စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းမျာ ဆောင်ရွက်လျက်ရှိသလို စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။
ကန့်ဘလူမြို့မဈေးတွင် ရောင်းချလျက်ရှိသည့် ကြက်ဥ၊ ဘဲဥများကို ကန့်ဘလူမြို့နယ်အ တွင်းရှိကြက်ခြံများနှင့် မန္တလေးမြို့မှ ဝင်ရောက်လျက်ရှိကြောင်း၊ ၂၀၂၅ ခုနှစ်၊ ဩဂုတ်လ ဒုတိယ ပတ်အတွင်း ကန့်ဘလူမြို့မဈေးတွင် ကြက်ဥအလုံးကြီး(၁)လုံးလျှင် (၆၅၀)ကျပ်၊ အလုံးကြီး(၁၀)လုံး လျှင် (၆၀၀၀)ကျပ်၊ အလုံးသေး(၁)လုံးလျှင် (၆၀၀)ကျပ်ဖြင့်ရောင်းချကြောင်း၊ ဩဂုတ်လ ဒုတိယ ပတ်အတွင်း ဘဲဥ(၁)လုံးလျှင် (၇၅၀)ကျပ်နှင့် ငုံးဥ(၇)လုံးလျှင် (၁၀၀၀)ကျပ်ဖြင့်ရောင်းချကြောင်း၊ ကြက်ဥကို မုန့်လုပ်ငန်းများ၊ လဖက်ရည်ဆိုင်များ၊ ငုံးဥကို စားသောက်ဆိုင်များနှင့် အိမ်ရှင်မများက ဝယ်ယူအသုံးပြုလျက်ရှိကြောင်း၊ ကြက်ဥလက်လီ/လက္ကားရောင်းချသည့် လုပ်ငန်းရှင်များထံမှ သိရှိရပါသည်။
DOCA (စစ်ကိုင်း)