သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်ရှိ လက်ကား/လက်လီကုန်မျိုးစုံ ဆိုင်များနှင့် ဆီစက်များတွင် စားအုန်းဆီများအား ရပ်ကွက်/ကျေးရွာများရှိ အိမ်ထောင်စုအလိုက် ပြန်လည်ဖြန့်ဖြူးရောင်းချရာတွင် ညွှန်ကြားချက်များနှင့်အညီ ပြန်လည်ဖြန့်ဖြူးရောင်းချမှု ရှိ/မရှိနှင့် မြေပဲဆီများစျေးနှုန်းမြှင့်တင်ရောင်းချမှုရှိ/မရှိကို စားသုံးသူရေးရာဦးစီးဌာန ဟင်္သာတခရိုင်ဦးစီးမှူး၊ ဟင်္သာတမြို့နယ်တာဝန်ခံ၊ဧရာဝတီတိုင်းဒေသကြီးဆီအသင်းအဖွဲ့ဝင်များ၊အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှုး၊ အထူးစုံစမ်းစစ်ဆေးရေးဦးစီးဌာန၊ မြန်မာနိုင်ငံရဲတပ်ဖွဲ့တို့ ပူးပေါင်း၍ (၂၇.၁.၂၀၂၆)ရက် နေ့လည် (၁၃:၃၀) အချိန်တွင် ကွင်းဆင်းစိစစ်ကြပ်မတ် ဆောင်ရွက်ခဲ့ကြကြောင်း သတင်းရရှိပါသည်။

          ထိုသို့ကွင်းဆင်းစစ်ဆေးခဲ့ရာ ဟင်္သာတခရိုင် ဆီထုတ်လက်ကား ကိုယ်စားလှယ်များမှ တစ် ဆင့် ခွဲတမ်းရရှိသောဆီများအား ကုန်မျိုးစုံအရောင်းဆိုင်  ဆီထုတ်ကိုယ်စားလှယ်မှ တစ်ဆင့် စားသုံးသူများထံသို့ ဖြန့်ဖြူး ရောင်းချလျက်ရှိပြီး ၊ ထိုသို့ရောင်းချ ရာတွင်လည်း စားအုန်းဆီသတ်မှတ်ရည်ညွှန်း ဈေးထက်ကျော်လွန်၍ ရောင်းချမှုမရှိကြောင်း၊ ရောင်းချမှုလက်ခံ စာအုပ်များထားရှိခြင်း၊ သတ်မှတ်ရည်ညွှန်းဈေးဖြင့်သာ ရောင်းချခြင်း၊ စာအုန်းဆီဝယ်ယူခွင့်စာအုပ်များဖြင့်တစ်ကြိမ်လျှင် တစ်အိမ်ထောင် (၅၀ ကျပ်သား) ရောင်းချပြီး တစ်လလျှင် (၃)ကြိမ်ရောင်းချလျက်ရှိကြောင်း၊ ဈေး ကွက် အတွင်း‌ရောင်းချလျက်ရှိသော မြေပဲဆီဈေးနှုန်းမှာ တစ်ပိဿာလျှင် ၁၆၀၀၀/- ကျပ်နှုန်း ဖြင့် သာ ရောင်းချလျက်ရှိပြီး ဈေးနှုန်းမြှင့်တင်ရောင်းချမှုမရှိကြောင်း စိစစ်တွေ့ရှိရသည်ဟု သိရှိရပါသည်။

DOCA (ဧရာဝတီ)

     စားသုံးသူရေးရာဦးစီးဌာန၊လေးမျက်နှာမြို့နယ်တာဝန်ခံနှင့်ဝန်ထမ်းများသည် (၂၆.၁.၂၀၂၆) ရက်နေ့ နံနက်(၁၀:၀၀) နာရီအချိန်တွင် လေးမျက်နှာမြို့နယ်အတွင်းရှိ ဘိဿလွန်အုပ်စု၊ ဘိဿလွန် ရွာ နှင့် ကရင်တောရှိ ပြည်သူများအား လစဉ်အိမ်ထောင်စုအလိုက် ဆီထုတ်ပေးသည့်အကြိမ်ရေနှင့် ပြန်လည်ဖြန့်ဖြူးရောင်းချမှုများ၊ ဆီထုတ်ကိုယ်စားလှယ်မှတစ်ဆင့် စားသုံးသူပြည်သူများသို့ အိမ်ထောင်စုအလိုက် ဆီဝယ်ယူခွင့်စာအုပ်များဖြင့် ဆီရောင်းချမှု အခြေအနေ၊ သတ်မှတ်ရည်ညွှန်းဈေးထက် ​ဈေးနှုန်းမြှင့်တင်ရောင်းချမှုရှိ/မရှိ၊ စားအုန်းဆီရောင်းချသော လုပ်ငန်းရှင်အနေဖြင့် ဈေးနှုန်း မြှင့်တင်ရောင်းချမှုမရှိစေရေး၊ ဆီအရောင်းစာအုပ်များနှင့် စျေးနှုန်းမှန်ကန်စွာ အရေအတွက် အချင်အတွယ် မှန်ကန်စွာ ရောင်းချပေးရေး၊ ကျေးရွာရှိ အိမ်ထောင်စုအရေအတွက်အတိုင်း ပြည့်စုံစွာ ရောင်းချမှု ရှိ/မရှိတို့ကို ဆီအသင်းမှတာဝန်ရှိသူများနှင့်အတူပူးပေါင်းကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သတင်း ရရှိပါသည်။

DOCA (ဧရာဝတီ)

   စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ် တာဝန် ခံသည် ဟင်္သာတခရိုင် အစားအသောက်နှင့်ဆေးဝါးကွပ်ကဲရေးဦးစီးဌာနမှဦးဆောင်၍ မြို့နယ်စည်ပင် သာယာရေးအဖွဲ့၊ ကျန်းမာရေးဦးစီးဌာနတို့နှင့်ပူးပေါင်း၍(၂၆.၁.၂၀၂၆)ရက်နေ့ နံနက် (၀၉:၃၀) နာရီ အချိန်တွင် ဟင်္သာတမြို့နယ် ပဒေသာဈေးနှင့်ဌေးဝင်းဈေးအတွင်းရှိ စားသောက်ကုန်စည်များ၊ ဓါတု ဆိုးဆေး အသုံးပြုနိုင်သော မျှင်ငါးပိ၊ ငရုတ်သီးမှုန့်၊ ပဲပြား၊ မုန့်ဖတ်နှင့် ငံပြာ ရည်၊ ငါးပိတို့ကို  နမူနာကောက်ယူစစ်ဆေးခြင်းနှင့် မြေပြင်သိမ်းဆည်းဆောင်ရွက်မှုများ ပြုလုပ်ခဲ့ကြောင်းသိရှိရပါသည်။

    ထိုသို့ကွင်းဆင်းခဲ့ရာတွင် ပူးပေါင်းအဖွဲ့သည် ဟင်္သာတမြိုနယ် ပဒေသာဈေးနှင့် ဌေးဝင်းဈေး အတွင်းရှိ ကုန်မျိုးစုံဆိုင်များတွင် ရောင်းချသော အစားအသောက်များ၊ ငရုတ်သီးမှုန့်၊ ပဲပြား၊ မုန့်ဖတ်များနှင့် ပြန်လည်ပြုပြင်ထုတ်ပိုးထားသော ကုန်စည်များတွင်  ဓါတုဆိုးဆေးသုံးစွဲထားမှု ရှိ/မရှိ ၊  Date လွန်ကုန်စည်များ ရောင်းချမှု ရှိ/မရှိ စစ်ဆေးခဲ့ပြီး၊ အစားအသောက်နှင့်ဆေးဝါးကွပ်ကဲရေး ဦးစီးဌာန၏ ဓါတ်ခွဲစစ်ဆေးတွေ့ရှိချက်အရ တချို့သော ကုန်စုံဆိုင်များတွင် အများပြည်သူများ စာသုံး ရန် မသင့်သော ဓါတုဆေးပါရှိသည့် မျှင်ငါးပိနှင့် ငရုတ်သီးမှုန့်များအားတွေ့ရှိခဲ့ပြီး ဟင်္သာတခရိုင် အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီမှ ပြန်လည်သိမ်းဆည်း    ဖျက်ဆီးဆောင် ရွက်မှုတွင် ပါဝင်ပူးပေါင်း ဆောင်ရွက်ခဲ့ပြီး၊ စားသုံးသူရေးရာဦးစီးဌာန၊ ဟင်္သာတမြို့နယ့်တာဝန်ခံ ဦးမိုးကျော်က စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် စားသုံးသူကာကွယ် ရေးဥပဒေပါ စီးပွားရေးလုပ်ငန်းရှင်၏တာဝန်များနှင့် တားမြစ်ချက်များအကြောင်း၊ စီးပွားရေး လုပ် ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်   အရည်အသွေးပြည့်မီသော ကုန်စည်များကိုသာရောင်းချရန်စသည် တို့ကို အသိပညာပေးဆွေးနွေးခဲ့ ကြောင်း သတင်းရရှိပါသည်။

DOCA (ဧရာဝတီ)

ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် (၂၆.၁.၂၀၂၆) ရက်နေ့၊ နံနက် (၁၁:၀၀) နာရီအချိန်တွင် လှည်းဆိပ်ကျေးရွာရှိ ဦးအောင်စိုး ပိုင်ဆိုင်သော “၉၉၉” မုန့်ဟင်းခါးဖို လုပ်ငန်းသို့ MSMEs ဖွံ့ဖြိုးတိုးတက်ရေး ကွင်းဆင်းစိစစ်ခဲ့ကြပါသည်။

          ထိုသို့ ကွင်းဆင်းစိစစ်ရာတွင် မြို့နယ်တာဝန်ခံက ဈေးကွက်မရောက်မီ ကုန်စည်ဖြစ်သော မုန့်ဖတ်များ ထုတ်လုပ်နေမှု အခြေအနေ၊ ဓာတုဆေးဝါးများ အသုံးပြုမှု မရှိစေရေး၊ တစ်နေ့ထုတ်လုပ်မှုအခြေအနေ၊ ရင်းနှီးမြှုပ်နှံမှု အခြေအနေ၊ လုပ်သားအင်အား အသုံးပြုမှုအခြေအနေ၊ ဈေးနှုန်းဈေးကွက်အခြေအနေတို့ကို MSMEs ဖွံ့ဖြိုးတိုးတက်ရေးအတွက် ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

   စားသုံးသူရေးရာဦးစီးဌာန ကျိုက်လတ်မြို့နယ် တာဝန်ခံနှင့်ဝန်ထမ်းတို့သည် ၂၀၂၆ခုနှစ်၊ ဇန်နဝါရီလ (၂၈)ရက်နေ့၊ နံနက် (၁၁:၃၀)နာရီအချိန်တွင် အမှတ်(၃)ရပ်ကွက် စားသုံးသူရေးရာ မြို့နယ်တာဝန်ခံရုံးတွင် Online Sale ရောင်းချသူ လုပ်ငန်းရှင် (၄)ဦးအား Online Sale ရောင်းချခြင်းနှင့် ပတ်သက်၍ အသိပညာပေးဟောပြောခဲ့ပါသည်။

      Online Sale စနစ်ရောင်းချခြင်းဆိုသည်မှာ လူ့အသုံးအဆောင်ပစ္စည်းများ၊ အစားအသောက်များကို Social Media ဖြစ်သော Facebook ၊ Youtube ၊ Viber တို့တွင် Online စနစ်ဖြင့်ကြေငြာ၍  စားသုံးသူပြည်သူများထံသို့ ဝန်ဆောင်မှုစနစ်ဖြင့်ရောင်းချပေးသောလုပ်ငန်းစဉ်ဖြစ်ပါသည်။ ထိုသို့ရောင်းချရာတွင် စားသုံးသူနစ်နာဆုံးရှုံးမှုမရှိစေရေးအတွက် ရောင်းချသူလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှထုတ်ပြန်ထားသော ညွှန်ကြားချက်များနှင့်အညီ မှတ်ပုံတင်လျှောက်ထားရောင်းဝယ်ရမည်ဖြစ်ကြောင်း၊ အသိပညာပေးခဲ့ ပြီး စားသုံးသူနစ်နာဆုံးရှုံးမှုရှိလာပါက စားသုံးသူရေးရာဦးစီးဌာနမှ ထုတ်ပြန်ထားသော ဥပဒေများနှင့်အညီ ဖြေရှင်းဆောင် ရွက်သွားမည်ဖြစ်ကြောင်း အသိပညာပေးဟောပြောခဲ့သည်ဟုသတင်းရရှိပါသည်။

DOCA(ဧရာဝတီ)