ပြည်တွင်းကုန်သွယ်မှုသတင်း

     မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေ ဖြင့် တိုင်းဒေသကြီး/ပြည်နယ်အလိုက် မြို့ကြီးများ၏ ရည်ညွှန်းလက်ကားဈေးနှုန်းများအား နေ့စဉ် သတ် မှတ်ထုတ်ပြန် ပေးလျက်ရှိပါသည်။

     စစ်ကိုင်းတိုင်းဒသကြီး၊ ကန့်ဘလူခရိုင်၊ ကျွန်းလှမြို့နယ်တွင် စက်သုံးဆီဆိုင်(၃)ဆိုင် ပုံမှန်ဖွင့်လှစ် ရောင်းချလျက်ရှိကာ စက်သုံးဆီ ပြတ်လတ်မှုမရှိဘဲ (PPRD) စက်သုံးဆီ တင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ  နေ့စဉ်သတ်မှတ်ထုတ်ပြန်ထားသော စက်သုံးဆီ ရည်ညွှန်းဈေးနှုန်း အတိုင်း ရောင်းချပြီး အချိန်အတွယ်နှင့် အလေးချိန်မှန်ကန်စွာရောင်းချလျက်ရှိကြောင်း ၂၀၂၅ ခုနစ်၊ စက်တင်ဘာလ ဒုတိယပတ်တွင် စက်သုံးဆီဈေးနှုန်းများမှာ ဓါတ်ဆီ Octane(92) တစ်လီတာလျှင် (၃၁၀၆) ကျပ်၊ ဓါတ်ဆီ Octane(95)တစ်လီတာလျှင်(၃၁၇၆)ကျပ်၊ ဒီဇယ်(ရိုးရိုး)HSD တစ်လီတာ လျှင်(၂၇၅၅)ကျပ် နှင့် ဒီဇယ် (ပရီမီယမ်)PHSDတစ်လီတာလျှင်(၃၃၅၄)ကျပ်ဈေးနှုန်းတို့ဖြင့် ရောင်းချ လျက်ရှိသောကြောင့် ယခင် အပတ်နှင့် နှိုင်းယှဉ်ကြည့်မည်ဆိုပါက စက်သုံးဆီဈေး 92တစ်လီတာ လျှင်(၂၀)ကျပ်၊ 95တစ်လီ တာလျှင်(၁၅)ကျပ် ဈေးနှုန်းများကျဆင်းလျက်ရှိပြီး ဒီဇယ်(ရိုးရိုး)HSD တစ်လီတာလျှင်(၁၄)ကျပ်၊ ဒီဇယ်(ပရီမီယမ်) PHSDတစ်လီတာလျှင်(၄)ကျပ် ဈေးနှုန်းမြင့်တက်ကာ အရောင်းအဝယ်ဖြစ်လျက် ရှိကြောင်း သိရပါသည်။

DOCA(စစ်ကိုင်း)

   ကျွန်းလှမြို့ သစ်ရာမြိုင်ဈေးတွင် မိမိတို့ဒေသထွက်ကုန်များ အပြင် အခြားဒေသမှ ဝင်ရောက် သည့် စားသောက်ကုန်ပစ္စည်းများကို ရောင်းချလျက်ရှိကာ ဟင်းကြွက်နားတောင်းရွက်ပြုတ်နှင့် ငရံ့ပလူရွက်ပြုတ်တို့ကိုလည်း ရောင်းချလျက် ရှိကြောင်း သိရသည်။

    ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ကျွန်းလှမြို့၊ သစ်ရာမြိုင်ဈေးတွင် ရောင်းချနေသည့်  ဟင်းကြွက်နားတောင်းရွက်ပြုတ် ဈေးနှုန်းမှာ (၁၀)ကျပ်သားခန့် (၁)လုံးလျှင် (၃၀၀)ကျပ်၊ ဟင်းကြွက် နားတောင်းရွက်ပြုတ်(၁)ပိဿာလျှင်(၂၅၀၀)ကျပ် ဈေးနှုန်းတို့ဖြင့် လည်းကောင်း ငရံ့ပလူရွက် ဈေးနှုန်းမှာ ငရံ့ပလူရွက် တစ်ပိဿာလျှင်(၃၅၀၀)ကျပ်၊ (၁၀)ကျပ် သားခန့် တစ်လုံးလျှင်(၄၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး မိုးရွာသွန်းသည့်အတွက် လှိုင်လှိုင်ထွက်ရှိပြီး ဈေးနှုန်းကျဆင်းကာ အရောင်းအဝယ်ဖြစ်လျက်ရှိကြောင်း ကုန်စိမ်း ရောင်းချသည့် လုပ်ငန်းရှင်များထံမှ သိရ သည်။

DOCA(စစ်ကိုင်း)

    ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များတွင် ကွမ်းသီးများကို  ရန်ကုန်မြို့နှင့်မန္တလေးမြို့တို့ မှ မှာယူရောင်းချ လျက်ရှိကြောင်း သိရှိရပါသည်။

     ၂၀၂၅ ခုနစ်၊ စက်တင်ဘာလ တတိယပတ်အတွင်း ကျွန်းလှမြို့ ကုန်မျိုးစုံ ရောင်းချသည့် ဆိုင်များတွင် ဖြစ်ပေါ်နေ‌သော ကွမ်းသီးစိတ် ဈေးနှုန်းအနေဖြင့် ကွမ်းသီးစိတ် (ရှယ်စ) တစ်ပိဿာ လျှင်(၃၅၀၀၀)ကျပ်၊ ကွမ်းသီးစိတ်(လတ်စ)တစ်ပိဿာလျှင်(၃၂၀၀၀)ကျပ်၊ ကွမ်းသီးစိတ်(ညံ့) တစ်ပိဿာ လျှင်(၂၃၀၀၀)ကျပ် ဈေးနှုန်းတို့ဖြင့် ရောင်းချလျက်ရှိသောကြောင့် ယခင်ပတ်ထက် ကွမ်းသီးစိတ် ရှယ်စ နှင့် အလတ်စ တစ်ပိဿာလျှင်(၁၀၀၀)ကျပ် ကျဆင်းပြီး အရောင်းအဝယ် ဖြစ်လျက် ရှိကြောင်း ကျွန်းလှမြို့  ကုန်မျိုးစုံ ရောင်းချနေသာ လုပ်ငန်းရှင်များထံမှ သတင်း ရရှိပါသည်။

DOCA(စစ်ကိုင်း)

  ဧရာဝတီတိုင်းဒေသကြီး၊ ပုသိမ်မြို့နယ်မှာ ဒီနှစ်အတွက် ဩဇာသီးအထွက်နှုန်းဟာ ရာသီဥတု ကောင်းမွန်တဲ့အတွက် အရင်နှစ်တွေကထက် ပိုမိုကောင်းမွန်နေတယ်လို့ ဒေသခံတောင်သူတွေထံမှ သိရှိရပါသည်။  ထို့ကြောင့် ဈေးကွက်ထဲမှာ  ဩဇာသီးတွေပေါပေါများများရရှိနေပြီး  ဈေးနှုန်းလည်းတည်ငြိမ် နေတယ်လို့  သိရှိရပါ သည်။

            ပုသိမ်ခရိုင်အတွင်းမှာ ဩဇာပင်တွေကို အများဆုံးစိုက်ပျိုးတဲ့ဒေသတွေကတော့ ပုသိမ်မြို့နယ် အပြင် ကန်ကြီးထောင့်နဲ့ ကျုံပျော်မြို့နယ်တွေ ဖြစ်ပါတယ်။ အဆိုပါဒေသကထွက်ရှိတဲ့ ဩဇာသီးတွေကို ပုသိမ်မြို့ပေါ်မှာရှိတဲ့ မြို့မဈေး၊  ဈေးလေး၊  ကမ်းနားဈေး၊  ဘူတာဈေးအပါအဝင် လမ်းဘေးဈေးသည်များထံ မှာလည်း ရောင်းချနေသည်ကိုတွေ့ရှိရပါသည်။  ဒေသတွင်းဈေးကွက်အပြင် ပုသိမ်ကနေ ရန်ကုန်မြို့ကိုလည်း ပုံမှန်တင်ပို့ရောင်းချလေ့ရှိပါသည်။  ရန်ကုန်-ပုသိမ်ကားလမ်းမတစ်လျှောက်မှာရှိတဲ့ လမ်းဘေးဆိုင်တွေမှာ လည်း ဩဇာသီးတွေကိုအများအပြားရောင်းချနေတာကို တွေ့ရှိရပါသည်။ လက်ရှိပုသိမ်မြို့ဈေးတွေမှာ ဩဇာသီးအလုံးကြီးတစ်လုံးကို ကျပ် ၈၀၀ ကနေ ၁၀၀၀ ဝန်းကျင်အထိ ဈေးပေါက်နေပါသည်။  ပုံမှန်အားဖြင့် ဩဇာသီးဟာနွေရာသီအကုန် မိုးရာသီအစောပိုင်းမှာ အထွက်များလေ့ရှိပါသည်။ ပုသိမ်မြို့ရဲ့ဩဇာသီး ဈေးကွက်ဟာ ဒေသတွင်းထွက်ရှိမှုပေါ်မှာ အဓိကမူတည်တဲ့အတွက် ရာသီဥတုသာယာပြီး အထွက်နှုန်း ကောင်းမယ်ဆိုရင် ဈေးနှုန်းတွေသာဆက်လက်တည်ငြိမ်နေမယ်လို့ ဈေးကွက်လေ့လာသူတွေက သုံးသပ်ကြပါသည်။

 DOCA (ဧရာဝတီ)

    စစ်ကိုင်းတိုင်းဒေသကြီး၊ မုံရွာမြိုပေါ်ရှိ ကုန်စုံဆိုင်မျာတွင် အခြေခံစားသောက်ကုန်များဖြစ်သည့် ဆား၊ သကြား ၊ ငပိ၊ ငါးခြောက်နှင့် အခြား စားသောက်ကုန်များရောင်းချလျက်ရှိကြောင်း သိရပါသည်။ ၂၀၂၅ ခုနစ်၊ စက်တင်ဘာလ ဒုတိယပတ်တွင် ရောင်းချလျက်ရှိသော ဆားဈေးနှုန်းမှာ လက်ကားဈေး (၅၀) ကျပ်သာလျှင် (၁၀၀၀) ကျပ်ဖြင့်လည်းကောင်း လက်လီဈေး (၅၀)ကျပ်သာလျှင် (၁၂၀၀) ကျပ်ဖြင့်လည်းကောင်း၊ လက်ကား (၁) ပိသာလျှင် (၂၀၀၀) ကျပ်ဖြင့် လည်းကောင်း၊ လက်ကား (၁)ပိသာလျှင် (၂၂၀၀)ကျပ်ဖြင့်လည်းကောင်း ရောင်းချလျက်ရှိ ကြောင်းသိရပါသည်။ သကြားဈေးနှုန်းမှာ လက်လီ (၅၀) ကျပ်သားလျှင် (၂၇၅၀) ကျပ်ဖြင့်လည်းကောင်း၊ လက်ကား (၅၀) ကျပ်သားလျှင် (၃၂၅၀) ကျပ်ဖြင့်လည်းကောင်း၊ လက်လီ(၁) ပိသာလျှင် (၅၅၀၀) ကျပ်ဖြင့်လည်းကောင်း၊ လက်ကား (၁)ပိသာလျှင် (၆၀၀၀) ကျပ်ဖြင့်လည်းကောင်း ရောင်းချလျက်ရှိကြောင်း ဈေးသည်များထံမှ သိရပါသည်။

DOCA(စစ်ကိုင်း)