သတင်းနှင့် လှုပ်ရှားမှုများ

                  မအူပင်ခရိုင်၊ ညောင်တုန်း မြို့နယ်စားသုံးသူရေးရာဦးစီးဌာနမှ မြို့နယ်တာ၀န်ခံသည်(၂၃-၁၂-၂၀၂၅)ရက် နေ့၊‌ နေ့လယ်(၁၂:၀၀)အချိန်တွင်ဆန်စက်လုပ်ငန်း ဖွံ့ဖြိုးတိုးတက်စေရေးအတွက် ညောင်တုန်းမြို့နယ် ဆန်စက်အသင်းရုံးတွင် ဆန်စက်လုပ်ငန်းရှင်များနှင့်  တွေ့ဆုံ‌ဆွေးနွေးခဲ့ကြသည်။

               အဆိုပါတွေ့ဆုံ  ဆွေးနွေးရာတွင်မြို့နယ်ဦးစီးမှူးဦးအောင်လွင်က  လက်ရှိ စပါးထွက်ရှိမှုအပေါ်ဝယ်ယူနေမှု ဈေးနှုန်း အခြေအနေများ၊ လက်ရှိ စပါးဈေးနှုန်းအခြေအနေများ၊ ဆန်စက်တွင်အသုံးပြုသော စပါးအခြောက်ခံ စက်အခြေအနေ များကိုမေးမြန်းဆွေးနွေးခြင်း၊မြို့နယ် ဆန်စပါး ဈေးနှုန်းတည်ငြိမ်ရေး အတွက် ဆန်စပါးလုပ်ငန်းကြီးကြပ်ရေးအဖွဲ့ ဖွဲ့စည်း‌ဆောင်ရွက်နိုင်ရေးနှင့် အသင်းအဖွဲ့များ ရှင်သန်နိုင် ရေး စုပေါင်းဆောင်ရွက် ရန်လိုအပ်ကြောင်း၊ ဒေသတွင် ဈေးနှုန်းဈေးကွက်အခြေအနေများကို အသင်းအဖွဲ့မှ ကြပ်မတ်ဆောင်ရွက်ပြီး မြေပြင်အခြေအနေမှန်များကို သုံးသပ်၍ စိစစ်ဆောင်ရွက်နိုင်ရန် လိုအပ်ကြောင်းကိုလည်းကောင်း၊  Gasifier လည်ပတ်မှု နည်းစနစ်မှန်ကန်စေရေး၊  ဆန်စက်မှ ရထုတ်ကျန် စပါး/ဆန်စာရင်းများကိုလည်း စာရင်းပြုစုထားရှိရန် ၊ မိမိမြို့နယ်အတွင်းမှ အခြားဒေသသို့ ဆန်နှင့်ဆန်ကွဲ တင်ပို့ရာတွင် ကုန်ပို့လွှာများ ဆောင်ရွက်လျက်ရှိရာ မိမိမြို့နယ်များရှိ ၂၀၂၅ခုနှစ် ဒီဇင်ဘာလ ၁ရက်နေ့မှ ယနေ့အထိ ဆန်နှင့်ဆန်ကွဲတင်ပို့မှုစာရင်းအား ခရိုင်ရုံးသို့ အချိန်မီတင်ပြရမည်ဖြစ်သဖြင့် မို့နယ်ဦးစီးမှူးရုံးသို့ ကုန်ပို့လွှာဖြင့် တင်ပို့သော စာရင်းများရှိပါက နေ့စဉ်ပေးပို့နိုင်ရန်ကို ပြောကြားခဲ့ပြီး ကွင်းဆင်းစစ်ဆေးရေးအဖွဲ့မှ ကွင်းဆင်း စစ်ဆေး ဆောင်ရွက် သည့်အခါ အဆင်ပြေလွယ်ကူစွာ တင်ပြဆွေးနွေးနိုင်ကြောင်းကို အသေးစိတ်ရှင်းလင်း ဆွေးနွေးခဲ့ကြကြောင်း ဆန်စက်လုပ်ငန်းရှင် (၁၂)ဦးတက် ခဲ့ကြောင်း သတင်းရရှိပါသည်။

DOCA(ဧရာဝတီ)

                စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ဦးစီးမှူးရုံးမှ ဝာာဝန်ရှိသူဦးအောင်ကျော်သက်နှင့် ဝန်ထမ်းများသည် ၂၄.၁၂.၂၀၂၅ ရက်နေ့၊ ၀၉:၀၀ နာရီအချိန်တွင် အလယ်ပိုင်းရပ်ကွက် ဘုရင့်နောင်လမ်း အတွင်းရှိ  (ကုန်စုံဆိုင်)သို့ သွားရောက်၍ စားသုံးသူများ ဘေးအန္တရာယ် ကင်းရှင်းပြီး ထုတ်ကုန်လုံ ခြုံစိတ်ချရမှု ရှိစေရေး၊ ဘေးအန္တရာယ်ရှိသော ကုန်စည်များဈေးကွက်အတွင်း မှ ပပျောက်စေရေးနှင့် စားသုံးသူ ကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ ကိုက်ညီမှု ရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။

              ထိုသို့ ဈေးကွက်စောင့်ကြည့်စစ်ဆေးရာတွင် အသင့်သောက်ကော်ဖီမစ် အမှတ်တံဆိပ် အမျိုးမျိုး အသင့်ဖျော်ကော်ဖီတွင် ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့် ဖော်ပြရ မည့် အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်းတို့ပြည့်စုံစွာ ဖော်ပြပါရှိ ကြောင်း စစ်‌ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်အညွှန်းအမှတ်အသား ပြည့်စုံမှု မရှိသည့် ကုန်စည်များ ဈေးကွက်အတွင်းမရောင်းချရန်၊ သက်ဆိုင်ရာထောက်ခံချက်၊ ခွင့်ပြုချက် သတ်မှတ်ချက်များဖော်ပြပါရှိသော ကုန်စည်များကိုရောင်းချရန် အသိပညာပေးဆွေးနွေးခဲ့ပြီး ကုန်အညွှန်း အမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ဧရာဝတီ)

                စားသုံးသူပြည်သူများ ကျန်းမာရေး အိမ်သုံးဆေးများကို  သုံးစွဲရာတွင် ထိခိုက်နစ်နာမှုမရှိစေရေး၊ လုံခြုံစိတ်ချရမှုရှိစေရေး၊ စံမမီဆေးဝါးများ သုံးစွဲမှုမရှိ ဈေးကွက်အတွင်းပပျောက်စေရေး  ဥပဒေပြဌာန်းချက်များနှင့်ကိုက်ညီမှုမရှိဘဲ ရောင်းချဖြန်ါဖြူးခြင်း မရှိစေရန် နှင့် နေ့စဉ်ဝယ်ယူအသုံးပြုသူ စားသုံးသူတို့အတွက် ဖြစ်သင့်ဖြစ်ထိုက်သော နှုန်းထားများဖြင့် ဝယ်ယူသုံးစွဲနိုင်ရေးတို့အတွက် စားသုံးသူရေးရာဦးစီး ဌာန၊ မအူပင်ခရိုင်ဦးစီးမှူးရုံး၊ ခရိုင်အထွေထွေအုပ်ချုပ်ရေးဦးစီးဌာနှင့် ကျန်းမာရေးဦးစီးဌာန၊ စည်ပင်သာယာရေးဦးစီးဌာနတို့အနေဖြင့် ၂၄-၁၂-၂၀၂၅ရက်နေ့ နံနက် ၀၈၃၀ အချိန်က ဈေးကွက်စောင့်ကြည့် စစ်ဆေးခဲ့ကြသည်။

                   စစ်ဆေးဆောင်ရွက်ရာတွင် ကမ်းနာလမ်းရှိ ရိုဇီ ဆေးဆိုင်၊ မြမြဆေးဆိုင်၊ ကျားဗိုလ်ဆေးဆိုင် အား သက်ဆိုင်ရာဌာန ထောက်ခံချက် ပါဝင်သောဆေးဝါးများနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ် အသားဖော်ပြခြင်း များနှင့်ကိုက်ညီသော ဆေးဝါး များသာရောင်းချစေရေး သတ်မှတ်ချက်နှင့်ကိုက်ညီသော ဆေးဝါးများရောင်းချရာတွင် လက်ကားဈေး အပေါ်တွင် ဒေသပေါက်ဈေးထက် ဈေးနှုန်းပိုမိုသော အမြတ်တင်ရောင်းချမှုများမဖြစ်ပေါ်စေရေး၊ ဆေးဝါးလက်ကျန်အခြေအနေနှင့် ဆေးဝါးများပြတ်လပ်မှုမဖြစ်ပေါ်စေရေးနှင့်သက်တမ်းလွန်ဆေးဝါးများကို သက်တမ်းအတုများ ဖော်ပြ၍ လိမ်လည်လှည်းဖြား ရောင်းချခြင်းမပြုရနန် ကွင်းဆင်းစိစစ်မှုများ ဆောင်ရွက်ခဲ့ပြီး ဆက်လက်၍လည်း အပတ်စဉ်တိုင်း ကွင်းဆင်းစိစစ်မှုများဆောင်ရွက်သွားမည်ဖြစ်ကြောင်း သိရသည်။

DOCA(ဧရာဝတီ)

           ၂၃-၁၂-၂၀၂၅ရက်နေ့ နံနက်(၁၀)နာရီအချိန်က မအူပင်ခရိုင်၊ ညောင်တုန်းမြို့နယ် ခရီးသွားဝန်ဆောင်မှုနှင့်ပါတ်သက်၍ မိတ်ဖက်အဖွဲ့များနှင့် ပူးပေါင်းပြီးသတ်မှတ်ချက်များနှင့် အညီဆောင်ရွက် နေမှုရှိ/မရှိ စားသုံးသူများနစ်နာမှုမရှိစေရေး ကွင်းဆင်းစစ်ဆေးဆောင်ရွက်ခဲ့ကြသည်။

       စစ်ဆေးဆောင်ရွက်ရာတွင် မြို့နယ် အထွေထွေအုပ်ချုပ်ရေးဦးစီးဌာန တို့ပါဝင်ပြီး ညောင်တုန်းမြို့ရှိ ငြိမ်းချမ်းအောင် ကားဝန်ဆောင်မှုလုပ်ငန်း၊ ရိန်းဂျားနှင့်  ဗဟို၊ အဆင့်မြင့်ခရီးသွားဝန်ဆောင်မှုလုပ်ငန်း၊ တို့ကို ခရီးသွားဝန်ဆောင်မှုနှင့် စပ်လျဉ်း၍ အသိပညာပေး စစ်ဆေးခဲ့ပြီး ကားဂိတ်တာဝန်ခံများကို ခရီးသွား ဝန်ဆောင်မှုနှင့် စပ်လျဉ်း၍ စားသုံးသူများ၏ လိုအင်ဆန္ဒနှင့် အညီလုံခြုံချောမွေ့စွာဖြင့် ပို့ဆောင်ပေးနေ သည့် ပို့ဆောင်ရေးကဏ္ဍသည် အထူးအရေးပါသည့်အတွက် ခရီးသည်ပို့ဆောင်မှုနှင့် ကုန်စည် တန်ဆာပေးပို့မှုအခြေအနေများကို တိကျမှန်ကန်စွာ ပျက်စီးဆုံးရှုံးမှု မရှိစေရေး၊ အာမခံချက်နှင့်အညီ တာဝန်ယူ ဆောင်ရွက်ပေးနိုင်ရေး၊ စားသုံးသူဝန်ဆောင်မှုကို အသုံးမပြုမီ ကြိုတင်သတင်းအချက် အလက်များကြော်ငြာထားနိုင်ရန်တို့ကို လည်းကောင်း၊ မိမိတို့ဌာန၏ လုပ်ငန်း လမ်းညွှန်ချက် ပြဌာန်းထားသည့် ဥပဒေ၊ နည်းဥပ‌ဒေ၊လုပ်ထုံးလုပ်နည်းများနှင့် ပတ်သတ်၍ ရှင်းလင်းခြင်း  သယ်ယူပို့ ဆောင်ရေးဝန်ဆောင်မှုလုပ်ငန်းများနှင့် ပတ်သတ်၍ စားသုံးသူနစ်နာမှုမရှိစေရေး မှာကြားခဲ့ကြောင်း သိရသည်။

DOCA(ဧရာဝတီ)

                   ၂၄-၁၂-၂၀၂၅ရက်နေ့ နံနက်(၁၀)နာရီအချိန်က မအူပင်မြို့နယ် ခရီးသွားဝန်ဆောင်မှုနှင့်ပါတ်သက်၍ မိတ်ဖက်အဖွဲ့များနှင့်ပူးပေါင်းပြီးသတ်မှတ်ချက်များနှင့်အညီဆောင်ရွက်နေမှုရှိ/မရှိစားသုံးသူများနစ်နာမှုမရှိစေရေး ကွင်းဆင်းစစ်ဆေးဆောင်ရွက်ခဲ့ကြသည်။

                စစ်ဆေးဆောင်ရွက်ရာတွင် ပုဂ္ဂလိကမော်တော်ယာဉ်လုပ်ငန်းစနစ်တကျပြေးဆွဲရေး အဖွဲ့၊ မြို့နယ် အထွေထွေအုပ်ချုပ်ရေးဦးစီးဌာန တို့ပါဝင်ပြီး မအူပင်မြို့ရှိ သမာဓိ ကားဝန်ဆောင်မှုလုပ်ငန်း၊ ကြယ်ဇင်လင်း၊ သီဟနိုင်၊ အဆင့်မြင့်ခရီးသွားဝန်ဆောင်မှုလုပ်ငန်း၊ တို့ကို စစ်ဆေးခဲ့ပြီး ကားဂိတ် တာဝန်ခံများကို ခရီးသွားဝန်ဆောင်မှုနှင့် စပ်လျဉ်း၍ စားသုံးသူများ၏ လိုအင်ဆန္ဒနှင့်အညီ လုံခြုံချောမွေ့စွာ ဖြင့် ပို့ဆောင်ပေးနေသည့် ပို့ဆောင်ရေးကဏ္ဍသည် အထူးအရေးပါသည့်အတွက် ခရီးသည်ပို့ဆောင်မှုနှင့် ကုန်စည် တန်ဆာပေးပို့မှုအခြေအနေများကို တိကျမှန်ကန်စွာ ပျက်စီးဆုံးရှုံးမှု မရှိစေရေး၊ အာမခံချက်နှင့် အညီ တာဝန်ယူဆောင်ရွက်ပေးနိုင်ရေး၊ စားသုံးသူဝန်ဆောင်မှုကို အသုံးမပြုမီ ကြိုတင်သတင်းအချက် အလက်များကြော်ငြာထားနိုင်ရန်တို့ကို လည်းကောင်း၊ မိမိတို့ဌာန၏ လုပ်ငန်းလမ်းညွှန်ချက် ပြဌာန်းထားသည့် ဥပဒေ၊ နည်းဥပ‌ဒေ၊လုပ်ထုံးလုပ်နည်းများနှင့် ပတ်သတ်၍ ရှင်းလင်းခြင်း  သယ်ယူ ပို့ဆောင်ရေးဝန်ဆောင်မှုလုပ်ငန်းများနှင့် ပတ်သတ်၍ စားသုံးသူနစ်နာမှုမရှိစေရေး မှာကြားခဲ့ကြောင်း သိရသည်။

DOCA(ဧရာဝတီ)