့် stakeholderများအတွက်တစ်နေရာတည်းတွင် သတင်းအချက်အလက် များ၊ ဝန်ဆောင်မှုများ၊ မှတ်ပုံတင်သည့် လုပ်ငန်းများကို အချိန်တိုအတွင်း လွယ်ကူရိုးရှင်းစွာဖြင့် ရယူဆောင်ရွက်နိုင်ရန်၊ နိုင်ငံတော်၏ ဆန်စပါးလုပ်ငန်းဆိုင်ရာ မူဝါဒလမ်းညွှန်ချက်များကို ခေတ်မီ ဒီဂျစ်တယ်နည်းပညာကို အသုံးပြု၍ ထိန်းကျောင်းဆောင်ရွက်လျက်ရှိရာ မကွေးတိုင်းဒေသကြီး အတွင်း မှတ်ပုံတင် ထားရှိသောသိုလှောင်ရုံ/ ဆန်ဆိုင်  စုစုပေါင်း(၃၇၆)လုံးရှိပြီး  မြန်မာဆန်စပါး အွန်လိုင်း (MyRO)တွင် ဆန်စပါးသိုလှောင်ရုံများ မှတ်ပုံတင်ခြင်း၊ သက်တမ်းတိုးခြင်း အပါအဝင် ကုန်ရ၊ ကုန်ထုတ်၊ ကုန်လက်ကျန် ဖြည့်သွင်းခြင်း လုပ်ငန်းစဉ်များကို လုပ်ငန်းရှင်များအား လိုက်ပါ ဆောင်ရွက်နိုင်ရေး နည်းပညာပိုင်းဆိုင်ရာ ကူညီသင်ကြားပေးခြင်းနှင့် အသိပညာပေးလုပ်ငန်းများ ဆောင်ရွက်လျက်ရှိပါသည်။

   ထို့ပြင်   မှတ်ပုံတင်သက်တမ်း တစ်နှစ်ပြည့်မြောက်ပြီးသော ဆန်စပါး သိုလှောင်ရုံပိုင်ရှင်များကို မှတ်ပုံတင် သက်တမ်းတိုးထားရှိနိုင်ရေး အသိပေးအကြောင်းကြားခြင်း၊ မှတ်ပုံတင်ထားရှိပြီးသည့် ဆန်စပါး သိုလှောင်ရုံ/ ဆန်ဆိုင်/ ဆန်စက်များအား သိုလှောင်ရုံစစ်ဆေးရေး လုပ်ငန်းလမ်းညွှန် ချက်များအတိုင်း မကွေးတိုင်းဒေသကြီး သိုလှောင်ရုံစစ်ဆေးရေး လုပ်ငန်းအဖွဲ့ဖြင့် ကွင်းဆင်း ဆောင်ရွက်လျက်ရှိရာ ၂၀၂၆ခုနှစ်၊ ဇန်နဝါရီလ ၇ ရက်နေ့တွင် မကွေးမြို့ပေါ်ရှိ ဆန် သိုလှောင်ရုံနှင့် ဆန်ဆိုင်(၁၇)ဆိုင်အား မြေပြင်ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(မကွေး)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦး တို့သည် (၁၂.၁.၂၀၂၆) ရက်နေ့ နေ့လယ် (၁၂:၄၅) နာရီအချိန်တွင် အမှတ် (၁၀၂)၊ ချယ်ရီလမ်း၊ ဇုန် (၁) ရွှေပြည်သာမြို့နယ်ရှိ Diesel King Co.,Ltd သို့ သွားရောက်၍ ကွင်းဆင်းသွားရောက်တွေ့ဆုံပြီး ထုတ်လုပ်ဖြန့်ဖြူးရောင်းချမှုအား ကွင်းဆင်းလေ့လာခြင်းများ ဆောင်ရွက်ခဲ့ပါသည်။

        တာဝန်ခံဖြစ်သူ ဦးအောင်ကိုယုက Diesel King Co.,Ltd မှ ခြင်ဆေးလုပ်ငန်းတွင် ထုတ်လုပ်သော ဂေါ်ဇီလာအမှတ်တံဆိပ်ဖြင့် ဂေါ်ဇီလာခြင်ဆေးခွေ၊ ဂေါ်ဇီလာခြင်နှင့် ပိုးမွှားသတ် ဆေးရည် (၂) မျိုးထုတ်လုပ်လျက်ရှိပြီး ခြင်ဆေးခွေတစ်ရက်ထုတ်လုပ်မှုမှာ (၅) ဗူးတွဲကဒ် (၁၆) ကဒ်ပါ (၁၀၀၀)နှင့် ခြင်နှင့် ပိုးမွှားသတ်ဆေးရည် (၁) ကဒ်လျှင် (၁၂) ဗူးပါ သေတ္တာ (၁၀၀၀) တို့ ထုတ်လုပ်လျက်ရှိပြီး ပြည်တွင်းအနှံ့အပြားသို့ ဖြန့်ဖြူးရောင်းချလျက်ရှိကြောင်း ဝန်ထမ်းအင်အားမှာ ကျား(၄၁၃)ဦး၊ မ(၁၉၈)ဦး စုစုပေါင်း(၆၁၁)ဦးဖြင့် လုပ်ငန်းအဆက်မပြတ် လုပ်ကိုင်လည်ပတ် လျက်ရှိကြောင်း သိရှိရပါသည်။

DOCA (ရန်ကုန်)

     ဧရာဝတီတိုင်းဒေသကြီး မအူပင်ခရိုင်၊ ဓနုဖြူမြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ရုံးက ဦးခိုင်လွမ်းမိုးနှင့် ဝန်ထမ်းများ၊ မိတ်ဖက်အဖွဲ့များနှင့်အတူ စတိုးဆိုင်များတွင်ဖြန့်ဖြူး ရောင်းချလျက်ရှိသည့် ကလေးအဟာရအမျိုးမျိုးနှင့်စပ်လျဉ်း၍ စားသုံးသူကာကွယ်ရေး ဥပဒေပါ  ကုန်စည်များ၌ ကုန်အညွှန်းအမှတ် ပြည့်စုံစွာပါရှိ/မရှိ ကွင်းဆင်းစစ်ဆေးခြင်းကို (၁၂.၁.၂၀၂၆) ရက်နေ့နံနက်  (၀၉၃၀) နာရီခွဲအချိန်က စစ်ဆေးခဲ့ကြောင်း သိရသည်။

      ဓနုဖြူမြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူးရုံးက ဦးခိုင်လွမ်းမိုး နှင့် ဝန်ထမ်းများ၊ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးနှင့်ကုသရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူတို့က မြို့မဈေးနှင့် ရပ်ကွက်များအတွင်း ကုန်စုံ ဆိုင်များရှိ ကလေးအာဟာရ ဖြည့်စွက်စာအမျိုးမျိုးတို့တွင် စားသုံးသူရေးရာ ဦးစီးဌာန ၏ စားသုံးသူကာကွယ်ရေးဥပဒေ (၂၀၁၉)၊ အခန်း (၁၈)၊ ပုဒ်မ (၄၁)၊ ကုန်အညွှန်း အမှတ်အသား ဖော်ပြချက်နှင့် ကိုက်ညီမှု ရှိ/မရှိ၊ ညွှန်ကြားချက် အမိန့်အမှတ် (၂/၂၀၁၉)ဖြင့် ထုတ်ပြန်ထားသော ကုန်စည်များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု (သို့မဟုတ်) တစ်ခုထက်ပို၍ဖြစ်စေ ဖော်ပြရာ၌ စီးပွားရေးလုပ်ငန်းရှင်များ လိုက်နာဆောင်ရွက်ရန် ညွှန်ကြားချက်နှင့် ကိုက်ညီမှု ရှိ/မရှိနှင့် ကျန်းမာရေးဝန်ကြီးဌာနမှ ထုတ်ပြန်ထားသည့် နို့စို့ကလေးနှင့် ကလေးငယ်များအတွက် ဖော်စပ်ထုတ်လုပ်ထားသော အစားအသောက်များ ဈေးကွက် တင်ခြင်းဆိုင်ရာ အမိန့်ဖော်ပြထားခြင်းနှင့် ကိုက်ညီမှု ရှိ/မရှိတို့ကို ဈေးကွက်စောင့်ကြည့် စစ်ဆေးရေး ပူးပေါင်းအဖွဲ့မှ ကွင်းဆင်းစစ်ဆေးကြကြောင်း သိရသည်။  

DOCA(ဧရာဝတီ)

      စားသုံးသူ‌ရေးရာဦးစီးဌာန၊ မအူပင်ခရိုင်၊ ပန်းတနော် မြို့နယ်တာ၀န်ခံနှင့်ဝန်ထမ်းတို့သည် (၁၂.၁.၂၀၂၆) နေ့၊ နေ့လယ် (၁၂:၀၀)အချိန်တွင်  ပန်းတနော်မြို့နယ်‌ ပတောက်စုကျေးရွာ  စောမြဖော ဆန်စက် သို့သွားရောက်၍  ဆန်စပါး ဝယ်ယူကြိတ်ခွဲမှု၊  စပါးဆန်ဈေးကွက်အခြေအနေများ၊ သိုလှောင်ရုံမှတ်ပုံတင်ထားရှိမှု ရှိ/မရှိ ၊Gasifierများစနစ်တကျအသုံးပြုမှုရှိ/မရှိ၊MSMEလုပ်ငန်းဖွံ့ဖြိုးတိုးတက်စေရေးကို ကွင်းဆင်းလေ့လာဆောင်ရွက်ခဲ့ပါသည်။
     အဆိုပါ ဆောင်ရွက်ခြင်းကို မြို့နယ်စာသုံးသူရေးရာဦးစီးဌာနမှ ဦးအောင်ကျော်သက်က ဆန်ထွက် ပစ္စည်းများ ဈေးကွက် အတွင်း ဖြန်ဖြူးရောင်းချရာတွင် ထုတ်ကုန် လုံခြုံစိတ်ချမှုရှိ စေရေးအသိပညာပေးခြင်း စပါး/ဆန်သို လှောင်ရုံမှတ်ပုံတင်ထားရှိမှုကို စစ်ဆေးခြင်း၊ သက်တမ်းတိုးရန်ရှိပါက သက်တမ်းတိုး ဆောင်ရွက်ရန်ကိုလည်းကောင်း၊ ဆန်စက်တွင် ဆန်လက်ကျန်၊ ဆန်သိုလှောင်ထားရှိမှုအခြေအနေ၊ ဆန်တင်ပိုမှု အခြေအနေများ၊ ရန်ကုန်ဆန်တင်ပို့မှုအခြေအ‌နေများ၊Gasifier အသုံးပြု၍လည်ပတ်နေသည့် ဆန်စက်များ အနေဖြင့် သဘာဝပတ်ဝန်းကျင်ထိခိုက်မှုမရှိစေရေး အထူးအလေးထားဆောင်ရွက်ရန်၊ သတ်မှတ်ထားသည့် စည်းမျဉ်းစည်းကမ်းများနှင့်အညီ လည်ပတ်မောင်းနှင်ရန်၊ ဆန်စက်တွင် လက်ရှိစပါး တင်း ၃၀၀၀တင်း၊  ဆန်အိတ် ၅၀၀ ရှိကြောင်း ဌာနမှ သတ်မှတ်စည်းကမ်း လမ်းညွှန်ချက်များအတိုင်း လိုက်နာဆောင်ရွက်ပြီး လုပ်ကိုင် ဆောင်ရွက်လျက်ရှိကြောင်း ဆန်စက်လုပ်ငန်းရှင်ပြောကြားချက်အရ သိရသည်။

DOCA(ဧရာဝတီ)