သတင်းနှင့် လှုပ်ရှားမှုများ

      ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ် ကမာကဆစ် စည်ပင်သာယာမြို့မ ဈေးအတွင်းရှိ ကုန်မျိုးစုံရောင်းချသောဆိုင်များတွင် စားသုံးဆီအမျိုးမျိုးနှင့်စပ်လျဉ်း၍ ကုန် အညွှန်းအမှတ်အသားဖော်ပြရာ၌ ညွှန်ကြားချက်အမှတ်(၁/၂၀၂၁)နှင့် ကိုက်ညီမှုရှိ/မရှိ စစ်ဆေးခြင်းအား စက်တင်ဘာလ(၁၇)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီး ဌာနနှင့် မြို့နယ်စည်ပင်သာယာရေးအဖွဲ့တို့ ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။

     ထိုသို့ ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန်းနိုင်နှင့် မြို့နယ်စည်ပင်သာယာမြို့မဈေးမှ ဒုဈေးတာဝန်ခံ ဦးသန်းထွန်းတို့ ပါဝင်သော ပူးပေါင်းအဖွဲ့သည် ကမာကဆစ်စည်ပင်သာယာမြို့မဈေးအတွင်းရှိ ကုန်မျိုးစုံဆိုင်များတွင် စားသုံးဆီအမျိုးမျိုးအား ကုန်အညွှန်းအမှတ်အသား ဖော်ပြရာ၌ ညွှန်ကြားချက်အမှတ် (၂/၂၀၁၉) အပြင် ပင်ရင်းပါဝင်ပစ္စည်းကို အခြေခံ၍ ဖော်ပြရာတွင် သက်ဆိုင်ရာ စီးပွားရေးလုပ်ငန်းရှင်များ လိုက်နာရမည့် ညွှန်ကြားချက်အမှတ်(၁/၂၀၂၁)တို့အား ဖော်ပြထားခြင်းရှိ/မရှိ စစ်ဆေးခဲ့ ကြပါ သည်။ ထို့နောက် စားသုံးသူရေးရာဦးစီးဌာနမြို့နယ်တာဝန်ခံ ဦးသန်းနိုင်က စားသုံးဆီအမျိုးမျိုး ရောင်းချသောလုပ်ငန်းရှင်များအား ကုန်အညွှန်းအမှတ်အသား ဖော်ပြရာ၌ ညွှန်ကြားချက် အမှတ် (၂/၂၀၁၉)နှင့် ညွှန်ကြားချက်အမှတ်(၁/၂၀၂၁)တို့နှင့် ကိုက်ညီမှုမရှိသည့် စားသုံးဆီ အမျိုးမျိုးအား ရောင်းချခြင်းမပြုလုပ်ကြရန်၊ ထိုသို့ပြုလုပ်ပါက စားသုံးသူကာကွယ်ရေးဥပဒေနှင့်အညီ အရေးယူ ဆောင်ရွက်သွားမည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်တွင် စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်စိုးမိုးနှင့်ဝန်ထမ်းများ၊ ဆီကုန်သည် များအသင်းမှ ဦးကျော်ဇင်သင်း၊ ဇဗ္မူကံထွန်းဆီကုမ္ပဏီ ဒါရိုက်တာ ဦးဇေယျာချစ်၊ ကွမ်းခြံကုန်း မြို့နယ်အထွေထွေအုပ်ချုပ်ရေးဦးစီးဌာနမှ ဒုမြို့နယ်အုပ်ချုပ်ရေးမှူး ဦးကျော်စိုး၊ စားသုံးသူရေးရာ ဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဝန်ထမ်းများ ပူးပေါင်းအဖွဲ့သည် စက်တင်ဘာလ(၁၇)ရက်နေ့၊ နေ့လယ် (၁၃:၃၀) နာရီအချိန်တွင် စားအုန်းဆီလက်ကား ဖြန့်ဖြူး ရောင်းချသောဆိုင်များသို့ သွားရောက်၍ မြေပြင်ကွင်းဆင်းစစ်ဆေးခဲ့ကြောင်း သိရသည်။

      ထိုသို့ ကွင်းဆင်းစစ်ဆေးခဲ့ရာတွင် ခရိုင်ဦးစီးမှူး ဦးအောင်စိုးမိုးမှ မြို့နယ်အတွင်း ရပ်ကွက်၊ ကျေးရွာများသို့ စားအုန်းဆီလက်လီလက်ကား ဖြန့်ဖြူးမှုအခြေအနေနှင့်ပတ်သတ်၍ ဆီကိုယ်စား လှယ်အား တွေ့ဆုံမေးမြန်းခြင်း၊ အိမ်ထောင်စုအလိုက် စာအုပ်စနစ်ဖြင့် လစဉ်၊. အပတ်စဉ် ရောင်းချမှုပုံစံနှင့် ဈေးနှုန်းမှန်ကန်မှုရှိ/မရှိ  ကွင်းဆင်းကြည့်ရှု့စစ်ဆေးပြီး စားသုံးသူရေးရာဦးစီး ဌာန ခရိုင်ဦးစီးမှူး ဦးအောင်စိုးမိုးက စားအုန်းဆီကိုယ်စားလှယ်များနှင့်အတူ အိမ်ထောင်စုအလိုက် စာအုပ်စနစ်ဖြင့် ဝယ်ယူသည့် စားသုံးသူများထံ အိမ်တိုင်ရာ ရောက်တွေ့ဆုံ၍ ဆီဝယ်ယူရရှိမှု အခြေအနေများနှင့် ပတ်သတ်၍ အမှန်တကယ်ရရှိခြင်းရှိ/မရှိ ဆီစာအုပ်များအား တောင်ယူ၍ ကြည့်ရှု့စစ်ဆေးခြင်းများ၊ စားအုန်းဆီလက်လီဖြန့်ဖြူးရောင်းချနေမှု အခြေအနေများအား ကြည့်ရှု့စစ်ဆေးပြီး ဝယ်ယူသည့် စားသုံးသူများနှင့်တွေ့ဆုံ၍ သိရှိလိုသည်များအား မေးမြန်းစုံစမ်း ဆောင်ရွက်ခဲ့ကြကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ (၄)ဦးတို့သည် (၁၇.၉.၂၀၂၅)ရက်နေ့ နေ့လယ် (၁၂:၄၀)နာရီချိန်တွင် စားအုန်းဆီလက်လီ အရောင်းဆိုင်သို့ ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

     ထိုသို့ ကွင်းဆင်းစစ်ဆေးခဲ့ရာတွင် အမှတ်(၅၂)၊ ရွှေမြင့်မိုရ်ပတ်လမ်း၊ ရွှေလင်ပန်းဈေးရှိ ဦးကျော်ဇင်သင်းစားအုန်းဆီလက်လီအရောင်းဆိုင်သို့ ရောက်ရှိခဲ့ရာ မိမိရရှိသောခွဲတမ်းအား နေ့စဉ် ရပ်ကွက်နေပြည်သူများသို့ နံနက်(၉)နာရီမှ (၄)နာရီအထိ ရောင်းချပေးပါကြောင်း၊ စာအုပ်စနစ်ဖြင့် ပေးပါကြောင်း၊ အလေးချိန်လည်း မှန်ကန်စွာချိန်တွယ်ပေးပြီး ဈေးနှုန်းလည်း မြှင့်တင်ရောင်းချခြင်း မရှိပါကြောင်းနှင့် သတ်မှတ်စည်းမျဉ်းစည်းကမ်းများကိုလည်း လိုက်နာ ဆောင်ရွက်လျက်ရှိပါကြောင်း ကွင်းဆင်းစစ်ဆေးချက်အရ သိရှိရပါသည်။

DOCA (ရန်ကုန်)

     စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ(၄)ဦး၊ ဆီလုပ်ငန်းရှင်များအသင်းမှ (၃)ဦးတို့ပါဝင်လျက် (၁၇.၉.၂၀၂၅)ရက်နေ့ နံနက်(၁၁:၃၀)နာရီချိန်တွင် လှိုင်သာယာ(အနောက်ပိုင်း)မြို့နယ်ရှိ ပင်လုံဈေးတွင် စားအုန်းဆီလက်လီရောင်းချနေခြင်းအား ကွင်းဆင်းစစ်ဆေးခဲ့ပါသည်။

    ထိုသို့စစ်ဆေးခဲ့ရာတွင် ပင်လုံဈေးမှ ဈေးတာဝန်ခံပူးပေါင်းပါဝင်လျက် ဈေးအတွင်း ရောင်းချနေသော ဦးမောင်ကျော်ဆိုင်တွင်လက်ကားကိုယ်စားလှယ်များမှ ရရှိသောစားအုန်းဆီ ခွဲတမ်းအား စားသုံးသူပြည်သူများသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန့်ဖြူးရောင်းချခြင်းလုပ်ငန်းကြီးကြပ်ရေးကော်မတီမှ ထုတ်ပြန် ပေးလျက်ရှိသော စားအုန်းဆီ တစ်ပိဿာရည်ညွှန်းဈေးအပေါ် အခြေခံ၍ သယ်ယူပို့ဆောင်ခ၊ ကုန်ကျစရိတ်အမြတ်(၂)ရာခိုင်နှုန်း တွက်ချက်၍ ဖြန့်ဖြူးရောင်းချလျက်ရှိပြီး ဈေးနှုန်းမြှင့်တင် ရောင်းချခြင်းလည်း မရှိပါကြောင်း စစ်ဆေးတွေ့ရှိရပြီး စည်းကမ်းချက်၊ သတ်မှတ်ချက်များ အတိုင်း ရောင်းချခြင်းမရှိပါက အရေးယူဆောင်ရွက် သွားမည်ဖြစ်ကြောင်း သိရှိရပါသည်။

DOCA (ရန်ကုန်)

       စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိ (၂)ဦး နှင့် ဝန်ထမ်း(၂) ဦးတို့သည်  စမ်းချောင်းမြို့နယ်၊ ရှမ်းလမ်းဈေးအတွင်းရှိ ဒေါ်အိအိဖြူ (ဆီဆိုင်) နှင့် ဦးထွန်းမြင့်နိုင် (ဆီဆိုင်) တို့အား ဈေးတာဝန်ခံတို့နှင့် ပူးပေါင်းပြီး ဆီရောင်းချမှုအခြေအနေများအား ကွင်းဆင်းစစ်ဆေး အသိပညာပေးမှုအား ၁၅.၉.၂၀၂၅ ရက်နေ့တွင်သွားရောက်၍ ကွင်းဆင်းအသိ ပညာပေးမှုများအား ဆောင်ရွက်ခဲ့ကြောင်း သိရှိရပါသည်။

    ထိုသို့ ကွင်းဆင်းအသိပညာပေးရာတွင် ဆီဆိုင်များမှရောင်းချနေသော ဆီများသည် သတ်မှတ်ထားသော ရည်ညွှန်းဈေးနှုန်းများအတိုင်း ရောင်းချခြင်း ရှိ/မရှိနှင့် ဆီဈေးနှုန်းကြီးမြင့်မှု မဖြစ်ပေါ်စေရန် စစ်ဆေးခဲ့ကြပြီး ရောင်းချနေသော ဆီကိုယ်စားလှယ်များအား ဈေးတင်ရောင်းချပါက အရေးယူခံရမည်ဖြစ်ကြောင်း အသိပညာပေးဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)