ပြည်တွင်းကုန်သွယ်မှုသတင်း

   ပြည်ခရိုင်၊ ပြည်မြို့နယ်ရှိ မှော်ဇာ‌ကျေးရွာအုပ်စုတွင် ဟင်းသီးဟင်းရွက်ဖြစ်သော သခွားသီး ကိုလည်းစိုက်ပျိုးကြပါသည်။ သခွားသီးကို ဆောင်းသခွားသီးနှင့် မိုးသခွားသီးဟူ၍ နှစ်မျိုးကို ရာသီအလိုက်စိုက်ပျိုးကြပါသည်။ သခွားသီးကို မြေအမျိုးမျိုးတွင် စိုက်ပျိုးနိုင်သော်လည်း နုန်းမြေ၊ သဲနုန်းမြေများတွင် ပိုမိုဖြစ်ထွန်းစိုက်ပျိုးကြပါသည်။ မိုးသခွားသီးကို မိုးရာသီဖြစ်သော မေလနှင့် ဇွန်လတို့တွင် စိုက်ပျိုးကြသလို ဆောင်းသခွားသီးကို ဆောင်းရာသီဖြစ်သော အောက်တိုဘာလနှင့် နိုဝင်ဘာလတို့တွင် စိုက်ပျိုးကြပါသည်။ တစ်ဧကလျှင် သခွားသီးအလုံးရေ (၂)ထောင်ကျော် ထွက်ရှိသည်ဟု သိရှိရပါသည်။
   ယခုအခါ ပြည်မြို့နယ်အတွင်းရှိ ဈေးကွက်များတွင် သခွားသီးဈေးနှုန်းများအနေဖြင့် အသေး တစ်လုံးလျှင် (၁၀၀)ကျပ်ဖြင့် ရောင်းချကြပြီး သုပ်၍စားသော အရွယ်တစ်လုံးလျှင် (၃၀၀)ကျပ် နှုန်း ဖြင့် ရောင်းချကြောင်း သိရှိရပါသည်။ မှော်ဇာဒေသမှ ထွက်ရှိသော သခွားသီးများကို ပြည်ဒေသတွင် ဈေးကွက်များသို့ တင်ပို့ရောင်းချကြသလို ရန်ကုန်မြို့ရှိ ကုန်စိမ်းဈေးများသို့လည်း တင်ပို့ရောင်းချ ကြောင်း သိရှိရပါသည်။

DOCA(ပဲခူး)

  ကနစိုးသီးမိုးတွင်းတွင်ပေါ်သောအသီးဖြစ်ပြီး အထက်နှင့်အောက်မြန်မာပြည် မိုးများသော ဒေသ များတွင်ပေါက်‌ရောက်ပါသည်။ ကနစိုးသီးကို အင်္ဂလိပ်လူမျိုးတို့က မြန်မာ စပျစ်သီး ဟုခေါ်ဆိုကြကြောင်း သိရှိရပြီး ဒေသခံများက ဘုံဇာသီး၊ ဗုံမပါသီး ဟုလည်း ခေါ်ဆိုကြ ကြောင်းသိရပါသည်။ အခိုင်လိုက်သီးပြီး အရည်ရွှမ်းသည့်အသီးဖြစ်ကာ  အသီးတွင် အမျိုးအစား အရောင်(၃)မျိုးရှိကြောင်းလည်းသိရှိရပါသည်။ ကနစိုးသီးသည် မမှည့်သေးမှီအချိန်တွင် အစိမ်း ရောင်ရှိ၍ မှည့်သောအခါဝါလာပါသည်။ အခွံဝါအတွင်း ရှိနှင်းဆီ‌ရောင်ဖျော့ဖျော့အမြွှာ(၃)ခုကို လူတို့စားသုံးကြသည်။ အမြွှာများတွင် အစေ့တစ်စေ့စီပါရှိပါသည်။ ကနစိုးသီးတွင် အချို(သို့မဟုတ်) အချဉ်မျိုးဟူ၍ နှစ်မျိုးထင်ရှားရှိပါသည်။ မြန်မာနိုင်ငံတွင်အချဉ်မျိုးများသာပေါကြောင်းသိရပါသည်။ ကနစိုးသီးကိုပြည်ဈေးကွက်တွင် ရောင်းချသောဈေးနှုန်းများမှာ (၁)ပိဿာလျှင် (၆၀၀၀)ကျပ်၊ (၅၀)သားလျှင် (၄၀၀၀)ကျပ်နှင့် (၂၅)ကျပ်သားလျှင် (၂၅၀၀)ကျပ်ဖြင့် မွန်ပြည်နယ်၊ ရေးမြို့က ထွက်ရှိသော ကနစိုးသီးများကို ဈေးကြီး၊ မြို့မဈေးများတွင် ရောင်းချကြ ကြောင်းသိရပါသည်။

DOCA(ပဲခူး)

  မိုးရာသီဖြစ်သော ဇူလိုင်လတွင် ပြည်မြို့နယ်တွင် သံပုရာသီးများ လှိုင်လှိုင်ပေါ်နေ ပြီဖြစ်ပါသည်။ သံပုရာသီးကို ပြည်အနီးအနားကျေးရွာများဖြစ်သော မိချောင်းရဲ၊ ဇီးအုပ်၊ နတ်တလင်းကျေးရွာများမှ အများအပြားစိုက်ပျိုးကြပြီး ပြည်မြို့ပေါ်ရှိဈေးများတွင် လာရောက် ရောင်းချကြပါသည်။ ထိုအပြင် ရန်ကုန်မြို့သို့လည်းတင်ပို့ရောင်းချကြပါသည်။ ရောင်းချသောဈေး များမှာ အလတ်အရွယ် အစား ဖြစ်သော သံပုရာသီး အလုံး(၁၀၀)ကို (၄၀၀၀)ကျပ်၊ အကြီးအရွယ် အစားအလုံး (၁၀၀)လျှင် (၄၅၀၀) ကျပ်၊ အလုံးသေး (၁၀၀)လျှင် (၂၀၀၀)ကျပ်ဖြင့် လက်ကားအရောင်းအဝယ်ပြုကြပါသည်။
  ပြည်မြို့ပေါ်ရှိဈေးများတွင် သံပုရာသီးလက်လီတစ်လုံးလျှင် (၅၀)ကျပ်၊ သံပုရာသီး အကြီး(၃)လုံးလျှင် (၂၀၀)ကျပ်ဖြင့်ရောင်းချကြပါသည်။ ဆေးဖက်ဝင် သံပုရာသီးကို အရောင်း အဝယ် သွက်လျှက်ရှိပြီး သံပုရာပေါင်း၊ ကုလားတယ်၊ သံပုရာရည်၊ သံပုရာရေခဲထုတ် များပြုလုပ် ရောင်းချ ကြပါသည်။ သံပုရာသီးသည် တစ်နှစ်ပတ်လုံးထွက်ရှိပြီး ဈေးနှုန်းသာကွာခြားမှုရှိပါသည်။ သံပုရာသီး အကြီးအလုံး (၁၇၀၀)ဆန့်တစ်အိတ်ကို (၆၂၀၀၀)ကျပ်၊ အလတ်အလုံး(၂၃၀၀)ဆန့် တစ်အိတ်ကို (၄၀၀၀၀) ကျပ်ဖြင့်လည်း လက်ကားအဝယ်ရှိပါသည်။ ရန်ကုန်မြို့သို့လည်းတင်ပို့ရောင်းချကြောင်း သိရပါသည်။

DOCA(ပဲခူး)

   ပြည်ကုန်စည်ဒိုင်တွင်မတ်ပဲ၊ ပဲစဉ်းငုံ၊ ကုလားပဲ၊ ပဲကြီး၊ ဘိုကိတ်၊ စားတော်ပဲ၊ ပဲကျွန်း စသည့်ပဲမျိုးစုံအရောင်းအဝယ်ဖြစ်နေကြောင်းသိရပါသည်။ ပြည်ကုန်စည်ဒိုင်တွင် မတ်ပဲတစ်တင်းကို (၉၅၅၀၀-၉၆၀၀၀)ကျပ်ဖြင့်တစ်ရက်ကို အိတ်(၂၀၀)ခန့်ရန်ကုန်အဝယ်ရှိနေပါသည်။ ပဲစဉ်းငုံနီ တစ်တင်း ကို (၈၇၀၀၀)ကျပ်ဖြင့် ရန်ကုန်အဝယ်တစ်ရက်ကိုအိတ် (၂၅၀)ခန့်အဝယ်ရှိနေပါသည်။ ဇူလိုင် တတိယပတ်တွင် ကုလားပဲ(HL)တစ်တင်းကို (၉၀၀၀၀)ကျပ်၊ မြကြေးမှုံ တစ်တင်းကို (၉၄၅၀၀-၉၅၀၀၀)ကျပ်ဖြင့် မြို့တွင်းပဲခွဲစက်သမားများ အဝယ်တစ်ရက်ကိုအိတ် (၂၅၀)ခန့်ရှိပါ သည်။ ပဲကြီး (ရွှေကျွန်း) တစ်တင်းကို (၁၀၂၀၀၀)ကျပ်၊ ပဲကြီး (ကုန်းပဲ) တစ်တင်းကို (၉၂၀၀၀) ကျပ်ဖြင့် မြို့တွင်း ပဲကြော်သမားများ အဝယ်ရှိနေပြီး တစ်ရက်ကို အိတ်(၃၀၀)ခန့်အဝယ်ရှိပါသည်။ ဘိုကိတ် ပဲတစ်တင်း ကို (၇၀၀၀၀)ကျပ်ဖြင့်မြို့တွင်းအဝယ်တစ်ရက်ကို အိတ်(၂၀၀)ခန့် အဝယ်ရှိပါသည်။ စားတော်ပဲ (‌ရွှေကျွန်း)တစ်တင်းကို (၁၇၅၀၀၀) ကျပ် ဖြင့်မြို့တွင်း အဝယ် တစ်ရက်ကို အိတ်(၅၀)ခန့်အဝယ်ရှိပါသည်။ ပြည်ကုန်စည်ဒိုင်တွင် ပဲအရောင်းအဝယ်မှာ သွက် လျက်ရှိကြောင်းသိရပါသည်။

DOCA(ပဲခူး)

  ပြည်ခရိုင်၊ ပြည်မြို့တွင်ပဲကြီးနှင့်စားတော်ပဲ(ကျွန်း) သီးနှံများ မြို့တွင်း အ‌ရောင်း အဝယ်ဖြစ်လျက် ရှိနေသည်။ ယခင်နှစ်က ဇူလိုင်တတိယပတ်တွင်ပဲကြီး (ရွှေကျွန်း) တစ်တင်းကို (၉၀၀၀၀)ကျပ်၊ ကုန်းပဲ တစ်တင်းကို (၈၅၀၀၀)ကျပ်ဖြင့်အရောင်းအဝယ်ဖြစ်ပြီးယခုနှစ် ဇူလိုင် ဒုတိယပတ်တွင်းပဲကြီး (ရွှေကျွန်း) တစ်တင်းကို (၁၀၂၀၀၀)ကျပ်၊ ပဲကြီး (ကုန်းပဲ) တစ်တင်းကို (၉၅၀၀၀)ကျပ်ဖြင့် မြို့တွင်း အဝယ်တစ်ရက်ကို အိတ်(၃၀၀)ခန့်အဝယ်ရှိပါသည်။ ယခုနှစ် ဈေးကပိုမိုကောင်းမွန်နေကြောင်း သိရှိရပါသည်။
   ယခုနှစ် ဇူလိုင်တတိယပတ်တွင် စားတော်ပဲ(ကျွန်း)တစ်တင်းကို (၁၇၅၀၀၀)ကျပ်ဖြင့် မြို့တွင်းအဝယ် တစ်ရက်ကို အိတ် (၅၀)ခန့်ရှိပါသည်။ ယခင်နှစ်က စားတော်ပဲ(ကျွန်း)တစ်တင်းကို (၁၁၀၀၀၀)ကျပ်ဖြင့် မြို့တွင်းအဝယ်တစ်ရက်ကိုအိတ် (၅၀)ခန့်ရှိပါသည်။ ယခုနှစ်စားတော်ပဲဈေးက ပိုမိုကောင်းနေခဲ့ပြီး တောင်သူများအနေဖြင့် ပိုမိုရရှိခဲ့ပါသည်။

DOCA(ပဲခူး)