ပြည်တွင်းကုန်သွယ်မှုသတင်း

       စစ်ကိုင်းတိုင်းဒေသကြီးသည် ဆန်ပိုဒေသများအနေဖြင့် ကလေး၊ ကသာ၊ ကန့်ဘလူ၊ ရွှေဘိုနှင့် ရေဦး ခရိုင်တို့ဖြစ်ပြီး ကလေးခရိုင်တွင် စပါး/ဆန်ဈေးနှုန်းများ အနည်းငယ်ကျဆင်း၍ ရွှေဘိုခရိုင်နှင့် ရေဦးခရိုင်တို့တွင် ဆန် ဈေးနှုန်း အနည်းငယ်မြင့်တက်ပြီး ကျန်ခရိုင်များတွင် ဈေးအေးနေကြောင်း သိရှိရပါသည်။

      စစ်ကိုင်းတိုင်းဒေသကြီးအတွင်း နိုဝင်ဘာလ(တတိယ)ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း(စပါး)  တင်း ၁၀၀လျှင် ကျပ် ၃,၇၀၀,၀၀၀၊ ပေါ်ဆန်း (ဆန်) ၂၄ပြည်ပါ တစ်အိတ်လျှင် ၁၂၅,၀၀၀ကျပ်၊ ဧရာမင်း (ဆန်) ၂၄ပြည်ပါ တစ်အိတ်လျှင် ၁၄၀,၀၀၀ ကျပ်၊ နွေစပါး(ရွှေဝါထွန်း) စပါးတင်း(၁၀၀)လျှင် ကျပ် ၁,၈၀၀,၀၀၀၊  နွေစပါး(ရွှေဝါထွန်း) (ဆန်) ၂၄ပြည် ပါတစ်အိတ်လျှင် ကျပ် ၇၃,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

     ရေဦးခရိုင်၊ ရေဦးမြို့နယ်တွင် ပေါ်ဆန်း (စပါး)တင်း ၁၀၀လျှင် ကျပ် ၃,၇၀၀,၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၁၂၅,၀၀၀၊  ဧရာမင်း(ဆန်)၂၄ပြည်ပါ တစ်အိတ် ၁၄၀,၀၀၀ ကျပ်၊ နွေစပါး (ရွှေဝါ ထွန်း) စပါးတင်း (၁၀၀)လျှင် ကျပ် ၁,၈၀၀,၀၀၀၊  နွေစပါး (ရွှေဝါထွန်း) (ဆန်) ၂၄ပြည်ပါ တစ်အိတ်လျှင် ကျပ် ၇၃,၀၀၀ များဖြင့် အရောင်းအဝယ် ဖြစ်နေကြောင်း သိရပါသည်။

     ကလေးခရိုင်၊ ကလေးမြို့နယ်တွင် ဧည့်မထ(စပါး) တင်း၁၀၀ လျှင် ၂,၈၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန်(စပါး)တင်း၁၀၀လျှင် ၂၈၀၀,၀၀၀၊ ငစိန် (ဆန်)၂၄ပြည်ပါ တစ်အိတ်မှာ ၉၅,၀၀၀၊ ဧရာမင်း(စပါး) တင်း ၁၀၀ လျှင် ကျပ် ၂,၉၀၀,၀၀၀၊ ဧရာမင်း(ဆန်)၂၄ပြည်ပါ တစ်အိတ်မှာ ကျပ် ၁၁၀,၀၀၀၊ နွေစပါး(ဒေသမျိုး)(စပါး) တင်း ၁၀၀ လျှင် ကျပ် ၁,၁၀၀,၀၀၀၊ နွေစပါး (ဒေသမျိုး) (ဆန်) ၂၄ ပြည်ပါ တစ်အိတ်မှာကျပ် ၈၅,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

   ကသာခရိုင်၊ အင်းတော်မြို့နယ်တွင် ဆင်းဧကရီ(၃)(စပါး)  တင်း၁၀၀ လျှင် ကျပ် ၁,၉၀၀,၀၀၀၊ ဆင်းဧကရီ-၃ ဆန် ၂၄ပြည်တစ်အိတ်မှာကျပ် ၉၀,၀၀၀၊ ဧရာမင်း (စပါး)တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၁၂၀,၀၀၀၊ နွေစပါး(ဆင်း-၃)(စပါး) တင်း ၁၀၀ လျှင် ကျပ် ၁,၃၀၀,၀၀၀၊ နွေစပါး (ဆင်း-၃)(ဆန်)၂၄ပြည်ပါ တစ်အိတ်မှာကျပ် ၆၅,၀၀၀ ဖြင့် အရောင်းအဝယ် ဖြစ် နေကြောင်း သိရပါသည်။

   မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၃,၅၀၀,၀၀၀၊  ဧရာမင်း (ဆန်) ၂၄ပြည် တစ်အိတ်မှာ ကျပ် ၁၂၅,၀၀၀၊ ပေါ်ဆန်း (စပါး) တင်း ၁၀၀ လျှင် ကျပ် ၃,၅၀၀,၀၀၀၊  ပေါ်ဆန်း (ဆန်) ၂၄ပြည် တစ်အိတ်မှာ ကျပ် ၁၃၀,၀၀၀၊ မနောသုခ(စပါး) တင်း ၁၀၀လျှင် ကျပ် ၂,၀၀၀,၀၀၀၊ မနောသုခ (ဆန်)၂၄ ပြည် တစ်အိတ်လျှင် ကျပ် ၉၀,၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

 ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)တင်း ၁၀၀ လျှင် ကျပ် ၃,၀၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၂၇,၅၀၀၊ ပေါ်ဆန်း(စပါး) တင်း ၁၀၀လျှင် ကျပ် ၃,၅၀၀,၀၀၀၊ ပေါ်ဆန်း (ဆန်)၂၄ပြည်တစ်အိတ်လျှင် ကျပ် ၁၂၂,၀၀၀၊ နွေစပါး ရွှေဝါထွန်း (စပါး)တင်း ၁၀၀ လျှင် ကျပ် ၁,၆၈၀,၀၀၀၊ ရွှေဝါထွန်း(ဆန်)၂၄ပြည် တစ်အိတ်မှာ ကျပ် ၆၈,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

   နိုဝင်ဘာလ (ဒုတိယ)ပတ်တွင် စစ်ကိုင်းတိုင်းဒေသကြီးမှ အခြား တိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၁၅,၇၅၀၊ မန္တလေး သို့ အိတ်ရေ ၁၇,၉၀၅၊ မကွေး သို့ အိတ်ရေ ၁,၀၀၀၊ နေပြည်တော်သို့ အိတ်ရေ ၃,၂၀၀၊ ရှမ်း (တောင်)သို့ အိတ်ရေ ၂,၄၀၀၊ ကယားသို့ အိတ်ရေ ၄၀၀၊ ကချင်သို့ အိတ်ရေ (၅၀၀)၊ စုစုပေါင်း အိတ်ရေ (၄၁,၉၆၁) အိတ်၊ တန်အားဖြင့် (၂,၀၉၈) စီးထွက်ခဲ့ပြီး၊ ယခု နိုဝင်ဘာလ(တတိယ)ပတ်တွင် စစ်ကိုင်းတိုင်းဒေသကြီးမှ အခြား တိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၁၇,၀၀၀၊ မန္တလေး သို့ အိတ်ရေ ၂၂,၂၀၀၊ မကွေး သို့ အိတ်ရေ ၂,၀၀၀၊ နေပြည်တော်သို့ အိတ်ရေ ၄,၃၀၀၊ ရှမ်း (တောင်)သို့ အိတ်ရေ ၂,၈၀၀၊ မွန်သို့ အိတ်ရေ ၈,၃၂၀၊ စုစုပေါင်း အိတ်ရေ (၅၉,၄၇၃) အိတ်၊ တန်အား ဖြင့် (၂,၉၇၃) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၁၇,၅၁၂) အိတ်၊ တန်အားဖြင့် (၈၇၅) ပို၍ စီးထွက်ခဲ့ပါကြောင်း သိရှိရပါသည်။

DOCA (စစ်ကိုင်း)               

    ပြည်ခရိုင်အတွင်းရှိ ပန်းတောင်းမြို့နယ်၊ သရက်လိန်အုပ်စု၊ ခတ္တိယကျေးရွာ၌ မိုးစပါးများရိတ်သိမ်းထားရှိကြောင်း သိရှိရပါသဖြင့် စားသုံးသူရေးရာဦးစီးဌာန၊ ပန်တောင်းမြို့နယ်တာဝန်ခံနှင့်ဝန်ထမ်းများအဖွဲ့သည် (၉-၁၁-၂၀၂၃)ရက်နေ့၊ နံနက် (၁၀:၀၀) နာရီအချိန်တွင်သွားရောက်၍ စပါးဈေးနှုန်း၊ ဈေးကွက်အခြေအနေများအား ကွင်းဆင်းလေ့လာခဲ့ပါသည်။

     ထိုသို့ကွင်းဆင်းလေ့လာရာတွင် မိုးစပါးစိုက်ပျိုးသူတောင်သူ ဒေါ်ခင်မာချိုက ယခုအချိန်တွင် မိုးစပါး (၁) ဧကသာရိတ်သိမ်းထားရှိပြီး စိုက်ပျိုးသည့်စပါးမျိုးမှာ ရက်(၁၀၀)စပါးမျိုးနှင့် ပဒုမ္မာစပါးမျိုးတို့ဖြစ်ကြောင်းသိရပါသည်။ မိုးစပါးကို ယခင်နှစ် နွေစပါးစိုက်ပျိုးထားသည့်ကွင်းထဲတွင် ထပ်မံစိုက်ပျိုးခဲ့ရာ စပါးမှာ အထွက်စောပြီး အထွက်နှုန်းမှာ တစ်ဧကလျှင် တင်း(၂၀)ခန့်ထွက်ရှိကြောင်းသိရပါသည်။ ယခုလက်ရှိစပါးဈေးနှုန်းအနေဖြင့် အစိုဓာတ် (၂၀%) နှင့် (၅၄)ပေါင် တင်း(၁၀၀)ကို ၁၇၀၀၀၀၀ကျပ်ဈေးပေါက်ကြောင်းသိရပါသည်။ စပါးအစိုဓာတ်ရှိသည့်အတွက် အနည်းဆုံး (၂/၃)ရက်နေလှန်း၍ကြိတ်ခွဲရပါသည်။ တစ်ဧကလျှင် စပါးရိတ်သိမ်းခမှာ ကျပ်(၁) သိန်းပေးရပြီး ယခင်နှစ်တွင် တစ်ဧကလျှင် (၈၅၀၀၀)ကျပ်နှုန်းပေးချေရသဖြင့် ယခုနှစ်တွင် ရိတ်သိမ်းခများဈေးမြင့်တက်လာပြီး စပါးအထွက်နှုန်းနည်းသောကြောင့် တွက်ခြေကိုက်မှုနည်းကြောင်းသိရပါသည်။

DOCA(ပဲခူး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက် ၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိ ပါသည်။

      ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့် ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ နိုဝင်ဘာလ ၂၀ ရက်နေ့မှ နိုဝင်ဘာလ ၂၇ ရက်နေ့ အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၄၉၉၀ ကျပ် ဖြစ်ကြောင်း ထုတ်ပြန်ကြေညာထားပါသည်။

    ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။

     အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊  Facebook Page  နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင် များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

    ပဲခူးတိုင်းဒေသကြီး၊ ပြည်ခရိုင်အနေဖြင့် ဝါစိုက်ဧကမှာ (၁၂၈၉၃)ဧကရှိပြီး ဝါကြီးစိုက်ဧကမှာ (၁၈၀၄)ဧကနှင့် ချည်မျှင်ရှည်ဝါစိုက်ဧကမှာ (၁၁၀၈၉)ဧကရှိပါသည်။ ဝါသီးနှံကို ဇူလိုင်လဖြစ်သော မိုးလယ်ရာသီတွင်စိုက်ပျိုးပြီး ၂၀၂၃ခုနှစ်၊ နိုဝင်ဘာလဆန်းပိုင်းတွင် အနည်းငယ်စတင်ထွက်ပေါ်လာပါသည်။ စိုက်ပျိုးသောဝါအမျိုးအစားမှာ တစ်စေ့ဝါအမျိုးအစားဖြစ်ပြီး တစ်ဧကလျှင် ဝါပိဿာချိန် (၅၀၀)ပိဿာခန့်ထွက်ရှိနိုင်သည်ဟု ခန့်မှန်းသိရှိရပါသည်။ ယခင်နှစ်တွင် ဝါတစ်ဧကလျှင် ပိဿာချိန် (၈၀၀) ပိဿာခန့်ထွက်ရှိသဖြင့် ယခုနှစ်တွင် အထွက်နှုန်းလျော့နည်းလာကြောင်းတွေ့ရပါသည်။ ဝါတစ်ဧကစိုက်ပျိုးထုတ်လုပ်မှု ကုန်ကျစရိတ်မှာ ကျပ်(၄)သိန်းခန့်ကုန်ကျပြီး ဈေးနှုန်းများအနေဖြင့် ယခုနှစ် လက်တလောဝါရောင်းဈေးမှာ တစ်ပိဿာလျှင် ၂၈၀၀ကျပ်ရရှိသဖြင့် တစ်ဧကအကျိုးအမြတ်အနေဖြင့် (၁၀)သိန်းကျပ်ခန့်ရရှိကြောင်းသိရပါသည်။ ယခင်နှစ်တွင် ဝါဈေးနှုန်းမှာ တစ်ပိဿာလျှင် ၁၄၀၀ကျပ်ဖြင့် အရောင်းအဝယ်ဖြစ်ခဲ့ပြီး ဝါအထွက်နှုန်းကောင်းသော်လည်း ဈေးနှုန်းာနည်းသဖြင့် တစ်ဧကအကျိုးအမြတ်မှာ ကျပ်(၅)သိန်းခန့်ရရှိကြောင်းသိရပါသည်။

      ပြည်ခရိုင်အတွင်း ထွက်ရှိသောဝါများကို ဝါကြိတ်စက်ရုံများက ဝယ်ယူလျက်ရှိကြပြီး ရွာပွဲစားများကလည်းဝယ်ယူကာ အောင်လံနှင့်မန္တလေးမြို့သို့ တင်ပို့ရောင်းချကြောင်းသိရပါသည်။ ဝါစိုက်တောင်သူများအနေဖြင့် သွင်းအားစုဖြစ်သော ပိုးသတ်ဆေး၊ ဓာတ်မြေဩဇာများဈေးနှုန်းမြင့်တက်လာမှုကြောင့် သွင်းအားစုဈေးနှုန်းများ သက်သာစွာရရှိနိုင်ရေး မျှော်လင့်လျက်ရှိပါသည်။ ထို့ပြင် တောင်သူများအတွက် မျိုးကောင်း၊ မျိုးသန့်များ၊ စိုက်ပျိုးနည်းစနစ်များကိုဖြန့်ဝေပေးနိုင်လျှင် အထွက်နှုန်းပိုလာမည့်အပြင် ဝါအရည်အသွေးကောင်းများလည်းရရှိလာနိုင်မည်ဖြစ်ပြီး ဝါဂွမ်းမှတစ်ဆင့် တန်ဖိုးမြှင့်ထုတ်ကုန်ချည်မျှင်နှင့်အထည်အလိပ်များကို ဒေသအတွင်းထုတ်လုပ်လာနိုင်ပါက အခြားသောအခွင့်အလမ်းများအပြင် နိုင်ငံတော်အတွက်လည်း ဝင်ငွေများပိုမိုရရှိလာနိုင်မည်ဖြစ်ကြောင်း ရေးသားတင်ပြလိုက်ရပါသည်။

DOCA(ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ပြည်မြို့သစ်ဈေးတွင်ရောင်းချနေသော ပုစွန်ခြောက်များမှာ ရခိုင်ဘက်မှလာသော ပုစွန်ခြောက်များရှိသည့်အပြင် ပုသိမ်ဘက်မှလာသော ပုစွန်ခြောက်များလည်းရှိကြောင်းတွေ့ရပါသည်။ ၂၀၂၃ခုနှစ်၊ နိုဝင်ဘာလ ဒုတိယပတ်တွင် ပုစွန်ခြောက်များ ပုံမှန်အရောင်းအဝယ်ဖြစ်နေပါသည်။ ပုစွန်ခြောက်ဈေးနှုန်းများမှာ ဝင်သည့်ဒေသပေါ်မူတည်၍ ဈေးနှုန်းများကွာခြားပါသည်။ ဈေးနှုန်းအနေဖြင့် အရည်အသွေးကိုလိုက်၍ ကွာခြားလျက်ရှိပါသည်။ ပုစွန်ခြောက်အကောင်ကြီး ရှယ်တစ်ပိဿာလျှင် (၈၀၀၀၀)ကျပ်၊ အလတ်တစ်ပိဿာလျှင် (၇၀၀၀၀)ကျပ်နှင့် အသေးတစ်ပိဿာလျှင် (၆၀၀၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်ခဲ့ကြောင်းသိရပါသည်။ ပုစွန်ခြောက်အသေး (ကြပ်တင်းခြောက်)များမှာမူ တစ်ပိဿာလျှင် (၄၀၀၀၀)ကျပ်ရှိကြောင်းသိရှိရပါသည်။

DOCA(ပဲခူး)