ပြည်တွင်းကုန်သွယ်မှုသတင်း

           စစ်ကိုင်းတိုင်းဒေသကြီး၊ ကန့်ဘလူမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ လိမ္မော်သီး၊ စပျစ်သီး၊ သခွားမွှေးသီး၊ ပန်းသီး၊ ပန်းသစ်တော်သီး၊ ဇီးချိုသီး၊ ပဲစိမ်းစားဥနှင့် ဖရဲသီးများကို  မန္တလေးမြို့မှ မှာယူရောင်းချလျက်ရှိကြောင်း သိရသည်။

          ဇီးချိုသီးကိုတော့ မန္တလေးမြို့တို့မှ မှာယူရောင်းချသော အသီးများရှိသလို မိမိတို့ကန့်ဘလူ ဒေသထွက် ဇီးချိုသီးခြံမှ ဖောက်သည်ယူပြီးရောင်းချခြင်းလည်းဖြစ်ပါသည်။ မန္တလေးမြို့တို့မှ ဖောက်သည် မှာယူရောင်းချသော ဇီးချိုသီးမှာ ပိဿာချိန်(၉/၁၀)ပိဿာခန့် တစ်ဖာလျှင်(၂၀၀၀၀)ကျပ် ဖြင့် ဝယ်ယူရပြီး ဒေသထွက်ဇီးခြံများမှ ဇီးချိုသီးဈေးမှာ တစ်ပိဿာလျှင်(၅၅၀၀/၆၀၀၀)ခန့်ရှိသည့် အတွက် ဈေးကြီး၍ ရောင်းအားနည်းသည့်အတွက် အနည်းငယ်သာမှာယူရောင်းချပါသည်။

         ၂၀၂၅ ခုနှစ်၊ ယခင် ဒုတိယပတ်အတွင်း ဖြစ်ပေါ်နေသော ကန့်ဘလူမြို့၏ ဇီးချိုသီးဈေးနှုန်းများမှာ မန္တလေးမြို့မှ မှာယူရသော ဇီးချိုသီးမှာ တစ်ပိဿာလျှင်(၄၅၀၀)ကျပ်နှင့် ၇၅ကျပ်သားခန့် တစ်ထုတ် လျှင်(၃၅၀၀)ကျပ်၊ ‌ကန့်ဘလူဇီးခြံမှာထွက်သော ဒေသထွက်ဇီးချိုသီး တစ်ပိဿာလျှင် (၆၀၀၀)ကျပ်၊ ၂၅ကျပ်သားလျှင်(၁၅၀၀)ကျပ်ဈေးဖြင့် ‌အရောင်းအဝယ်ဖြစ်ခဲ့ပြီး ယခု ၂၀၂၅ ခုနှစ် ဇန်နဝါရီလ တတိယပတ်တွင် ဖြစ်ပေါ်နေသော ဇီးချိုသီးဈေးနှုန်းမှာ မန္တလေးမြို့မှ မှာယူရသော ဇီးချိုသီးမှာ တစ်ပိဿာလျှင်(၄၀၀၀)ကျပ်နှင့် ၇၅ကျပ်သားခန့် တစ်ထုတ်လျှင်(၃၀၀၀)ကျပ်၊ ‌ကန့်ဘလူ ဇီးခြံမှထွက်ရှိသော ဒေသထွက်ဇီးချိုသီး တစ်ပိဿာလျှင် (၆၀၀၀) ကျပ်၊ ၂၅ကျပ်သားလျှင် (၁၅၀၀)ကျပ် ဈေးဖြင့် ဖြစ်လျက်ရှိပြီး ယခင်အပတ်ဈေးနှုန်းဖြင့် နှိုင်းယှဉ်ကြည့် မည်ဆိုပါက မန္တလေးမြို့မှ မှာယူရောင်းချရသော ဇီးချိုသီးဈေးနှုန်းမှာ တစ်ပိဿာလျှင်(၁၀၀၀)ကျပ် ကျဆင်းပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ လိမ္မော်သီး၊ စပျစ်သီး၊ သခွားမွှေးသီး၊ ပန်းသီး၊ ပန်းသစ်တော်သီး၊ ဇီးချိုသီး၊ ပဲစိမ်းစားဥ နှင့် ဖရဲသီးများကို  မန္တလေးမြို့မှ မှာယူရောင်းချလျက်ရှိကြောင်း သိရသည်။

          ၂၀၂၅ ခုနှစ်၊ ယခင် ဇန်နဝါရီလ ဒုတိယပတ်အတွင်း ဖြစ်ပေါ်နေသော ကန့်ဘလူမြို့၏ ပန်းသီး ဈေးနှုန်းများမှာ အလုံးအကြီး/အသေး ပေါ်မူတည်၍ ပန်းသီးအကြီး(၁)လုံးလျှင်(၃၀၀၀)ကျပ်၊ ပန်းသီး အသးတစ်လုံးလျှင်(၂၀၀၀)ကျပ်ဈေးဖြင့် ‌အရောင်းအဝယ် ဖြစ်လျက်ရှိခဲ့ပြီး ယခု ၂၀၂၅ ခုနှစ်၊ ဇန်နဝါရီလ တတိယပတ်အတွင်း ဖြစ်ပေါ်နေသော ကန့်ဘလူမြို့၏ ပန်းသီး ဈေးနှုန်းများမှာ အလုံးအကြီး/အသေး ပေါ်မူတည်၍ ပန်းသီးအကြီး(၁)လုံးလျှင်(၃၀၀၀)ကျပ်၊ ပန်းသီး အသးတစ်လုံးလျှင်(၂၀၀၀)ကျပ်ဈေးဖြင့် ‌အရောင်းအဝယ် ဖြစ်လျက်ရှိကာ ယခင်အပတ်ဖြင့် နှိုင်းယှဉ်ကြည့်မည်ဆိုပါက တည်ငြိမ်ပြီး အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ မြို့မစည်ပင်သာယာဈေးတွင် ဘုရားပန်းအမျိုးမျိုးဖြစ်သော ဂန္ဓာမာပန်း၊ သစ္စာပန်း၊ ဂေါ်သဇင်ပန်း၊ သပြေပန်း(အောင်သပြေ)နှင့် အာစီယံသပြေတို့ကို မိမိတို့ဒေသထွက်နှင့် မန္တလေးမြို့၊ ပြင်ဦးလွင်မြို့တို့မှ မှာယူရောင်းချကြောင်းသိရှိရပါသည်။

          ၂၀၂၅ ခုနှစ်၊ ဇန်နဝါရီလ(ပထမပတ်)တွင် ကန့်ဘလူမြို့ မြို့မစည်ပင်သာယာဈေးအတွင်းဖြစ်ပေါ်နေသော ဘုရားပန်းအမျိုးမျိုး၏ ဈေးနှုန်းများမှာ ဂန္ဓမာ(အပွင့်ကြီး)တစ်စီးလျှင် ကျပ်(၁၅၀၀) ၊ ဂန္ဓာမာပန်း(အပွင့်သေး) တစ်စီးလျှင် ကျပ်(၁၀၀၀)၊ သပြေပန်း အငုတ်(အသေး၊အကြီး) အရွယ်အစား အလိုက် ကျပ်(၁၀၀၀/၁၅၀၀)၊ အောင်သပြေအခက် တစ်စီးလျှင် ကျပ်(၁၀၀၀)၊ အာစီယံ အခက် တစ်စီးလျှင် ကျပ်(၅၀၀)၊ မေမြို့ပန်း တစ်စီးလျှင် ကျပ်(၁၀၀၀) နှင့် သစ္စာပန်း (၅)ခက်ပါ တစ်စီးလျှင်ကျပ် (၁၅၀၀) တို့ဖြင့်ရောင်းချလျက်ရှိပြီး     ယခု  ၂၀၂၅ ခုနှစ်၊ ဇန်နဝါရီလ(တတိယပတ်)တွင် ကန့်ဘလူမြို့ မြို့မစည်ပင်သာယာဈေးအတွင်း ဖြစ်ပေါ်နေသော ဘုရားပန်းအမျိုးမျိုး၏ ဈေးနှုန်းများမှာ ဂန္ဓမာ (အပွင့်ကြီး)တစ်စီးလျှင် ကျပ်(၁၅၀၀) ၊ ဂန္ဓာမာပန်း(အပွင့်သေး) တစ်စီးလျှင် ကျပ်(၁၀၀၀)၊ သပြေပန်း အငုတ်(အသေး၊အကြီး) အရွယ်အစား အလိုက် ကျပ်(၁၀၀၀/၁၅၀၀)၊ အောင်သပြေအခက် တစ်စီးလျှင် ကျပ်(၁၀၀၀)၊ အာစီယံ သပြေအခက် တစ်စီးလျှင် ကျပ်(၅၀၀)၊ မေမြို့ပန်း တစ်စီးလျှင် ကျပ်(၁၀၀၀) နှင့် သစ္စာပန်း (၅)ခက်ပါ တစ်စီးလျှင်ကျပ် (၁၅၀၀) တို့ဖြင့် ရောင်းချလျှက်ရှိ‌သောကြောင့် ယခင်  ဇန်နဝါရီလ (ဒုတိယပတ်)ဈေးနှုန်းဖြင့် နှိုင်ယှဉ်ကြည့်မည်ဆိုပါက ပြောင်းလမှုမရှိ တည်ငြိမ်လျက်ရှိပါကြောင်း ကန့်ဘလူမြို့မစည်ပင်သာယာဈေးတွင် ဘုရားပန်းမျိုးစုံရောင်းချနေသော ပန်းသည်ထံမှ သိရှိရပါသည်။

DOCA(စစ်ကိုင်း)

             ၂၀၂၅ခုနှစ်၊ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မြို့မ စည်ပင်သာယာဈေးကွက် အတွင်း ကြက်သွန်ဖြူကို ရှမ်းပြည်နယ် အောင်ပန်းမြို့နှင့် မန္တလေးတိုင်းဒေသကြီးမှ အများဆုံး မှာယူ ရောင်းချလျက်ရှိကြောင်း သိရှိရပါသည်။

            ၂၀၂၅ခုနှစ်၊ ယခင် ဇန်နဝါရီလ ဒုတိယပတ်အတွင်း ကန့်ဘလူမြို့နယ်တွင် ကြက်သွန်ဖြူ ဈေးနှုန်း အနေဖြင့် ရှမ်းကြက်သွန်ဖြူ(ခေါ်)ကြူကုတ်အမျိုးအစား တစ်ပိဿာလျှင်  ကျပ်(၂၃၀၀၀)၊ (၂၅) ကျပ်သားလျှင် ကျပ်(၅၅၀၀)၊ ဗမာကြက်သွန်ဖြူ အကြီးစ တစ်ပိဿာလျှင် ကျပ်(၁၈၀၀၀) (၂၅)ကျပ်သား လျှင် ကျပ်(၄၅၀၀)၊ အလတ်စ တစ်ပိဿာလျှင် ကျပ်(၁၆၀၀၀)၊ (၂၅)ကျပ်သားလျှင် ကျပ်(၄၀၀၀)နှင့် ဗမာကြက်သွန်ဖြူ အသေးစ တစ်ပိဿာလျှင် ကျပ်(၁၄၀၀၀)၊ (၂၅)ကျပ်သားလျှင် ကျပ်(၃၅၀၀)ဈေးနှုန်း ဈေးနှုန်း အသီးသီးရောင်းချခဲ့ပြီး ယခု ဇန်နဝါရီလ တတိယပတ်တွင် ကြက်သွန်ဖြူဈေးနှုန်း အနေဖြင့် ရှမ်းကြက်သွန်ဖြူ(ခေါ်)ကြူကုတ်အမျိုးအစား တစ်ပိဿာလျှင်  ကျပ်(၂၃၀၀၀)၊ (၂၅) ကျပ်သား လျှင် ကျပ်(၅၅၀၀)၊ ဗမာကြက်သွန်ဖြူ အကြီးစ တစ်ပိဿာလျှင် ကျပ်(၁၈၀၀၀) (၂၅)ကျပ်သားလျှင် ကျပ်(၄၅၀၀)၊ အလတ်စ တစ်ပိဿာလျှင် ကျပ်(၁၆၀၀၀)၊ (၂၅)ကျပ်သားလျှင် ကျပ်(၄၀၀၀)နှင့် ဗမာ ကြက်သွန်ဖြူ အသေးစ တစ်ပိဿာလျှင် ကျပ်(၁၄၀၀၀)၊ (၂၅)ကျပ်သားလျှင် ကျပ်(၃၅၀၀)ဈေးနှုန်း အသီးသီး ရောင်းချလျက်ရှိကြောင့် ယခင် ဇန်နဝါရီလ ဒုတိယအပတ်နှင့် နှိုင်းယှဉ်ကြည့်မည်ဆိုပါက ဈေးနှုန်းတည်ငြိမ်လျက်ရှိကြောင်း ကန့်ဘလူမြို့ ကြက်သွန်ဖြူအရောင်းအဝယ်လုပ်နေသူထံမှ သိရှိရပါသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ် ရပ်ကွက်များနှင့် ဒေသအသီးသီးမှ လာရောက်ရောင်းချကြပြီး မန္တလေးမြို့မှလည်း မှာယူရောင်းချသည့်အတွက် ဈေးကွက်အတွင်း လှိုင်လှိုင်ပေါများကာ ဈေးနှုန်းချိုသာ၍ အရောင်းအဝယ်ဖြစ်လျက်ရှိကြောင်း သိရသည်။

          သံပုရာသီးသည် လူသားများ၏ နေ့စဉ်အသုံးပြုမှုတွင် မဖြစ်အနေအရေးပါသော အသီးတစ်မျိုးဖြစ်ရာ ကျန်းမာရေးအတွက်လည်း အထူးကောင်းမွန်လှပါသည်။ ယခင် ၂၀၂၅ ခုနှစ်၊ ဇန်နဝါရီလ ဒုတိယပတ်အတွင်း ဖြစ်ပေါ်နေသော ကန့်ဘလူမြို့၏ သံပုရာသီးဈေးနှုန်းများမှာ အလုံး အကြီး/အသေး ပေါ်မူတည်၍ သံပုရာသီး(၁)လုံးလျှင်(၁၀၀/၁၅၀)ကျပ် ဈေးဖြင့် ‌အရောင်းအဝယ်ဖြစ်ခဲ့ပြီး ယခု ၂၀၂၅ ခုနှစ်၊ ဇန်နဝါရီလ တတိယပတ်တွင်လည်း သံပုရာသီး အလုံး အကြီး/အသေး ပေါ်မူတည်၍ သံပုရာသီး (၁)လုံးလျှင်(၅၀/၁၀၀/၁၅၀)ကျပ်ဈေးဖြင့် ‌အရောင်းအဝယ်  ဖြစ်လျက်ရှိသောကြောင့် ယခင် ဒုတိယပတ် ဈေးနှုန်းနှင့် နှိုင်းယှဉ်ကြည့်မည်ဆိုပါက ယခင်အပတ်အတိုင်း တည်ငြိမ်လျက်ရှိပြီး အရောင်းအဝယ်ဖြစ်နေကြောင်း ကန့်ဘလူမြို့၊ မြို့မဈေးတွင် သံပုရာသီးရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)