ပြည်တွင်းကုန်သွယ်မှုသတင်း

     ဧရာဝတီတိုင်းဒေသကြီး၊ဟင်္သာတကုန်စည်ဒိုင်တွင် မတ်ပဲ၊ ပဲယင်း(အနီ)၊ပဲကြီးနှင့် အစေ့ထုတ်ပြောင်းတို့ ပုံမှန်အရောင်းအဝယ်ဖြစ်လျက်ရှိပါသည်။ (၂၇.၈.၂၀၂၄)  ရက်နေ့တွင် မတ်ပဲ Row တစ်တင်းလျှင် ၁၂၅၂၀၀/- ကျပ်ဖြင့် အရောင်းအဝယ်ဖြစ်လျက်ရှိပြီး၊ ယခင်ကာလတူဈေးနှုန်း  ၁၀၈၆၀၀/- ကျပ် ဖြင့်နှိုင်းယှဉ်ပါက ၁၆၆၀၀/- ကျပ်မြင့်တက်လျက်ရှိပြီး နေ့စဉ်မတ်ပဲအိတ် ၁၅၀၀ မှ ၂၀၀၀ ကြား အရောင်းအဝယ် ဖြစ်လျက်ရှိပါသည်။ (၂၇.၈.၂၀၂၄)ရက်နေ့တွင် ပဲယင်းအနီ တစ်တင်းလျှင် ၈၃၅၀၀/-ကျပ်ဖြင့် အရောင်းအဝယ်ဖြစ်လျက်ရှိပြီး ယခင်ကာလတူဈေးနှုန်း ၇၀၀၀၀/- ကျပ် ဖြင့်နှိုင်းယှဉ်ပါက ၁၃၅၀၀/- ကျပ်၊ ပဲကြီးတစ်တင်းလျှင် ၈၁၀၀၀/-ကျပ်ဖြင့် အရောင်းအဝယ်ဖြစ်ပြီး၊ ယခင်လ ကာလတူ ဈေးနှုန်း ၇၃၅၀၀/-ကျပ်နှင့် နှိုင်းယှဉ်ပါက ၇၅၀၀/-ကျပ် အသီးသီးမြင့်တက် လျက်ရှိပါသည်။ ဟင်္သာတမတ်ပဲကို ရန်ကုန်မှ အဝယ်လိုက်လာပြီး သိုလှောင်သူ ကြိုက်ဈေးရလျက်ရှိသဖြင့် ဟင်္သာတမတ်ပဲများ နေ့စဉ် ဘုရင့်နောင်ဈေးကွက်သို့ တင်ပို့လျက်ရှိပါသည်။

       August လ ဒုတိယသီတင်းပတ်တွင် အစေ့ထုတ်ပြောင်းဈေးသည် ၃၆၅၀၀/- ကျပ်ထိ မြင့်တက်ခဲ့သဖြင့် အစေ့ထုတ်ပြောင်း သိုလှောင်သူကုန်သည်များ ဘုရင့်နောင်ဈေးကွက်သို့ တင်ပို့ရောင်းချကြ၍ ဟင်္သာတဈေးကွက်အတွင်း အစေ့ထုတ်ပြောင်းလက်ကျန် နည်းသွားကြောင်း သိရှိရပါသည်။ (၂၇.၈.၂၀၂၄)နေ့တွင် အစေ့ထုတ်ပြောင်း ပိဿာ ၂၀ တစ်တင်းလျှင် ၃၁၅၀၀/- ကျပ် ဖြင့် အရောင်းအဝယ်ဖြစ်ပြီး ယခင်လ ကာလတူဈေးနှုန်း ၂၇၅၀၀/-ကျပ်နှင့် နှိုင်းယှဉ်ပါက ကျပ် ၄၀၀၀/- မြင့်တက်လျက်ရှိကြောင်း သုံးသပ်တွေ့ရှိရပါသည်။

DOCA(ဧရာဝတီ)

     နတ်တလင်းခရိုင်၊ နတ်တလင်းမြို့နယ်အတွင်းရှိ ကျေးရွာများတွင် မိုးရာသီဟင်းသီး၊ ဟင်းရွက်မျိုးစုံကို စိုက်ပျိုးလျက်ရှိရာ ထိုင်ဝမ်မျိုးကြက်ဟင်းခါးသီး (အလုံးသေး)များကိုလည်း စိုက်ပျိုးထုတ်လုပ်လျက်ရှိပြီး ဒေသအတွင်းရှိ မြို့နယ်များနှင့် ရန်ကုန်မြိုသို့ တင်ပို့ရောင်းချလျက် ရှိကြောင်းသိရှိရပါသည်။

       ကြက်ဟင်းခါးသီး (အလုံးသေး)များကို ဧပြီလနှင့် မေလတွင် စတင်စိုက်ပျိုးပြီး ဇွန်လတွင် စတင်ထွက်ရှိပါသည်။ စတင်ထွက်ရှိသည့် ဇွန်လတွင် ပေါ်ကာစ ကြက်ဟင်းခါးသီး(အလုံးသေး) တစ်ပိဿာလျှင်  (၂၀၀၀)ကျပ်ဖြင့် ဈေးကောင်းရရှိခဲ့ပြီး လှိုင်လှိုင်ထွက်ရှိချိန် ဇူလိုင်လအတွင်းတွင် ကြက်ဟင်းခါးသီး(အလုံးသေး) တစ်ပိဿာလျှင်  (၅၀၀)ကျပ်ပေါက်ဈေးသာ ရှိသဖြင့်ဈေးနှုန်း ကျဆင်းခဲ့ရာမှ ယခု ၂၀၂၄ခုနှစ်၊ ဩဂုတ်လအတွင်းတွင်  ကြက်ဟင်းခါးသီး(အလုံးသေး) တစ်ပိဿာ (၇၀၀)ကျပ်နှုန်းပေါက်သဖြင့် ဈေးနှုန်းအနည်းငယ်ပြန်တက်ကြောင်း သိရှိရပါသည်။

 DOCA(ပဲခူး)

     ဖရုံသီးကို စားသုံးသူအများစုက ရွှေဖရုံသီးဟု ခေါ်ဆိုကြပါသည်။ ရွှေဖရုံသီးကိုယနေ့ ကုန်စိမ်းဈေးကွက်ထဲတွင် အနည်းစုသာတွေ့ရပြီး ဈေးကွက်ထဲတွင် အများဆုံးနေရာယူလာပြီး အသွင်ပြောင်းလာသော ဖရုံသီးတစ်မျိုးကို အိုးဖရုံဟုခေါ်ဆိုကြောင်း သိရှိရပါသည်။

      အိုးဖရုံကို ကုန်စိမ်းဈေးကွက်ရှိသည့် သဲကုန်းမြို့နယ်အတွင်းရှိ ဝက်ပုတ်နှင့် ပုတီးကုန်းမြို့ရှိ ကျေးရွာများအုပ်စုများမှ  အများအပြားစိုက်ပျိုးထွက်ရှိပါသည်။ မိုးဦးကျ ကဆုန်၊ နယုန်လ လောက်တွင် စတင်ထွက်ရှိပြီး ပေါ်ကာစမှာ လက်လီဈေးတစ်လုံးလျှင် (၁၀၀၀)ကျပ်အထိ ဈေးကောင်းရရှိခဲ့ပြီး  ဩဂုတ်လစတုတ္တပတ်တွင် ဒိုင်ဝယ်ဈေး(လက်ကားဈေး)အိုးဖရုံသီးတစ်လုံး (၄၅၀)ကျပ်ဖြစ်ကြောင်း သိရှိရပါသည်။ အိုးဖရုံသီး၏အားသာချက်မှာ ရွှေဖရုံသီးကဲ့သို့ ခွဲခြမ်းစိတ်ဖြာ၍ ရောင်းစရာမလိုဘဲ (၁)ခါချက်လျှင် အလုံးလိုက်စိတ်ကာ ချက်၍ရခြင်းကြောင့် ရောင်းရလွယ်ကူခြင်းဖြစ်ကြောင်းသိရှိရပါသည်။ သူ၏အသွင်သဏ္ဍာန်မှာလည်း အိုးဖရုံဟုခေါ်ရလောက်အောင် အိုးတစ်လုံး နှင့်အလားသဏ္ဍာန်တူလှပါသည်။

        သဲကုန်းမြို့နယ်ဝက်ပုတ်မြို့တွင် ကုန်စိမ်းဒိုင်(၁၀)ဒိုင်ခန့်ရှိ၍ (၁)ဒိုင်လျှင် တစ်နေ့အလုံးရေ (၂၀၀၀)ခန့် တင်ပို့ရောင်းချနိုင်၍ တင်ပို့ရာဒေသများမှာ နယ်စုံဖြစ်၍ အများအားဖြင့် ရန်ကုန်၊ ပုသိမ်၊ ဘားအံ၊ မော်လမြိုင်မြို့များအထိ တင်ပို့ရောင်းချကြကြောင်းကို ဝက်ပုတ်မြို့ရှိ ကုန်စိမ်း လုပ်ငန်းရှင်တစ်ဦးထံမှသိရရှိပါသည်။

DOCA(ပဲခူး)

   မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်သည် အောင်လံမြို့နှင့် သရက်မြို့တို့မှ ထွက်ရှိသည့် သီးနှံများ နေ့စဉ်အရောင်းအဝယ်ပြုလုပ်သည့် ကုန်စည်ဒိုင်တစ်ခု ဖြစ်ပါသည်။

နှမ်းသီးနှံဈေးနှုန်း၊ ဈေးကွက်အခြေအနေ

   အောင်လံကုန်စည်ဒိုင်တွင် နှမ်းသီးနှံသည် ၂၀၂၄ခုနှစ်၊ သြဂုတ်လ(ဒုတိယပတ်)အတွင်းမှ စတင်၍ နှမ်းသီးနှံအသစ်များထွက်ရှိနေပြီး သီးနှံအဟောင်းများနှင့်အတူ ယခု(စတုတ္ထပတ်)အတွင်းတွင် အရောင်းအဝယ်များဖြစ်လျက်ရှိပါသည်။

   နှမ်းနက်စမုံမှာ (တတိယပတ်)အတွင်းတွင် (၁)တင်းလျှင် ကျပ်(၁၆၃၅၀၀ မှ ၁၇၆၅၀၀) အထိ ဈေးနှုန်း ရှိခဲ့ပြီး (စတုတ္ထပတ်)အတွင်းတွင် (၁)တင်းလျှင် ကျပ်(၁၆၆၅၀၀ မှ ၁၈၃၀၀၀) အထိ ရှိခဲ့၍ (၁)တင်း လျှင် ကျပ်(၃၀၀၀မှ ၆၅၀၀)အထိ ဈေးနှုန်းအမြင့်ဖြင့် တင်းရေ(၆၀၀၀)တင်း၊ တန်အနေဖြင့် (၁၄၆.၉၆)တန် အရောင်းအဝယ်ရှိခဲ့ပါသည်။

   နှမ်းနီမှာ (တတိယပတ်)အတွင်းတွင် (၁)တင်းလျှင် ကျပ်(၁၂၃၅၀၀ မှ ၁၂၆၅၀၀) အထိ ဈေးနှုန်းရှိခဲ့ပြီး (စတုတ္ထပတ်)အတွင်းတွင် (၁)တင်းလျှင် ကျပ်(၁၂၆၅၀၀ မှ ၁၃၀၀၀၀) အထိ ရှိခဲ့၍ (၁)တင်းလျှင် ကျပ် (၃၀၀၀ မှ ၃၅၀၀)အထိ ဈေးနှုန်းအမြင့်ဖြင့် တင်းရေ(၆၀၀)တင်း၊ တန်အနေဖြင့် (၁၄.၆၉)တန် အရောင်း အဝယ် ရှိခဲ့ပါသည်။

    နှမ်းဖြူမှာ (တတိယပတ်)အတွင်းတွင် (၁)တင်းလျှင် ကျပ်(၁၂၃၀၀၀) အထိ ဈေးနှုန်းရှိခဲ့ပြီး (စတုတ္ထပတ်)အတွင်းတွင် (၁)တင်းလျှင် ကျပ်(၁၂၆၅၀၀ မှ ၁၃၃၀၀၀) အထိ ရှိခဲ့၍ (၁)တင်းလျှင် ကျပ် (၃၀၀၀ မှ ၁၀၀၀၀)အထိ ဈေးနှုန်းအမြင့်ဖြင့် တင်းရေ(၃၀၀)တင်း၊ တန်အနေဖြင့် (၇.၃)တန် အရောင်း အဝယ် ရှိခဲ့ပါသည်။

ပဲမျိုးစုံသီးနှံဈေးနှုန်း၊ ဈေးကွက်အခြေအနေ

   မတ်ပဲမှာ (တတိယပတ်)အတွင်းတွင် (၁)တင်းလျှင် ကျပ်(၁၁၈၀၀၀မှ ၁၂၀၀၀၀) အထိဈေးနှုန်းရှိခဲ့ပြီး (စတုတ္ထပတ်) တွင် (၁)တင်းလျှင် ကျပ်(၁၁၉၀၀၀ မှ ၁၂၀၀၀၀) ရှိခဲ့၍ (၁)တင်းလျှင် အနိမ့်ဈေး ကျပ်(၁၀၀၀)မြင့်တက်ခဲ့ပြီး ဝယ်သိုကုန်သည်များမှ တင်း(၂၇၀၀)ခန့် အရောင်းအဝယ်ရှိခဲ့ ပါသည်။

   ပဲစဉ်းငုံနီကို ဝယ်သိုကုန်သည်များမှ အရောင်းအဝယ်ဖြစ်လျက်ရှိရာ (တတိယပတ်)တွင် (၁)တင်းလျှင် ကျပ်(၁၄၈၀၀၀မှ ၁၄၉၄၀၀)ထိရှိခဲ့ပြီး၊ (စတုတ္ထပတ်)တွင် (၁)တင်းလျှင် ကျပ်(၁၄၈၀၀၀မှ ၁၅၂၀၀၀)ထိရှိခဲ့၍ အမြင့်ဈေး(၁)တင်းလျှင် ကျပ်(၂၆၀၀) မြင့်တက်ခဲ့ပြီး ပဲစဉ်းငုံနီ (၁၅၀၀)တင်းခန့် အရောင်းအဝယ်ရှိခဲ့ပါသည်။

   ပဲတီစိမ်းသီးနှံမှာ (တတိယပတ်)အတွင်းတွင် ကျပ်(၅၀၀၀၀မှ ၆၂၀၀၀)အထိရှိခဲ့ပြီး (စတုတ္ထပတ်)အတွင်းတွင် ကျပ်(၅၀၀၀၀မှ ၆၃၀၀၀) ထိရှိခဲ့၍ (၁)တင်းလျှင် ကျပ်(၁၀၀၀) မြင့်တက်ခဲ့ပြီး (၂၂၅၀)တင်း အရောင်းအဝယ်ရှိခဲ့ပါသည်။

   ကုလားပဲ(ဟော်လန်)သီးနှံမှာ (တတိယပတ်)တွင် ကျပ်(၉၇၀၀၀မှ ၁၀၀၀၀၀)အထိ ဈေးနှုန်းရှိခဲ့ရာ (စတုတ္ထပတ်) တွင် ကျပ်(၉၉၀၀၀ မှ ၁၀၀၀၀၀)ထိရှိခဲ့၍ (၁)တင်းလျှင် ကျပ်(၂၀၀၀) မြင့်တက်ခဲ့ပြီး (၂၄၀၀)တင်း အရောင်းအဝယ်ရှိခဲ့ပါသည်။

   ကုလားပဲ(မြကြေး)မှာ (တတိယပတ်)တွင် ကျပ်(၁၀၅၀၀၀)အထိဈေးနှုန်းဖြင့် (စတုတ္ထပတ်) တွင် ကျပ်(၁၀၅၀၀၀-၁၀၇၀၀၀)အထိဈေးနှုန်းဖြင့် ကျပ်(၂၀၀၀)မြင့်တက်ခဲ့ပြီး တင်း(၁၈၀၀)ခန့် အရောင်းအဝယ်ရှိခဲ့ပါသည်။

   ပဲကြီးသီးနှံမှာ အောင်လံကုန်စည်ဒိုင်တွင် (တတိယပတ်)အထိ (၁)တင်းလျှင် ကျပ်(၈၄၀၀၀မှ ၉၀၀၀၀)အထိရှိခဲ့ပြီး (စတုတ္ထပတ်)တွင်  ကျပ်(၈၀၀၀၀-၉၀၀၀၀) ရှိခဲ့၍ ကျပ်(၄၀၀၀)ခန့်ဈေးကျပြီး တင်း(၂၇၀)အရောင်းအဝယ်ရှိခဲ့ပါသည်။

    မြေပဲလုံးဆံနီနှင့် လုံးဆံဖြူတို့မှာ သီးနှံအသစ်နှင့် အဟောင်းလက်ကျန်အနည်းငယ်တို့ အရောင်း အဝယ်ဖြစ်လျက်ရှိရာ (စတုတ္ထပတ်) တွင် ကျပ်(၁၀၀၀၀-၁၀၅၀၀)ရှိခဲ့ပြီး မြေပဲလုံးဆံနီ (၁၂၀)ပိဿာနှင့် မြေပဲလုံးဆံဖြူ (၁၃၀)ပိဿာခန့် အရောင်းအဝယ်ရှိခဲ့ပါသည်။

     မြေပဲတောင့်အစိုမှာ (တတိယပတ်)တွင် (၁)တင်းလျှင် ကျပ်(၃၂၀၀၀မှ ၃၃၀၀၀)ထိဈေးနှုန်း ရှိခဲ့၍ (စတုတ္ထပတ်)တွင် (၁)တင်းလျှင် ကျပ်(၂၄၀၀၀မှ ၂၅၀၀၀)ထိဈေးနှုန်းရှိခဲ့၍ (၁)တင်းလျှင် ကျပ်(၈၀၀၀) ဈေးကျပြီး တင်း(၃၅၀၀)ခန့် အရောင်းအဝယ်ရှိခဲ့ပါသည်။

ဝါသီးနှံဈေးနှုန်းဈေးကွက်အခြေအနေ

    ဝါသီးနှံအနေဖြင့်ယခုရာသီတွင် ဝါကို သိုလှောင်ကုန်သည်များမှ ဈေးနှုန်းအတက်အကျကို စောင့် ဆိုင်းလျက် အရောင်းအဝယ်ပြုလျက်ရှိရာ (စတုတ္ထပတ်)အတွင်းတွင် ဝါ(၁)ပိဿာလျှင် ကျပ်(၃၀၀၀ မှ ၃၁၀၀)ဈေးနှုန်းရှိခဲ့၍ ဈေးနှုန်းပြောင်းလဲမှုမရှိကြောင်း၊  ဝါ ပိဿာချိန် (၁၀၀၀၀) ပိဿာ ခန့်အား မန္တလေးမြို့သို့တင်ပို့ရောင်းချခဲ့ကြောင်း သိရသည်။

   အောင်လံကုန်စည်ဒိုင်အနေဖြင့် ဩဂုတ်လ(စတုတ္ထပတ်)အတွင်းတွင် နှမ်း(၁၅၄.၃၁)တန်၊ ပဲတီစိမ်း(၇၃.၄၈)တန်၊ စုစုပေါင်းတန်ချိန်(၂၂၇.၇၉)တန်အား မန္တလေးမြို့သို့ တင်ပို့ရောင်းချပေးနိုင်ခဲ့ပြီး ပဲစဉ်းငုံနီ၊ မတ်ပဲ၊ ကုလားပဲ (HL)နှင့် ကုလားပဲ(မြကြေး)၊ မြေပဲလုံးဆံနီ၊ မြေပဲလုံးဆံဖြူတို့ကို ရန်ကုန်မြို့သို့ စုစုပေါင်းတန်ချိန်(၃၃၃.၁၂)တန်အားလည်းကောင်း၊ ပဲကြီး၊ ကုလားပဲ(HL)နှင့် ကုလားပဲ (မြကြေး) အနည်းငယ်တို့အား အောင်လံမြို့နယ်နှင့် သရက်မြို့နယ်အတွင်းရှိ ခွဲစက်များနှင့် ပဲကြော်၊ ပဲလှော်လုပ်ငန်းရှင်များသို့ ဖြန့်ဖြူးရောင်းချ‌ပေးခဲ့ရပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် ဥစားကြက်မွေးမြူရေးလုပ်ငန်း လုပ်ကိုင်မှုနည်းပါးခြင်းကြောင့် ဒေသတွင်း စားသုံးမှု မလုံလောက်၍ မန္တလေးတိုင်းဒေသကြီး၊ ပြင်ဦးလွင်မြို့နှင့် ရှမ်းပြည်နယ် တောင်ကြီးမြို့တို့မှ ဝယ်ယူ၍ အရောင်းအဝယ်ဖြစ်လျက်ရှိပါသည်။

     ဈေးနှုန်းများအနေဖြင့်၂၀၂၄ခုနှစ်၊  ဩဂုတ်လ(စတုတ္ထပတ်)တွင် ကြက်ဥ အကြီးအသေး မူတည်၍ အသေးတစ်လုံးလျှင် ကျပ်(၃၈၀)၊ အလတ်တစ်လုံးလျှင် ကျပ်(၄၀၀)နှင့် အကြီးတစ်လုံး လျှင် ကျပ်(၄၂၀)ဈေးရှိပြီး တစ်ပိဿာလျှင် ကျပ်(၉၅၀၀)၊ ယခင်လနှင့် ဈေးနှုန်းနှိုင်းယှဉ်ပါက တစ်ပိဿာလျှင် ကျပ်(၁၆၀၀) ဈေးမြင့်တက်ပြီး အရောင်းအဝယ်ဖြစ်လျက်ရှိကြောင်း၊ ဈေးနှုန်း မြင့် တက်ရခြင်းမှာ ကြက်မွေးမြူရေးခြံများတွင် ရာသီဥတုပြောင်းလဲမှုကြောင့် ကြက်အကောင်ရေ သေပျောက်မှုများပြီး ကြက်ဥ ဥနှုန်းနည်းခြင်း၊ သယ်ယူစရိတ်ကြီးမြင့်ခြင်းနှင့် လမ်းပန်းဆက်သွယ်မှု ခက်ခဲခြင်းတို့ကြောင့် ဈေးနှုန်းမြင့်တက်ရခြင်းဖြစ်ကြောင်း ဈေးကွက်မှ သိရှိရပါသည်။

DOCA(မကွေး)