ပြည်တွင်းကုန်သွယ်မှုသတင်း

         ၂၀၂၅ ခုနှစ်၊ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့၊ ပိတောက်မြိုင်ဈေးကွက်အတွင်း အာလူးနှင့် ဂျင်း(ချင်း) တို့ကို ရှမ်းပြည်နယ် အောင်ပန်းမြို့နှင့်မန္တလေးတိုင်းဒေသကြီးမှ အများဆုံး မှာယူရောင်း ချလျက်ရှိကြောင်း သိရှိရပါသည်။

            ကျွန်းလှမြို့နယ်တွင် ၂၀၂၅ ခုနှစ်၊ ယခု ဇူလိုင်လ ပထမပတ်တွင် ပိတောက်မြိုင်ဈေးအတွင်း ဖြစ် ပေါ်နေသော အာလူးသီးဈေးနှုန်း အနေဖြင့် အာလူးသီးအလုံးကြီး လက္ကား(၁)ပိဿာလျှင်(၄၈၀၀)ကျပ်၊ အားလူးသီးအလုံးကြီး လက်လီ(၁)ပိဿာလျှင်(၅၀၀၀)ကျပ်၊ (၅၀)ကျပ်သားလျှင်(၂၅၀၀)ကျပ်၊ (၂၅)ကျပ် သားလျှင်(၁၃၀၀)ကျပ်၊ အာလူးသီး အလုံးသေး လက္ကား(၁)ပိဿာလျှင်(၄၃၀၀)ကျပ် နှင့် အာလူးသီး အလုံး သေး လက်လီ(၁)ပိဿာလျှင်(၄၅၀၀)ကျပ် တို့ဖြင့်လည်းကောင်း ဂျင်း(ချင်း)တက်ဈေးနှုန်းများမှာ လက္ကား (၁)ပိဿာလျှင်(၅၂၀၀)ကျပ်၊ လက်လီ(၁)ပိဿာလျှင်(၅၅၀၀)ကျပ် ဈေးနှုန်းတို့ဖြင့် ရောင်းချကြောင်း ကျွန်းလှမြို့ပေါ် ရပ်ကွက်များတွင်  ကြက်သွန်ဖြူ/နီ /အာလူး /ဂျင်း(ချင်း) အရောင်းအဝယ် လုပ်နေသူထံမှ သိရှိရပါသည်။ အာလူးသီးကို  မိသားစု စာဖိုဆောင်အတွက် အရန်ဟင်းတစ်မျိုးအဖြစ် အသုံးပြုယုံ မဟုတ်ပဲ လဖက်ရည်ဆိုင်များတွင်လည်း စမူစာလုပ်ရာတွင်လည်းကောင်း၊ အသုပ်စုံရောင်းချသည့်ဆိုင်များတွင် အသုပ်ထဲထည့်သလို၊ ဂျပါတီဆိုင်များတွင် ဟင်းအနှစ်ချက်ပြုတ်ရာတွင်လည်း အသုံးပြုသည့်အတွက် ရောင်းအားကောင်းလျက်ရှိပါသည်။

DOCA(စစ်ကိုင်း)

          ကန့်ဘလူခရိုင်၊ ကျွန်းလှမြို့၊ သစ်ရာမြိုင်ဈေးတွင် ရာသီပေါ်သီးနှံများ၊ အခြားဒေသမှ ဝင် ရောက်သည့် စားသောက်ကုန်ပစ္စည်းများကို ရောင်းချပေးလျက်ရှိရာ ယခုအခါတွင် သရက်သီးစိမ်း များကို ဒေသထွက်ဖြစ်သည့် ကျွန်းလှမြို့ပေါ်ရပ်ကွက်အသီးသီး နှင့် ကျွန်းလှမြို့နယ် အတွင်းရှိ ကျေးရွာအချို့တို့မှ လာရောက်ရောင်းချလျက်ရှိကြောင်း သိရသည်။

         ၂၀၂၅ ခုနှစ်၊ ဇူလိုင်လ ပထမပတ်အတွင်း ကျွန်းလှမြို့ဈေးများအတွင်း ရောင်းချနေသည့်  သရက်သီးဈေးနှုန်းများမှာ သရက်သီး အကြီး တစ်လုံးလျှင်(၃၀၀)ကျပ်၊ (၁၀၀၀)ဖိုး(၃)လုံး နှင့် သရက်သီး အသေး တစ်လုံးလျှင်(၂၀၀)ကျပ်ဈေးနှုန်းတို့ဖြင့် ရောင်းချလျက်ရှိကြောင်း သိရပြီး အလားတူပင် သရက်ချဉ် ဈေးနှုန်းအနေဖြင့် သရက်ချဉ် လက္ကား တစ်ပိဿာလျှင်(၃၀၀၀)ကျပ်၊ သရက်ချဉ် လက်လီ တစ်ပိဿာလျှင်(၃၂၀၀)ကျပ်၊ (၅၀)ကျပ်သားလျှင်(၁၆၀၀)ကျပ်၊ (၂၅)ကျပ်သားလျှင် (၈၀၀) ကျပ်နှင့် (၁၀)ကျပ်သားလျှင်(၃၀၀)ကျပ်‌ဈေးနှုန်းတို့ဖြင့် ရောင်းချလျက်ရှိကြောင်း သရက်သီးစိမ်း ရှားပါးလာပြီ ဖြစ်သည့်အတွက် သရက်သီးစိမ်း ဈေးမြင့်တက်လာကြောင်း သိရှိရပါသည်။

DOCA(စစ်ကိုင်း)

  မန္တလေးတိုင်းဒေသကြီး၊ ညောင်ဦးမြို့ရှိ ဘုန်းဇဉ်ဈေးအတွင်း ယခုဇူလိုင်လ ဒုတိယပတ်တွင် ဖြစ်ပေါ်နေသော ကြက်ဥ၊ဘဲဥ၊ငုံးဥ အရောင်းဈေးနှုန်းများမှာ ကြက်ဥ(အကြီး) တစ်လုံးလျှင် (၅၀၀) ကျပ်၊ ကြက်ဥ (အလတ်)တစ်လုံးလျှင် (၄၅၀)ကျပ်၊ ကြက်ဥ (အသေး) တစ်လုံးလျှင် (၄၀၀)ကျပ် တို့ဖြင့် အရောင်းအဝယ်ဖြစ်လျက်ရှိသည်။
   ဘဲဥဈေးနှုန်းများမှာ ဘဲဥ(အကြီး)တစ်လုံးလျှင် (၇၀၀)ကျပ်၊ အလတ် တစ်လုံးလျှင် (၆၀၀) ကျပ်၊ အသေးတစ်လုံးလျှင် (၅၅၀)ကျပ် တို့ဖြင့် ရောင်းချလျှက်ရှိပါသည်။ ငုံးဥဈေးကွက်အနေဖြင့် တစ်လုံးလျှင် (၁၀၀)ကျပ် ဖြင့် တစ်ထောင်ဖိုး (၁၀)လုံးဖြင့် အရောင်းအဝယ်ဖြစ်လျှက်ရှိကြောင်း သိရ သည်။

DOCA(မန္တလေး)

           ဟုမ္မလင်းမြို့မောင်းခမ်းကျေးရွာတွင် လက်ဖက်စိုက်ခင်းဧကတစ်ထောင်ကျော်ရှိကြောင်း သိရသည်။ ဒေသထွက် လက်ဖက်စိုကို မက်လင်သီး၊ စောင်းလျားသီးများဖြင့် ရောနှောကာ လက်ဖက်ချဉ်နှပ် ပြုလုပ်ရောင်းချခြင်းများလည်းရှိသည်။  လက်ဖက်ခြောက်အမျိုးအစားပေါ် မူတည်၍ တစ်ပိဿာလျှင် ကျပ် ၁၅၀၀၀ မှ ၂၀၀၀၀ နှင့် လက်ဖက်အစိုမှာ တစ်ပိဿာလျှင် ကျပ် ၅၀၀၀ မှ ၁၀၀၀၀ ခန့်ရောင်းချကြောင်း၊ရေသန့်ဘူးနှင့်လည်းရောင်းချလျက်ရှိပြီး ဘူးအလတ် တစ်ဘူးလျှင် ကျပ် ၃၀၀၀ခန့်ရှိ ကြောင်းသိရသည်။ ဒေသထွက်လက်ဖက်များကို ခန္တီး၊ ဖောင်းပြင် ၊ နာဂကိုယ်ပိုင်အုပ်ချုပ်ခွင့်ရဒေသ၊ ချင်းတွင်းမြစ်တစ်လျှောက်မြို့များ၊ မုံရွာမြို့နှင့် မန္တလေးမြို့များသို့လည်း တင်ပို့ရောင်းချကြောင်းသိရှိရပြီး လက်ဆောင်ပေးရန် ဝယ်ယူမှုများလည်း ရှိကြောင်းသိရသည်။

DOCA(စစ်ကိုင်း)

     မန္တလေးတိုင်းဒေသကြီးအတွင်းရှိ မြင်းခြံခရိုင်သည်  နှစ်ရှည်ပင်သီးနှံများကို စိုက်ပျိုးကြသော် လည်း တညင်းသီးပင်စိုက်ပျိုးဖြစ်ထွန်းမှု မရှိကြောင်း၊ တညင်းပင်သည် မြန်မာနိုင်ငံအပူပိုင်းဒေသ များ တွင် ပေါက်ရောက်မှုနည်းပြီး၊ အအေးပိုင်းဒေသများဖြစ်သော ရှမ်းပြည်နယ်၊ မြစ်ကြီးနားမြို့ နှင့် ပြင်ဦးလွင်ဒေသများတွင်ပေါက်ရောက်ကြောင်း၊ ထွက်ပေါ်ချိန်မှာ(မေလမှ ဩဂုတ်လ) ဖြစ်ပြီး၊ နွေရာသီနှင့် မိုးရာသီ ကာလများတွင် ထွက်ပေါ်ကြောင်းသိရသည်။ မြင်းခြံမြို့ အေးမြသီတာဈေးတွင် ဇူလိုင်ဒုတိယပတ်၌ ရောင်းချနေသောတညင်းသီး ၂၅ကျပ်သားလျှင် (၂၀၀၀) ကျပ်၊ တစ်ပိဿာလျှင် (၇၅၀၀) ကျပ်ပေါက်ဈေးများဖြင့် ရောင်းချကြောင်း၊ ဇွန်လဒုတိယပတ်၌ တညင်းသီး ၂၅ ကျပ် သားလျှင်(၂၅၀၀)ကျပ်၊ တစ်ပိဿာလျှင် (၉၅၀၀) ကျပ်ပေါက်ဈေးများဖြင့် အရောင်းအဝယ် ဖြစ်ခဲ့ကြောင်း၊ ကာလတူနှိုင်းယှဉ်ပါက ယခင်လထက် ယခုလတွင် တညင်းသီး ၂၅ကျပ်သားလျှင် (၅၀၀)ကျပ်၊ တစ်ပိဿာလျှင် (၂၀၀၀) ကျပ်ခန့်ဈေးနှုန်းများကျဆင်းခဲ့ကြောင်း၊ ယခုအချိန်တွင် တညင်းသီးများ ဈေးကွက်တွင်ပေါများစွာ ထွက်ပေါ်ချိန်ဖြစ်သောကြောင့် ဈေးနှုန်းကျဆင်းခဲ့ခြင်း ဖြစ်ကြောင်း၊ တညင်းသီး သီးနှံသည် စားသုံးမှုများ၍ ဈေးကွက်တွင် အရောင်းသွက်လျက်ရှိကြောင်း၊ ပြင်ဦးလွင်မြို့နှင့် မြစ်ကြီးနားဒေသထွက် တညင်းသီးများကို မှာယူတင်သွင်းပြီး မြင်းခြံဈေးကွက်သို့ ရောင်းချကြောင်း၊ ကုန်သည်၏ပြောပြချက်အရ သိရသည်။ စားသုံးမှုအနေဖြင့် တညင်းသီးကို ပြုပ် စားခြင်း၊ ချက်စားခြင်း၊ လဘက်ဖြင့်သုပ်စားခြင်း၊ တညင်းသီးဆားရည်စိမ်ကို ငပိရည်နှင့် စားခြင်းစသည်ဖြင့် စားသုံးနိုင်သလို  ကျန်းမာရေးအနေဖြင့် တညင်းသီးတွင် သကြားဓာတ်များ၍ ဆီးချိုရှိသူများ သတိထားစားသုံးသင့်ကြောင်း၊ ကယ်လိုရီများ၍ အလွန်အကျွံစားပါက ကိုယ်အလေး ချိန်တက်နိုင်ကြောင်း၊ တညင်းသီးကို ကျန်းမာရေးနှင့်သင့်တင့်မျှတစွာ စားသုံးသင့်ကြောင်း သိ ရှိရသည်၊၊

DOCA(မန္တလေး)