သတင်းနှင့် လှုပ်ရှားမှုများ

        ၂၀၂၅ ခုနှစ်၊ စက်တင်ဘာလ ၂၀ ရက်နေ့ တွင် ကော့သောင်းမြို့ သီရိမြိုင်ရပ်ကွက် အဝေးပြေး ယာဉ်ရပ်နား စခန်းသို့ Myanmar Oil Alliance Co.,ltd ကုမ္မဏီမှ လက်လီ/လက်ကား ကိုယ်စားလှယ် တိုက်ရိုက်ဖြန့်ဖြူးရောင်းချသည့်စနစ်အရ ကော့သောင်းခရိုင်အတွက် ခန့်အပ် သော ဦးနိုင်လင်း (ကိုယ်စားလှယ်) မှထုတ်ယူခဲ့သော စက်တင်ဘာလ ဒုတိယအပတ် စားအုန်းဆီ(၇၈)ပေပါအား ယာဉ်အမှတ် 3L/2665 ရွှေပြည်တိုးကားဖြင့် ဆီကန်မှထုတ်ယူပြီး ကော့သောင်းမြို့သို့ (၂၀.၉.၂၀၂၅) ရက်နေ့တွင် ရောက်ရှိလာမှုအား ခရိုင်စားသုံးသူရေးရာဦးစီးဌာနနှင့် တာဝန်ရှိသူများနှင့်အတူ သွားရောက်စစ်ဆေးခဲ့ကြောင်း သိရှိရပါသည်။

DOCA(တနင်္သာရီ)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံသူရေးရာဦးစီးဌာန၊ ကျွန်းလှမြို့နယ်တာဝန် ခံရုံးအနေဖြင့်  စက်တင်ဘာလ(၂၄)ရက်နေ့ နံနက် (၀၈:၀၀)နာရီ အချိန်တွင် ကျွန်းလှမြို့ပေါ်ရပ်ကွက် အတွင်း ရှိ ဆေးနှင့်ဆေးပစ္စည်း အရောင်းဆိုင်များအား  မြို့နယ်အထွေထွေအုပ်ချုပ်ရေးဦးစီးဌာန ၊ မြို့နယ် ရဲတပ်ဖွဲ့ စခန်း ၊ မြိုနယ်ကျန်းမာရေးဦးစီးဌာန ၊ မြို့နယ်စည်ပင်သာယာရေးအဖွဲ့ ၊ စားသုံးသူရေးရာဦးစီးဌာန၊  ကျွန်းလှ မြို့နယ်တာဝန်ခံတို့ ပူးပေါင်းအဖွဲ့သည် ဆေးနှင့်ဆေးပစ္စည်း အရောင်းဆိုင်များအား ကွင်းဆင်းစစ်ဆေးခြင်း များ ဆောင်ရွက်ခဲ့ကြောင်း သိရှိရပါသည်။

       ထိုသို့ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် ဆေးနှင့်ဆေးပစ္စည်းအရောင်းဆိုင်မှစီးပွား ရေးလုပ်ငန်းရှင်များအနေဖြင့် ဈေးကွက်အတွင်း ဆေးနှင့်ဆေးပစ္စည်းများ၊ ကျန်းမာရေး အထောက်အကူပြု ပစ္စည်းများအား ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း (သို့မဟုတ်) ဈေးကစားရန် ရည်ရွယ်ချက်ဖြင့် သိုလှောင်ထားပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက် မည်ဖြစ်ကြောင်း၊ ဆေးနှင့်ဆေးပစ္စည်းများတွင် ကုန်အညွှန်းအမှတ်အသားများကို မြန်မာဘာသာဖြင့် အသေးစိတ် စိစစ်ချက်များအတိုင်း ဖော်ပြထားသည်ကို စိစစ်တွေ့ရှိရပြီး၊ ဆေးဆိုင်များ ပုံမှန်ဖွင့်လှစ် ရောင်းချနိုင်ရေး ဆေးပြတ်လတ်မှုမဖြစ်ပေါ်စေရေး အဓိကထားဆောင်ရွက်ရန် ဈေးကွက်အတွင်း တရားမဝင် တင်သွင်းလာသော ဆေးဝါးများ၊ စံမညီ ဆေးဝါးများ၊ ဆေးဝါးအတုများ၊ စပ်ဆေးများ ၊ သက်တမ်းလွန် ဆေးဝါးများနှင့် လိုင်စင်မဲ့ဆေးဝါးများကိုလည်း ရောင်းချခြင်းမပြုရန် သက်ဆိုင်ရာဌာနများ၏ ညွှန်ကြားချက်များ ဥပဒေများကို လိုက်နာဆောင်ရွက်ကြရန် လိုအပ်ကြောင်း အသိပညာပေးပြောကြားခဲ့ပြီး ညွှန်ကြားချက်အမှတ်(၂/၂၀၁၉)ပါ လက်ကမ်းစာစောင်များ ဖြင့်ဝေပေးခဲ့ကြောင်း  သိရှိရပါသည်။

DOCA(စစ်ကိုင်း)

      ၂၀၂၅ ခုနှစ်၊ စက်တင်ဘာလ ၂၂ ရက်နေ့၊ နံနက်(၉:၀၀)အချိန်တွင် ကော့သောင်းမြို့ ‌ရွှေမင်းဝံရပ်ကွက်၊ အထက(ခွဲ)ရွှေမင်းဝံစာသင်ကျောင်းတွင် စားသုံးသူကာကွယ်ရေးအသိပညာ ပေးဟောပြောပွဲကို ကျင်းပပြုလုပ်ခဲ့ကြောင်း သိရှိရပါသည်။

    အဆိုပါဟောပြောပွဲတွင် ကော့သောင်းခရိုင် စားသုံးသူရေးရာဦးစီးဌာန ဦးစီးအရာရှိ ဒေါ်မြသီတာမှ စားသုံးသူရေးရာဦးစီးဌာန၏ မျော်မှန်းချက်၊ ရည်မှန်းချက်များ၊ စားသုံးသူ၏ အခွင့် အရေးနှင့်တာဝန်များ၊ ကုန်စည်နှင့်ဝန်ဆောင်မှုများနစ်နာဆုံးရှုံးမှုဖြစ်ပေါ်လာလျှင် တောင်းဆိုနိုင် သည့်အခွင့်အရေးများ၊ တိုင်ကြားနိုင်သည့်နည်းလမ်းများအကြောင်းကို ဟောပြောပို့ချခဲ့ပြီး အထက(ခွဲ)ရွှေမင်းဝံစာသင်ကျောင်းရှိ ကျောင်းမုန့်စျေးတန်းများတွင် သက်တမ်းလွန်စားသောက် ကုန်များနှင့် စားသုံးရန်မသင့်သောစားသောက်ကုန်များအားစစ်ဆေးခဲ့ပြီး၊ ကုန်အညွှန်းအမှတ် အသားဖော်ပြပါရှိသော စားသောက်ကုန်များရောင်းချရန်နှင့် ဘေးအန္တာရာယ်ကင်းရှင်းသော စားသောက်ကုန်များရောင်းချရန် ပြောကြားခဲ့ကြောင်း သိရှိရပါသည်။

DOCA(တနင်္သာရီ)

        ၂၀၂၅ခုနှစ်၊ စက်တင်ဘာလ ၁၂ ရက်နေ့၊ နံနက်(၉:၃၀)နာရီတွင် ကော့သောင်းမြို့ ချောင်းဝကျေးရွာ၊ မူလွန်(ချောင်းဝ)စာသင်ကျောင်းတွင် ကော့သောင်းခရိုင်စားသုံးသူရေးရာဦးစီး ဌာနမှ ဒေါ်မြ သီတာ (ဦးစီးအရာရှိ)သည် ကျောင်းဆရာ/ဆရာမမျာ၊ ကျောင်းသား/ကျောင်းသူများ စုစုပေါင်း (၇၀)ဦးအား စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်၊ စားသုံးသူ၏ အခွင့်အရေး နှင့်တာဝန်များ၊ ကုန်စည်နှင့်ဝန်ဆောင်မှုများ နစ်နာဆုံးရှုံးမှုဖြစ်ပေါ်လာလျှင် တောင်း ဆိုနိုင်သည့်အခွင့်အရေး၊ တိုင်ကြားနိုင်သည့်နည်းလမ်းများအကြောင်းကို ဟောပြောပို့ချခဲ့ပြီး မူလွန်(ချောင်းဝ)စာသင်ကျောင်းရှိ ကျောင်းမုန့်ဈေးတန်းများအား သက်တန်းလွန်စားသောက် ကုန်များနှင့်စားသုံးရန်မသင့်သောစားသောက်ကုန်များအားစစ်ဆေးခဲ့ပြီး၊ ကုန်အညွှန်းအမှတ် အသားဖော်ပြပါရှိသော စားသောက်ကုန်များရောင်းချရန်နှင့် ဘေးအန္တရာယ်ကင်းရှင်းသော စားသောက်ကုန်များ ရောင်းချရန် ပြောကြားခဲ့ကြောင်း သိရှိရပါသည်။

DOCA(တနင်္သာရီ)

        စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူး ဦးဆောင်သည့် ခရိုင်ရုံးဝန်ထမ်း(၂)ဦး၊ စစ်ကိုင်းမြို့နယ်တာဝန်ခံတို့သည် ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်ပူးပေါင်း၍ ၂၀၂၅ ခုနှစ်၊ စက်တင်ဘာလ(၂၂)ရက်နေ့တွင် စစ်ကိုင်းမြို့ပေါ်ရှိ ဆေးဆိုင် (၄)ဆိုင်၊ ကလေးအသုံးဆောင်ပစ္စည်းအရောင်းဆိုင်(၁)ဆိုင်သို့ ကွင်းဆင်း၍  DUMEX  DUPRO  ကလေးငယ် ဖော်စပ်စာ ကုန်ပစ္စည်းအတုများ ရောင်းချခြင်း  ရှိ/မရှိ  ဈေးကွက်စောင့်ကြည့်စစ်ဆေးခဲ့ပါသည်။

       ထိုသို့ ဈေးကွက်စောင့်ကြည့်စစ်ဆေးခဲ့သော ဆေးဆိုင်(၄)ဆိုင်နှင့် ကလေးအသုံးဆောင်ပစ္စည်း အရောင်းဆိုင်(၁)ဆိုင်၌ ဒါနန်းစပါယ်ရှယ်လိုက်(စ်)နယူးထရီရှင်း (ထိုင်း)ကုမ္ပဏီ၊ ဒီကေအက်စ်အိပ်(ချ်) (မြန်မာ)လီမီတက်၏ ကုန်ပစ္စည်းအစစ်အား ရောင်းချသည်ကို စစ်ဆေးတွေ့ရှိရပြီး DUMEX DUPRO အမှတ်တံဆိပ် ကလေးငယ်ဖော်စပ်စာ   ကုန်ပစ္စည်းအတုအား ရောင်းချခြင်းမရှိကြောင်း စိစစ်တွေ့ရှိရပါ သည်။ စစ်ကိုင်းခရိုင်စားသုံးသူရေးရာဦးစီးဌာနမှ တာဝန်ရှိသူက စစ်ဆေးခဲ့သော ဆိုင်ပိုင်ရှင်များအား DUMEX  DUPRO အမှတ်တံဆိပ် ကလေးငယ်ဖော်စပ်စာ ကုန်ပစ္စည်းအစစ်နှင့် ကုန်ပစ္စည်းအတု၏ အသေးစိတ်အချက်များကို ရှင်းလင်းပြောကြားခဲ့ပြီး  စားသုံးသူကာကွယ်ရေးဥပဒေ အခန်း(၁၈) ပုဒ်မ (၄၁)၊  ပုဒ်မခွဲ (ခ) နှင့်  (ဆ)အရ  မြန်မာဘာသာဖြင့်ဖြစ်စေ၊  မြန်မာနှင့်  အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ကုန်အညွှန်းအမှတ်အသားဖော်ပြပါရှိသည့် ကုန်စည်များကိုသာ ‌ရွေးချယ် ဝယ်ယူရောင်းချရန် ‌ရှင်းလင်းပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)