သတင်းနှင့် လှုပ်ရှားမှုများ

            ရန်ကုန်တိုင်းဒေသကြီး၊ တွံတေးခရိုင်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌနှင့် ကော့မှူး မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌနှင့် မြို့နယ်အဆင့်ဌာနဆိုင်ရာ တာဝန်ရှိသူများသည် ကော့မှူးမြို့နယ်ရှိကျေးရွာများသို့ စက်တင်ဘာလ(၂၀)ရက်နေ့၊ နေ့လည် (၁၂:၃၀)နာရီအချိန်တွင် တောင်သူအသိပညာပေးခြင်းလုပ်ငန်းများ ကွင်းဆင်းဆောင်ရွက်ခဲ့ ကြောင်း သိရသည်။

           ထိုသို့ တောင်သူအသိပညာပေးခြင်းအား ကော့မှူးမြို့နယ်ရှိ လာဝတီ၊ လက်စိုက်၊ ဆပုဂံ ကျေးရွာအုပ်စုများရှိ တောင်သူ (၁၀၀)ဦးခန့်အား လာဝတီကျေးရွာအုပ်စု၊ ဘုန်းတော်ကြီးကျောင်း ဓမ္မာရုံတွင် တွံတေးခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးညွှန့်နွယ်က ဓာတ်မြေဩ ဇာအိတ်နှင့် Dum Seeder ခွဲဝေဖြန့်ဖြူးမှုနှင့် ပန်းတိုင်အထွက်နှုန်းရရှိရေး၊ စိုက်နည်းစနစ်ပြောင်း လဲရေး၊ ပိုးမွှားအန္တရာယ်ကာကွယ်ရေး၊ မျိုးကောင်းမျိုးသန့် ရွေးချယ်စိုက်ပျိုးရေးတို့အတွက် သက်ဆိုင်ရာဌာနများ ပူးပေါင်း၍ တောင်သူအသိပညာပေးလုပ်ငန်းများအား ရပ်ကွက်/ကျေးရွာ အုပ်စုများအလိုက် အသိပညာပေးလုပ်ငန်းများ ဆောင်ရွက်ပေးလျက်ရှိကြောင်း လယ်ယာမြေများ အတွင်း ကျုးကျော်အသုံးပြုမှုများ၊ အခြားနည်းအသုံးပြုခွင့်လျှောက်ထားမှုများ စာကျက်မြေ/မြေ လွတ်မြေလပ်များအတွင်း ကျူးကျော်အသုံးပြုမှုများ မရှိစေရေးတို့အတွက် သက်ဆိုင်ရာဥပဒေ၊ နည်းဥပဒေ၊ စံပြုလုပ်ထုံးလုပ်နည်း၊ ညွှန်ကြားချက်များအတိုင်း သက်ဆိုင်ရာဌာနများနှင့် ဆောင်ရွက်ကြရန်နှင့် စိုက်ပျိုးရေးဆိုင်ရာ ဆောင်ရွက်ရမည့် လုပ်ငန်းစဉ်များအပေါ် တောင်သူ အသိပညာပေးခြင်းအား အသေးစိတ် ရှင်းလင်းဆွေးနွေး အသိပညာပေး ပြောကြားခဲ့ကြောင်း သိရှိ ရပါသည်။

DOCA (ရန်ကုန်)

    ဓနုဖြူမြို့နယ် ကုန်စျေးနှုန်းတည်ငြိမ်ရေးအဖွဲ့ဝင်များသည် ဓနုဖြူမြို့နယ် အမှတ် ၅ရပ်ကွက်၊ အမှတ်၇ ရပ်ကွက်၊ အမှတ် ၉ရပ်ကွက် အတွင်း ရှိ ဆန်ဆိုင်များဖြစ်သော ရွှေဝါးမိုးဆန်ဆိုင်၊ စွမ်းဆန်ဆိုင်၊ ဒေါ်ကြည်ကြဉ်မြင့် ဆန်ဆိုင်၊ မိဘမေတ္တာ ဆန်ဆိုင် တို့မှရောင်းချနေသော ကုန်စည်များ  ကုန်စျေးနှုန်းတည်ငြိမ်မှု ရှိမရှိ ကွင်းဆင်းစစ်ဆေးခြင်းကို (၂၂-၉-၂၀၂၅)ရက်နေ့၊ နံနက်(၁၁)အချိန်တွင် သတ်မှတ်ရည်ညွှန်း စျေးများနှင့် ဒေသတွင်း ရောင်းချနေခြင်းရှိ/ မရှိ ကွင်းဆင်း စစ်ဆေးခဲ့ကြောင်း သိရှိရပါသည်။

    ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ အထူးစုံစမ်းစစ်ဆေး‌‌ရေး ဦးစီဌာန၊ မြို့နယ် အထွေထွေအုပ်ချုပ်‌ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ ပါဝင်သောအဖွဲ့ဝင်များဖြင့် ဆန်ဆိုင်များတွင် သတ်မှတ်ရည်ညွှန်း စျေးနှုန်းများဖြင့် ရောင်းချနေမှုများကိုစစ်ဆေးခဲ့ပြီး အလေးချိန် မှန်ကန်စွာ၊ ဖြစ်သင့်ဖြစ်ထိုက်သော စျေးနှုန်းများဖြင့် ရောင်းချရန်နှင့် စျေးကစားရန်ရည်ရွယ် ချက်ဖြင့် သိုလှောင်ထားရှိမှုများ မဖြစ်စေရေးနှင့် ဆန်အမျိုးအစားအလိုက် ဈေးနှုန်း ဖော်ပြ၍ ရောင်းချခြင်း ရှိ မရှိတို့ကို  ကွင်းဆင်း စစ်ဆေးခဲ့ပြီး သတ်မှတ်ချက်များနှင့်အညီ ရောင်းချသွားရန် ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုးက မှာကြားခဲ့ကြောင်း သတင်းရရှိပါသည်။

DOCA(ဧရာဝတီ)

       ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် ပြန်ကြားရေးနှင့်ပြည်သူ့ဆက်ဆံ ရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်း၍ စာဖတ်ရှိန်မြှင့်တင်ရေး လှုပ်ရှားမှုအခမ်း အနားကို စက်တင်ဘာလ(၁၉)ရက်နေ့၊ နံနက်(၀၉:၃၀) နာရီအချိန်တွင် ခရမ်းမြို့နယ် အ.ထ.က(၁) တွင်ကျင်းပခဲ့ရာစားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ ဒေါ်ကျော့ကေခိုင်က တက်ရောက် ၍ ပူးပေါင်းဆောင်ရွက်ပေးခဲ့ကြောင်း သိရှိရပါသည်။

     ထိုအခမ်းအနားတွင် ခရမ်းမြို့နယ် စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးအောင်ရဲ က အဖွင့်အမှာစကား ပြောကြားခြင်း၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဒေါ်လှမို့မို့က စာဖတ်ရှိန်မြှင့်တင်ရေး အခမ်းအနား ဆောင်ရွက်ရခြင်းအား ရှင်းလင်း ပြောကြားခြင်း၊ အ.ထ.က(၁) ကျောင်းအုပ်ဆရာမကြီး ဒေါ်နီနီလွင်က ကျေးဇူးတင်စကားပြော ကြားခြင်းနှင့် စာရေး ဆရာကြီး ဦးမြင့်ဆွေက စာပေနှင့်လူငယ်များအကြောင်းအား ပြောကြားပြီးဆက်လက်၍ အ.ထ.က (၁) တွင် ပညာသင်ကြားနေသော ကျောင်းသား/ကျောင်းသူများက ကဗျာ ရွတ်ဆိုခြင်း၊ ပုံပြောခြင်း၊ ကျပန်းစကားပြောခြင်းပြိုင်ပွဲများ ပြုလုပ်ရာတွင် စားသုံးသူရေးရာဦးစီး ဌာန၊ မြို့နယ်တာဝန်ခံသည် အမှတ်ပေးဒိုင်အဖြစ် ဌာနဆိုင်ရာများနှင့် ပူးပေါင်းဆောင်ရွက်ခဲ့ပြီး ဆုရရှိသော ကျောင်းသား /ကျောင်းသူများအား တက်ရောက်လာသော ဌာနဆိုင်ရာအကြီးအကဲ များမှ ဆုများချီးမြှင့်ခြင်းနှင့် မှတ်တမ်းတင်ဓာတ်ပုံများ ရိုက်ကူး၍ အခမ်းအနားအား အောင်မြင်စွာ ကျင်းပခဲ့ကြောင်း သိရှိရပါသည်။

DOCA (ရန်ကုန်)

       စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်အနေဖြင့် စက်မှုလုပ်ငန်းသုံးဆီများကို ဒေသတွင်း မုန့်လုပ်ငန်းများ၊ စားသောက်ဆိုင်များ၊ ဟိုတယ်လုပ်ငန်း များသို့ စားအုန်းဆီ သက်သာစွာဖြင့် ဝယ်ယူရရှိနိုင်ရေး အတွက် လျောက်ထားသော လုပ်ငန်းများအပေါ် သတ်မှတ်ချက်များနှင့်အညီ ဝယ်ယူရရှိနိုင်ရေး ကြပ်မတ်ဆောင်ရွက်ပေးလျက်ရှိရာ  မအူပင်ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် (၂၂-၉-၂၀၂၅)ရက်နေ့၊ နံနက်(၁၀)နာရီအချိန်တွင် စက်မှုလုပ်ငန်းသုံးဆီ လာရောက်လျှောက်ထားသော ဓနုဖြူမြို့နယ် လုပ်ငန်းများသို့ လုပ်ငန်းအမှန်တကယ်လည်ပတ်ခြင်းရှိ/မရှိ၊ မြေပြင်တွင် ဆီလိုအပ်မှုအခြေ အနေများကို ကွင်းဆင်းစစ်ဆေးခဲ့ကြောင်း သိရှိရပါသည်။

     ဒေသတွင်း တစ်ပိုင်တစ်နိုင်လုပ်ငန်းဖြစ်သော အကြော်လုပ်ငန်းများ၊ စားသောက်ဆိုင်လုပ်ငန်းများ၊ ဟိုတယ်များ၊ မုန့်လုပ်ငန်းများ၊ ဓနုဖြူမြို့နယ်မှ စက်မှုလုပ်ငန်းလျောက်ထားသောလုပ်ငန်းများမှ  စားအုန်းဆီများကို လုပ်ငန်းအတွက် အဆင်ပြေမှုစွာ ထုတ်လုပ်ရောင်းချနိုင်ရေးနှင့် စက်မှုလုပ်ငန်းသုံးစား အုန်းဆီရရှိမှု သတ်မှတ်နေရာများသို့ အမှန်တကယ်ရရှိစေရေး၊ လုပ်ငန်းတွင်ကျယ်စွာ ထုတ်လုပ်လာနိုင်ခြင်း ရှိမရှိကို စစ်ဆေးဆောင်ရွက်ခဲ့ကြသည်။ နိုင်တော်မှ ထုတ်လုပ်သူလုပ်ငန်းရှင်များ သတ်မှတ်ရည်ညွှန်းဈေးဖြင့် အမှန်တကယ် ထုတ်လုပ်ရောင်းချမှု လွယ်ကူနိုင်စေရန်စီစဉ် ဆောင်ရွက်လျက်ရှိပြီး လျောက်ထားသော လုပ်ငန်းများမှလည်း လုပ်ငန်းအတွက်အမှန်တကယ်အသုံးပြုခြင်း ရှိမရှိနှင့် စက်မှုလုပ်ငန်းသုံး လုပ်ငန်းရှင်များထံ စားအုန်းသတ်မှတ်ပမာဏအတိုင်း ရရှိရေး၊  လုပ်ငန်းအတွက်အသုံးပြု ရန်၊ ပြန်လည် ရောင်းချခြင်းများ ရှိမရှိကို စစ်ဆေး‌ဆောင်ရွက်ခဲ့ပြီး သတ်မှတ်စည်ကမ်းများနှင့် အညီ လိုက်နာဆောင် ရွက်ထား ရှိခြင်းများ တွေ့ရှိခဲ့ပြီး စစ်ဆေးဆောင်ရွက်ရာတွင် ဓနုဖြူမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ဓနုဖြူမြို့နယ် စားအုန်းဆီလက်ကား ကိုယ်စားလှယ်များ ပါဝင်ခဲ့ကြောင်း သိရသည်။

DOCA(ဧရာဝတီ)

    ရန်ကုန်တိုင်းဒေသကြီး၊ တာမွေမြို့နယ်တွင် ဆက်သွယ်ရေးဝန်ဆောင်မှု (အင်တာနက်ဝန် ဆောင်မှု) ဆောင်ရွက်နေသော (Myanmar Speed Net Co.Ltd) အား စက်တင်ဘာလ(၁၉)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ကွင်းဆင်းစစ်ဆေးခဲ့ကြောင်း သိရ သည်။

        ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီး မှူးရုံးမှ ဒုခရိုင်ဦးစီးမှူး ဦးဦးသိန်းမောင်နှင့်ဝန်ထမ်းများသည် တာမွေမြို့နယ် အရှေ့မျဉ်းပြိုင်ကွင်း လမ်း GRC Condo ရှိ Mysnmar Speed Net Co.ltd သို့ဆက်သွယ်ရေး ဝန်ဆောင်မှုများအား ဝယ် ယူအသုံးပြုကြသည့် စားသုံးသူများအား ထိခိုက်နစ်နာမှုမရှိစေရေးအတွက် ဆက်သွယ်ရေးညွှန် ကြားမှုဦးစီးဌာနမှ လိုင်စင်ရရှိသည့် လုပ်ငန်းရှင်များနှင့် မိုဘိုင်းအော်ပရေတာများ အနေဖြင့် လိုက်နာဆောင်ရွက်ရမည့် အချက်(၁၁)အား ဆောင်ရွက်ထားမှုရှိ/မရှိ ဈေးကွက်စောင့်ကြည့်စစ် ဆေးခြင်း စားသုံးသူများသိသင့်သိထိုက်သည့် အချက်အလက်များအား ပွင့်လင်းမြင်သာစွာ ဖော်ပြ ထားခြင်းရှိ/မရှိ စစ်ဆေးခြင်းနှင့် လိုအပ်သည့် စာရွက်စာတမ်းအထောက်အထားများအား ရယူ ခြင်းတို့အား ဆောင်ရွက်ခဲ့ကြောင်း သိရသည်။

          ဆက်လက်၍ စားသုံးသူရေးရာဦးစီးဌာန ဒုခရိုင်ဦးစီးမှူး ဦးဦးသိန်းမောင်မှ ဆက်သွယ်ရေး ညွှန်ကြားမှုဦးစီးဌာန၏ ညွှန်ကြားထားသည့် အချက်အလက်များအား လိုက်နာဆောင်ရွက်ကြရန် စားသုံးသူများ အနေဖြင့် ဆက်သွယ်ရေးဝန်ဆောင်မှုသုံးစွဲရာတွင် စိတ်ကျေနပ်မှုမရှိပါက အော်ပရေတာများ၏ Call Center သို့ အလွယ်တကူ ခေါ်ဆိုနိုင်အောင် ဆောင်ရွက်ထားကြရန်နှင့် တိုင်ကြားလာမှုများရှိပါက အမြန်ဆုံးဆောင်ရွက်ပေးရန် လိုအပ်ကြောင်း အဆိုပါ ကုမ္ပဏီမှတာဝန် ရှိသူများနှင့် တွေ့ဆုံ၍ အသိပညာပေး ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

   DOCA (ရန်ကုန်)