ပြည်တွင်းကုန်သွယ်မှုသတင်း

       ၂၀၂၄ ခုနှစ်၊ ဒီဇင်ဘာလ စတုတ္ထအပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး တစ်ပြည် ၈၅၀၀ ကျပ်၊ ဧည့်မထ (ဒေသ)ဆန် တစ်ပြည် ၄၈၀၀ ကျပ်ဖြင့် ရောင်းဝယ်လျက်ရှိပါသည်။ စားဖိုဆောင်စားသောက်ကုန်များ အနေဖြင့် ကြက်သွန်နီ တစ်ပိဿာ ၄၅၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၁၈၀၀၀ ကျပ်၊ (ရှမ်းစ)တစ်ပိဿာ ၂၀၀၀၀ ကျပ်၊ ငရုတ်သီးခြောက်(ရှည်)တစ်ပိဿာ ၂၀၀၀၀ ကျပ်၊ ခရမ်းချဉ်သီး တစ်ပိဿာ ၄၅၀၀ ကျပ်၊ အာလူး တစ်ပိဿာ ၆၀၀၀ ကျပ်၊ မန်ကျည်းသီးမှည့် တစ်ပိဿာ ၉၀၀၀ ကျပ်နှင့် ချင်း တစ်ပိဿာ ၆၀၀၀ ကျပ် စသဖြင့် ရောင်းဝယ်လျက်ရှိပါသည်။

      ကျိုင်းတုံမြို့တွင် ဒီဇင်ဘာလ စတုတ္ထအပတ် စားသုံးဆီဈေးနှုန်းများအနေဖြင့် စားအုန်းဆီ တစ်ပိဿာ ၁၃၅၀၀ ကျပ်နှင့် ပဲဆီ(ရိုးရိုး) တစ်ပိဿာ ၂၂၀၀၀ ကျပ်၊ ကြက်ဥဈေးမှာ တစ်လုံး ၅၀၀ ကျပ် နှင့် ဘဲဥ တစ်လုံး ၈၀၀ ကျပ်ဖြင့် ရောင်းဝယ်လျက်ရှိပါသည်။ အသား/ငါးဈေးနှုန်းများမှာ ကြက်သား (CP) တစ်ပိဿာ ၁၉၀၀၀ ကျပ်၊ ဝက်သား တစ်ပိဿာ ၃၃၀၀၀ ကျပ်၊ အမဲသား တစ်ပိဿာ ၃၀၀၀၀ ကျပ်၊ ငါးကြင်း တစ်ပိဿာ ၂၄၀၀၀ ကျပ်၊ ငါးမြစ်ချင်း တစ်ပိဿာ ၁၆၀၀၀ ကျပ် ဈေးနှုန်းများ ဖြင့် ရောင်းဝယ်လျက်ရှိကြောင်း သိရှိရပါသည်။

        ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင် ဒီဇင်ဘာလ တတိယပတ်နှင့် ဈေးနှုန်းနှိုင်းယှဉ်ပါက ငရုပ်သီးခြောက်ဈေးနှုန်းမှာ အနည်ငယ်မြင့်တက်ခဲ့ပြီး ဧည့်မထ(ဒေသ)ဆန်၊ ကြက်သွန်နီ၊ ကြက်သွန်ဖြူ(ကြူကုတ်)၊ ခရမ်းချဉ်သီးနှင့် ချင်းဈေးနှုန်းတို့မှာ အနည်းငယ် ကျဆင်းခဲ့ပါ သည်။ ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရှိရပါသည်။

DOCA(ရှမ်း)

ဧရာဝတီတိုင်းဒေသကြီး၊ ဓနုဖြူမြို့နယ်အတွင်းရှိ ထုံးပုံကျေးရွာအုပ်စု၊ စာဖြူစုကျေးရွာတွင် ရုံးပတီသီး သီးနှံကို ၂ဧက စိုက်ပျိုးလျက်ရှိပြီး ယခုနှစ်တွင် ဟင်းသီးဟင်းရွက်စိုက်ဧက ဓနုဖြူတွင် ဧက ၈၆၁ ဧက စိုက်ပျိုးထားရှိကြောင်း သိရသည်။

          မျိုးအနေဖြင့် ရုံးပတီသီး(Finger-1) သီးနှံကို တစ်ထုပ်လျှင်  ၆၅၀၀၀-၇၅၀၀၀ကျပ်နှုန်းဖြင့်  ဝယ်ယူ၍ တစ်ဧကလျှင် မျိုးထုပ် ၇ ထုပ်ခန့် စိုက်ပျိုးရကြောင်း၊ စိုက်ပျိုးမှုအနေဖြင့် မျိုးစေ့များကို မြေချ၍  စိုက်ပျိုးပြီး ၊ အပင်တစ်ပင်လျှင် ရုံးပတီ အတောင် ၄၀-၅၀ခန့်ထွက်ရှိကြောင်း၊  အောက်တိုဘာလတွင် စတင်စိုက်ပျိုးပြီး ၄၅ရက်တွင် ရုံးပတီသီးကို စတင်ခူးဆွတ် ကြောင်း၊ ရုံးပတီးသက်တမ်းမှာ ၃လထိရှိ၍ လှိုင်လှိုင်ထွက်ပေါ်လျက်ရှိကြောင်း၊ စိုက်ပျိုးထုတ်လုပ်မှု ကုန်ကျ စရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင်  တစ်ဧကလျှင် ငွေကျပ် ၂၀သိန်း ခန့် ကုန်ကျပြီး အထွက်နှုန်းအနေဖြင့် တစ်ဧကလျှင် ရုံးပတီသီး အတောင့်ရေ  ၁၀၀၀၀၀-၁၂၀၀၀၀ ခန့် ထွက်ရှိကြောင်း သိရသည်။

          ဈေးနှုန်းအနေဖြင့် ဒီဇင်ဘာလတွင် ရုံးပတီသီး လက်ကားဈေး အတောင့် ၁၀၀လျှင် ငွေကျပ် ၃၀၀၀-၅၀၀၀ ဖြင့် ရောင်းချရပြီး တစ်ဧကအကျိုးအမြတ်အနေဖြင့် ငွေကျပ် ၁၀သိန်းကျော်ခန့် ရရှိကြောင်း၊ ဈေးကွက်အနေဖြင့် ရန်ကုန်တိုင်းဒေသကြီး၊ ထောက်ကြန့်မြို့နယ် ဟင်းသီး ဟင်းရွက် ဒိုင်များသို့ တင်ပို့ရပြီး ထွက်ပေါ်ချိန်တွင် ဈေးနှုန်းကောင်းမွန်မှုကြောင့် အကျိုးအမြတ် များ ရရှိကြောင်း သိရသည်။

DOCA (ဧရာဝတီ)

          မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်၌ အာလူးသီးများကို ကမ္မမြို့နယ်၊ ပေါက်မြို့ နယ်များရှိ ချောင်းဘေးများတွင် အများဆုံးစိုက်ပျိုးကြပါသည်။ ယခုအချိန်တွင် ပေါက်နှင့် ကမ္မမြို့ နယ်များ၌ အာလူးသီးများစတင်စိုက်ပျိုးလျက်ရှိပြီး ပခုက္ကူမြို့မစည်ပင်ဈေးနှင့် အမှတ်(၂)ဈေးသို့ ရှမ်းပြည်နယ်ဒေသမှ ထွက်ရှိသော အောင်ပန်းအာလူးသီးများနေ့စဉ်ဝင်ရောက် အရောင်းအဝယ်ဖြစ် လျက်ရှိကြောင်း သိရသည်။

          အာလူးသီး ဈေးနှုန်းဈေးကွက်အနေဖြင့် ၂၀၂၄ခုနှစ်၊ အောက်တိုဘာလတွင်  အာလူးအလုံးပေါ် မူတည်၍ အလုံးကြီး လက်ကားတစ်ပိဿာလျှင် ကျပ်(၇၀၀၀)၊ အလုံးလတ်တစ်ပိဿာလျှင် ကျပ် (၆၅၀၀)၊ အလုံးသေးတစ်ပိဿာလျှင် ကျပ် (၆၀၀၀)၊ လက်လီ အလုံးကြီးတစ်ပိဿာလျှင် ကျပ် (၉၀၀၀)၊ အလုံးလတ်တစ်ပိဿာလျှင် ကျပ်(၈၀၀၀)၊ အလုံးသေးတစ်ပိဿာလျှင် ကျပ်(၇၀၀၀)ဖြစ်ပြီး ဒီဇင်ဘာလ (ဒုတိယပတ်)တွင် အာလူးလက်ကားဈေးမှာ တစ်ပိဿာလျှင် ကျပ်(၉၀၀၀)၊ အလုံးလတ် တစ်ပိဿာလျှင် ကျပ်(၇၅၀၀)၊ အလုံးသေးတစ်ပိဿာလျှင် ကျပ်(၆၅၀၀)ဖြင့် နေ့စဉ် ဝင်ရောက်မှုပိဿာချိန်(၃၀၀၀ မှ ၅၀၀၀)ထိဝင်ရောက်နေကြောင်း၊ အောက်တိုဘာလနှင့် ဒီဇင်ဘာလ နှိုင်းယှဉ်ပါကတစ်ပိဿာလျှင် ကျပ် (၂၀၀၀)ခန့်ဈေးတက်နေကြောင်း ကုန်သည်များထံမှ သိရှိရပြီး မြို့မစည်ပင်ဈေးတွင်ရောင်းချနေသော လက်လီဈေးမှာ အလုံးကြီး တစ်ပိဿာလျှင်ကျပ် (၁၀၀၀၀)၊ အလုံးလတ်တစ်ပိဿာလျှင်ကျပ် (၈၀၀၀)၊ အလုံးသေး တစ်ပိဿာလျှင် ကျပ်(၇၀၀၀) ဖြင့် ရောင်းချနေကြောင်း ဈေးသည်များထံမှ သိရှိရပါသည်။

DOCA(မကွေး)

          မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် မန်ကျည်းသီးမှည့်အသစ်များ ဝင်ရောက် အရောင်းအဝယ်ဖြစ်လျက်ရှိပြီး အဓိက အားဖြင့် ယောနယ်ဒေသများနှင့် ကျောက်ပန်းတောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှ ထွက်ရှိ၍ နေ့စဉ်ဝင်ရောက်အရောင်းအဝယ်ဖြစ်လျက်ရှိ ကြောင်း သိရသည်။

၂၀၂၄ခုနှစ်၊ ဒီဇင်ဘာလ(ဒုတိယပတ်)တွင် မန်ကျည်းမှည့်ဈေးများ သိသိသာသာဈေးအမြင့်ဖြင့် အရောင်းအဝယ်ဖြစ်လျက်ရှိပြီး မန်ကျည်းသီးအသား တစ်ပိဿာလျှင် လက်ကားဈေး ကျပ်(၁၆၀၀၀)၊ လက်လီဈေး ကျပ်(၁၈၀၀၀)ဈေးဖြင့် အရောင်းအဝယ်ဖြစ်ကြောင်း၊ ယခင်တစ်ပတ်နှင့် နှိုင်းယှဉ်ပါက ဈေးအတက်အကျမရှိကြောင်း၊ မန်ကျည်းသီးမှည့်များမှာ ရာသီကုန်ချိန်နီး၍ ဒေသတွင်း ပွဲရုံများတွင် ဝယ်ယူသိုလှောင်ထားသော မန်ကျည်းသီးမှည့်များလည်း လက်ကျန်ပစ္စည်းနည်းလျက်ရှိပြီး ဒေသတွင်း စားသုံးမှုအပြင် ပြည်ပနိုင်ငံများသို့ အဓိကတင်ပို့လျက်ရှိခြင်းကြောင့် မန်ကျည်းသီးဈေး မြင့်တက်လျက် ရှိကြောင်း ယခုအချိန်တွင် မန်ကျည်းသီးများ လှိုင်လှိုင်သီးချိန်ဖြစ်၍ ဖေဖော်ဝါရီလကုန်ပတ်တွင် မန်ကျည်းမှည့်အသစ်များ ဝင်ရောက်မည်ဖြစ်ကြောင်း သိရှိရသည်။

ဒေသတွင်း သုံးစွဲမှုအနေဖြင့် မြို့ပေါ်ရှိ မန်ကျည်းသားများကို ပခုက္ကူမြို့ပေါ်ရှိ စားသောက် ကုန်လုပ်ငန်းရှင် လှောင်လက်သမားများမှ ကုန်ဝင်နည်းသောကြောင့် ဝယ်ယူထားရှိပြီး ပြန်လည် ရောင်းချကြကြောင်း၊ အကြော်ဆိုင်၊ အကင်ဆိုင်များမှ မန်ကျည်းသီး အချဉ်ရည်များ ပြုလုပ်ရန်အတွက် ဝယ်ယူခြင်း၊ မန်ကျည်းဖျော်ရည် လုပ်ငန်းများနှင့် မန်ကျည်းတော်ဖီ လုပ်ငန်းရှင်များမှလည်း အများ အပြားဝယ်ယူသည့်အပြင် ရန်ကုန်မြို့နှင့် မန္တလေးမြို့များအပြင် တရုတ်နိုင်ငံသို့ အဓိကတင်ပို့လျက်ရှိ ကြောင်း သိရှိရပါသည်။

DOCA(မကွေး)

               မကွေးတိုင်းဒေသကြီး၊ အထက်မင်းလှမြို့၊ အမှတ်(၆)ရပ်ကွက်ရှိ အင်းကွင်း၌ ကုလားပဲ၊ ပဲကြီးနှင့် ပဲတီစိမ်းသီးနှံတို့ကို စိုက်ပျိုးလျက်ရှိရာ ၂၀၂၄ခုနှစ်၊ အောက်တိုဘာလတွင် ပဲတီစိမ်းသီးနှံကို တောင်သူ (၂၀)ဦးမှ စိုက်ဧက(၃၀)ဧကခန့်အား စိုက်ပျိုးခဲ့ကြောင်း သိရသည်။

          စိုက်ပျိုးရာတွင် မျိုးကို ဒေသခံတောင်သူအချင်းချင်းဆီမှ (၁)ပြည်လျှင် ကျပ်(၆၀၀၀)ဖြင့် ဝယ်ယူ စိုက်ပျိုးကြသလို ယခင်နှစ်ပဲတီစိမ်းစိုက်ခင်းမှထွက်ရှိသည့် ပဲတီစိမ်းများကို မျိုးအဖြစ်ဖယ်ချန်၍လည်း  ထွန်ကြောင်းဆွဲ အစေ့ချစနစ်ဖြင့် စိုက်ပျိုးကြကြောင်း၊ (၁)ဧကလျှင် မျိုး(၆)ပြည်ခန့်ကုန်ကျကြောင်း၊ ကုန်ကျစရိတ်အနေဖြင့် ယခင်နှစ်နည်းတူ ယခုနှစ်တွင်လည်း (၁)ဧကလျှင် မျိုးဖိုး၊ လုပ်အားခနှင့် အခြားသွင်းအားစုစရိတ်အပါအဝင် ကျပ်(၂)သိန်းခန့် ကုန်ကျကြောင်း၊ ယခု၂၀၂၄ခုနှစ်၊ ဒီဇင်ဘာလ (ဒုတိယပတ်)တွင် ပဲတီစိမ်းသီးနှံများ စတင်ထွက်ရှိလျက်ရှိရာ အထွက်နှုန်းအနေဖြင့် (၁)ဧကလျှင် (၁၀)တင်းမှ (၁၁)တင်းထိထွက်ရှိပြီး ဈေးနှုန်းအနေဖြင့် (၁)တင်းလျှင် ကျပ်(၁)သိန်းခန့်ရရှိကာ အကျိုး အမြတ်အနေဖြင့် ကျပ်(၈)သိန်းခန့်ရရှိကြောင်း၊ ဈေးကွက်အနေဖြင့် အထက်မင်းလှမြို့ပေါ်ရှိ ပွဲရုံများသို့ ရောင်းချကြောင်း၊ ယခင်နှစ်က ပဲတီစိမ်း(၁)တင်းလျှင် အမြင့်ဆုံးဈေး ကျပ်(၇၀၀၀၀)ခန့်သာရရှိခဲ့ပြီး  အထွက်နှုန်းအနေဖြင့်လည်း (၇)တင်းမှ (၉)တင်းနီးပါးသားရရှိခဲ့ကြောင်း၊ ယခုနှစ်တွင်မှု အထွက်နှုန်း ကောင်းသည့်အပြင် ဈေးကောင်းရသည့်အတွက် ပဲတီစိမ်းစိုက်တောင်သူများအနေဖြင့် ထိုက်သင့်သည့် အကျိုးအမြတ်များပိုမိုရရှိကာ အဆင်ပြေလျက်ရှိကြောင်း မင်းလှမြို့၊ အမှတ်(၆)ရပ်ကွက်နေ ပဲတီစိမ်း စိုက်တောင်သူတစ်ဦးထံမှ သိရှိရပါသည်။

DOCA(မကွေး)