၆.၆.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၆.၆.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၆.၆.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်သာယာဈေးနှင့် အမှတ်(၂)ဈေးတို့တွင် ရှမ်းပြည်နယ်ဒေသများဖြစ်သော အင်းလေး၊ နောင်ချို၊ ညောင်ရွှေတို့မှထွက်ရှိသည့် ထိုင်ဝမ် ခရမ်းချဉ်သီးများ ဈေးကောင်းရလျက်ရှိပါသည်။ ပခုက္ကူဒေသ၏ ခရမ်းချဉ်သီးရာသီချိန်မှာ မိုးတွင်းကာလဖြစ်သော ဝါခေါင်လတွင် စတင်စိုက်ပျိုးပြီး သီတင်းကျွတ်၊ တန်ဆောင်မုန်းလများတွင် စတင်၍အသီးများထွက်ရှိကြောင်းသိရှိရပြီး ယခုအခါတွင် ပခုက္ကူဒေသမှ စိုက်ပျိုးထွက်ရှိသော ခရမ်းချဉ်သီးများမှာ ရာသီချိန်မဟုတ်သောကြောင့် ရှမ်းပြည်နယ်ဒေသမှထွက်ရှိသော ထိုင်ဝမ်ခရမ်းချဉ်သီးများကို ဝယ်ယူစားသုံးနေရကြောင်း မြို့မစည်ပင်သာယာဈေးသည်များထံမှသိရှိရပါသည်။ အင်းလေးဒေသမှထွက်ရှိသော ခရမ်းချဉ်သီးများမှာ နေ့စဉ်ကုန်ချိန် (၆၀၀၀ မှ၈၀၀၀)ထိဝင်ရောက်လျက်ရှိကြောင်း ခရမ်းချဉ်သီးကုန်သည်များထံမှသိရှိရပါသည်။
၂၀၂၄ခုနှစ်၊ မေလ၌ ခရမ်းချဉ်သီးဈေးနှုန်းမှာ တစ်ပိဿာလျှင် ကျပ် (၁၈၀၀-၂၀၀၀)ရှိခဲ့ပြီး ယခုဇွန်လ (ပထမပတ်)တွင် ခရမ်းချဉ်သီးဈေးနှုန်းမှာ အလုံးအရွယ်အစားကိုလိုက်၍ အလုံးကြီးတစ်ပိဿာလျှင် ကျပ်(၄၀၀၀)၊ အလုံးသေးတစ်ပိဿာလျှင်ကျပ်(၃၆၀၀) ဖြင့်ရောင်းချနေကြောင်း၊ ယခင်လနှင့်နှိုင်းယှဉ်ပါက တစ်ပိဿာလျှင် ကျပ်(၂၀၀၀)ခန့်ဈေးနှုန်းမြင့်တက်နေကြောင်း၊ ထိုသို့ဈေးနှုန်းမြင့်တက်ရခြင်းမှာ စက်သုံးဆီဈေးနှုန်း၊ သယ်ယူစရိတ်ဈေးနှုန်းနှင့် လမ်းပန်းဆက်သွယ်ရေးခက်ခဲမှုတို့ကြောင့် ဈေးနှုန်းမြင့်တက်ရခြင်းဖြစ်ကြောင်း ပခုက္ကူမြို့မစည်ပင်သာယာဈေးနှင့် အမှတ်(၂) ဈေးသည်များထံမှသိရှိရပါသည်။
DOCA(မကွေး)
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်သည် ဆန်လိုဒေသဖြစ်သောကြောင့် ဆန်စပါးအများဆုံးစိုက်ပျိုးထွက်ရှိရာ ဒေသများဖြစ်သော အခြားတိုင်းဒေသကြီးများနှင့် မြို့နယ် များမှ ဆန်များဝယ်ယူတင်သွင်းလျက်ရှိသောမြို့ဖြစ်ပါသည်။ မကွေးတိုင်းဒေသကြီး၊ ဆင်ဖြူကျွန်း၊ စလင်း၊ ရှောက်တော၊ တောင်တွင်းကြီးမြို့၊ ဧရာဝတီတိုင်းဒေသကြီး၊ ပုသိမ်၊ မြောင်းမြမြို့နှင့် စစ်ကိုင်းတိုင်းဒေသကြီး၊ ရွှေဘိုဒေသများမှလည်း ကုန်းလမ်းမှတစ်ဆင့် မော်တော်ယာဉ်များဖြင့် ဝင်ရောက်လျက်ရှိသည်။ ဇွန်လ(ပထမပတ်)တွင် ဆန်(အသစ်နှင့်အဟောင်း)များဝင်ရောက်လျက်ရှိကြောင်းသိရှိရသည်။
၂၀၂၄ခုနှစ်၊ ဇွန်လ(ပထမပတ်)တွင် အရောင်းအဝယ်ဖြစ်လျက်ရှိသော ဆန်ဈေးနှုန်းများမှာ ဆင်ဖြူကျွန်း ဧရာပဒေသာဆန်တစ်အိတ်လျှင် ကျပ်(၁၇၀၀၀၀)၊ စလင်းဆန် ဒို့ရွှေအိုး(အဟောင်း) တစ်အိတ်လျှင် ကျပ်(၁၆၅၀၀၀)၊ စလင်းဆန် ဒို့ရွှေအိုး(အသစ်)တစ်အိတ်လျှင် ကျပ်(၁၅၅၀၀၀)၊ ဆင်ဖြူကျွန်း မနောသုခဆန် (အဟောင်း) တစ်အိတ်လျှင် ကျပ်(၁၃၃၀၀၀)၊ ဆင်ဖြူကျွန်း မနောသုခဆန် (အသစ်)တစ်အိတ်လျှင် ကျပ်(၁၁၀၀၀၀)၊ ဆင်းသုခဆင်ဖြူကျွန်း(အဟောင်း) တစ်အိတ်လျှင် ကျပ် (၁၃၅၀၀၀)၊ မနောသုခ ဆင်ဖြူကျွန်းဆန်(အဟောင်း) တစ်အိတ်လျှင် ကျပ်(၁၃၅၀၀၀)၊ မနောသုခ ဆင်ဖြူကျွန်းဆန်(အသစ်) တစ်အိတ်လျှင် ကျပ်(၁၂၀၀၀၀)၊ မြန်မာပြည်အောက်ပိုင်းရှိ မြောင်းမြဧရာပဒေသာဆန် (အဟောင်း) တစ်အိတ်လျှင် ကျပ်(၁၃၃၀၀၀)၊ မြောင်းမြရာပြည့် ဖန်သီးဆန်(အဟောင်း) တစ်အိတ်လျှင် ကျပ်(၁၀၀၀၀၀)၊ မြောင်းမြဆန် စိန်ပုလဲသု(အဟောင်း) တစ်အိတ်လျှင် ကျပ်(၁၀၀၀၀၀)၊ ဖန်သီးအောင်တံခွန်ဆန်(အဟောင်း) တစ်အိတ်လျှင် ကျပ်(၁၀၀၀၀၀) ဖြင့် အရောင်းအဝယ်ဖြစ်လျက်ရှိပြီး ရွှေဘိုပေါ်ဆန်းမွှေး(အဟောင်း) တစ်အိတ်လျှင် ကျပ်(၁၈၀၀၀၀)၊ ရွှေဘိုပေါ်ဆန်းမွှေး(အသစ်) တစ်အိတ်လျှင် ကျပ်(၁၆၈၀၀၀)၊ မြောင်းမြ ပေါ်ဆန်း(အဟောင်း) တစ်အိတ်လျှင် ကျပ်(၁၈၀၀၀၀)၊ မြောင်းမြပေါ်ဆန်း(အသစ်) တစ်အိတ်လျှင် ကျပ်(၁၅၀၀၀၀)၊ ကောက်ညှင်းဆန်(အသစ်) တစ်ပြည်လျှင် ကျပ်(၆၀၀၀)၊ ကောက်ညှင်းဆန်(အသစ်) တစ်အိတ်လျှင် ကျပ်(၁၄၀၀၀၀)၊ ငချိတ်ဆန်တစ်ပြည်လျှင် ကျပ်(၇၅၀၀)ဈေးနှုန်းဖြင့် အရောင်းအဝယ်ဖြစ်ကြောင်းသိရှိရပါသည်။
ယခင်မေလ (စတုတ္ထပတ်)ဈေးနှုန်းနှင့်နှိုင်းယှဉ်ရမည်ဆိုလျှင် ဈေးအတက်အကျမရှိဘဲ ဈေးငြိမ်၍ အရောင်းအဝယ်ဖြစ်လျက်ရှိကြောင်း ဆန်ရောင်းဝယ်ရေးလုပ်ငန်းရှင်ထံမှသိရှိရပါသည်။
DOCA(မကွေး)
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့၊ ကြက်သွန်နီကုန်စည်ဒိုင်ဈေးကွက်နှင့် ပွဲရုံများသို့ မေလအတွင်း နွေကြက်သွန်နီများ နေ့စဉ်ဝင်ရောက်လျက်ရှိပြီး တစ်ရက်လျှင် ကုန်ချိန် ပျမ်းမျှပိဿာ (၂)သောင်းမှ (၅)သောင်းခန့်ဝင်ရောက်ကြောင်း၊ ဒေသတွင်းကြက်သွန်နီအများဆုံးစိုက်ပျိုးသော ဆိပ်ဖြူမြို့ပေါ်ရှိ ရွာသစ်၊ အနောက်ပိုင်းရပ်ကွက်များနှင့် ကိုးတောင့်အုပ်နှင့် လိပ်ခြံ၊ ရွာသစ်ကြီး၊ ကပိုင်၊ ကံတွင်း၊ ချင်တောင်၊ အောက်ဆိပ်၊ ကျောင်းရွာ၊ ကုန်းရွာ၊ ကူရှည်ရွာမ/ အလယ်စုရွာများ၊ ပခုက္ကူမြို့နယ်အတွင်းရှိ ကျေးရွာများနှင့် ပွင့်ဖြူ၊ စလင်း၊ တညောင်မြို့များမှ အများဆုံးဝင်ရောက်မှုရှိပြီး တစ်လအတွင်း ကုန်ချိန်ပိဿာ(၁၅)သိန်းခန့်ဝင်ရောက်လျက်ရှိကြောင်း ဈေးကွက်မှသိရှိရသည်။
ကြက်သွန်နီဈေးနှုန်းဈေးကွက်အနေဖြင့် ၂၀၂၄ခုနှစ်၊ မေလ(ပထမပတ်)တွင် နွေကြက်သွန်နီ (ဂျွန်) တစ်ပိဿာလျှင် အမြင့်ဈေး(ထိပ်စရှယ်) ကျပ်(၂၁၀၀-၁၈၀၀-၁၆၅၀)ဈေးနှုန်းဖြင့် အရောင်းအဝယ်ဖြစ်ခဲ့ပြီး မေလ(ဒုတိယပတ်)တွင် ထိပ်စအမြင့်ဈေး ကျပ်(၂၀၀၀-၁၈၀၀-၁၆၀၀)ဖြင့် ဈေးနှုန်းအနည်းငယ်ကျဆင်း၍ အရောင်းအဝယ်ဖြစ်ခဲ့ပါသည်။ မေလ(တတိယပတ်)လည်း ကြက်သွန်နီတစ်ပိဿာလျှင် အမြင့်ဈေး ကျပ်(၂၀၀၀-၁၈၀၀-၁၆၀၀)ဖြင့် ဈေးငြိမ်ပြီး အရောင်းအဝယ်ဖြစ်ခဲ့ကြောင်း၊ မေလ(စတုတ္ထပတ်) တွင် ကြက်သွန်နီတစ်ပိဿာလျှင် အမြင့်ဈေး ကျပ်(၁၈၀၀-၁၇၀၀-၁၆၀၀)ဖြင့် ဈေးနှုန်းကျဆင်းပြီး အရောင်းအဝယ်ဖြစ်လျက်ရှိကြောင်း၊ ပြည်ပဝယ်လိုအားဈေးကွက်နည်းခြင်းကြောင့် ဈေးကျဆင်းသွားကြောင်း၊ မေလအတွင်း ကြက်သွန်နီတစ်ပိဿာလျှင် ကျပ်(၃၀၀)ခန့်ဈေးနှူန်းကျဆင်းပြီး အရောင်းအဝယ်ဖြစ်နေကြောင်း ဈေးကွက်မှသိရှိရပါသည်။ ယခုမေလအတွင်း၌ ကြက်သွန်နီဈေးကျဆင်းချိန်တွင် မြို့ပေါ်ရှိ လှောင်လက်ကုန်သည်များက နယ်ကျေးရွာများထိဆင်းပြီး ဝယ်ယူသိုလှောင်မှုများ၍ ဈေးကွက်သို့ ဝင်ရောက်မှုနည်းကြောင်းသိရှိရပါသည်။
ကုန်စည်စီးဆင်းမှုအနေဖြင့် မေလအတွင်း ဆိပ်ဖြူမြို့မှ ကြက်သွန်နီကုန်ချိန်ပိဿာ(၁၅)သိန်းခန့်၊ တန်ချိန်အားဖြင့် တန်(၂၄၅၀)ခန့်ကုန်စည်စီးဆင်းခဲ့ကြောင်း၊ ရန်ကုန်ဘုရင့်နောင်ပွဲရုံနှင့် ပြည်၊ ပုသိမ်မြို့များသို့ အဓိကထားတင်ပို့လျက်ရှိပြီး ပြည်ပသို့တင်ပို့မှုနည်းကြောင်း ကြက်သွန်နီကုန်စည်ဒိုင် ဈေးကွက်မှသိရှိရပါသည်။
DOCA(မကွေး)
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် အာလူးကို မကွေးမြို့၊ မင်းဘူးမြို့နှင့် ရှမ်းပြည်နယ်၊ တောင်ကြီးမြို့၊ အောင်ပန်းမြို့တို့မှ မှာယူရောင်းချကြောင်း၊ ယခုအချိန်တွင် အာလူးကို ရှမ်းပြည်နယ်၊ တောင်ကြီးမြို့နှင့် အောင်ပန်းမြို့တို့မှ အများဆုံးမှာယူရောင်းချကြောင်းသိရပါသည်။
၂၀၂၄ခုနှစ်၊ ဇွန်လ(ပထမပတ်)တွင် အာလူးအလုံးကြီး(၁)ပိဿာလျှင် ကျပ်(၃၀၀၀)၊ အသေး (၁)ပိဿာလျှင် ကျပ်(၂၅၀၀)ဈေးနှုန်းဖြင့် ရောင်းချလျက်ရှိပြီး ယခင်မေလ(စတုတ္ထပတ်)ထက် ကျပ် (၃၀၀-၅၀၀)ဈေးနှုန်းမြင့်လျက်ရှိကြောင်းသိရပါသည်။ ယခုအချိန်တွင် အာလူးမှာယူထွက်ရှိရာဒေသများ၌ အာလူးရာသီကုန်ဆုံးချိန်ဖြစ်ပြီး အခင်းသစ်များစိုက်ပျိုးချိန်ဖြစ်သည့်အပြင် လက်ကျန်အာလူးများကိုရောင်းချရခြင်းနှင့် သယ်ယူစရိတ်မြင့်မားခြင်းတို့ကြောင့် အာလူးဈေးနှုန်းမြင့်တက်ရခြင်းဖြစ်ကြောင်းသိရှိရပါသည်။
DOCA(မကွေး)
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် ဟင်းသီးဟင်းရွက်များကို မြို့နေဒေသခံများအပြင် မြို့အနီးရှိ ပန်းတော်ပြင်၊ ဥယျာဉ်၊ ရွာတော်၊ မယ်ဇလီ တောကျေးရွာများမှ လာရောက်ရောင်းချကြကြောင်းနှင့် မြို့အရှေ့ဘက်ကမ်းရှိ မြင်ကွန်းကျေးရွာမှ အများဆုံးလာရောက်ရောင်းချကြကြောင်းသိရှိရပါသည်။
၂၀၂၄ခုနှစ်၊ ဇွန်လ(ပထမပတ်)၌ မင်းလှမြို့အရှေ့ဘက်ကမ်းရွာများအနီးရှိ မြေနုကျွန်းပေါ်တွင် စိုက်ပျိုးထွက်ရှိသော ဘူးသီးအလုံးကြီး(၁)လုံးလျှင် ကျပ်(၃၀၀၀)၊ အလုံးလတ်(၁)လုံးလျှင် ကျပ်(၁၅၀၀-၂၀၀၀)၊ အလုံးသေး(၁)လုံးလျှင် ကျပ်(၆၀၀ - ၇၀၀)ဈေးနှုန်းတို့ဖြင့် ရောင်းချလျက်ရှိပြီး ဘူးညွန့်(၃)ညွန့်ပါတစ်စည်းလျှင် ကျပ်(၂၀၀)ဖြင့် ရောင်းချလျက်ရှိပါသည်။ ယခင်မေလတွင် ဘူးသီး (အလုံးအကြီး၊ အသေးအလိုက်) (၁)လုံးလျှင် ကျပ်(၃၀၀မှ ၂၀၀၀)ဈေးထိသာရှိခဲ့ပြီး ယခုဇွန်လ (ပထမပတ်)တွင် ဘူးသီးဈေးနှုန်းမြင့်တက်ရခြင်းမှာ ယခုအချိန်သည် ဘူးသီးထွက်ရှိရာ မြေနုကျွန်းများပေါ်တွင် မြစ်ရေဝင်ရောက်လာမည့် အချိန်နီးလာပြီဖြစ်၍ ကျွန်းသိမ်းချိန်ဖြစ်သောကြောင့် ဘူးသီးမှာရှားပါးလာပြီး ဈေးနှုန်းမြင့်တက်လာရခြင်းဖြစ်ကြောင်းသိရှိရပါသည်။
DOCA(မကွေး)
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ မန်းသံပုရာကန်ကျေးရွာအုပ်စုရှိ မန်းသံပုရာကန်ကျေးရွာတွင် မိုးနှမ်းကို ၂၀၂၄ခုနှစ်၊ ဇွန်လ(ပထမပတ်)မှစတင်၍ တောင်သူ(၅၅)ဦးမှာ စိုက်ဧက(၃၀၀)ဧကကျော်စိုက်ပျိုးထားကြောင်း၊ နှမ်းနီနှင့်နှမ်းဖြူမျိုးကို အများဆုံးစိုက်ပျိုးကြပြီး ပဲစင်းငုံသီးနှံကိုလည်း သီးညှပ်အဖြစ်ရော၍ စိုက်ပျိုးကြကြောင်းသိရပါသည်။
ထွန်ကြောင်းဆွဲ၍ အစေ့ချစနစ်ဖြင့်စိုက်ပျိုးပြီး နှမ်းစိုက်(၁)ဧကလျှင် မျိုး(၂)ပြည်မှ (၃)ပြည်ခန့်ကုန်ကျကြောင်း၊ ယခင်နှစ်တွင် လက်ကျန်မျိုးများကို ပြန်လည်အသုံးပြုပြီး စိုက်ပျိုးကြသည့်အပြင် နှမ်းစိုက်တောင်သူအချင်းချင်းဆီမှလည်း မျိုးကိုပြန်လည်ဝယ်ယူ၍ စိုက်ပျိုးကြကြောင်း၊ ၎င်းအနေဖြင့် နှမ်းနီ (၂)ဧကခွဲနှင့် နှမ်းဖြူ(၁)ဧကခန့်၌ ယခင်နှစ်မျိုးအဟောင်းများကိုအသုံးပြု၍ စိုက်ပျိုးထားကြောင်း၊ နှမ်းဖြူမှာ စိုက်ပျိုးပြီး ရက်ပေါင်း (၇၅)ရက်၊ နှမ်းနီမှာ ရက်ပေါင်း(၈၀)ရက်အကြာတွင် ရိတ်သိမ်းရကြောင်း၊ ကုန်ကျစရိတ်အနေဖြင့် ယခင်နှစ်တွင် နှမ်းဖြူ၊ နှမ်းနီ(၁)ဧကလျှင် ကျပ်(၈၀၀၀၀) သာကုန်ကျခဲ့ပြီး ယခုနှစ်တွင် သွင်းအားစုစရိတ်မြင့်တက်လာ၍ မြေပြုပြင်ခ၊ လုပ်အားခအပါအဝင် နှမ်းဖြူ၊ နှမ်းနီ(၁)ဧကလျှင် ကျပ်(၁၂၀၀၀၀)ထိကုန်ကျကြောင်း၊ အထွက်နှုန်းအနေဖြင့် ယခင်နှစ်တွင် နှမ်းဖြူ၊ နှမ်းနီစိုက်ခင်း(၁)ဧကလျှင် (၁၀)တင်းခန့်ထွက်ရှိခဲ့ပြီး ဈေးနှုန်းအနေဖြင့် နှမ်းဖြူ(၁) တင်းလျှင် ကျပ်(၁၂၀၀၀၀)၊ နှမ်းနီ ကျပ်(၁၁၀၀၀၀)ထိဈေးနှုန်းရရှိခဲ့ကြောင်း၊ ဈေးကွက်အနေဖြင့် မင်းလှမြို့နှင့် မကွေးမြို့သို့တင်ပို့ရောင်းချကြောင်း မန်းသံပုရာကန်ကျေးရွာနေ မိုးနှမ်းစိုက်တောင်သူ ဦးသိန်းဝင်းထံမှသိရှိရပါသည်။
DOCA(မကွေး)
ဒညင်းသီးသည် မိုးဦးကျကာလမှ ပေါ်တတ်သောအသီးတစ်မျိုးဖြစ်ပြီး မြန်လူမျိုးများအနေဖြင့် ကြိုက်နှစ်သက်သော အစားအစာတစ်မျိုးလည်းဖြစ်ပါသည်။ ဒညင်းသီး အစိမ်းနုနုလေးကို တို့စားခြင်း၊ ပြုတ်၍အတို့အမြှပ်အနေဖြင့် လည်းကောင်း၊ ဒညင်းသီးကို ပြုတ်၍ ဆီဆမ်း၍ ဆားအနည်းငယ်ထည့်ပြီး စားသုံးမှုရှိသလိုဝက်သားနှင့်ရော၍ ဟင်းချက်စားသုံးမှုရှိကြောင်း ၊ထို့အပြင် ဆားရည်စိမ်၍လည်းကောင်း၊ သဲမြေထဲတွင် အပင်ဖောက်၍ ဒညင်းဝက်ပြုလုပ်၍လည်းကောင်း စားတတ်ကြသည်။ဒညင်းသီးစားခြင်းဖြင့် ခံတွင်းအနံ့ထွက်ခြင်း ဆီးနှင့်ဝမ်းတွင်းအနံ့ဆိုး ဖြစ်ပေါ်စေတတ်ခြင်း ခန္ဓာကိုယ်တွင် အဆိပ်အတောက်အဖြစ် တည်ရှိနေပါသည်။ ဒညင်းသီး စားခြင်းဖြင့် ဘေးထွက်ဆိုးကျိုး မဖြစ်စေရန် ဒညင်းသီးမှာပါဝင်သောအဆိပ်သည် ရေမှာ ပျော်ဝင်တဲ့အဆိပ်မျိုးဖြစ်သည့်အတွက် အဆိပ်ဓာတ်နည်းစေရန် ရေစိမ်၍သော်လည်းကောင်း၊ ရေဆူဆူတွင် ပြုတ်၍သော်လည်းကောင်း၊ ဆားရည်စိမ်၍သော်လည်းကောင်း ကျန်းမာရေး အတွက် ဂရုပြု၍စားသင့်ကြောင်းသိရပါသည်။
ဧရာဝတီတိုင်းဒေသကြီးအတွင်း ပုသိမ်မြို့တွင် မြန်မာ့တို့စရာ ဒညင်းသီးသည် ၁လုံးလျှင် ကျပ် ၁၀၀/၂၀၀ ဈေး၊ (၁၀)လုံးလျှင်ကျပ် ၁၀၀၀/၂၀၀၀ဈေးနှုန်းဖြင့် အရောင်းအဝယ်ဖြစ်လျက်ရှိပြီး ဒညင်းသီးသည် စတင်ပေါ်သည့်ကာလဖြစ်သည့်အတွက် ဈေးကောင်းရရှိကြောင်း သတင်းရရှိပါသည်၊၊
DOCA(ဧရာဝတီ)
