သတင်းနှင့် လှုပ်ရှားမှုများ

     ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံးတွင် အခါအား လျော်စွာ သင်တန်းများကို ဟောပြောပို့ချလျက်ရှိရာ ၁၁.၉.၂၀၂၅ ရက်နေ့တွင် ထုတ်ကုန်လုံခြုံ စိတ်ချရမှုဌာန/ CICCဌာခွဲတာဝန်ခံ ဦးစီးအရာရှိ ဦးကျော်ဆန်းဝင်းမှ တိုင်းဒေသကြီးဦးစီးမှူးရုံးရှိ ဝန်ထမ်းများအား စားသုံးသူကာကွယ်ရေးဥပဒေပါ အခန်း(၇)အား ဆွေးနွေးဟောပြောခဲ့ကြောင်း သတင်းရရှိပါသည်။

    ဆွေးနွေးဟောပြောရာတွင် စားသုံးသူကာကွယ်ရေးဥပဒေနှင့် နည်းဥပဒေများသည် စားသုံး သူရေးရာဦးစီးဌာနမှ ဝန်ထမ်းများအတွက် အလွန်အရေးကြီးကြောင်း၊ ဝန်ထမ်းများအနေဖြင့် စားသုံးသူကာကွယ်ရေးဥပဒေနှင့် နည်းဥပဒေများ၏ အဓိပ္ပာယ်နှင့် သဘောတရားများကို ကျေညက်နေရမည်ဖြစ်ကြောင်း၊ စားသုံးသူကာကွယ်ရေးဥပဒေ အခန်း(၇)ပါ စားသုံးသူရေးရာကော်မတီ ဖွဲ့စည်းခြင်းအကြောင်း၊ ရည်ရွယ်ချက်နှင့် ကော်မတီအဖွဲ့ဝင်ဦးရေကိုလည်း ငါးဦးမှ ကိုးဦးအထိ “မ” ဂဏန်းဖြင့်သာ ဖွဲ့စည်းရမည့်အကြောင်းကိုလည်း အသေးစိတ်ရှင်းလင်းဟောပြောခဲ့ရာ တက်ရောက် လာသောဝန်ထမ်းများကလည်း မရှင်းလင်းသည်ကို ဆွေးနွေးမေးမြန်းခဲ့သည်ဟု သတင်းရရှိပါသည်။

DOCA(ပဲခူး)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် ဦးစီးအရာရှိ ဒေါ်ကြည်ကြည်စိုးနှင့် ဝန်ထမ်းများသည် (၁၅.၉.၂၀၂၅)ရက်နေ့၊ နံနက်(၀၉:၀၀) နာရီအချိန်တွင် ပခုက္ကူမြို့၊ အမှတ်(၄)၊ အခြေခံပညာအထက်တန်း ကျောင်း၌ စားသုံးသူကာကွယ်ရေးအသိပညာ ပေးဟောပြောပွဲပြုလုပ်ခဲ့ရာ ဆရာ/ဆရာမ(၇)ဦး နှင့် ကျောင်းသား/ကျောင်းသူ(၈၇)ဦး၊ စုစုပေါင်း (၉၄)ဦး တက်ရောက်ခဲ့ကြောင်း သိရသည်။

အဆိုပါ ဟောပြောပွဲတွင် ဦးစီးအရာရှိ ဒေါ်ကြည်ကြည်စိုးက  စားသုံးသူရေးရာဦးစီးဌာန၏ သမိုင်းကြောင်း၊ ဌာနဖြစ်ပေါ်လာပုံအဆင့်ဆင့်၊ ဌာနမှ ဆောင်ရွက်နေသည့်လုပ်ငန်းများအကြောင်း၊ ဆောင်ပုဒ်၊ မျှော်မှန်းချက်၊ ရည်မှန်းချက်များနှင့် စားသုံးသူ၏အခွင့်အရေးနှင့်တာဝန်များအကြောင်း အားလည်းကောင်း၊  ဒု-ဦးစီးမှူး ဒေါ်ပပရွှေက စားသုံးသူကာကွယ်ရေး ဥပဒေ အခန်း(၁၈)ပါ ကုန်စည် များတွင် ဖော်ပြရမည့်ကုန်အညွှန်း အမှတ်အသားများအကြောင်းနှင့် Online လုပ်ငန်းမှတ်ပုံတင်ခြင်း ဆိုင်ရာ အကြောင်းအားလည်းကောင်း၊ အကြီးတန်းစာရေး ဒေါ်ခိုင်ဇင်ကျော်က စားသုံးသူအခွင့် အရေးများကို သိရှိနားလည်ပြီး နစ်နာဆုံးရှုံးမှုရှိခဲ့လျှင် တိုင်ကြားနိုင်ရန်၊ တိုင်ကြား နိုင်သည့် လူပုဂ္ဂိုလ်များ၊ နေရာနှင့်နည်းလမ်းများ အကြောင်းအားလည်းကောင်း အသေးစိတ်ရှင်းလင်းဆွေးနွေး ခဲ့ပြီး စားသုံးသူကာကွယ်ရေးလက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် ဦးစီးမှူး ဦးမြတ်မင်းနှင့် ဝန်ထမ်းများသည် (၁၂.၉.၂၀၂၅) ရက်နေ့၊ နံနက် (၀၉:၁၅)နာရီအချိန်တွင် ပခုက္ကူမြို့၊ အမှတ်(၄)၊ အခြေခံပညာမူလတန်းကျောင်း၌ စားသုံးသူကာကွယ် ရေးအသိပညာ ပေးဟောပြောပွဲပြု လုပ်ခဲ့ရာ ဆရာ/ဆရာမ(၁၄)ဦးနှင့် ကျောင်းသား/ကျောင်းသူ (၂၇၀)ဦး၊ စုစုပေါင်း(၂၈၄)ဦးတက် ရောက်ခဲ့ ကြောင်း သိရသည်။

   အဆိုပါ ဟောပြောပွဲတွင် ဦးမြတ်မင်းက  စားသုံးသူရေးရာဦးစီးဌာန၏ ဆောင်ရွက်နေသည့် လုပ်ငန်းများအကြောင်း၊ ဆောင်ပုဒ်၊ မျှော်မှန်းချက်၊ ရည်မှန်းချက်များ၊ အခွင့်အရေးများကို သိရှိပြီး နစ်နာဆုံးရှုံးမှုရှိခဲ့လျှင် တိုင်ကြားနိုင်ရန်နှင့် တိုင်ကြားနိုင်သည့် နေရာနှင့်နည်းလမ်းများအကြောင်း၊ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးစင်တာ “CICC” ရုံးများ ဖွင့်လှစ်ထားရှိပြီးဖြစ်ကြောင်း၊ Consumer Call Center ဖုန်းနံပါတ်(1535)သို့လည်းခေါ်ဆို၍ တိုင်ကြားနိုင်ကြောင်းနှင့် ဒု-ဦးစီးမှူး ဒေါ်လှိုင်ဥမ္မာဦး က စားသုံးသူ၏အခွင့်အရေးနှင့်တာဝန်များအကြောင်းကို လည်းကောင်း၊ အငယ်တန်းစာရေး ဒေါ်သန္တာခင်က စားသုံးသူကာကွယ်ရေး ဥပဒေအခန်း(၁၈)ပါ ကုန်စည်များတွင် ဖော်ပြရမည့် ကုန်အညွှန်းအမှတ်အသား အကြောင်းကိုလည်းကောင်း အသီးသီး အသိပညာပေးဟောပြောဆွေးနွေးခဲ့ကြောင်း သိရှိရပါသည်။

DOCA(မကွေး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ အနီးကပ်ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံ ဒေါ်နွယ်နွယ်အေးနှင့် ဝန်ထမ်းများသည်  (၁၂.၉.၂၀၂၅)ရက်နေ့၊ နေ့လယ်(၁၄:၀၀)အချိန်တွင် ပခုက္ကူ မြို့၊ အမှတ်(၈)ရပ်ကွက်ရှိ စားသုံးဆီရောင်းချသော လုပ်ငန်းရှင်နှင့်တွေ့ဆုံ၍ အသိပညာပေး ဆွေးနွေးခဲ့ကြောင်း သိရသည်။

   စားသုံးဌာနခွဲတာဝန်ခံက ဆွေးနွေးရာတွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန မှ ဟင်းသီး ဟင်းရွက်ဆီ(Vegetable Oil, Cooking Oil )နှင့်စပ်လျဉ်း၍ ကုန်အညွှန်း အမှတ်အသား ဖော်ပြရာတွင် ပါဝင်ပစ္စည်းကို တိကျစွာ မြန်မာဘာသာဖြင့်ဖော်ပြရန် (ဥပမာ- ဟင်းသီးဟင်းရွက်ဆီ (စားအုန်းဆီ၊ (အဆင့်မြင့် စားအုန်းဆီ)နှင့် ကုန်စည်၏ အသားတင်ပမာဏနှင့် အရွယ်အစားတို့အား မြန်မာအလေးချိန် ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ် ကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ မြန်မာနိုင်ငံစားသုံးသူ ကာကွယ်ရေး ကော်မရှင်၏ ညွှန်ကြားချက်(၂/၂၀၁၉)ပါ ကုန်စည် အုပ်စု(က)ရှိ စားသုံးဆီအမျိုးမျိုး တွင် မြန်မာဘာသာဖြင့် ထည့်သွင်းရမည့် အချက်များ၊ လုပ်ငန်းရှင်များအနေဖြင့် ကုန်စည်၏အရည် အသွေးအချင်အတွယ်ပမာဏနှင့် အလေးချိန်မှန်ကန်မှုရှိစေရန်လိုအပ်ကြောင်း၊ မိမိတို့ထုတ်လုပ် ဖြန့်ဖြူးရောင်းချသော စားသုံးဆီများအား အရည်အသွေး ကိုအဓိကထား၍ ထင်ယောင်ထင်မှား မဖြစ်စေရန် ရောင်းချစေလိုကြောင်း ဆွေးနွေးခဲ့ပြီး လက်ကမ်းစာစောင်များအားဖြန့်ဝေခဲ့ကြောင်း သိရှိရပါသည်။

DOCA(မကွေး)

     ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် အွန်လိုင်းစနစ်ဖြင့် ရောင်းချခြင်းလုပ်ငန်းများကို မှတ်ပုံတင်လက်မှတ် စိစစ်ထုတ်ပေးခြင်း၊ မြေပြင် လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/မရှိတို့ကို ကြိုးစားပမ်းစား ဆောင်ရွက်လျက်ရှိရာ  ၃.၉.၂၀၂၅ ရက်နေ့၌ ညောင်လေးပင်မြို့ရှိ  အွန်လိုင်းလုပ်ငန်းတစ်ခုအား သွားရောက်စစ်ဆေးခဲ့ ကြောင်း သိရှိရပါသည်။

    ညောင်လေးပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးရဲမင်းထွဋ်နှင့် အငယ်တန်းစာရေး ဒေါ်ဝါဝါအာင်တို့သည် အမှတ် (၆၂)၊ ဘုရားကြီးလမ်း၊ မြို့မ (၂) ရပ်ကွက်၊ ညောင်လေးပင်မြို့ရှိ “မိုးနတ်မယ်” အွန်လိုင်းအမည်ဖြင့် အထည်လက်ကားဖြန့်ချိရေးကို မှတ်ပုံတင်ထားရှိမှုအား ကွင်းဆင်းစစ်ဆေးခဲ့ပါသည်။ စစ်ဆေးရာတွင် ခရိုင်ဦးစီးမှူးက လျှောက်လွှာပုံစံတွင် ဖြည့်သွင်းထား သည့်လိပ်စာအတိုင်း လုပ်ငန်းအမှန်တကယ် တည်ရှိရမည်ဖြစ်ကြောင်း၊ ရောင်းချရန်တင်ပြထားသော ကုန်ပစ္စည်း(သို့)ဝန်ဆောင်မှုအမျိုးအစား စာရင်းအတိုင်း မြေပြင်တွင် အမှန်တကယ်ရောင်းချရန်၊ လျှောက်လွှာတွင် ဖြည့်သွင်းထားသည်များနှင့် မကိုက်ညီလျှင် စားသုံးသူကာကွယ်ရေးဥပဒေအရ အရေးယူခံရမည်ဖြစ်ကြောင်းတို့ကို အကျယ်တဝင့် ဟောပြောရှင်းပြခဲ့ကြောင်း သတင်းရရှိပါသည်။ “မိုးနတ်မယ်” အထည်လက်ကားဖြန့်ချိရေးသည် အထည်အလိပ်၊ အဝတ်အထည်နှင့် ဆက်စပ်ပစ္စည်း များကို အွန်လိုင်းမှတစ်ဆင့် ဖြန့်ချိရောင်းချမည်ဖြစ်ကြောင်း သတင်းရရှိပါသည်။

DOCA(ပဲခူး)