ပြည်တွင်းကုန်သွယ်မှုသတင်း

       ၂၀၂၄ခုနှစ်၊ စက်တင်ဘာလ ၉ရက်နေ့၊ နံနက်(၀၉:၀၀)နာရီအချိန်တွင် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနမှ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့ပေါ်ရှိ အိမ်ဆောက်ပစ္စည်းရောင်းချသည့်ဆိုင်များသို့သွားရောက်၍ အပတ်စဉ်ကွင်းဆင်းစစ်ဆေးခြင်းဆောင်ရွက်လျက်ရှိကြောင်းသိရသည်။

       ကန့်ဘလူမြို့ပေါ်ရှိ ဘိလပ်မြေရောင်းချသည့် ခွန်အားသစ် အိမ်ဆောက်ပစ္စည်းအရောင်းဆိုင်၊ မိုးကောင်ကင် အိမ်ဆောက်ပစ္စည်းအရောင်းဆိုင်နှင့် ရွှေပြည့်စုံ အိမ်ဆောက်ပစ္စည်းအရောင်းဆိုင် စသည့်ဆိုင်များ၏ ဘိလပ်မြေဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်းဈေးကွက်အခြေအနေတို့အားကွင်းဆင်းစိစစ်ခဲ့ရာ ဘိလပ်မြေနှင့်ဆောက်လုပ်ရေးလုပ်ငန်းသုံးပစ္စည်းများကို မန္တလေးမြို့မှဝယ်ယူရကြောင်း၊ ဈေးနှုန်းအနေဖြင့် “CROWN” အမှတ်တံဆိပ် ဘိလပ်မြေ‌တစ်အိတ်လျှင် ငွေကျပ်၂၀၀၀၀နှင့် “ကြံ့နှစ်ကောင်” အမှတ်တံဆိပ်ဘိလပ်မြေဈေးနှုန်းမှာ တစ်အိတ်လျှင် ငွေကျပ်၁၉၀၀၀ဖြင့်ရောင်းချကြောင်း၊ စက်တင်ဘာလ ပထပတ်ဈေးနှုန်းများနှင့်နှိုင်းယှဉ်ပါက ယခုအပတ်တွင် ဈေးနှုန်းများအနည်းငယ်မြင့်တက်၍ အရောင်းအဝယ်ဖြစ်လျက်ရှိကြောင်း လုပ်ငန်းရှင်များထံမှသိရှိရပါသည်။

DOCA(စစ်ကိုင်း)

      မြန်မာနိုင်ငံသည် စိုက်ပျိုးရေးကိုအခြေခံပြီး အခြားစီးပွားရေးကဏ္ဍများကိုလည်း ဖွံ့ဖြိုးတိုးတက်အောင်ဆောင်ရွက်နေသော နိုင်ငံတစ်ခုဖြစ်သည်။ စစ်ကိုင်းတိုင်းဒေသကြီး၊ ကန့်ဘလူမြို့နယ်တွင်လည်း လယ်ယာစိုက်ပျိုးရေးလုပ်ငန်းများအပြင် ကွမ်းခြံများကို မိမိတို့ယာကွက်များ၌လည်းကောင်း၊ နေအိမ်ခြံဝင်းများ၌လည်းကောင်း မိသားစုဝင်ငွေရရှိသည့်အတွက် စိုက်ပျိုးကြကြောင်းသိရသည်။

    ၂၀၂၄ခုနှစ်၊ စက်တင်ဘာ ဒုတိယပတ်အတွင်းဖြစ်ပေါ်နေသော ကန့်ဘလူခရိုင်၏ ကွမ်းဈေးနှုန်းများအနေဖြင့် အရည်အသွေးပေါ်မူတည်၍ ကွမ်းရွက်(ရှယ်)တစ်ပိဿာလျှင် ငွေကျပ်၇၀၀၀ဖြင့်လည်းကောင်း၊ ကွမ်းရွက်(ကြီး)တစ်ပိဿာလျှင် ငွေကျပ်၃၀၀၀ဖြင့်လည်းကောင်း၊ ကွမ်း ရွက်(သေး)တစ်ပိဿာလျှင် ငွေကျပ်၂၀၀၀ဖြင့်လည်းကောင်း အရောင်းအဝယ်ဖြစ်လျက်ရှိကြောင်း၊ ဈေးကွက်အနေဖြင့်   ကန့်ဘလူမြို့နယ်မှထွက်ရှိသည့် ကွမ်းရွက်များကို ကန့်ဘလူမြို့၊ ကျွန်းလှမြို့နှင့် မန္တလေးမြို့များသို့ တင်ပို့ရောင်းချလျက်ရှိပြီး စက်တင်ဘာလ ပထမပတ်တွင် အရောင်းအဝယ်ဖြစ်သည့်ဈေးနှုန်းများနှင့်နှိုင်ယှဉ်ပါက ယခုပတ်အတွင်း ကွမ်းဝင်ရောက်မှုများပြားသဖြင့် ကွမ်းဈေးနှုန်းများကျဆင်းပြီး အရောင်းအဝယ်ဖြစ်လျက်ရှိကြောင်း ကွမ်းရွက်ရောင်းဝယ်ရေးလုပ်ငန်းရှင်ထံမှသိရှိရပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကိုဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိသည့်အပြင် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။

        ပဲတီစိမ်းမှာ မေလ၊ ပထမအပတ်မှစတင်၍ ရွှေဘိုဈေးကွက်တွင် အရောင်းအဝယ်ဖြစ်ခဲ့ကြောင်း၊ စက်တင်ဘာလ၊ ပထမအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် (၆၈၅၀ဝိ/-)ကျပ်ပေါက်ဈေးရှိပြီး အရောင်းအဝယ်ဖြစ်မှုမှာ (၃၀၀)တင်း/ (၁၀)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲတီစိမ်းတစ်တင်းလျှင် (၇၆၅၀ဝိ/-)ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက် ပဲတီစိမ်းတစ်တင်းလျှင် (၈၀၀ဝိ/-)ကျပ်ဈေးလျော့နည်းခဲ့ကြောင်း၊ ယခုအပတ်တွင် ပဲတီစိမ်းတစ်မျိုးတည်းသာဝင်ရောက်မှုရှိပြီး အခြားသီးနှံများဝင်ရောက်မှုမရှိကြောင်း၊ ပဲတီစိမ်းဈေးအနည်းငယ်ကျဆင်းသော်လည်း ပုံမှန်အရောင်းအဝယ်ဖြစ်လျက်ရှိကြောင်း ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

      မကွေးတိုင်းဒေသကြီး၊ ပခုက္ကူခရိုင်အတွင်းရှိ မြို့နယ်များ၌ နှစ်စဉ် ပဲစင်းငုံသီးနှံကိုစိုက်ပျိုးလျက်ရှိသည်။ ပခုက္ကူမြို့နယ်၌ ပဲစဉ်းငုံစိုက်ဧက (၄၉၅၁)ဧက၊ ရေစကြိုမြို့နယ်၌ (၄၈၉၇)ဧက၊ မြိုင်မြို့နယ်၌ (၁၂၂၃၂)ဧက၊ ပေါက်မြို့နယ်၌ (၇၉၄၃)ဧက၊ ဆိပ်ဖြူမြို့နယ်၌ (၁၃၃၅)ဧက၊ စုစုပေါင်း (၃၁၃၅၈)ဧကစိုက်ပျိုးကြောင်း၊ မျိုးစေ့အနေဖြင့် ပဲစင်းငုံ(အနီ)နှင့် (အဝါ) (၆)လသက်တမ်းရှည်မျိုးကိုစိုက်ပျိုးကြောင်း၊  ပဲစင်းငုံသီးနှံကို စိုက်တောင်သူများအနေဖြင့် စိုက်ပျိုးရာလွယ်ပြီး ကုန်ကျစရိတ်သက်သာ၍ အလွယ်တကူရရှိခြင်းကြောင့် နှစ်စဉ်စိုက်ပျိုးပြီး မြေပဲခင်း၊ ပဲတီစိမ်းစိုက်ခင်းများတွင် သီးညှပ်စိုက်ပျိုးမှုများကြောင်းသိရှိရသည်။

        ပဲစင်းငုံသီးနှံသည် ပြည်တွင်းသုံးစွဲမှုနည်းသော်လည်း အိန္ဒိယနိုင်ငံ၏ စားသုံးမှုလိုအပ်ချက်အရ ပြည်ပနိုင်ငံသို့ နှစ်စဉ်တင်ပို့ရသော ပြည်ပပို့ကုန် ပဲတစ်မျိုးဖြစ်သည်။ ယခုနှစ် သီးနှံပေါ်ချိန် ၂၀၂၄ခုနှစ်၊ ဇန်နဝါရီလမှစ၍ တစ်တင်းလျှင် ကျပ်(၁၁၈၀၀၀)ပေါက်ဈေးရှိခဲ့ပြီး ပြည်ပဝယ်လိုအားကောင်း၍ ဈေးနှုန်းတရိပ်ရိပ်မြင့်တက်လာခဲ့ရာ စက်တင်ဘာလ(ပထမပတ်)တွင် တစ်တင်းလျှင် ကျပ် (၁၆၃၀၀၀)ထိဈေးမြင့်တက်ပြီး အရောင်းအဝယ်ဖြစ်ကြောင်း၊ ယခင်နှစ် ပဲစင်းငုံသီးနှံပေါ်ချိန်တွင် တစ်တင်းလျှင် အမြင့်ဈေး ကျပ်(၉၈၀၀၀)ဈေးဖြင့်အရောင်းအဝယ်ဖြစ်ခဲ့၍ ယခင်နှစ်နှင့် ယခုနှစ်ဈေးနှုန်းတို့ကိုနှိုင်းယှဉ်ပါက တစ်တင်းလျှင် ကျပ်(၆၇၀၀၀)ဈေးတက်ပြီး အရောင်းအဝယ်ဖြစ်လျက်ရှိသည်။ ပခုက္ကူဈေးကွက်၌လည်း ပဲစင်းငုံသီးနှံ နေ့စဉ်အရောင်းအဝယ်ဖြစ်လျက်ရှိကြောင်း၊ စက်တင်ဘာလ (ပထမပတ်)တွင် တစ်ရက်လျှင် (၃၀)ပိဿာဝင်ဆံ့အိတ် (၅၀ မှ ၁၀၀) အရောင်းအဝယ်ဖြစ်ကြောင်းသိရှိရသည်။

         ပဲစင်းငုံတစ်ဧကစိုက်ပျိုးလျှင် မျိုးစေ့(၁)ပြည်ခန့်ကုန်ကျပြီး အထွက်တင်းအနေဖြင့် တောင်သူတစ်ဦးလျှင် သွင်းအားစုသုံးစွဲပုံမတူညီခြင်း၊ စိုက်ပျိုးချိန်ရာသီနှင့် သီးနှံဖြစ်ထွန်းမှုမတူညီခြင်းကြောင့် ပျမ်းမျှအထွက်တင်း (၁၀-၁၅)ထိထွက်ရှိကြောင်း၊ ကုန်ကျစရိတ်အနေဖြင့် တစ်ဧကလျှင် ကျပ်(၃)သိန်းခွဲခန့်ကုန်ကျ၍ အကျိုးအမြတ်အနေဖြင့် ကျပ်(၁၂)သိန်းခန့်ရရှိကြောင်း၊ ယခုနှစ်တွင် ပဲစင်းငုံစိုက်တောင်သူများ ပြည်ပဝယ်လိုအားကောင်း၍ အကျိုးအမြတ်များစွာရရှိကြောင်းသိရှိရသည်။  ပြည်တွင်းမှထွက်ရှိသည့် ပဲစင်းငုံသီးနှံများကို ပြည်ပပို့ကုန်အဖြစ် နှစ်စဉ်တင်ပို့လျက်ရှိပြီး ဈေးကွက်ခိုင်မာမှုရှိကာ ဝယ်လက်အများဆုံးဖြစ်သည့် ပဲစားသုံးမှုများသော အိန္ဒိယနိုင်ငံ၏ ပဲစင်းငုံသီးနှံလိုအပ်ချက်များကို ဖြည့်ဆည်းပေးနိုင်သည့်အတွက် မြန်မာနိုင်ငံသည် အိန္ဒိယဈေးကွက်တွင် အရေးပါသည့်နိုင်ငံဖြစ်ပါသည်။ ပဲစင်းငုံကို ပြည်ပပို့ကုန်အဖြစ် အိန္ဒိယ၊ နီပေါ၊ ဘင်္ဂလားဒေရှ့်၊ ပါကစ္စတန်နိင်ငံများသို့လည်း နှစ်စဉ်တင်ပို့လျက်ရှိ၍ ပြည်တွင်းဈေးကွက်အခိုင်အမာရှိပြီး တောင်သူများအတွက် ဝင်ငွေကောင်းလျက်ရှိသော ပဲစင်းငုံသီးနှံကို ယခုနှစ်တွင် ပိုမိုတိုးချဲ့စိုက်ပျိုးလျက်ရှိကြောင်းသိရှိရပါသည်။

DOCA(မကွေး)

     စစ်ကိုင်းတိုင်းဒေသကြီး၊ ကန့်ဘလူခရိုင်သည် လယ်ယာစိုက်ပျိုးရေးလုပ်ငန်းများကို အဓိက လုပ်ကိုင်ကြသည်။ နှစ်စဉ် စပါး၊ ပြောင်း၊ ပဲမျိုးစုံနှင့် ဆီထွက်သီးနှံ မြေပဲ၊ နှမ်း၊ နေကြာတို့ အဓိက စိုက်ပျိုးကြောင်း သိရသည်။

    ယခုအခါ ကန့်ဘလူခရိုင်အတွင်း၌ ဩဂုတ်လကုန်မှစ၍ ဆီထွက်သီးနှံ မိုးမြေပဲများ စတင်ရိတ်သိမ်းလျက်ရှိသည်။ ထို့ကြောင့် ဒေသခံ ပြည်သူများအတွက် အလုပ်အကိုင်အခွင့်အလမ်းများ ပေါ်ပေါက်လာကာ မိသားစုဝင်ငွေရရှိ၍ အဆင်ပြေလျက်ရှိကြောင်း သိရသည်။ မြေပဲသီးနှံရိတ်သိမ်းရာတွင် မြေပဲပင်နုတ်ခြင်း၊ အတောင့်ခြွေခြင်း တို့ပြုလုပ်ရသည့်အတွက် မြေပဲပင်နုတ်(၁)ရက်လျှင် (၁၀၀၀၀)ကျပ်၊ မြေပဲအတောင့်ခြွေခ (၁)တင်းလျှင် (၅၀၀၀)ကျပ်၊ မြေပဲအစိုယူပါက (၃)ပြည်ပေးရ ကြောင်း၊ မြေပဲအတောင့်ခြွေသူများသည် ကျွမ်းကျင်မှုရှိပါက တစ်ရက်လျှင် (၂ မှ ၄)တင်းအထိရ ကြောင်း၊ မြေပဲပင်၏ အတောင့်အနည်းအများပေါ်မူတည်၍လည်း တင်ရေကွာခြားကြောင်း၊ တင်းရေများများရပါက မြေပဲအတောင့်ခြွေက ပိုမိုရရှိကြောင်း၊ မြေပဲရိတ်သိမ်းရာသီဖြစ်သည့်အ တွက်မြေပဲပင်နုတ်ခြင်း၊ မြေပဲအတောင့်ခြွေခြင်းကို နေ့စဉ်လုပ်ကိုင်နေရသည့်အတွက် နေ့စဉ်ဝင်ငွေ ရရှိကာ မိသားစုများ အဆင်ပြေလျက်ရှိကြောင်း ဒေါ်မြမြ၏ ပြောပြချက်အရ သိရသည်။

DOCA(စစ်ကိုင်း)