ပြည်တွင်းကုန်သွယ်မှုသတင်း

    မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေ ဖြင့် တိုင်းဒေသကြီး/ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများအား နေ့စဉ် သတ် မှတ်ထုတ်ပြန် ပေးလျက်ရှိပါသည်။

      စစ်ကိုင်းတိုင်းဒသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင်(၃)ဆိုင် ပုံမှန်ဖွင့်လှစ် ရောင်းချလျက်ရှိကာ စက်သုံးဆီ ပြတ်လတ်မှုမိဘဲ (PPRD) စက်သုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ  နေ့စဉ် သတ်မှတ်ထုတ်ပြန်ထားသော စက်သုံးဆီ ရည်ညွှန်းဈေးနှုန်း အတိုင်း ရောင်းချပြီး အချိန်အတွယ်နှင့် အလေးချိန်မှန်ကန်စွာရောင်းချလျက်ရှိကြောင်း ယခု  ဇူလိုင်လ တတိယအပတ်တွင် စက်သုံးဆီဈေးနှုန်းများမှာ ဓါတ်ဆီ Octane(92) တစ်လီတာလျှင်(၃၁၅၄)ကျပ်၊ ဓါတ်ဆီ Octane(95)တစ်လီတာလျှင်(၃၂၀၁)ကျပ် ၊ ဒီဇယ်(ရိုးရိုး)HSD တစ်လီတာလျှင်(၂၈၆၄)ကျပ် နှင့် ဒီဇယ်(ပရီမီယမ်)PHSD တစ်လီတာလျှင်(၃၅၀၈)ကျပ်တို့ဖြင့် ရောင်းချလျက်ရှိခဲ့ပြီး ယခု  ဇူလိုင်လ စတုတ္ထအပတ်တွင် စက်သုံးဆီဈေးနှုန်းများမှာ ဓါတ်ဆီ Octane(92) တစ်လီတာလျှင်(၃၁၁၆)ကျပ်၊ ဓါတ်ဆီ Octane(95)တစ်လီတာလျှင်(၃၁၇၃)ကျပ် ၊ ဒီဇယ်(ရိုးရိုး)HSD တစ်လီတာလျှင်(၂၈၈၅)ကျပ် နှင့် ဒီဇယ်(ပရီမီယမ်)PHSDတစ်လီတာလျှင်(၃၅၃၂)ကျပ်ဈေးနှုန်းတို့ဖြင့် ရောင်းချလျက်ရှိသောကြောင့် ယခင် အပတ်နှင့် နှိုင်းယှဉ်ကြည့်ပါက စက်သုံးဆီဈေး 92တစ်လီတာလျှင်(၂၉)ကျပ်၊  95တစ်လီတာလျှင် (၂၈) ကျပ် ကျဆင်းလျက်ရှိပြီး ဒီဇယ်(ရိုးရိုး)HSDတစ်လီတာလျှင်(၂၂)ကျပ်၊ ဒီဇယ်(ပရီမီယမ်)PHSD တစ်လီတာ လျှင်(၂၄)ကျပ် မြင့်တက်လျက်ရှိကြောင်း သိရပါသည်။

DOCA(စစ်ကိုင်း)

   ကုလားပဲသီးနှံမှာ ပြည်တွင်း စားသုံးမှုများခြင်းနှင့် ပြည်ပတင်ပို့သည့် ပဲတစ်မျိုးဖြစ်ပြီး၊  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ကုလားပဲစိုက်ပျိုးမှု (၂၃၇၇၄၇)ဧက ဖြစ် ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် ဇူလိုင်လစတုတ္ထပတ်အတွင်း ဖြစ်ပေါ်လျက်ရှိသည့် အမျိုးအစားအလိုက်ပေါက်စျေးများမှာ ၃တင်းဝင်တစ်အိတ်လျှင်ကုလားပဲ(V-2)၂၆၅၀၀၀ကျပ်၊ကုလားပဲ(V-7)၂၆၅၀၀၀ကျပ်နှင့် ၂၇၀၀၀၀ ကျပ်၊ကုလားပဲ(ထိုင်ဝမ်) ၂၄၅၀၀၀ကျပ်၊ ကုလားပဲ(929) ၂၅၇၀၀၀ ကျပ်၊ တစ်ပိဿာ ပေါက်စျေး မှာ ကုလားပဲ(V-2)၄၆၂၉ကျပ်၊ ကုလားပဲ(V-7) ၄၆၂၉ ကျပ်နှင့် ၄၇၁၆ကျပ်၊ ကုလားပဲ (ထိုင်ဝမ်) ၄၃၅၆ ကျပ်၊ ကုလားပဲ(929) ၄၅၆၉ ကျပ်တို့ဖြစ်ပြီး၊ ယခင်နှစ် ကာလတူ တစ်ပိဿာစျေးမှာ ကုလားပဲ (V-2) ၄၂၉၇ ကျပ်နှင့် ၄၃၁၄ကျပ်၊ကုလားပဲ (V-7)  ၄၄၀၂ကျပ်နှင့်၄၄၅၄ ကျပ်၊ ကုလားပဲ(ထိုင်ဝမ်)၄၁၇၈ကျပ်နှင့် ၄၂၁၃ ကျပ်၊ကုလားပဲ(929)၄၂၆၇ ကျပ်နှင့် ၄၃၀၂ကျပ် စျေး တို့ဖြစ်သည့်အတွက် ကာလတူပေါက်စျေးနှိုင်းယှဉ်ပါက ကုလားပဲ စျေးပိုမိုရရှိကြောင်း သိရပါ သည်။    

DOCA(မန္တ‌လေး)     

   ကန့်ဘလူခရိုင် ၊ ကျွန်းလှမြို့၊ ပိတောက်မြိုင်ဈေးကွက်အတွင်း အာလူး နှင့် ဂျင်း(ချင်း) တို့ကို ရှမ်းပြည်နယ် အောင်ပန်းမြို့နှင့်မန္တလေးတိုင်းဒေသကြီးမှ အများဆုံး မှာယူရောင်းချလျက်ရှိကြောင်း သိရှိရပါ သည်။

    ၂၀၂၅ ခုနှစ်၊ ဇူလိုင်လ စတုတ္ထပတ်တွင် ပိတောက်မြိုင်ဈေး၌ ဖြစ်ပေါ်နေ သော ခရမ်းချဉ်သီးဈေးနှုန်းများမှာ ခရမ်းချဉ်သီး တစ်ပိဿာလျှင်(၅၀၀၀)ကျပ်၊ (၅၀)ကျပ်သားလျှင် (၂၅၀၀)ကျပ် နှင့်(၂၅)ကျပ်သားလျှင်(၁၃၀၀)ကျပ် ဈေးနှုန်းတို့ဖြင့်လည်းကောင်း၊ အာလူးသီးဈေးနှုန်းများမှာ အားလူးသီးအလုံးကြီး(၁)ပိဿာလျှင်(၅၀၀၀)ကျပ်၊ (၅၀)ကျပ်သားလျှင်(၂၅၀၀)ကျပ်၊ (၂၅)ကျပ်သား လျှင်(၁၃၀၀)ကျပ်၊ အာလူးသီး အလုံးသေး(၁)ပိဿာလျှင်(၄၅၀၀)ကျပ် ဈေးနှုန်းတို့ဖြင့်လည်းကောင်း၊ ဂျင်း(ချင်း)တက်ဈေးနှုန်းများမှာ ဂျင်း(ချင်း)တက်(၁)ပိဿာလျှင်(၅၅၀၀)ကျပ် ဈေးနှုန်းတို့ဖြင့် ရောင်းချ ကြောင်း ကျွန်းလှမြို့ပေါ်ရပ်ကွက်များတွင်  ခရမ်းချဉ်သီး၊ ကြက်သွန်ဖြူ/နီ /အာလူး /ဂျင်း(ချင်း) အရောင်း အဝယ် လုပ်နေသူထံမှ သိရှိရပါသည်။

DOCA(စစ်ကိုင်း)

   နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့်ဆီစက်လုပ်များအတွက် အရေးပါသည့် စျေးကောင်းရသည့်အမယ်ဖြစ်ပြီး၊ ကျန်းမာရေးနှင့်ညီညွှတ်သည့် မပြည့်ဝဆီတစ်မျိုးဖြစ်ကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံ ကို မိုးနေကြာ နှင့် ဆောင်းနေကြာ အဖြစ် စိုက်ပျိုးလျက်ရှိပြီး၊ ၂၀၂၄-၂၀၂၅ ခုနှစ်နေကြာစိုက်ပျိုးမှု ၁၈၆၁၉၅ ဧက၊ ရိတ်သိမ်းမှု ၁၈၄၂၂၇ ဧက၊ အထွက် ၂၄.၂၆တင်းနှုန်းနှင့် အထွက် ၄၄၆၉၃၅၁တင်း ဖြစ်ကြောင်းသိရပါသည်။ မန္တလေး ပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်ဇူလိုင်လစတုတ္ထပတ် အတွင်း ဖြစ်ပေါ်လျက်ရှိသည့် ဆီနေကြာသီးနှံပေါက်စျေးမှာ ၃တင်းဝင် (၂၇ ပိဿာပါ) တစ်အိတ် လျှင် ၁၈၅၀၀၀ ကျပ်၊ တစ်ပိဿာလျှင် ၆၈၅၂ ကျပ်၊ နေကြာဖတ်တစ် ပိဿာလျှင် ၂၀၀ဝ ကျပ်နှင့် ၂၁၀ဝ ကျပ် ဖြစ်ပြီး၊ယခင်နှစ် ကာလတူ ပေါက်စျေးမှာ ၃တင်း တစ်အိတ်လျှင် ၁၄၀၀၀၀ကျပ်နှင့် ၁၄၅၀၀၀ ကျပ်၊ တစ်ပိဿာလျှင် ၅၁၈၅ ကျပ်နှင့် ၅၃၇၀ ကျပ်တို့ဖြစ်ကြောင်း သိရပါသည်။ ဆီနေကြာ ယခုနှစ် နှင့် ယခင်နှစ် ပေါက်စျေးနှိုင်းယှဉ်ပါက တစ်ပိဿာ လျှင် ၁၄၈၂ ကျပ်စျေး ပိုမိုရရှိကြောင်း သိရပါသည်။

DOCA(မန္တ‌လေး)

   မန္တလေးမြို့အတွင်းသို့ ပြင်ဦးလွင်၊ ပုသိမ်ကြီးမြို့နယ်များမှ ထွက်ရှိသော ဂန္ဓမာပန်းများ ဝင်ရောက်လျှက်ရှိပါသည်။ မိမိတို့ ဗုဒ္ဓဘာသာ လူမျိုးများအတွက် ဘုရားပန်းသည် မိမိတို့ ကိုးကွယ် ယုံကြည်အားထားရာဖြစ်သည့် ဘုရားစင်ပေါ်တွင် ကုသိုလ်ယူရန် နေ့စဉ်ကပ်လှူပူဇော်ရသည့် အတွက် မရှိမဖြစ်သော အရာတစ်မျိုးလည်းဖြစ်ပါသည်။ ဂန္ဓမာပန်းသည် အရောင်အသွေးစုံလင်ပြီး မြင်သူတိုင်းက သဘောကျ နှစ်ခြိုက်သော  ပန်းတစ်မျိုးဖြစ်ပါသည်။ ဂန္ဓမာပန်းသည် တန်ဖိုးထား အမြတ်တနိုးသုံးစွဲပြီး စီးပွားဖြစ်ထုတ်လုပ်စိုက်ပျိုးသော ပန်းဖြစ်ပါသည်။ ဂန္ဓမာပန်းသည် ဘုရားပန်း အဖြစ်လည်းကောင်း၊ အိမ်တွင်းပန်းအလှအဖြစ်လည်းကောင်း၊ အလှူမင်္ဂလာ အခမ်းအနားများတွင် အလှပန်းအိုးအဖြစ်လည်းကောင်း အသုံးများသော ပန်းဖြစ်သည်။ ဂန္ဓမာပန်းသည်  အနီ၊ အဖြူ၊ အဝါ၊ ပန်းခရမ်းရောင်၊ ခရမ်းရောင်၊ နီညိုရောင်  စသည်အရောင်အသွေး စုံလင်သော ဂန္ဓမာပန်း များကို စိုက်ပျိုးခြင်းသည်လည်း စီးပွားဖြစ်စိုက်ပျိုးရေးလုပ်ငန်းတစ်ခုဖြစ်ပါသည်။ ၂၀၂၅ ခုနှစ်၊ ဇူလိုင်လ(တတိယပတ်)တွင် ဂန္ဓမာပန်းဈေးနှုန်းဖြင့် ဂန္ဓမာပန်း အပွင့်ကြီး(၅)ခက်ပါ တစ်စီးလျှင် (၃၅၀၀)ကျပ်၊ ဂန္ဓမာပန်း အပွင့်လတ်(အဖြူ)(၅)ခက်ပါ တစ်စီးလျှင် (၂၅၀၀)ကျပ်၊ ဂန္ဓမာပန်း အပွင့်လတ်(အဝါ၊ ခရမ်း၊ ညို)(၅ပန်း)ခက်ပါ တစ်စီးလျှင်(၂၀၀၀)ကျပ် ဂန္ဓမာပန်း အပွင့်အသေး (အဖြူ) (၅)ခက်ပါ တစ်စီးလျှင်(၁၅၀၀)ကျပ် ဈေးနှုန်းတို့ဖြင့်လည်းကောင်း ဝါတွင်းကာလဖြစ်သော ကြောင့် ပန်းဈေးအနည်းငယ်တက်ကြောင်း ပန်းမျိုးစုံရောင်းချသူထံမှသိရှိရပါသည်။

DOCA(မန္တလေး)