သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံဒေါ်ဇင်မာသန်းနှင့် ဝန်ထမ်းများသည်(၁၉.၈.၂၀၂၅)ရက်နေ့၊ နံနက်(၈:၀၀)အချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် သာသနာဗိမာန်ကျောင်းရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

       ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀)အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူ များအား မည်သူမဆိုလွတ်လပ်စွာဝယ် ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်အိမ်မဲမြို့နယ် တာဝန်ခံ ဒေါ်ဇင်မာသန်းနှင့် ဝန်ထမ်းများသည်(၁၈.၈.၂၀၂၅) ရက်နေ့၊နေ့လယ် (၁၅:၀၀) အချိန်တွင် မြို့နယ် တာဝန်ခံရုံး၌ စားသုံးဆီ လက်လီ/လက္ကား အရောင်းဆိုင်လုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါ သည်။

      ထို့သို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးဆီရောင်းချသူ စီးပွားရေးလုပ်ငန်းရှင်များအား ခေါ်ယူတွေ့ဆုံ၍  စားသုံးဆီရောင်းချသော လုပ်ငန်းရှင်များအနေဖြင့် ရောနှောဆီများ ပြုလုပ်ရောင်းချမှုမရှိစေရေး၊ သတ်မှတ်ရည်ညွှန်းဈေးထက် ပိုမိုရောင်းချခြင်းမပြုလုပ်ကြရန်၊ ဈေးနှုန်းမြင့် တင်ရောင်းချခြင်းစစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူ ဆောင်ရွက်သွားမည် ဖြစ်ကြောင်း အသေးစိတ်ရှင်းလင်းဆွေးနွေးခဲ့ပြီး၊ မြို့နယ်ဦးစီးမှူးမှ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ ပါပြဌာန်းချက်များမှ အခန်း(၁၈)ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်အညွှန်းပြည့်စုံစွာဖော်ပြထားသော  ကုန်စည်များကိုသာရောင်းချကြရန်၊ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား အသေးစိတ်ရှင်းလင်း ဟောပြောခဲ့ပြီး စားသုံးဆီလုပ်ငန်းရှင်များအား အသိပေးဆွေးနွေးဟောပြောခဲ့ပါသည်။ တက်ရောက်လာသောဆီလုပ်ငန်းရှင်များမှ သိရှိလိုသည့်မေးမြန်းချက်များအား မြို့နယ်ဦးစီးမှူးမှ ပြန်လည်ရှင်းလင်း ဆွေးနွေးခဲ့ပါသည်။ ဟောပြောပွဲသို့ စားသုံးဆီ လက်လီ/ လက္ကား အရောင်းဆိုင်ပိုင်ရှင် စီးပွားရေးလုပ်ငန်းရှင် (၃၀)ဦး တက်ရောက်ခဲ့ပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံဒေါ်ဇင်မာသန်းနှင့် ဝန်ထမ်းများသည်(၁၈.၈.၂၀၂၅)ရက်နေ့၊ နံနက်(၈:၀၀)အချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် သာသနာဗိမာန်ကျောင်းရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

          ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀)အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူများအား မည်သူမဆိုလွတ်လပ်စွာဝယ်ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)

         ကျောက်ဆည်မြို့ တစ်လပွဲဈေးတွင် ကောက်ညှင်းကျည်တောက် ရောင်းချသူများ လာရောက်ရောင်းဝယ်လျက်ရှိရာ စားသုံးသူဝယ်ယူသူများပြားလျက်ရှိကြောင်း သိရှိရသဖြင့် ကောက်ညှင်းကျည်တောက်ရောင်းချသူနှင့် သွားရောက်တွေ့ဆုံမေးမြန်းခဲ့ရာ ကောက်ညှင်းကျည်တောက်ကို ပေါင်းတင်ဝါးဖြင့် ပြုလုပ်ရောင်းချကြောင်း၊ ကုန်ကြမ်းအနေဖြင့် ကောက်ညှင်းအဖြူနှင့် ပေါင်းတင်ဝါး၊ အုန်းသီးဖြင့် ပြုလုပ်ရောင်းချကြောင်း၊ ကောက်ညှင်း ဆန် (၅)ပြည်လျှင် အုန်းသီးတစ်လုံးထည့်၍ ပြုလုပ်ကြောင်း၊ ကောက်ညှင်းကို ရေဆေးပြီး ပွလာအောင် (၄)နာရီခန့် ရေစိမ်ပေးရကြောင်း၊ အုန်းသီးစံကို ပါးပါးလှီးပေးရကြောင်း၊ ဝါးအတွင်းသို့ သန့်စင်အောင် ရေဆေးပေးရကြောင်း၊ အုန်းသီး၊ ကောက်ညှင်းနှင့် ဆားအနည်းငယ်ရော၍ သမအောင်မွှေပေးရကြောင်း၊ သမအောင်နယ်ထားသော ကောက်ညှင်းများကို ဝါးထဲသို့ဇွန်းဖြင့် ဖြေးဖြေးချင်းထည့်ပေးရကြောင်း၊ ကောက်ညှင်းတစ်ဇွန်း ထည့်လျှင် ရေအနည်းငယ်ထည့်ပေးရကြောင်း၊ ရေများလျှင် ကောက်ညှင်းပျော့သွားကြောင်း၊ ဝါးအတွင်းသို့ ထည့်ပြီးပါက ငှက်ပျောဖက်ဖြင့် ထိပ်ဝသို့ ပိတ်၍မွေးသွေးဖိုတွင် နာရီဝက် (သို့မဟုတ်) ၄၅ မိနစ်ခန့်ကြာအောင် ကောက်ညှင်းကျည်ထောက်ကို မီးကင်ပေးရကြောင်း၊ ဝါးမီးကျွမ်းပြီး ငှက်ပျောဖက်လဲ မီးကျွမ်းပါက ကောက်ညှင်းကျည်ထောက် ကျက်ပြီဖြစ်ကြောင်း၊ ရောင်းတန်းဝင်ရန်အတွက် အပေါ်ရံမည်းနေသော ဝါးများကို တစ်ထပ်ခွာပေးရကြောင်း၊ ခွာပြီးပါက အသင့်စားသုံး ၍ရပြီဖြစ်ကြောင်း၊ ကောက်ညှင်းတင်းဝါး တစ်ချောင်းလျှင် အရှည် (၂၂)လက်မ၊ (၁၂) လက်မ ဝန်းကျင်ဖြင့် ပြုလုပ်ကြောင်း၊ ကောက်ညှင်းပြုလုပ်ရာတွင် ကောက်ညှင်းဆန်ကို အရှည် (၂၂)လက်မ တွင် ကောက်ညှင်းအလေးချိန်မှာ (၅၀)ကျပ်သား ခန့်ရှိပြီး၊ (၁၂)လက်မ တစ်ချောင်းတွင် (၂၅)ကျပ် သား ခန့်ပါရှိကြောင်း၊ ကောက်ညှင်းဆန်၊ အုန်းသီး၊ တင်းဝါးနှင့် လုပ်အားခအပါအဝင် တစ်ချောင်းကို အတို/အရှည်ပေါ်မူတည်၍ စုစုပေါင်းကုန်ကျငွေ (၂၅၀၀-၃၀၀၀)ကျပ်ခန့် ကုန်ကျကြောင်း၊ ပြန်ရောင်းလျှင် (၂၂)လက်မ တစ်ချောင်းလျှင် (၁၀၀၀၀/- )ကျပ်၊ (၁၂) လက်မ တစ်ချောင်းလျှင် (၅၀၀၀/-)ကျပ် ရောင်းဝယ်လျက်ရှိကြောင်း၊ ကောက်ညှင်းကျည်တောက်ကို စားသုံးသူများပြား သောကြောင့် တစ်ရက်လျှင် (၃၀) မှ (၅၀)အထိ ရောင်းချရသဖြင့် စီးပွားဖြစ်ဝင်ငွေတိုးကြောင်း ကောက်ညှင်းကျည်တောက်ရောင်းချသူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

        ကျုံပျော်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ၁၈.၈.၂၀၂၅ ရက်နေ့ ၊ နံနက် (၇:၃၀) အချိန်တွင် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်မှ တာဝန်ရှိသူများနှင့်အတူ အစားအသောက်ရောင်းချ သည့် ဝန်ဆောင်မှုလုပ်ငန်းဖြစ်သော ဗိုလ်ချုပ်လမ်း၊တေဇရပ်ကွက်ရှိ“ဖြိုးလေး” စားဖွယ်စုံဆိုင်သို့ သွားရောက်၍ အစားအသောက် ချက်ပြုတ်ပြင်ဆင်သည့်နေရာများ ၏သန့်ရှင်းမှုအခြေအနေ၊ ဝန်ဆောင်မှုပေးသူများ၏ တစ်ကိုယ်ရည်သန့်ရှင်းမှု၊ အစားအသောက် များ လတ်ဆတ်သန့်ရှင်းမှု ရှိ၊မရှိအခြေအနေများ၊ စားသောက်ဆိုင်မှ စားသုံးသူသို့ ပေးနိုင်သည့် ဝန်ဆောင်မှုနှင့် စပ်လျှဉ်း၍ လုံလောက် သည့် သတင်းအချက်အလက် အသိပေးထားရှိမှု နှင့် ရရှိနိုင် မည့် စားသောက်ဖွယ်ရာများ၏ အမျိုးအစားအလိုက် ပွင့်လင်းမြင်သာစွာ ဖော်ပြထားရှိမှု ရှိ၊ မရှိတို့ အား ကွင်းဆင်းစစ်ဆေး ဆောင်ရွက် ခဲ့ပြီး လုပ်ငန်းရှင်အား မိမိဆိုင်၏ အစားအသောက်နှင့် ဝန်ဆောင်မှုများမှ စားသုံးသူ ထိခိုက်နစ်နာမှု မရှိစေရေး အသိပညာပေး ဆွေးနွေးဆောင်ရွက်ခဲ့ ကြောင်း သိရှိရပါသည်။

(DOCA)ဧရာဝတီ