ပြည်တွင်းကုန်သွယ်မှုသတင်း

        မြန်မာနိုင်ငံ စက်သုံးဆီ တင်သွင်း၊ သိုလှောင်၊ ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

          မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်တွင် စက်သုံးဆီအရောင်းဆိုင်(၁၁)ဆိုင်ရှိရာ နေ့စဉ်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ နိုဝင်ဘာလ(တတိယပတ်)နှင့်‌ နိုဝင်ဘာလ(စတုတ္ထပတ်) ဈေးနှုန်းနှိုင်းယှဉ်ချက်အရ စက်သုံးဆီဈေးနှုန်းများမှာ 92 တစ်လီတာလျှင် ယခင်တစ်ပတ်တွင် ကျပ် (၂၁၈၀)ဖြစ်ပြီး ယခုတစ်ပတ်တွင် ကျပ် (၂၂၆၀) ဖြစ်၍ ကျပ်(၈၀) ဈေးမြင့်ခဲ့ကြောင်း၊ 95 တစ်လီတာလျှင် ယခင်တစ်ပတ်တွင် ကျပ်(၂၃၀၀)ဖြစ်ပြီး ယခုတစ်ပတ်တွင် ကျပ်(၂၄၀၀)ဖြစ်၍ ကျပ်(၁၀၀) ဈေးမြင့် ခဲ့ကြောင်း၊ ဒီဇယ်ရိုးရိုး တစ်လီတာလျှင် ယခင်တစ်ပတ်တွင် ကျပ်(၂၁၉၀)ဖြစ်ပြီး ယခုတစ်ပတ်တွင် ကျပ် (၂၁၇၀)ဖြစ်၍ ကျပ်(၂၀) ဈေးလျော့ခဲ့ကြောင်း၊ ပရီမီယမ်ဒီဇယ် တစ်လီတာလျှင် ယခင်တစ်ပတ်တွင် ကျပ် (၂၂၉၅)ဖြစ်ပြီး ယခုတစ်ပတ်တွင် ကျပ်(၂၂၆၀)ဖြစ်၍ ကျပ်(၃၅) ဈေးလျော့ခဲ့ကြောင်း စက်သုံးဆီအရောင်းဆိုင်များမှ သိရှိရသည်။

DOCA(မကွေး)

        မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်၌ ယခုနိုဝင်ဘာလ(တတိယပတ်)တွင် မိုးရွာ သွန်းမှုများခြင်းကြောင့် ကြက်သွန်နီကုန်စည်ဒိုင်သို့ကုန်ဝင်နည်းကြောင်း၊ တစ်ပတ်အတွင်း ကြက်သွန်နီ ပျမ်းမျှကုန်ချိန် ပိဿာ(၁)သိန်းခန့်သာဝင်ရောက်ပြီး နိုဝင်ဘာလ(တတိယပတ်)အတွင်း ဆိပ်ဖြူမြို့မှ ကုန်စည်စီးဆင်းမှုမှာ ပိဿာ(၄)သိန်းခန့်စီးဆင်းကြောင်း ကုန်စည်ဒိုင်ဈေးကွက်မှသိရှိရသည်။

          ဆိပ်ဖြူကြက်သွန်နီသည် ဈေးကွက်အနေဖြင့် နိုဝင်ဘာလ(တတိယပတ်)အစောပိုင်းတွင်  အမြင့်ဈေးတစ်ပိဿာလျှင် ကျပ်(၂၉၀၀)၊ အနိမ့်ဈေးတစ်ပိဿာလျှင် ကျပ်(၂၄၀၀)ဈေးနှုန်းဖြင့် အရောင်းအဝယ် ဖြစ်ခဲ့ပြီး အလယ်ပိုင်းတွင် အမြင့်ဈေး တစ်ပိဿာလျှင် ကျပ်(၂၈၇၅)၊ အနိမ့်ဈေးတစ်ပိဿာလျှင် ကျပ် (၂၃၀၀)၊ (တတိယပတ်)နှောင်းပိုင်းတွင် အမြင့်ဈေးတစ်ပိဿာလျှင် ကျပ်(၂၉၂၅)၊ အနိမ့်ဈေး တစ်ပိဿာလျှင် ကျပ်(၂၆၅၀)ဖြစ်ပြီး ယခင် နိုဝင်ဘာလ(ဒုတိယပတ်)အတွင်း ကြက်သွန်နီတစ်ပိဿာလျှင် အမြင့်ဈေး ကျပ်(၃၁၀၀)၊ ယခု(တတိယပတ်)တွင် ကြက်သွန်နီတစ်ပိဿာလျှင် အမြင့်ဈေး ကျပ်(၂၉၂၅)ဖြစ်၍ ကျပ်(၁၇၅)ဈေးကျပြီး အလတ်စနှင့်အသေးစတို့မှာလည်း ကျပ်(၁၅၀)ခန့်စီ ဈေးကျ၍ အရောင်းအဝယ် ဖြစ်ကြောင်း ဈေးကွက်မှသိရှိရသည်။

          ယခု နိုဝင်ဘာလ(တတိယပတ်)တွင် ဆိပ်ဖြူကြက်သွန်နီသည် ဒေသတွင်း၊ ပြည်တွင်း ရန်ကုန်ဘုရင့်နောင်ကုန်စည်ဒိုင်သို့ ကုန်ချိန်(၂)သိန်းခွဲခန့်၊ မြဝတီမြို့သို့ ကုန်ချိန်ပိဿာ(၁)သိန်းခွဲ၊ ပြည်မြို့သို့ ကုန်ချိန်ပိဿာ(၃)သောင်း၊ စုစုပေါင်း ကုန်ချိန်ပိဿာ(၄)သိန်းခန့်၊ တန်ချိန်(၆၅၃)ခန့် စီးဆင်းခဲ့ပြီး ယခု တစ်ပတ်အတွင်း ပြည်ပဝယ်လက်နည်း၍ ဈေးနှုန်းအနည်းငယ်ကျဆင်းခဲ့ကြောင်း ဈေးကွက်မှ  သိရှိရသည်။

DOCA(မကွေး)

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် ၂၀၂၃ခုနှစ်၊ နိုဝင်ဘာလအတွင်း အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ဈေးနှုန်းများမှာ Decolgen (၁၀)လုံးပါ(၁)ကတ် ကျပ်(၁၇၀၀)၊ Civit အလုံး(၁၀၀)ပါ(၁)ဘူးလျှင် ကျပ်(၃၀၀၀)၊ Paracetamol (၁၀)လုံးပါ(၁)ကတ်လျှင် ကျပ်(၄၀၀)၊ Biogesic(၁၀) လုံးပါ(၁)ကတ်လျှင် ကျပ်(၁၁၀၀)၊ Amoxicillin (၁၀)လုံးပါ(၁)ကတ်လျှင် ကျပ်(၈၀၀)၊ Enervon-C (၄)လုံးပါ(၁)ကတ်လျှင် ကျပ်(၁၆၀၀)၊ Burmeton အလုံး(၁၀၀)ပါ(၁)ဘူးလျှင် ကျပ်(၂၆၀၀)၊ Cetirizine (၁၀)လုံးပါ(၁)ကတ်လျှင် ကျပ်(၃၀၀)၊ ဓာတ်ဆား MPF (၁)ထုပ်လျှင် ကျပ် (၄၀၀)၊ သီးစုံဓာတ်ဆား Royal-D (၁)ထုပ်လျှင် ကျပ်(၃၅၀)၊ Oramin-G (၅)လုံးပါ(၁)ကတ်လျှင် ကျပ်(၃၅၀၀)၊ Becozinc (၁၀)လုံးပါ(၁)ကတ်လျှင် ကျပ်(၄၅၀၀)၊ Vitahome (၁၀)လုံးပါ(၁)ကတ်လျှင် ကျပ်(၂၀၀၀)၊ SaRa (၁၀)လုံးပါ(၁)ကတ်လျှင် ကျပ်(၉၀၀)၊ Vitacee (၁၀)လုံးပါ(၁)ကတ်လျှင် ကျပ်(၄၅၀၀)၊ Flemex (၁၀)လုံးပါ(၁)ကတ်လျှင် ကျပ်(၃၄၀၀)၊ Solmux (၄)လုံးပါ (၁)ကတ်လျှင် ကျပ်(၁၃၀၀)၊ Woods' (၁)ဘူးလျှင် ကျပ်(၉၀၀၀)၊ Alaxan (၁၀)လုံးပါ(၁)ကတ်လျှင် ကျပ်(၂၄၀၀)၊ Mixagrip (၄)လုံးပါ(၁)ကတ်လျှင် ကျပ်(၁၂၀၀)၊ Vitamin-C 100 mg (၁)လုံးလျှင် ကျပ်(၃၀၀)၊  Zinc (၁၀)လုံးပါတစ်ကတ်လျှင် ကျပ်(၇၀၀)၊ Zincovit(၁၀)လုံးပါတစ်ကတ်လျှင် ကျပ်(၆၃၀၀) ဈေးနှုန်း အသီးသီးဖြင့် အရောင်းအဝယ်ဖြစ်လျက်ရှိပါသည်။

             ယခင်အောက်တိုဘာလနှင့်ဈေးနှုန်းနှိုင်းယှဉ်ချက်အရ ယခုနိုဝင်ဘာလအတွင်းတွင် Civit၊ Decolgen ၊ Paracetamol နှင့် Biogesic တို့မှာ ကျပ် (၁၀၀) ဈေးနှုန်းကျဆင်းပြီး  Burmeton မှာ ကျပ် (၁၀၀)ဈေးတက်၍ ကျန်ဆေးဈေးနှုန်းများမှာ ဈေးငြိမ်ပြီးအရောင်းအဝယ်ဖြစ်လျက်ရှိကြောင်း ဆေးနှင့်ဆေးပစ္စည်းရောင်းချသူများထံမှ သိရှိရပါသည်။

DOCA(မကွေး)

   ဘားအံမြို့ရှိ ကျေးရွာများမှ ဒေသခံတောင်သူများအနေဖြင့် မိသားစုအပိုဝင်‌ငွေရရှိစေရေး ရုံးပတီသီးများကို တစ်နိုင်တစ်ပိုင်စိုက်ပျိုးလျက်ရှိကြောင်းသိရသည်။ ဒေသခံတောင်သူများသည် မိမိတို့စိုက်ခင်းမှထွက်ရှိလာသော ရုံးပတီသီးများအား ဘားအံမြို့ပေါ်ရှိဈေးများတွင် လာရောက်ရောင်းချလျက်ရှိကြောင်းသိရသည်။ ဒေသခံများလာရောက်ရောင်းချသော ရုံးပတီသီးများ၏ဈေးနှုန်းများမှာ ၂၀၂၃ခုနှစ်၊ နိုဝင်ဘာလ နောက်ဆုံးပတ်တွင် တစ်ပိဿာလျှင် ၃၀၀၀ကျပ်နှုန်းဖြင့်လည်းကောင်း၊ သုံးဆယ်ကျပ်သားလျှင် ၁၀၀၀ကျပ်နှုန်းဖြင့်လည်းကောင်း၊ ငါးတောင့်ပါ (၁)စည်းလျှင် ၃၀၀ကျပ်၊ (၂)စည်းလျှင် ၅၀၀ကျပ်နှုန်းဖြင့်လည်းကောင်း  ဈေးကောင်းရရှိပြီး အရောင်းအဝယ်ဖြစ်လျက်ရှိကြောင်းသိရသည်။

  ရုံးပတီသီးကိုပုံမှန်စားသုံးခြင်းဖြင့် ခန္ဓာကိုယ်တွင်း၌ ပြောင်းလဲမှုများစွာဖြစ်ပေါ်စေနိုင်သည်။ ရုံးပတီသီးသည် အမျှင်ဓာတ်အလွန်ကြွယ်ဝစွာပါဝင်သည့်အတွက် အစာခြေစနစ်ကောင်းမွန်စေခြင်း၊ ဆီးချိုသမားများအတွက်လည်း Glucose level ကိုထိန်းချုပ်ပေးခြင်း၊ သွေးတွင်းသကြားဓာတ်ကို လိုအပ်သည်ထက် ပိုမများအောင်ထိန်ချုပ်ပေးခြင်း၊ ဖောလစ်အက်ဆစ်ကြွယ်ဝစွာပါဝင်သည့်အတွက် ကိုယ်ဝန်ဆောင်များစားသုံးပေးပါက သားအိမ်တွင်းရှိ သန္ဓေသားကို ကိုယ်လက်အင်္ဂါချို့ယွင်းမှုများမဖြစ်အောင်စွမ်းဆောင်နိုင်ခြင်း၊ ဗီတာမင် K နှင့် ဖောလစ်အက်ဆစ်တို့က အရိုးပွခြင်းမဖြစ်အောင်ကာကွယ်ပေးနိုင်ခြင်း၊ ဗီတာမင် C ပါဝင်သည့်အတွက် ကင်ဆာဖြစ်စေနိုင်သောဓာတ်များမှကာကွယ်ပေးပြီး ပန်နာရင်ကြပ်သမားများကို အထူးသက်သာစေနိုင်သည့်အတွက် ကျန်းမာရေးနှင့်ညီညွတ်ပြီး စားသုံးပေးသင့်သော သီးနှံတစ်မျိုးကြောင်းသိရှိရပါသည်။

     ကျန်းမာရေးအတွက် များစွာအထောက်အကူပြုသည့်ရုံးပတီသီးကို စျေးများတွင် အလွယ်တကူဝယ်ယူ၍ ကြော်စားခြင်း၊ ချဉ်ဟင်းချက်စားခြင်း၊ ပြုတ်ပြီး အတို့အမြုပ်အဖြစ်စားသုံးခြင်း၊ ကင်၍သော်လည်းကောင်း၊ ဆီပူထိုး၍သော်လည်းကောင်း၊ အချဉ်ရည်တို့နှင့်တို့စား၍သော်လည်းကောင်း စသည်ဖြင့် အမျိုးမျိုးပြုလုပ်၍  စားသုံးသင့်ကြောင်းရေးသားဖော်ပြလိုက်ရပါသည်။

DOCA(ကရင်)

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် စပါးစိုက်ဧကနည်းပြီး ဆန်လိုဒေသဖြစ် သောကြောင့် အခြားတိုင်းဒေသကြီးများနှင့် မြို့နယ်များမှဆန်တင်သွင်းရသောမြို့ဖြစ်ပါသည်။ ဧရာဝတီတိုင်းဒေသကြီးရှိ ပုသိမ်၊ မြောင်းမြမြို့များမှ ရေလမ်းကြောင်းဖြင့်လည်းကောင်း၊ ရွှေဘိုခရိုင်၊ ဆင်ဖြူ ကျွန်း၊ စလင်းဒေသများမှ ကုန်းလမ်းကြောင်းဖြင့်လည်းကောင်း နေ့စဉ်ဝင်ရောက်လျက်ရှိပါသည်။

         ပခုက္ကူဒေသ၌ ၂၀၂၃ခုနှစ်၊ အောက်တိုဘာလဆန်းပိုင်းတွင် အရောင်းအဝယ်ဖြစ်ခဲ့သော ဆန် ဈေးနှုန်းများသည် ယခုနိုဝင်ဘာလ(တတိယပတ်)အထိအတက်အကျမရှိဘဲ တည်ငြိမ်နေသည်ကို တွေ့ရှိ ရပါသည်။ အများသုံးဆန်ဖြစ်သော မြောင်းမြဧရာပဒေသာဆန်ဈေးနှုန်းမှာ တစ်အိတ်လျှင် ကျပ် (၁၂၅၀၀၀ မှ ၁၃၀၀၀၀)၊ စလင်းမြို့နယ်၊ ရှောက်တောမှလာသော ဧရာပဒေသာတစ်အိတ်လျှင် ကျပ်(၁၅၀၀၀၀)၊ ဧည့်မထဆန်မျိုးဖြစ်သော ချန်ဧရာတစ်အိတ်လျှင် ကျပ်(၈၃၀၀၀၀)၊ အောင်သုခဆန် တစ်အိတ်လျှင် ကျပ် (၈၄၀၀၀၀)၊ လိပ်မလေးဆန် တစ်အိတ်လျှင် ကျပ်(၉၀၀၀၀)၊ ဝန်ကြီးပဒေသာဆန်တစ်အိတ်လျှင် ကျပ် (၁၃၀၀၀၀)၊ ဧရာမင်းဆန်တစ်အိတ်လျှင် ကျပ်(၈၇၀၀၀)၊ မနောသုခတစ်အိတ်လျှင် ကျပ်(၈၃၀၀၀)၊ ရက်(၉၀)ဆန်တစ်အိတ်လျှင် ကျပ်(၇၁၀၀၀)ဖြင့် အသီးသီးအရောင်းအဝယ်ဖြစ်လျက်ရှိကြောင်း သိရှိ ရပါသည်။

          ပေါ်ဆန်းမွှေးမှာ ဒုတိယအများဆုံး စားသုံးသော ဆန်ဖြစ်ပြီး မြောင်းမြဒေသမှ ဝင်ရောက်သလို ရွှေဘိုဒေသမှလည်း အများဆုံးဝင်ရောက်ပါသည်။ ရွှေဘိုပေါ်ဆန်းမွှေးမှာ ပိုမိုအရည်အသွေးကောင်း မွန်ပြီး နိုဝင်ဘာလ(တတိယပတ်)တွင် တစ်အိတ်လျှင် ကျပ်(၁၃၅၀၀၀)၊ မြောင်းမြပေါ်ဆန်းမှာ တစ်အိတ် လျှင် ကျပ်(၁၂၅၀၀၀)ဖြင့် အရောင်းအဝယ်ဖြစ်နေကြောင်း ဆန်ရောင်းဝယ်ရေးလုပ်ငန်းရှင်ထံမှ သိရှိ ရပါသည်။

DOCA(မကွေး)