ပြည်တွင်းကုန်သွယ်မှုသတင်း

       ၂၀၂၄ ခုနှစ်၊ စက်တင်ဘာလ (၆) ရက်နေ့အထိ ဧရာဝတီတိုင်းဒေသကြီး၊ ပုသိမ်မြို့အတွင်းရှိ ဘိလပ်မြေဈေးနှုန်းများမှာ ကြံနှစ်ကောင်အမှတ်တံဆိပ် ဘိလပ်မြေ (၁)အိတ်လျှင် ကျပ် (၁၅၀၀၀)၊ ထိုင်ဆင်အမှတ်တံဆိပ် ဘိလပ်မြေမှာ ပစ္စည်းပြတ်လပ်နေပြီး Alpha အမှတ်တံဆိပ် ဘိလပ်မြေ(၁)အိတ်လျှင် ကျပ် (၁၂၀၀၀)၊ Alphacayအမှတ်တံဆိပ် ဘိလပ်မြေ(၁)အိတ်လျှင်ကျပ်(၁၁၈၀၀)ရှိကြောင်းသိရှိရပါသည်။ယခုအပတ်အတွင်း ပုသိမ်မြို့၏ဘိလပ်မြေဈေးနှုန်းများမှာ တည်ငြိမ်နေပြီး ထိုင်းဆင်အမှတ်တံဆိပ် ဘိလပ်မြေမှာ ပြတ်လပ်နေကြောင်း ပုသိမ်မြို့ရှိ အိမ်ဆောက်ပစ္စည်းဆိုင် ‘အေတူဇက်’ နှင့် ‘ပထမ’ ဆိုင်တို့မှသိရပါသည်။

DOCA(ဧရာဝတီ)

   ရှမ်း(တောင်)ကြက်သွန်ဖြူမှာလည်း  တရုတ်ကြက်သွန်ဖြူ(ကြူကုတ်)အဝင်မရှိတော့သည့်အတွက် ရှမ်းကြက်သွန်ဖြူသာ ဈေးကွက်တွင်ဦးဆောင်နေပါသည်။ ကြက်သွန်ဖြူမျိုးခြား တစ်ပိဿာ လျှင်၁၀၀၀၀ကျပ်ခန့်လည်းကောင်း၊ ထူး-၁ တစ်ပိဿာ ၁၁၀၀၀ကျပ်၊ထူး-၂တစ်ပိဿာ ၁၂၀၀၀ကျပ်၊ ထူး-၃ တစ်ပိဿာ ၁၂၅၀၀ကျပ်၊ ထူး-၄တစ်ပိဿာ ၁၃၀၀၀ကျပ်၊ ထူး-၅ တစ်ပိဿာ ၁၃၅၀၀ ကျပ်နှင့် ထူးလွန်တစ်ပိဿာ ၁၄၀၀၀ကျပ်ခန့်အသီးသီးပေါက်ဈေးရှိနေပြီးယခင်အပတ်များတွင် ကုန်စည်အဝင်ပါး၍ ဈေးမြင့်တက်ခဲ့ရာမှ ယခုတစ်ပတ်၌ ဈေးအနည်းငယ်အေးလာခဲ့ကြောင်း သိရှိရပါသည်။

   ပြည်ပဈေးကွက်ရှိပြီး ပြည်တွင်းသုံးစွဲမှုများပြားသည့် နနွင်းသီးနှံမှာ ဈေးမပြောင်းဘဲ တောင်ပို့လ(ရှယ်) တစ်ပိဿာလျှင် ၁၂၅၀၀ကျပ်၊ တောင်ပို့လ(လတ်)  တစ်ပိဿာလျှင် ၁၂၀၀၀ ကျပ်နှင့် ဆင်တောင် (ရှယ်) ၁၀၅၀၀ ကျပ်၊ ဆင်တောင် (လက်) ၁၀၀၀၀ကျပ်နှင့် အညံ့စရောရာ ၉၅၀၀ကျပ် ဖြင့် ရောင်းဝယ်ဖောက်ကားလျှက်ရှိကြောင်း သိရှိရပါသည်။

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့်တွေ့ဆုံ၍ အခြေခံစားသောက်ကုန်ဈေးနှုန်းများ၊ ဓာတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

        စက်တင်ဘာလ၊ ပထမအပတ်တွင် ရွှေဘိုမြို့၌ ရောင်းချလျက်ရှိသော ဓာတ်မြေဩဇာနှင့် ပိုးသတ်ဆေးဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅) ကွန်ပေါင်းဓာတ်မြေဩဇာတစ်အိတ်လျှင် (၂၀၀၀၀ဝိ/-)ကျပ်၊ ဇာမဏီတံဆိပ် (၁၃:၅:၇) ကွန်ပေါင်းဓာတ်မြေဩဇာ 50kg တစ်အိတ်လျှင် (၇၅၀၀ဝိ/-) ကျပ်၊ အာမို၊ ပုလဲတံဆိပ် ကွန်ပေါင်းဓာတ်မြေဩဇာတစ်အိတ်လျှင် (၁၁၀၀၀ဝိ/-)နှင့်  ဒီမွန် 1.8 တံဆိပ် ထိသေ/စားသေ (အဆိပ်ငွေ့) 500cc တစ်ဘူးလျှင် (၂၀၀၀ဝိ/-)ကျပ်၊ ငှက်ကြီးတောင်တံဆိပ် ထိသေ/စားသေ (အဆိပ်ငွေ့) 100cc တစ်ဘူးလျှင် (၃၇၅၀ဝိ/-)ကျပ်၊ ဇိုင်ကလုံးတံဆိပ် ပင်လုံးပြန့်ပိုးသတ်ဆေး 1litter တစ်ဘူးလျှင် (၇၁၀၀ဝိ/-)ကျပ်ဖြင့်ရောင်းချလျက်ရှိပြီး ပန်းဖူးတံဆိပ် ဓာတ်မြေဩဇာ၊ MC တံဆိပ် (၁၅:၁၅:၁၅) ကွန်ပေါင်းဓာတ်မြေဩဇာနှင့် ရှောင်လင်တံဆိပ် ထိသေ/စားသေ (အဆိပ်ငွေ့)ပိုးသတ်ဆေးများမှာ ဈေးကွက်အတွင်း ပစ္စည်းပြတ်လပ်လျက်ရှိကြောင်း၊ ယခုအပတ်တွင် ယခင်အပတ်ထက် အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်းဓာတ်မြေဩဇာတစ်အိတ်လျှင် (၂၀၀၀ဝိ/-)ကျပ်၊ ဇာမဏီတံဆိပ် (၁၃:၅:၇)ကွန်ပေါင်းဓာတ်မြေဩဇာ 50kg တစ်အိတ်လျှင် (၁၀၀ဝိ/-)ကျပ်၊ အာမို၊ ပုလဲတံဆိပ် ကွန်ပေါင်းဓာတ်မြေဩဇာတစ်အိတ်လျှင် (၁၀၀၀ဝိ/-)ကျပ်နှင့် ငှက်ကြီးတောင်တံဆိပ် ထိသေ/စားသေ(အဆိပ်ငွေ့) 100cc တစ်ဘူးလျှင် (၁၃၀၀ဝိ/-) ကျပ်ဈေးနှုန်းမြင့်တက်လာပြီး ဇိုင်ကလုံးတံဆိပ် ပင်လုံးပြန့်ပိုးသတ်ဆေး 1litter တစ်ဘူးလျှင် (၁၀၀ဝိ/-) ကျပ်ဈေးနှုန်းကျဆင်းပြီး ပုံမှန်အရောင်းအဝယ်ဖြစ်လျက်ရှိကြောင်း ဓာတ်မြေဩဇာနှင့် ပိုးသတ်ဆေးအရောင်းဆိုင်များမှ တာဝန်ရှိသူများနှင့်ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်သာယာဈေး၊ အမှတ်(၂)ဈေးနှင့် ပျံကျဈေးတို့တွင် မန္တလေးတိုင်းဒေသကြီး၊  ကျောက်ပန်းတောင်း၊ ပုပ္ပါးဒေသမှထွက်ရှိသော နဂါးမောက်သီးများ ဝင်ရောက်အရောင်းအဝယ်ဖြစ်နေပါသည်။ နဂါးမောက်သီးမှာ နာတာရှည်ရောဂါခံစားနေရသူများ၊ နှလုံးရောဂါ၊ ဆီးချို‌ရောဂါ၊ သွေးတိုးရောဂါနှင့် အစာအိမ်အူလမ်းကြောင်းရှိသူများဝယ်ယူစားသုံးသော အသီးအနှံတစ်မျိုးလည်းဖြစ်ပါသည်။ နဂါးမောက်သီးကို ကျောက်ပန်းတောင်းမြို့နယ်၊ ပုပ္ပါးနယ်များတွင် တကွင်းတစပ် အများဆုံးစိုက်ပျိုးကြကြောင်း၊ ပခုက္ကူဈေးကွက်သို့ နေ့စဉ်ဝင်ရောက်လျက်ရှိကြောင်း မြို့မဈေးသည်များထံမှသိရှိရပါသည်။

          ပခုက္ကူမြို့မဈေးတွင်ရောင်းချနေသော နဂါးမောက်သီးဈေးနှုန်းများမှာ အလုံးအကြီးအသေးပေါ် မှုတည်၍ ဈေးနှုန်းများလည်းကွာခြားလျက်ရှိပါသည်။ နဂါးမောက်သီးအလုံးကြီးတစ်ပိဿာလျှင် ကျပ် (၃၅၀၀-၄၅၀၀)၊ အလုံးအလတ်တစ်ပိဿာလျှင် ကျပ်(၂၅၀၀)၊ အလုံးသေးတစ်ပိဿာလျှင် ကျပ် (၁၅၀၀)ဖြင့်ရောင်းချနေကြောင်း၊ နေ့စဉ်ဝင်ရောက်မှုမှာ ကုန်ချိန်(၁၀၀၀)ကျော်  ဝင်ရောက်အရောင်းအဝယ်ဖြစ်နေကြောင်း မြို့မဈေးသည်များထံမှသိရှိရပါသည်။

DOCA(မကွေး)

     မကွေးတိုင်းဒေသကြီး၊ ပခုက္ကူခရိုင်၊ ပခုက္ကူကြက်သွန်နီကုန်စည်ဒိုင်သို့ အနယ်နယ်အရပ်ရပ်မှ ဆောင်းစိုက်(ပင်စိုက်) ကြက်သွန်နီများ နေ့စဉ်ဝင်ရောက်အရောင်းအဝယ်ဖြစ်လျက်ရှိပါသည်။ နေ့စဉ် အရောင်းအဝယ်ဖြစ်နေသောနယ်များမှာ ယောနယ်၊ ပေါက်၊ ရေပြာနှင့် ပခုက္ကူအနီးအနားပတ်ဝန်းကျင်ရှိရွာများ၊ စစ်ကိုင်းဒေသကြီးအတွင်းရှိ ပလဲနယ်၊ သံတောင်၊ ဆင်တဲဝနယ်မှ ဆောင်းစိုက်ပင်စိုက်ကြက်သွန်နီများ ဝင်ရောက်အရောင်းအဝယ်ဖြစ်လျက်ရှိပါသည်။ ပခုက္ကူမြို့သည် မြို့၏စီးပွားရေးအချက်အချာကြသောမြို့ကြီးတစ်မြို့လည်းဖြစ်ပါသည်။ ပခုက္ကူကြက်သွန်နီကုန်စည်ဒိုင်သို့ ၂၀၂၄ခုနှစ်၊ စက်တင်ဘာလ(ပထမပတ်)တွင် နေ့စဉ်ကြက်သွန်နီပိဿာချိန် (၅၀၀၀၀) မှ (၇၀၀၀၀) အထိ ဝင်ရောက်အရောင်းအဝယ်ဖြစ်လျက်ရှိပါသည်။

     ပခုက္ကူကြက်သွန်နီကုန်စည်ဒိုင်၌ ဈေးနှုန်းအနေဖြင့် စက်တင်ဘာလ(ပထမပတ်)တွင် ကြက်သွန်နီအရည်အသွေးကိုလိုက်၍ ကြက်သွန်နီဈေးနှုန်းများလည်းကွာခြားလျက်ရှိပါသည်။ ပေါက်မြို့ (ယောနယ်) ဒေသထွက်ရှိသော ကြက်သွန်နီ ထိပ်စတစ်ပိဿာလျှင် ကျပ်(၁၉၀၀-၂၀၀၀)၊ အလတ်စတစ်ပိဿာလျှင် ကျပ်(၁၄၀၀-၁၅၀၀)၊ အနိမ့်စတစ်ပိဿာလျှင် ကျပ်(၁၂၀၀-၁၃၀၀)၊ ပခုက္ကူကျွန်း (တောင်ဘက်ကမ်း) ထိပ်စတစ်ပိဿာလျှင် ကျပ် (၁၉၀၀)၊ အလတ်စတစ် ပိဿာလျှင် ကျပ် (၁၇၀၀)၊ အနိမ့်စတစ်ပိဿာလျှင် ကျပ်(၁၁၀၀-၁၃၅၀)နှင့် ပုလဲနယ်မှထွက်ရှိသော ကြက်သွန်နီ ထိပ်စတစ်ပိဿာလျှင် ကျပ်(၁၉၀၀ မှ ၁၈၅၀)ဖြစ်ပြီး မြို့မစည်ပင်ဈေးနှင့် အမှတ်(၂)ဈေးတို့တွင် လက်လီရောင်းချနေသော ကြက်သွန်နီဈေးနှုန်းများမှာ ထိပ်စတစ်ပိဿာလျှင် ကျပ်(၂၄၀၀)၊ အလတ်စ တစ်ပိဿာလျှင် ကျပ်(၂၃၀၀)၊ အနိမ့်စတစ်ပိဿာလျှင် ကျပ်(၁၈၀၀-၂၀၀၀)ဈေးနှုန်းအသီးသီးဖြင့်ရောင်းချနေကြောင်း မြို့မဈေးသည်များထံမှသိရှိရပါသည်။

         တင်ပို့မှုအနေဖြင့် ပခုက္ကူဒေသမှထွက်ရှိသော ဆောင်းကြက်သွန်နီများကို မြန်မာပြည်အောက်ပိုင်း ရန်ကုန်ဘုရင့်နောင်၊ ဟင်္သာတ၊ မြဝတီနှင့် တာချီလိတ်မြို့များသို့တင်ပို့နေကြောင်း၊  တစ်နေ့လျှင် ပိဿာချိန်(၅၀၀၀၀)ကျော်တင်ပို့နေကြောင်း ကြက်သွန်နီကုန်သည်များထံမှသိရှိရပါသည်။

DOCA(မကွေး)