စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရာသီပေါ်ဟင်းသီးဟင်းရွက် များအပြင် ကြက်တက်ရွက်နှင့် ကြက်မောက်ဖြူရွက်တို့ ရောင်းချလျှက်ရှိကြောင်း သိရသည်။ ကြက်တက်ရွက်ကို မိုးဦးကျစအချိန် ရွက်ဟောင်ကြွေပြီး ရွက်နုထွက်ချိန်တွင် ခူဆွတ်ကာ ရေနွေးနှင့်ပြုတ် ၍ လဖက်ကဲ့သို့သုတ်စားလာကြသည်မှာ ယနေ့ထိပင်ဖြစ်ပါသည်။
၂၀၂၅ ခုနှစ်၊ ဩဂုတ်လ ဒုတိယပတ်အတွင်း ကန့်ဘလူမြို့၊ မြို့မဈေးတွင် ရောင်းချနေသော ကြက်တက်ရွက်ပြုတ် တစ်ပိသာလျှင်(၆၅၀၀)ကျပ်၊ (၅၀)ကျပ်သားလျှင် (၃၃၀၀)ကျပ်နှင့် (၁၀)ကျပ်သား လျှင်(၇၀၀)ကျပ်ဖြင့်လည်းကောင်း၊ ကြက်မောက်ဖြူရွက် ပြုတ်တစ်လုံးလျှင်(၅၀၀)ကျပ်၊ (၄)လုံးလျှင် (၂၀၀၀)ကျပ်ဖြင့်ရောင်းချလျက်ရှိကြောင်း၊ ယခုပတ်အတွင်း ကြက်တရွက်ပြုတ်(၁)ပိဿာလျှင် (၅၀၀) ကျပ်ဈေးနှုန်းကျဆင်းသွားကြောင်း၊ ကြက်တက်ရွက်ကို လဖက်မကြိုက်သူများက စားသုံးကြသလို၊ လဖက်နှင့်ရောနှော၍လည်း စားသုံးကြကြောင်း၊ ကြက်မောက်ဖြူရွက်ပြုတ်ကို ငပိရည်နှင့်တို့စားကြသလို၊ မြေပဲလှော်ထောင်းနှင့် သုပ်စားခြင်းစသည်ဖြင့် အမျိုးမျိုးပြုလုပ်စားသုံးကြောင်း လုပ်ငန်းရှင်များထံမှ သိရှိရပါသည်။
DOCA(စစ်ကိုင်း)