သတင်းနှင့် လှုပ်ရှားမှုများ

       ကျောက်ဆည်ခရိုင် စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဇူလိုင်လ(၂၈) ရက်နေ့တွင် မြို့နယ်စည်ပင်သာယာရေးအဖွဲ့များနှင့် အတူ ပူးပေါင်း၍ ကျောက်ဆည်မြို့၊ အေးမြကြည်လင်ဈေးအတွင်းရှိ ဟိန်းထက် ဆန်လက်လီ၊ လက်ကား ရောင်းချနေသော ဆန်အရောင်းဆိုင် သို့သွားရောက်၍ ဆန်ဖြန့်ဖြူးရောင်းချမှု အခြေအနေများကို ကွင်းဆင်းစစ်ဆေးခဲ့ပါသည်။ ထိုသို့ စစ်ဆေးရာတွင် ကျောက်ဆည်မြို့၊ အေးမြကြည်လင်ဈေးအတွင်းရှိ ဟိန်းထက် ဆန်အရောင်းဆိုင်အား စားသုံးသူရေးရာဦးစီးဌာနမှ ဆန်သတ်မှတ်ရည်ညွှန်းဈေးများအား လစဉ် ထုတ်ပြန်ပေးလျက်ရှိကြောင်း၊ ၎င်းဈေးနှုန်းထက် ဈေးနှုန်းမြှင့်တင်ရောင်းချဖြန့်ဖြူးခြင်း၊ ဈေးကစားရန်ရည်ရွယ်ချက်ဖြင့် ဆန်များကို သိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာဆောင်ရွက်ရန်လိုအပ်ကြောင်း၊ ဆန်တန်ချိန် (၂၅)တန်အထက် သိုလှောင်ပါက မြန်မာ့ဆန်စပါး အွန်လိုင်း (Myanmar Rice Online) တွင် မဖြစ်မနေမှတ်ပုံတင်ရမည်ဖြစ်ကြောင်း ဆွေးနွေးပြောကြားခဲ့သည်ဟု သတင်းရရှိပါသည်။

DOCA(မန္တလေး)

   ကရင်ပြည်နယ်၊ မြဝတီခရိုင်၊ မြဝတီမြို့တွင် ခရိုင်စားသုံးသူရေးရာ ကော်မတီအစည်းအဝေး ကို မြဝတီခရိုင်အထွေထွေအုပ်ချုပ်ရေး အစည်းအဝေးခန်းမ၌ ၂၀၂၅ ခုနှစ်၊ ဩဂုတ်လ ၆ ရက်နေ့ နေ့လယ် ၂ နာရီအချိန်တွင် ကျင်းပခဲ့ကြောင်း သိရသည်၊၊

          အစည်းအဝေးတွင် မြဝတီခရိုင်အထွေထွေအုပ်ချုပ်ရေးဦးစီးဌာန၊ ခရိုင်အုပ်ချုပ်ရေးမှူး၊ ခရိုင်စားသုံးသူရေးရာကော်မတီဥက္ကဋ္ဌက အဖွင့်အမှာစကားပြောကြားရာတွင်  စားသုံးသူကာကွယ် ရေးလုပ်ငန်းများဆိုသည်မှာ ကုန်စည်ဝယ်ယူမှုများသာဟုတ်ဘဲ ဝန်ဆောင်မှုလုပ်ငန်းများသာ ပါဝင်ပါ ကြောင်း၊ ဝန်ဆောင်မှုလုပ်ငန်းများတွင်လည်း စီးပွားရေးလုပ်ငန်းရှင်များအနေဖြင့် မူလသဘောတူညီ ချက်များအတိုင်း ဝန်ဆောင်မှုပေးအပ်ခြင်းများ မရှိခြင်းကြောင့် စားသုံးသူများနစ်နာရသည်များ ရှိပါ ကြောင်း၊ စားသုံးသူများကလည်း နစ်နာမှုများအပေါ် စားသုံးသူအခွင့်အရေးများအတိုင်း တောင်းဆို တတ်ခြင်းမရှိသောကြောင့် စားသုံးသူနစ်နာမှုများ ရှိပါကြောင်း ၊ သို့ဖြစ်၍ စားသုံးသူအခွင့်အရေးများ ရရှိနိုင်စေရေး၊ စားသုံးသူနှင့်လုပ်ငန်းရှင်များအကြား အငြင်းပွားမှု လျော့နည်းစေရေး၊ အငြင်းပွားမှုများ အငြင်းပွားမှုများ ဖြစ်ပေါ်လာပါက ထိရောက်စွာဖြေရှင်းဆောင်ရွက်သွားရန်နှင့် စားသုံးသူကာကွယ် ရေး လုပ်ငန်းများသည် လူတိုင်းနှင့် သက်ဆိုင်သည့်အတွက် သက်ဆိုင်ဆက်နွယ်သည့် ဌာနများအနေ ဖြင့် မိမိတို့ သက်ဆိုင်သည့် အခန်းကဏ္ဍမှပါဝင်၍ အားလုံးကြိုးစားဆောင်ရွက်သွားကြရန် ပြောကြား ပါသည်၊၊

          ထို့နောက် မြဝတီခရိုင်စားသုံးသူရေးရာကော်မတီ အတွင်းရေးမှူး ၊ စားသုံးသူရေးရာဦးစီးဌာန ခရိုင်ဦးစီးမှူး ဦးမျိုုးဝင်းနိုင်က စားသုံးသူကာကွယ်ရေး ဖြစ်ပေါ်လာပုံသမိုင်းကြောင်း၊ ဌာန၏ မျှော်မှန်း ချက် ၊ ရည်မှန်းချက်၊ ပြည်နယ်/ခရိုင်စားသုံးသူရေးရာကော်မတီဖွဲ့စည်းဆောင်ရွက်ထားရှိမှု အခြေ အနေများ၊ စားသုံးသူကာကွယ်ရေးလုပ်ငန်းများ စပ်လျဉ်း၍ သုံးလပတ်အလိုက် လုပ်ငန်းလျာထား ချက်နှင့် မိတ်ဘက်ဌာနများနှင့်ပေါင်းစပ်၍ အကောင်အထည်ဖော်ဆောင်ရွက်နိုင်မှု အခြေအနေများ၊ စားသုံးသူအငြင်းပွားမှုများနှင့် ပတ်သက်၍ စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေး စင်တာ ဖွင့်လှစ်ဆောင်ရွက်ထားမှုနှင့် Consumer Call Center Hot Line No 1535 ဆောင်ရွက်ထားရှိမှု အခြေအနေများကို ရှင်းလင်းတင်ပြဆွေးနွေးခဲ့ပါသည်။

          ထို့နောက် ရှင်းလင်းဆွေးနွေးတင်ပြမှုများအပေါ်တက်ရောက်လာကြသော ခရိုင်စားသုံးသူရေး ရာ ကော်မတီဝင်များ၊ ဖိတ်ကြားထားသော စပ်ဆက်ဌာနများက လိုအပ်သည်များ အကြံပြုဆွေးနွေးခဲ့ ၍ ဆွေးနွေးချက်များမှ အစည်းအဝေးဆုံးဖြတ်ချက် (၇) ချက် ချမှတ်ခဲ့ပြီး ခရိုင်စားသုံးသူရေးရာ ကော်မတီဥက္ကဋ္ဌက နိဂုံးချုပ်အမှာစကားပြောကြား၍ အစည်းအဝေးကို ၁၃၀၀ နာရီတွင် ရုတ်သိမ်းခဲ့ ကြောင်း သိရသည်။

DOCA(ကရင်)

           ပြင်ဦးလွင်ခရိုင် စားသုံးသူရေးရာဦးစီးဌာနရှိ စစ်ဆေးရေးအရာရှိများသည် ဇူလိုင်လ(၂၅) ရက်နေ့တွင်ပြင်ဦးလွင်မြို့နယ်ရှိ ဌေးဌေးကြွယ် စက်သုံးဆီအရောင်းအားကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် စက်သုံးဆီအရောင်းဆိုင်များအနေဖြင့် နိုင်ငံတော်မှ စက်သုံးဆီပြတ်လပ်မှု မရှိစေရေး၊စျေးနှုန်းမြင့်တက်မှုမရှိစေရေး၊ စက်သုံးဆီစျေးနှုန်းတည်ငြိမ်မှုရှိစေရေးအတွက်ဆောင်ရွက်လျက်ရှိကြောင်း၊ စက်သုံးဆီရောင်းချသည့် ကုမ္ပဏီများမှလည်း သုံးစွဲသူပြည်သူများအား စက်သုံးဆီတင်သွင်း၊ သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သတ်မှတ်ထားသည့် ရည်ညွှန်းစျေးနှုန်းများထက် ပိုမိုကျော်လွန်၍ ရောင်းချခြင်းမရှိရန်လိုကြောင်း၊ အချင်အတွယ်မှန်ကန်စွာ ရောင်းချရန်နှင့်အရည်အသွေးကောင်းမွန်သော စက်သုံးဆီများကိုသာ ဝယ်ယူရောင်းချရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

              မန္တလေးတိုင်းဒေသကြီး၊ ကျောက်ဆည်ခရိုင်၊စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဇူလိုင်လ(၂၈)ရက်နေ့တွင် ကျောက်ဆည်မြို့၊ မြို့ဦးရပ်ရှိ ကျော်ကိတ်ခြောက်လုပ်ငန်းအား ထုတ်ကုန်များလုံခြုံစိတ်ချရမှုရှိစေရန်နှင့် ကုန်အညွှန်းအမှတ်တံဆိပ်များ ပြည့်စုံစွာပါဝင်မှုရှိစေရေး၊ ( Pre Market )ဈေးကွက်မရောက်မီ စောင့်ကြည့်စစ်ဆေးခြင်းလုပ်ငန်းကို ကျောက်ဆည် မြို့နယ်စည်ပင်သာယာရေးအဖွဲ့နှင့် ကျောက်ဆည်ခရိုင် စားသုံးသူရေးရာဦးစီးဌာနတို့ ပူးပေါင်းပြီး ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ ထိုသို့ စစ်ဆေးရာတွင် ကျော်ကိတ်ခြောက်လုပ်ငန်းရှင်အား မြန်မာနိုင်ငံ စားသုံးသူကာကွယ်ရေးကော်မရှင် ညွှန်ကြားချက် အမှတ်(၂/၂၀၁၉) နှင့် စားသုံးသူကာကွယ်ရေး ဥပဒေအခန်း ၁၈ ပါ စီးပွား‌‌ရေးလုပ်ငန်းရှင်များ လိုက်နာရမည့် ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပုဒ်မ (၄၁)ပါ အချက်အလက် များအားရှင်းလင်းဆွေးနွေးခြင်းနှင့် ၄င်းအချက်အလက်များမှ ပုဒ်မ(ခ) ရှိ ကုန်စည်၏ အမျိုးအမည်၊ အရွယ်အစား၊ အရေအတွက် နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းနှင့် ပုဒ်မ(ဆ)ရှိ ကျန်းမာရေးဆိုင်ရာဘေးထွက်ဆိုးကျိုး သို့မဟုတ် ဓါတ်မတည့် ကြောင်းဖော်ပြချက် နှင့် ကြိုတင်သတိပေးချက်တို့အား မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျှက်ဖြစ်စေ၊ ပြည့်စုံစွာဖော်ပြရမည်ဖြစ်ပြီး စီးပွားရေးလုပ်ငန်းရှင်များဘက်မှလည်း ကုန်စည်အမျိုးအစားအလိုက် သတ်မှတ်ထားသည့် ဥပဒေ ညွှန်ကြားချက်များအား အထူးအလေးထား လိုက်နာဆောင်ရွက်သွားကြရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)

           မန္တလေးတိုင်းဒေသကြီး၊ ကျောက်ဆည်ခရိုင်၊စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဇူလိုင်လ(၂၈)ရက်နေ့တွင် ကျောက်ဆည်မြို့၊ ဆည်ထိပ်ထန်းတောရပ်ရှိ ရွှေလရောင် ကြက်သွန်ပေါင်းကြော်လုပ်ငန်းအား ထုတ်ကုန်များလုံခြုံစိတ်ချရမှုရှိစေရန် နှင့် ကုန်အညွှန်း အမှတ်တံဆိပ်များပြည့်စုံစွာပါဝင်မှုရှိစေရေး၊ ( Pre Market )ဈေးကွက်မရောက်မီ စောင့်ကြည့် စစ်ဆေးခြင်းလုပ်ငန်းကို ကျောက်ဆည်မြို့နယ်  စည်ပင်သာယာရေးအဖွဲ့ နှင့် ကျောက်ဆည်ခရိုင် စားသုံးသူရေးရာဦးစီးဌာနတို့ ပူးပေါင်းပြီး ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ ထိုသို့ စစ်ဆေးရာတွင် ရွှေလရောင် ကြက်သွန်ပေါင်းကြော်လုပ်ငန်းရှင်အား မြန်မာနိုင်ငံ စားသုံးသူကာကွယ်ရေးကော်မရှင် ညွှန်ကြားချက်အမှတ်(၂/၂၀၁၉) နှင့် စားသုံးသူကာကွယ်ရေး ဥပဒေ အခန်း ၁၈ ပါ စီးပွား‌‌ရေးလုပ်ငန်းရှင်များလိုက်နာရမည့် ကုန်အညွှန်း အမှတ်အသားဖော်ပြခြင်းနှင့်ပတ်သက်၍ ပုဒ်မ (၄၁)ပါ အချက်အလက်များအား ရှင်းလင်းဆွေးနွေး ခြင်း နှင့် ၄င်းအချက်အလက်များမှ ပုဒ်မ(ခ) ရှိ ကုန်စည်၏ အမျိုးအမည် ၊ အရွယ်အစား၊ အရေအတွက် နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းနှင့် ပုဒ်မ(ဆ)ရှိ ကျန်းမာရေးဆိုင်ရာဘေးထွက်ဆိုးကျိုး သို့မဟုတ် ဓါတ်မတည့်ကြောင်းဖော်ပြချက် နှင့်ကြိုတင်သတိပေးချက်တို့အား မြန်မာဘာသာဖြင့်ဖြစ်စေ ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ၊ ပြည့်စုံစွာဖော်ပြရမည်ဖြစ်ပြီး စီးပွားရေးလုပ်ငန်းရှင်များ ဘက်မှလည်း ကုန်စည်အမျိုးအစားအလိုက် သတ်မှတ်ထားသည့် ဥပဒေ ညွှန်ကြားချက်များအား အထူးအလေးထား လိုက်နာဆောင်ရွက်သွားကြရန် ပြောကြားခဲ့ကြောင်း သတင်းရရှိပါသည်။

DOCA(မန္တလေး)