မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သော ကြောင့်သီးနှံမျိုးစုံစိုက်ပျိုးဖြစ်ထွန်းလျက်ရှိရာ ၄င်းသီးနှံများအနက် စျေးကွက်ဝယ်လိုအားရှိပြီး ကျွဲစာ၊ နွားစာပါဖူလုံသော ပဲယင်းသီးနှံကိုလည်းစိုက်ပျိုးလျက်ရှိပါသည်။ ပဲယင်းသည် ပူနွေတဲ့ရာသီဥတုကို ကြိုက်နှစ်သက်သည်။ ပဲယင်းစိုက်ပျိုးချိန်သည် သြဂုတ်လနှင့်စက်တင်ဘာလတွင်စိုက်ပျိုးသည်။ စိုက်ပျိုးမှုအနေဖြင့်(၁)ဧကလျင်(၆-၈)ပြည်အထိ စိုက်ပျိုးပြီး ကြဲပတ်စနစ်ဖြင့် စိုက်ပျိုးပါက (၁၀-၁၂) ပြည်အထိစိုက်ပျိုးကြောင်း ၊ အချို့တောင်သူများသည် ကျွဲစာ ၊ နွားစာအတွက် မြေလွတ် ၊ မြေရိုင်း၊ လယ်ကန်သင်းများပေါ်တွင် ကြဲပတ်၍စိုက်ပျိုးကြောင်း၊ပဲယင်းကိုစိုက်ပျိုးပြီး(၃-၄)လအကြာတွင် ခူးဆွတ်ရိတ်သိမ်းကြောင်း၊ယခုအခါစျေးကွက်ထဲ၌ ပဲယင်း(၁)ပြည်လျင်(၅၅၀၀/-)ကျပ်စျေးနှုန်းများ ဖြင့်အရောင်းအဝယ်ဖြစ်လျက်ရှိကြောင်း ပဲမျိုးစုံရောင်းချသည့် စျေးသည်များထံမှသိရှိရပါသည်။
DOCA(မန္တလေး)