ပြည်တွင်းကုန်သွယ်မှုသတင်း

          စျေးကွက်အတွင်းမြေပဲစျေးမှာ  ပြောင်းလဲမှုအနည်းငယ်သာရှိပြီး၊ ယခင်နှစ်စျေးနှင့် နှိုင်းယှဉ်ပါက စျေးနှင့်နှိုင်းယှဉ်ပါက ယခုနှစ်စျေးပိုမိုရရှိကြောင်း သိရှိရပါသည်။ မြေပဲမှာ စားသုံးဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်းတို့ကြောင့် ပြည်တွင်းစျေးကွက်နှင့် ပြည်ပသို့တင်ပို့သည့် သီးနှံဖြစ်ပြီး အရောင်းသွက်လျက်ရှိကြောင်း သိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်းရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ရိတ်သိမ်းမှု ၆၃၇၄၄၇ ဧက၊ အထွက်နှုန်း ၄၆.၇၇ တင်း၊ အထွက် စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလစတုတ္ထပတ်အတွင်း ဖြစ်ပေါ်လျက်ရှိသည့် ပေါက်စျေးများမှာ မြေပဲတစ်ပိဿာလျှင် S1 လုံးဆန် ၈၀၀၀ ကျပ်နှင့် ၈၅၀၀ကျပ်၊S1 ဆီဆန်  ၇၅၀၀ ကျပ် နှင့်၇၉၀၀ကျပ်၊Mတွဲလုံးဆန် ၈၁၀၀ ကျပ်နှင့် ၈၃၀၀ကျပ်၊အနီလုံးဆန် ၈၀၀၀ ကျပ်နှင့် ၈၂၀၀ ကျပ်၊ ပြန့်ဆီဆန် ၇၄၀၀ကျပ်နှင့် ၇၉၅၀ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ S1 လုံးဆန် ၈၆၀၀ ကျပ်နှင့် ၈၉၀၀ ကျပ်၊S1 ဆီဆန် ၈၄၀၀ကျပ်နှင့် ၈၅၀၀ ကျပ်၊S1 ရွေးဆန် ၈၅၀၀ကျပ်နှင့် ၈၆၀၀ကျပ်၊ အနီလုံးဆန် ၈၈၀၀ကျပ်နှင့် ၉၀၀၀ကျ်၊ အနီဆီဆန် ၈၃၀၀ ကျပ်နှင့် ၈၅၀၀ကျပ်တို့ဖြစ်ကြောင်း သိရှိရပါသည်။ ယခင်နှစ်နှင့် ယခုနှစ်ကာလတူ ပေါက်စျေးနှိုင်းယှဉ်ပါက မြေပဲဆန်စျေးမှာ စျေးအနည်းငယ်ကျဆင်းလျက်ရှိကြောင်း သိရှိရပါသည်။

DOCA(မန္တလေး)

        မန္တလေးစျေးချိုတော်တွင် နတ်တော်လဆန်းပိုင်းအတွင်း ငါးခြောက်ဝင်ရောက်မှုအပေါ်မူတည်၍ စျေးအနည်းငယ်မြင့်တက်သွားပြီး၊ အရောင်းသွက်လျက်ရှိကြောင်း သိရှိရပါသည်။  ၂၀၂၅   ခုနှစ် နိုဝင်ဘာလစတုတ္ထပတ်အတွင်း အမျိုးအစားအလိုက်တစ်ပိဿာ ပေါက်စျေးတို့မှာ  ငါးနီတူးခြောက် ၂၀၀၀ဝိ/-  နှင့် ၂၈၀၀ဝိ/-၊ ငါးဖောင်ရိုးခြောက် ၄၀၀၀ဝိ/- နှင့် ၆၀၀၀ဝိ/-၊ ငါးပုတ်သင်ခြောက် (လုံး) ၁၆၀၀ဝိ/-နှင့်၂၀၀၀ဝိ/-၊ ငါးပုတ် သင်ခြောက်(ပြား)၂၀၀၀ဝိ/-နှင့်၂၅၀၀ဝိ/၊ငါးရောင်ခြောက်၄၅၀၀ဝိ/-နှင့် ၇၀၀၀ဝိ/-၊ ငါးရံ့ခြောက်(လုံး)၆၅၀၀ဝိ/- နှင့် ၇၅၀၀ဝိ/-၊ ငါးရံ့ခြောက် (ပြား)၈၅၀၀ဝိ/-နှင့် ၉၅၀၀ဝိ/-၊ပုဇွန်ခြောက် ၂၅၀၀ဝိ/- နှင့်၆၀၀၀ဝိ/- စျေးဖြင့် ရောင်းချလျက်ရှိကြောင်း သိရှိရပါသည်။ ဘုရားပွဲများနှင့် အလှူပွဲတော်များတွင် ငါးခြောက်သုံးစွဲမှုများပြားသည့်အတွက်  နတ်တော်လဆန်းအတွင်း အရောင်းသွက်လျက်ရှိကြောင်း သိရှိရပါသည်။

DOCA(မန္တလေး)

         စျေးကွက်သို့ နတ်တော်လဆန်းတွင် မန္တလေးတိုင်းဒေသကြီးအတွင်းအမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်နှင့် မိတ္တီလာခရိုင်တို့မှထွက်သည့်အသီးများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှ ထွက်သည့်မာလကာသီးများ ဝင်ရောက်မှုများပြားလျက်ရှိပြီး၊ စျေးငြိမ်ကာ အရောင်းသွက်လျက်ရှိကြောင်း သိရှိရပါသည်။  ၂၀၂၅ ခုနှစ်နိုဝင်ဘာလစတုတ္ထပတ်အတွင်း ဖြစ်ပေါ်သည့်   စျေးနှုန်းများမှာ မာလကာသီး ၁ လုံး လျှင် အလုံး(ကြီး)၂၅၀၀ကျပ်နှင့် ၃၀၀၀ကျပ်၊  အလုံး(လတ်)  ၁၅၀၀ ကျပ်နှင့် ၂၀၀၀ ကျပ်၊ အလုံး (သေး) ၁၀၀၀ ကျပ်နှင့် ၁၃၀၀ ကျပ်စျေးတို့ ဖြင့်ရောင်းချပြီး၊ အလုံးအရွယ်အစားအပေါ်မူတည်၍ စျေးကွာခြားမှုရှိကြောင်း သိရှိရပါသည်။

DOCA(မန္တလေး)

        သဇင်ပန်းသည် မြန်မာမင်းများ လက်ထက်က ဘုရင်မိဖုရားတို့သာ ဦးဦးဖျားဖျား ပန်ခွင့်ရှိသောတော်ဝင်ပန်းဖြစ်ကြောင်း၊ သဇင်ပန်းသည်နတ်တော်လ၌ပွင့်သဖြင့် အမြတ်တနိုးထား၍ နတ်တင် ကြသောကြောင့် နတ်ပန်းဟုလည်းခေါ်ဆိုကြကြောင်း၊ သဇင်ပန်းသည်သန့်ရှင်း စင်ကြယ်သော နေရာများနှင့် အအေးပိုင်းဒေသများ၌ အပင်ဖြစ်ထွန်းကြောင်း၊ သဇင်ပန်းသည်သစ်ခွမျိုးတွင် ပါဝင်ပြီး သဇင်ပန်းသည် သစ်ကိုင်းသစ်ခက် အုန်းခွံတို့တွင် တွယ်ကပ်၍လည်းကောင်း၊ အိုးထဲ၌အုန်းဆံပွပွနှင့် ထည့်၍လည်းကောင်း ခပ်သန့်သန့်စိုက်ရသော ဥမှထွက်သည့် အပင်ကလေး မျိုးဖြစ်ကြောင်း၊ သဇင်ဥသည် စိမ်းညိုရောင်လုံးရှည်သွယ်ဖြစ်၍ တစ်လက်မခန့်ကြီးကြောင်း၊ သဇင်ဥအရင်းမှ အရွက်ကလေးနှစ်ရွက်သည် မိုးဥကျစတွင်ထွက်ကြောင်း၊ အရွက်သည်တစ်လက်မမှ သုံးလက်မအထိ ရှည်၍အစိမ်းနုရောင်ဖြစ်ကြောင်း၊အလယ်ကြောမကြီး တစ်ခုသာပါ၍ အရွက်သားသည် ပြောင်ချော ကြောင်း၊ အပွင့်ပွင့်ချိန်၌ အရွက်များကြွေကျကြောင်း၊ အပွင့်သည် ခိုင်တံသွယ်သွယ်၌ ဘေးတစ်ဖက် တစ်ချက်စီပွင့်ကြောင်း၊ အပွင့်သည် သေးငယ်၍ အလယ်၌ ဝတ်ဆံပါပြီး သဇင်ပန်းပွင့်အရောင်မှာ လေးမျိုးရှိကြောင်း သဇင်ဖြူ၊ သဇင်ဝါ၊ သဇင်နီ၊ သဇင်နက် တို့ဖြစ်ကြောင်း၊ သဇင်ဖြူသည် အပွင့်ကြီးပြီး ရိုးတံတွင်အပွင့်ကျဲ၍ သဇင်ဝါလောက် အမွှေးရနံ့နည်းကြောင်း၊ သဇင်ဝါသည် အပွင့်သေး၍ ရိုးတံ၌အဆုပ်လိုက် အခိုင်လိုက်ပွင့်၍ ရနံအလွန် မွှေးကြောင်း၊ သဇင်နက်နှင့် သဇင်နီသည် ရှားပါးပြီး အတွေ့ရအလွန်နည်းကြောင်း၊ သဇင်နက်ပွင့်သည် မီးသွေးခဲကဲ့သို့နက်မှောင်၍ သဇင်ဥမှာစိမ်းပြီး ရှာပါးလွန်းကြောင်း၊ သဇင်ပန်းများသည် တစ်နှစ်တစ်ခါသာပွင့်သော အပင်မျိုးဖြစ်၍ နတ်တော်လ၊ ပြာသိုလများတွင် လှိုင်လှိုင်ပွင့်ကြောင်း၊ စာပေများမှ လေ့လာသိရှိရသည်။

DOCA(မန္တလေး)  

      မန္တလေးစျေးကွက်သို့  မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်နယ်နှင့် မွန်ပြည်နယ်တို့မှထွက်သည့် ကျွဲကောသီးများဝင်ရောက်မှုများပြားလျက်ရှိပြီး၊ နတ်တော်လဆန်းတွင် စျေးငြိမ်ကာ အရောင်းသွက်လျက်ရှိကြောင်း သိရှိရပါသည်။၂၀၂၅ ခုနှစ်နိုဝင်ဘာ လ စတုတ္ထပတ်အတွင်း ဖြစ်ပေါ်သည့်စျေးနှုန်းများမှာ ကျွဲကောသီး ၁ လုံးလျှင် အလုံး(ကြီး) ၅၀၀၀ ကျပ်နှင့် ၇၀၀၀ကျပ်၊ အလုံး(လတ်) ၄၀၀၀ ကျပ်နှင့် ၄၅၀၀ ကျပ်၊ အလုံး(သေး) ၃၀၀၀ ကျပ်နှင့် ၃၅၀၀ ကျပ်စျေးတို့ဖြင့် အလုံးအရွယ်အစားအပေါ်မူတည်၍ စျေးကွာခြားမှုရှိကြောင်း သိရှိရပါသည်။ သစ်သီးမျိုးစုံစျေးကွက်အတွင်း မော်လမြိုင်ကျွဲကောသီးမှာ အရည်ရွှမ်းကာ အချဉ်ဓါတ်လျော့နည်းသည့်အတွက် စားသုံးသူများကြိုက်နှစ်သက်ကာ အရောင်းသွက်လျက်ရှိကြောင်း   ရှမ်းစျေးရှိ စျေးသည်တစ်ဦး၏ပြောပြချက်အရ သိရှိရပါသည်။

DOCA(မန္တလေး)