ပြည်တွင်းကုန်သွယ်မှုသတင်း

              သောကြာနေ့တိုင်း တစ်ပတ်တစ်ခါ စက်သုံးဆီဈေးနှုန်းများ ပြောင်းလဲလျက်ရှိရာ ယခု တစ်ပတ်(၂၂.၈.၂၀၂၅) ရက်နေ့တွင် ဒီဇယ်(ရိုးရိုး) (အဆင့်မြင့်)၊ ဓါတ်ဆီ(ရိုးရိုး) (အဆင့်မြင့်) တို့၏ ဈေးနှုန်းပြောင်းလဲ မှုမှာ 95 Octance ဓါတ်ဆီ(အဆင့်မြင့်) ဈေးနှုန်းတစ်လီတာမှာ ၂၉၉၅ ကျပ်၊ 92 Octance ဓါတ်ဆီ (ရိုးရိုး) ဈေးနှုန်းတစ်လီတာမှာ ၂၉၁၅ ကျပ်၊ ဒီဇယ်(ရိုးရိုး) ဈေးနှုန်းတစ်လီတာမှာ ၂၅၄၀ ကျပ်၊ ဒီဇယ် (အဆင့်မြင့်) ဈေးနှုန်းတစ်လီတာမှာ ၃၁၄၅ ကျပ်ဖြစ်ကြောင်း သိရှိရပါသည်။ ယခင်တစ်ပတ် သောကြာနေ့ စက်သုံးဆီဈေးနှုန်းမှာ 95 Octance ဓါတ်ဆီ (အဆင့်မြင့်) ဈေးနှုန်း တစ်လီတာမှာ ၂၉၅၅ ကျပ်၊ 92 Octance ရိုးရိုး ဓါတ်ဆီဈေးနှုန်း တစ်လီတာမှာ ၂၉၀၀ ကျပ်၊ ဒီဇယ် (ရိုးရိုး) ဈေးနှုန်းတစ်လီတာ မှာ ၂၆၁၅ ကျပ်၊ ဒီဇယ်(အဆင့်မြင့်) ဈေးနှုန်း တစ်လီတာမှာ ၃၂၃၅ ကျပ် ဖြစ်ကြောင်းသိရှိရပါသည်။ ယခုတစ်ပတ်အတွင်း စက်သုံးဆီ ဈေးနှုန်းများမှာ ယခင်တစ်ပတ်ထက် ယခုတစ်ပတ်တွင် ဒီဇယ်(အဆင့်မြင့်)မှာ ၉၀ ကျပ် ဈေးကျပြီး  ဒီဇယ်(ရိုးရိုး) မှာ ၇၅ ကျပ်ဈေးကျ ကြောင်း၊  ဓါတ်ဆီ (အဆင့်မြင့်)မှာ ၄၀ ကျပ်ဈေးတက်ပြီး  ဓါတ်ဆီ(ရိုးရိုး)မှာ ၁၅ ကျပ် ဈေးတက် လျက်ရှိကြောင်း သိရှိရပါသည်။

DOCA(ရန်ကုန်)

       စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင်  ထောပတ်သီးနှင့် ဖီးကြမ်းငှက်ပျောသီးများ အများအပြား ရောင်းချလျက်ရှိကြပါသည်။ ဈေးကွက်အတွင်း ရောင်းချနေသော ထောပတ်သီးများကို ရှမ်းပြည်နယ်(တောင်ပိုင်း၊ မြောက်ပိုင်း )  တောင်ကြီး၊ ဟိုပုံ၊ ညောင်‌ရွှေ၊ ဆီဆိုင်၊ ကလော၊ ပင်းတယ၊ ရွာငံ၊ ရပ်စောက်၊ ပင်လောင်၊ လားရှိုး၊ ကွက်ခိုင်၊ ကျောက်မဲ၊ သီပေါ၊ နောင်ချို စသည့်ဒေသများမှ တင်သွင်းကြပါသည်။ မုံရွာမြို့နယ်ဒေသ အတွင်း စိုက်ပျိုးရေးကို အဓိကထား လုပ်ကိုင်ပြီး  ဥယျာဉ်ခြံ စိုက်ပျိုး လုပ်ကိုင်ရာတွင် ရာသီစာ ဟင်းသီးဟင်းရွက်များကို စိုက်ပျိုးကြသလို ဖီးကြမ်းငှက်ပျောကိုလည်း အများအပြား စိုက်ပျိုး ကြကြောင်း သိရှိရပါသည်။

   ၂၀၂၅ ခုနှစ် ၊ စက်တင်ဘာလ ပထမပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင် ထောပတ်သီးဈေးနှုန်းမှာ ထောပတ်သီးအသေး (၁)လုံး လျှင် (၈၀၀) ကျပ်၊ ထောပတ်သီးအလတ်(၁)လုံးလျှင် (၁၀၀၀) ကျပ်နှင့် ထောပတ်သီးအကြီး (၁)လုံးလျှင် (၁၂၀၀) ကျပ် ၊ ဖီးကြမ်းငှက်ပျောသီးဈေးနှုန်းမှာ    ငှက်ပျောတစ်ဖီးလျှင် (၂၀၀၀-၃၅၀၀) ကျပ် ဖြင့်ရောင်းချပြီး ဖီးကြမ်းငှက်ပျောသီးကို ဈေးကွက်အတွင်းတွင် အဖီးလိုက်၊ အခိုင်လိုက် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင်  အာလူးသီး နှင့် ခရမ်းချဉ်သီးများ အများအပြား ရောင်းချလျက်ရှိကြပါသည်။ ဈေးကွက်အတွင်းရောင်းချနေသော အာလူးသီးများကို ရှမ်းပြည်နယ်၊ နောင်ချိုမြို့၊ ကလောမြို့ဒေသများနှင့် မန္တလေးတိုင်း၊ ပြင်ဦးလွင်ဒေသများတွင် စိုက်ပျိုးကြသည်။  ခရမ်းချဉ်သီးသီးနှံသည် ဒေသမရွေး လွယ်ကူစွာ စိုက်ပျိုးနိုင်သော သီးနှံတစ်မျိုးဖြစ်ပြီး ခရမ်းချဉ်သီးအား ဟင်းချက်ရာတွင် ဟင်းအနှစ်ရရှိရန်နှင့်အခြားသီးနှံ၊အသားများဖြင့် ရောကြော်ခြင်း စသည်ဖြင့်ပုံစံ အမျိုးမျိုးဖြင့် စားသုံးကြပါသည်။ ခရမ်းချဉ်သီး ကြိုက်နှစ်သက်သူများသည် လက်ဖက်နှင့်သော်လည်းကောင်း၊ အချို့ သောသူများသည်ရေဆေး၍ အလုံးလိုက်ပင် စားသုံးတတ်ကြပါသည်။   

     ၂၀၂၅ ခုနှစ် ၊ စက်တင်ဘာလ ပထမပတ်အတွင်း မုံရွာမြို့ ကန်သာယာဈေးရှိ  အာလူးသီး (၁) ပိဿာလျှင် (၅၀၀၀)ကျပ်မှ (၆၅၀၀)ကျပ်၊ ခရမ်းချဉ်သီးစျေးနှုန်းမှာ တစ်ပိဿာ လျှင် (၃၂၀၀)ကျပ်နှင့်(၃၈၀၀)ကျပ် အထိ ရောင်းချလျက်ရှိကြောင်း သိရှိရပါ သည်။

DOCA(စစ်ကိုင်း)

       ရွှေဘိုမြို့ပေါ်ရှိဈေးများတွင် ခရမ်းချဉ်သီးများကို ရောင်းချလျက်ရှိရာ ရှမ်းပြည်နယ်၊ အောင်ပန်းဒေသထွက် ခရမ်းချဉ်သီးများကို မန္တလေးမြို့မှ မှာယူရောင်းချလျက်ရှိကြောင်း သိရှိရပါသည်။ ၂၀၂၅ခုနှစ်၊ စက်တင်ဘာ ပထမပတ်တွင် ဖြစ်ပေါ်ခဲ့သော ခရမ်းချဉ်သီး ဈေးနှုန်းမှာ အရွယ်အစားအကြီးအသေးပေါ်မူတည်၍ (၁)ပိဿာလျှင် (၃၀၀ဝိ/-)ကျပ် မှ (၄၀၀ဝိ/-)ကျပ်ဖြင့် အရောင်းအဝယ်ဖြစ်လျက်ရှိပြီး ၂၀၂၅ခုနှစ် စက်တင်ဘာလ (ပထမ) ပတ်တွင် ရောင်းချနေသော ခရမ်းချဉ်သီးဈေးနှုန်းမှာ (၁)ပိဿာလျှင် (၂၀၀ဝိ/-)ကျပ်မှ (၃၀၀ဝိ/-) ကျပ်ဖြင့် ရောင်းချပြီး ယခင်အပတ်နှင့်ယခုနှိုင်းယှဉ်ပါက ခရမ်းချဉ်သီး (၁)ပိဿာ လျှင် (၁၀၀ဝိ/-) ကျပ် ကျဆင်းလျက်ရှိကြောင်း သိရှိရပါသည်။

DOCA(စစ်ကိုင်း)

              မိတ္ထီလာမြို့နယ်၊ စပါးဈေးကွက်၌ ဩဂုတ်လတတိယပတ်တွင် စပါးဈေးနှုန်းများမှာ နွေစပါး (၁၅) ပိဿာတစ်တင်းလျှင် နွေမနောသုခမှာ (၁၅၀၀၀)ကျပ်၊ ရွှေဝါထွန်းမှာ (၁၄၀၀၀)ကျပ်၊ ထိုင်းနှံ ကောက်မှာ (၁၃၀၀၀)ကျပ်၊ ရက်(၉၀)မှာ (၁၅၀၀၀)ကျပ်၊ ရွှေသွယ်ရင်မှာ (၁၅၀၀၀)ကျပ်၊ အောင်ငွေတိုးမှာ (၁၄၀၀၀)ကျပ်၊ ရွှေမနောမှာ (၁၅၅၀၀)ကျပ်၊ ရတနာတိုးမှာ (၁၆၀၀၀)ကျပ်ဈေးများဖြင့် အရောင်း အဝယ်ဖြစ်ကြောင်းသိရသည်။ နွေစပါးကိုသက်တမ်းတိုသည့်ရက်(၉၀)၊ ရွှေသွယ်ရင်နှင့် မနောသုခ အုပ်စုဝင်စပါးများစိုက်ပျိုးကာ ဇွန်လမှစ၍ရိတ်သိမ်းလေ့ရှိပါသည်။ ဒီဇင်ဘာလ ၊ ဇန်နဝါရီလများက ရိတ်သိမ်းခဲ့သောစပါးမှာ သက်တမ်းမျိုးဖြစ်သည့် ပဒေသာ၊ မနောသုခမျိုးများ စိုက်ပျိုးမှုများကာ ယခုအခါ စပါးဟောင်းများဖြစ်လာ၍ နွေစပါးနှင့်နှိုင်းယဉ်ပါကဈေးမြင့်ရာ (၁၄)ပိဿာတစ်တင်းလျှင် ဧရာပဒေသာမှာ (၃၂၀၀၀)ကျပ်၊ မဂျမ်းတောမှာ (၃၅၀၀၀)ကျပ်၊ ရက်(၉၀)မှာ(၂၀၀၀၀)ကျပ်၊ ရွှေပိုးမိုး ယွန်းကြီးမှာ (၁၉၀၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်ကြောင်း စပါးပွဲစား၊ဆန်စက်ပိုများထံမှ သိရသည်။

DOCA (မန္တလေး)