သတင်းနှင့် လှုပ်ရှားမှုများ

     မကွေးတိုင်းဒေသကြီးအစိုးရအဖွဲ့ဝန်ကြီးချုပ်၏လမ်းညွှန်ချက်နှင့်အညီတိုင်းဒေသကြီးအတွင်းရှိ နိုင်ငံ့ဝန်ထမ်းပင်စင်စားများအား ၂၀၂၄-ခုနှစ်၊ နိုဝင်ဘာလမှစ၍ လစဉ်ပင်စင်ထုတ်သည့်ရက်တွင် သက်သာသောစျေးနှုန်းဖြင့် စားအုန်းဆီများအား ပင်စင်စားဝန်ထမ်း(၁)ဦးလျှင် (၁)ပိဿာနှုန်းဖြင့် ရောင်းချပေးခြင်းကို ပင်စင်စတင်ထုတ်ယူသည့် (၂၁)ရက်နေ့မှ လကုန်ရက်အထိ ရုံးပိတ်ရက်မပါ ဆောင်ရွက်လျက်ရှိကြောင်း သိရှိရပါသည်။

     ထိုသို့ ဆောင်ရွက်ရာ(၂၂.၉.၂၀၂၅)ရက်နေ့မှ စတင်ပြီး စီးပွားရေးဘဏ်တွင် နိုင်ငံ့ဝန်ထမ်း ပင်စင်စား (၁)ဦးလျှင် စားအုန်းဆီ (၁)ပိဿာနှုန်းဖြင့် ၎င်းတို့ ဝယ်ယူနိုင်သည့် အနေအထား ပေါ်မူတည်၍ ဆီ(၅၀)ကျပ်သား ဝယ်ယူလိုပါကလည်း ဝယ်ယူနိုင်ကြောင်း စီစဉ်ဆောင်ရွက်လျက် ရှိပြီး သက်သာသော စျေးနှုန်းဖြင့် စားအုန်းဆီရောင်းချပေးရာတွင်လည်း စားသုံးသူရေးရာဦးစီးဌာန၊ မကွေး/ ချောက်ခရိုင်ဦးစီးမှူးရုံး၊ ဝန်ထမ်းများမှ ပင်စင်စားဝန်ထမ်းများအား စနစ်တကျဝယ်ယူရရှိ စေ‌ရေး၊ အချိန်အတွယ်ပြည့်ဝစေရေး၊ အရည်အသွေးကောင်းမွန်စေရေးတို့ရှိစေရန် ကြီးကြပ်ဆောင် ရွက်လျက်ရှိကြောင်း သိရှိရပါသည်။

DOCA(မကွေး)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ပခုက္ကူခရိုင်ဦးစီးမှူး၏ကြီးကြပ်မှုဖြင့် ဆိပ်ဖြူမြို့ နယ်တာဝန်ခံနှင့် ဝန်ထမ်းသည် (၁၆.၉.၂၀၂၅)ရက်နေ့၊ နံနက်(၉:၀၀)နာရီအချိန်တွင် စားသုံးသူများ ဘေးကင်းလုံခြုံမှုရှိစေရေးနှင့် ထုတ်ကုန်များလုံခြုံစိတ်ချရမှုရှိစေရေးအတွက် ဆိပ်ဖြူမြို့၊ အနောက် ပိုင်းရပ်ကွက်ရှိ "ကြည်သာ" သောက်ရေသန့်လုပ်ငန်းရှင်အား အသိပညာပေးဆွေးနွေးခဲ့ကြောင်း သိရှိရပါသည်။

    ဆိပ်ဖြူမြို့နယ်တာဝန်ခံက သောက်ရေသန့်များ ထုတ်လုပ်ရောင်းချခြင်းနှင့်ပတ်သက်၍ စားသုံးသူကာကွယ်ရေးဥပဒေ(၂၀၁၉)ပါ စီးပွားရေးလုပ်ငန်းရှင်များ၏ တာဝန်များ၊ ကုန်စည်(သို့) ဝန်ဆောင်မှုနှင့်စပ်လျဉ်း၍ စားသုံးသူများ ဘေးကင်းလုံခြုံစိတ်ချရမှုရှိစေရေးအတွက် သောက်ရေသန့် ထုတ်လုပ်ရောင်းဝယ်ရေးလုပ်ငန်းရှင်များမှ အဆင့်ဆင့်ကျိုချက်ထုတ်လုပ်ရာတွင် သန့်ရှင်းသပ်ရပ်စွာ ဖြင့် ထုတ်လုပ်ဆောင်ရွက်ရေး၊ စားသုံးသူဘေးအန္တရာယ်ကင်းရှင်းစေရန်အတွက် ရေသန့်ဘူးများကို သန့်ရှင်းသပ်ရပ်စွာပြုလုပ်ပြီး ကုန်စည်ပေါ်တွင် စားသုံးသူများ မြင်သာအောင် ကုန်အညွှန်းအမှတ် အသား ပြည့်စုံစွာရေးသားဖော်ပြပြီး ရောင်းချသွားရန်နှင့် စားသုံးသူများ ဝယ်ယူသုံးစွဲရာတွင် နစ်နာမှု မရှိစေရေး၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် (၂/၂၀၁၉)နှင့်အညီ ပြည့်စုံစွာ ဖော်ပြလာစေရေးနှင့် မြန်မာဘာသာဖြင့်ဖော်ပြရမည့် ကုန်ပစ္စည်းအမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်းတို့ကို ထည့်သွင်းဖော်ပြ ရမည်ဖြစ်ပြီး ကုန်အညွှန်းအမှတ်အသား ပြည့်စုံခြင်းမရှိသော သောက်ရေသန့်များ ဈေးကွက်အတွင်း ရောင်းချသည်ကို စစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်အား အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

       စားသုံးသူရေးရာဦးစီးဌာန၊ မကွေးတိုင်းဒေသကြီး၊ မ‌ကွေးခရိုင်၊ မြို့သစ်မြို့နယ်တာဝန်ခံသည် (၁၉.၉.၂၀၂၅)ရက်နေ့၊ နေ့လယ်(၁၄:၀၀)အချိန်တွင် တလုပ်ပင်ကျေးရွာရှိ အခြေခံပညာအလယ်တန်း ကျောင်း(ခွဲ)၌ ဆရာ/ ဆရာမ(၅)ဦး၊ ကျောင်းသား/ ကျောင်းသူ(၉၅)ဦး၊ စုစုပေါင်း (၁၀၀)ဦးအား စားသုံးသူကာကွယ်ရေးအသိပညာပေးဟောပြောပွဲကို ကျင်းပပြုလုပ်ခဲ့ကြောင်း သိရသည်။

          မြို့သစ်မြို့နယ်တာဝန်ခံက ကျောင်းသား/ ကျောင်းသူများအား စားသုံးသူရေးရာဦးစီးဌာနမှ ထုတ်ပြန်ထားသည့် စားသုံးသူကာကွယ်ရေးဥပဒေ- ၂၀၁၉ပါ စားသုံးသူကာကွယ်ရေး၏ အဓိပ္ပာယ် ဖွင့်ဆိုချက်များ၊ စားသုံးသူရသင့်သည့် အခွင့်အရေး(၈)ချက်၊ လိုက်နာရမည့်တာဝန်(၄)ရပ်၊ ကုန်စည် နှင့် အစားအစာများဝယ်ယူသုံးစွဲရာတွင် သတိပြုရမည့် ကုန်အညွှန်းအမှတ်အသားဆိုင်ရာ သတ်မှတ် ချက်များ စားသုံးသူများနစ်နာ ဆုံးရှုံးမှုဖြစ်ပေါ်လာပါက တိုင်ကြားပုံနည်းလမ်းများ၊ ကုန်စည်များ ဝယ်ယူပါက သတိပြုရမည့်အချက် အလက်များအား အသေးစိတ်ရှင်းလင်းဆွေးနွေးခဲ့ကြောင်း သိရှိရ ပါသည်။

DOCA(မကွေး)

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ရေနံချောင်းမြို့နယ် တာဝန်ခံသည် (၁၇.၉.၂၀၂၅)ရက်နေ့၊ နေ့လယ်(၁၃:၀၀)အချိန်တွင် ရေနံချောင်းမြို့၊ ဆုံတိုက်ရပ်ကွက်ရှိ အခြေခံပညာအထက်တန်း(လည်ပေါ်)ကျောင်း၌ ဆရာ/ဆရာမများနှင့် ကျောင်းသား/ ကျောင်းသူများကို စားသုံးသူကာကွယ်ရေးအသိပညာ ပေးဟောပြောပွဲပြုလုပ်ခဲ့ကြောင်း သိရပါသည်။

   အဆိုပါ ဟောပြောပွဲတွင် စားသုံးသူရေးရာဦးစီးဌာန၊ ရေနံချောင်းမြို့နယ်တာဝန်ခံ ဒေါ်ချိုဝေလွင်က ဌာန၏ မျှော်မှန်းချက်၊ ရည်မှန်းချက်များနှင့် ဆောင်ပုဒ်များ၊ စားသုံးသူကာကွယ်ရေး ဥပဒေပါ အခန်း(၁၈)၊ ပုဒ်မ (၄၁)အရ ကုန်စည်တစ်ခုတွင်ပါဝင်ရမည့် ကုန်အညွှန်းအမှတ်အသား ဖော်ပြခြင်းအား ဟောပြောပြီး မြို့နယ်ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ ဦးစီးအရာရှိ ဒေါ်ချိုမီအောင်က လူငယ်စကားဝိုင်းအား ကျောင်းသား/ ကျောင်းသူများနှင့် ဆွေးနွေးခဲ့ကြောင်း သိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးမှူး ဒေါ်ဇာခြည်အောင်နှင့် ဝန်ထမ်း များသည် ၂၂-၉-၂၀၂၅ ရက်၊ တနင်္လာနေ့ နံနက် ၁၀:၀၀ နာရီအချိန်တွင် ကရင်ပြည်နယ်၊ ဘားအံမြို့ရှိ အ.ထ.က(၅)၊ အခြေခံပညာအထက်တန်းကျောင်းရှိ (ကျောင်းသား၊ ကျောင်းသူ) များအား စားသုံးသူ ကာကွယ်‌ရေးဆိုင်ရာ သိကောင်းစရာအကြောင်းကို အသိပညာပေးဟောပြောခဲ့ကြောင်း သိရှိရသည်။

     အဆိုပါဟောပြောပွဲတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဒု-ဦးစီးမှူး ဦးအောင်ထွန်းမြ က  စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များအကြောင်း စားသုံးသူကာကွယ်ရေး အကြောင်းသိကောင်းစရာများ၊ ထုတ်ကုန်လုံခြုံစိတ်ချရမှုရှိသော အစားအသောက်နှင့်ကုန်စည်များကို စနစ်တကျရွှေးချယ်ဝယ်ယူ စားသောက်သုံးစွဲတတ်စေရန်အတွက် ကုန်ညွှန်းအမှတ်အသားအကြောင်းကို  ကျောင်းသား၊ ကျောင်းသူများအား မုန့်နမူနာများဖြင့် ရှင်းလင်းပြောကြားခဲ့ပါသည်။ ဆက်လက်၍ ဒု-ဦးစီးမှူး ဒေါ်စုနွေးသီရိမောင်က စားသုံးသူများ နစ်နာဆုံးရှုံးမှုများရှိလျှင် တိုင်ကြားနိုင်ရန် Call Center (1535)အားလက်တွေ့ ခေါ်ယူမေးမြန်းခြင်း၊ ဆရာ၊ ဆရာမ (၁၅) ဦး၊  ကျောင်းသား၊ ကျောင်းသူများ (၇၀)ဦး စုစုပေါင်း ဦးရေ(၈၅) တက်ရောက်ပြီး  လက်ကမ်းစာစောင်များလည်း ဖြန့်ဝေခဲ့ကြောင်း သိရှိရပါသည်။

DOCA(ကရင်)