သတင်းနှင့် လှုပ်ရှားမှုများ

(၁၈.၉.၂၀၂၅) ရက်နေ့ နံနက် (၁၀:၀၀) နာရီမှ (၁၂:၀၀) နာရီအချိန်တွင် ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ရှိ ဦးအောင်ကျော်နှင့် ဝန်ထမ်းများသည် ပန်းတနော်မြို့နယ် အလယ်ပိုင်းရပ်ကွက်အမှတ်(၄)အခြေခံပညာအထက်တန်းကျောင်းတွင် တိုင်းရင်းဆေး ပညာဦးစီးဌာနနှင့်ပူးပေါင်း၍ စားသုံးသူရေးရာအသိပညာပေးဟောပြောခြင်းနှင့် တိုင်းရင်းဆေးပညာ (အခမဲ့)ကုသပေးခြင်းများ ဆောင်ရွက်ခဲ့ပါသည်။

  အဆိုပါဟောပြောပွဲတွင် စားသုံးသူရေးရာဦးစီးဌာနမှ ဦးအောင်ကျော်က ကျောင်းသား၊ ကျောင်းသူများအား စားသုံးရန်မသင့်သော အစား အသောက်များအကြောင်း၊ ကျောင်းမုန်းဈေးတန်းရှိ မုန့်များကို ရွေးချယ်ဝယ်ယူရာတွင် ကုန်အညွှန်းအမှတ်အသားပါဝင်သော ကုန်အမှတ်တံဆိပ်ပါဝင်သော၊ ထုတ်လုပ် ရက်စွဲ၊ သက်တမ်းကုန်ဆုံးရက်စွဲ၊ ထုတ်လုပ်သူ၏လိပ်စာ၊လုပ်ငန်းအမည်နှင့် လိပ်စာ၊ ကုန်ကြမ်းပါဝင်မှု အမျိုးအမည်၊ ပမဏ၊ပါဝင်မှုအချိုးအစား စသည့်အချက်များပါဝင်သော မုန့်များကိုဝယ်ယူသုံးစွဲတက်ရန် ဥပမာပေး ရှင်းလင်းဟောပြောပြီး၊ စားသုံးသူတို့တွင် အခွင့်အရေးများရှိသည့် စားသုံးသူတို့၏ အခွင့်အရေးနှင့်တာဝန်များ၊ စားသုံးသူတို့သည် ကုန်စည်တစ်ခုကြောင့် နစ်နာဆုံးရှုံးမှုရှိလာပါက စားသုံးသူ ရေးရာဦးစီးဌာနသို့ တိုင်ကြားနိုင်သည့်နည်းလမ်းများအကြောင်းကို ဟောပြောရှင်းလင်းပြီး ကျောင်းသား/ ကျောင်းသူ-(၉၀)ဦးဆရာ/ဆရာမ-(၅)ဦးတက်ရောက် ခဲ့ကြောင်း သတင်းရရှိပါသည်။

DOCA(ဧရာဝတီ)

  စားသုံးသူရေးရာဉီးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းသည်  (၁၉.၉. ၂၀၂၅) ရက်နေ့ နေ့လည်(၁)နာရီအချိန်တွင် မအူပင်ခရိုင်ဦးစီးမှူးရုံး ခန်းမတွင် ဆန်လက်ကား/ လက်လီ ရောင်းချသည့် ဆိုင်တာဝန်ခံ ၇ဦး နှင့် တွေ့ဆုံ၍ ဆွေးနွေးဆောင်ရွက်ခဲ့ကြောင်း သိရသည်။

   ဆွေးနွေးရာတွင် ဆန်ရောင်းချသည့် လုပ်ငန်းရှင်များကို မအူပင်ခရိုင်ဦးစီးမှူး ဦးဇော်မင်းက လက်ရှိ ဆန်ရောင်းချနေမှု အခြေအနေများ၊ ဒေသတွင်းဆန်များ ပြတ်လပ်မှု ရှိမရှိ၊ စားသုံးရန် ဖူလုံခြင်းရှိမရှိ၊ လစဉ်သတ်မှတ်ရည်ညွှန်ဈေးများထုတ်ပြန်ထားပြှီး ရည်ညွှန်ဈေးထက်အဆမတန် မြှင့်တင်ရောင်းချခြင်းမပြုရန်၊ ယခုအချိန်တွင် စပါးများထွက်ပေါ်လာပြီး ဝယ်ယူကြိတ်ခွဲခြင်း လုပ်ငန်းများ ဆောင်ရွက်ခြင်း ရှိမရှိနှင့် ဆန်ဆိုင်များမှ ဆန်လက်ကျန်အခြေအနေများကို မေးမြန်း ခဲ့ပြီး ဆန်ဆိုင်များ သိုလှောင်ရုံမှတ်ပုံ တင်ခြင်းလုပ်ငန်းများ တစ်နှစ်ပြည်မီပါက ထပ်မံ သက်တမ်း တိုးခြင်းလုပ်ငန်းကို ဆောင်ရွက်ရန်ကို မှာကြားရှင်းလင်းပြီး ရောင်းဝယ်လျက်ရှိသော အခြေခံဆန် ဈေးနှုန်းများ၊ မြန်မာနိုင်ငံဆန်စပါးကုန်သည်များ အသင်းက ထုတ်ပြန်ထားသည့် ဈေးနှုန်းများ အလိုက် ရောင်းချနိုင်ရေး၊ ဆန်အမျိုးအစားအလိုက် သတ်မှတ်ထားသည့် စံချိန်စံနှုန်းအရည်အသွေး များ ပြည့်မီရေး၊ ဈေးကစားခြင်း၊ သိုလှောင်ခြင်းများ မပြုလုပ်ရေးနှင့် စားသုံးသူပြည်သူများအတွက် ဘေးအန္တရာယ်ကင်းရှင်းပြီး လုံခြုံစိတ်ချရသောဆန်များ ဖြစ်ရေးတို့ကို အသိပညာပေးရှင်းလင်း ဆွေးနွေးသည်။

DOCA(ဧရာဝတီ)

       ၂၀၂၅  ခုနှစ် ၊ စက်တင်ဘာလ ၂၄ ရက်နေ့ ၊ ၁၄း၃၀ နာရီအချိန်တွင် တနင်္သာရီတိုင်းဒေသ ကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးမှ ဦးစီးအရာရှိနှင့် ဝန်ထမ်းများသည် အစား အသောက်နှင့်ဆေးဝါးကွပ်ရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီး ဌာန၊ စည်ပင်သာယာရေးအဖွဲ့တို့ဖြင့် ပူးပေါင်း၍ ထားဝယ်မြို့ပေါ်ရှိ ဆေးဆိုင်များ ဆေးစျေးနှုန်း အခြေအနေများ၊ လက်ကျန်အခြေအနေများနှင့်စပ်လျဥ်း၍ စုံစမ်းမေးမြန်းခဲ့ပါသည်။

          ထိုသို့ဆောင်ရွက်ရာတွင် ဆေးစျေးနှုန်းအခြေအနေများ၊ စျေးကွက်အခြေအနေများ၊ ဆေးဝါး ပြတ်လတ်မှုများ ရှိ/မရှိ နှင့် လက်ကျန်အခြေအနေများ၊ အစားအသောက်နှင့်ဆေးဝါးကွပ်ကဲရေးဦးစီး ဌာန၏ ထောက်ခံချက်များမပါရှိသည့် တရားမဝင်ဆေးဝါးများ ရောင်းချနေမှုများ ရှိ/မရှိ စစ်ဆေးခြင်း၊ သက်တမ်းကုန်လွန်သော ဆေးဝါးများနှင့်ဆေးပစ္စည်းများရောင်းချနေမှုရှိ/မရှိ စစ်ဆေးခြင်း၊ ဆေးဝါး ရောင်းချမှုလိုင်စင်များ ရှိ/မရှိ စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

    မြိတ်ခရိုင်ဆီအရောင်းကိုယ်စားလှယ်သည် မြိတ်ခရိုင်အတွက်လိုအပ်သော ဆီများကို ယာဉ်အမှတ် 5S-9017 တွင် ရန်ကုန်မြို့ရှိ  Yadanarbon Global Network Distribution ကုမ္ပဏီမှ (၁၀.၉.၂၀၂၅)ရက်နေ့တွင် ထုတ်ယူခဲ့သော စားအုန်းဆီ ပေပါ (၄၇)၊ Myanmar Oil Alliance ကုမ္ပဏီမှ (၁၀.၉.၂၀၂၅)ရက်နေ့တွင် ထုတ်ယူခဲ့သော စားအုန်းဆီ ပေပါ (၄၄)နှင့် Global Good Pure Group ကုမ္ပဏီမှ (၁၂.၉.၂၀၂၅)ရက်နေ့တွင် ထုတ်ယူခဲ့သော စားအုန်းဆီ ပေပါ (၉)၊ စုစုပေါင်း ပေပါ (၁၀၀)သည်လည်းကောင်း၊ Global Good Pure Group ကုမ္ပဏီမှ (၁၉.၉.၂၀၂၅)ရက်နေ့တွင် ထုတ်ယူခဲ့သော ယာဉ်အမှတ် 8J-4858 တွင် စားအုန်းဆီ ပေပါ (၇၂)သည်လည်းကောင်း ၂၀၂၅ခုနှစ်၊ စက်တင်ဘာလ(၂၃)ရက်နေ့တွင် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။

   ထိုသို့ရောက်ရှိလာသောစားအုန်းဆီများကို ဆီအရောင်းကိုယ်စားလှယ်မှ ၂ ရာခိုင်နှုန်း အမြတ်ဖြင့် လက်လီအရောင်းဆိုင်များသို့ ဖြန့်ခွဲရောင်းချပေးမည်ဖြစ်ပြီး ၎င်းတို့မှတစ်ဆင့် ပြည်သူများသို့ပြန်လည်ရောင်းချမည်ဖြစ်ကြောင်းသိရှိရပါသည်။

DOCA(တနင်္သာရီ)

   (၁၉-၉-၂၀၂၅)ရက်နေ့ နံနက် (၁၀:၃၀)တွင် စားသုံးသူ‌ရေးရာဦးစီးဌာန၊ မအူပင်ခရိုင်ဦးစီးမှူး ရုံးတွင် ခရိုင်ဦးစီးမှူး ဦး‌ဇော်မင်းသည် မအူပင်ဆန်စက်လုပ်ငန်းရှင် အတွင်းရေးမှူး ဦးအောင်ကျော်နှင့် တွေ့ဆုံ၍ Myro မှတ်ပုံတင်ခြင်းနှင့် သိုလှောင်ရုံလုပ်ငန်းစဥ် စာရင်းရေးသွင်း ခြင်းအကြောင်းကို မအူပင် ဆန်စက်လုပ်ငန်းရှင်အသင့်းများက သိရှိနားလည်ပြီး ကြပ်မတ်ဆောင်ရွက်ခြင်းလုပ်ငန်းများ ဆောင်ရွက်နိုင်ရေး ရှင်းလင်းပြောကြားခဲ့ပါသည်။

      ဆွေးနွေးရာတွင် မအူပင်ခရိုင်ဦးစီးမှူးဦးဇော်မင်းက ဥပဒေအရ စီးပွားရေးအလို့ငှာ ဆန်/စပါး သိုလှောင်လုပ်ကိုင်သူ မည်သည့် စီးပွားရေးလုပ်ငန်းရှင်မဆို ဆန်တန်ချိန် ၅၀ သို့မဟုတ် စပါးတင်း ၅၀၀၀ နှင့်အထက် သိုလှောင်သည့် ဆန်စပါးသိုလှောင်ရုံပိုင်ဆိုင်သူများအနေဖြင့် မိမိတို့ ၏ သိုလှောင်ရုံများကို Myanmar Rice Online (MyRo)-www.myro.com.mmတွင် မဖြစ်မနေ မှတ်ပုံတင်ဆောင်ရွက်ပေးကြပါရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက အသိပေးကြေငြာပြီးဖြစ်ကြောင်း၊ ဆန်စက်လုပ်ငန်းရှင် အသင်းမှဘည်း ဆန်စက်လုပ်ငန်းဖွံ့ဖြိုးတိုးတက်ရေး ကူညီဆောင်ရွက်နိုင်ရန်လို အပ်သဖြင့် မှတ်ပုံတင်ပြီးလုပ်ငန်းများမှ  သက်တမ်း၁နှစ်ပြည့်ပြီးသူများလည်း သက်တမ်းတိုးဆောင်ရွက် လျက်ရှိကြောင်း ရှင်းလင်းပြီး၊ ပြည်တွင်းဆန်စပါးဖူလုံရေး၊ ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါး စျေးကွက်နှင့် စျေးနှုန်းတည်ငြိမ်မှန်ကန်စေရေးနှင့် ဆန်စပါးသိုလှောင်မှုအခြေအနေ များကို စနစ်တကျ စာရင်းပြုစု မှတ်ပုံတင်ထား နိုင်ရေးအတွက် လစဉ် လဆန်း ၇ရက်‌နေ့တွင် ဆန်စက်/ သိုလှောင်ရုံ လုပ်ငန်းရျင်များက စပါး/ဆန် လက်ကျန် ရထုတ်ကျန် စာရင်းများ ဖြည့်သွင်‌းဆောင်ရွက်ခြင်းလုပ်ငန်းကို  ဆောင်ရွက်နိုင်ရန် အသိပညာပေး ရှင်းလင်းပြောကြားခဲ့ကြောင်း မအူပင်ဆန်စက်လုပ်ငန်းရှင် အသင်းအတွင်းရေးမှူးက လုပ်ငန်းစဉ် အကြောင်းကို လေ့လာခဲ့ကြောင်းသိရသည်။

DOCA(ဧရာဝတီ)