သတင်းနှင့် လှုပ်ရှားမှုများ

       ၂၇.၇.၂၀၂၅ ရက်နေ့ ‌နေ့လယ်  (၁၃:၀၀) နာရီအချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံနှင့် ဝန်ထမ်းများ အဖွဲ့သည် မော်လမြိုင်မြို့နယ်၊ အ.ထ.က (သုခဝတီ) ကျောင်း၌ စားသုံးသူကာကွယ်ရေး အသိပညာပေး ဟောပြောဆွေးနွေးပွဲ ပြုလုပ်ခဲ့ကြောင်း သိရှိရပါသည်။

          အဆိုပါ ဟောပြောဆွေးနွေးပွဲတွင် ကျောင်းအုပ်ဆရာမကြီးမှ အဖွင့်အမှာစကား ပြောကြားခဲ့ပြီး အကြီးတန်းစာရေး ဒေါ်သဇင်ဖြိုးမြတ်မှ စားသုံးသူကာကွယ်ရေး၏ ဥပဒေ အဓိပ္ပာယ်ဖွင့်ဆိုချက်များ၊ စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသား ဆိုင်ရာပြဌာန်းချက်များ၊ Consumer Call Center အကြောင်းအရာများနှင့် စားသုံးသူရေးရာဦးစီး ဌာန၏ အကြောင်းအရာများအား www.doca.gov.com တွင်လည်း ဝင်ရောက်ကြည့်ရှုလေ့လာ နိုင်ကြောင်း၊ စားသုံးသူနစ်နာမှုနှင့် စပ်လျဉ်း၍ တိုင်ကြားနိုင်မှုနှင့် ဖြေရှင်းဆောင်ရွက်ပေးနေမှု အခြေအနေများအား ဟောပြောဆွေးနွေးခဲ့ပြီး ဆွေးနွေးပွဲသို့တက်ရောက်လာသော ဆရာ/ ဆရာမများနှင့် ကျောင်းသား/ ကျောင်းသူများမှ သိလိုသည်များမေးမြန်းခြင်း၊ ပြန်လည်ဖြေကြား ခြင်းများ ပြုလုပ်ခဲ့ကြောင်း သတင်းရရှိပါသည်။

     အဆိုပါ ဟောပြောဆွေနွေးပွဲသို့ ဆရာ/ဆရာမ (၉) ဦး၊ ကျောင်းသား/ကျောင်းသူ (၃၁၃) ဦးတက်ရောက်ခဲ့ပြီး လက်ကမ်းစာစောင်များဖြန့်ဝေပေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA (မွန်)

      ၂၇.၈.၂၀၂၅ ရက်နေ့ နေ့လယ် (၁၅) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်ထိုမြို့နယ်ခေတ္တမြို့နယ်တာဝန်ခံ ဦးစည်သူသည် ကျိုက်ထိုမြို့၊ တောင်သူစု ရပ်ကွက်၊ အောင်သီရိမြိုင်(၂)လမ်း၌ စားအုန်းဆီရောင်းချနေသော လက်လီဆိုင်အား ကွင်းဆင်း စစ်ဆေးခဲ့ကြောင်း သိရသည်။

          ထိုသို့ စစ်ဆေးရာတွင် စားအုန်းဆီလက်လီ/လက်ကား ရောင်းချနေသော ကိုယ်စားလှယ်များအနေဖြင့် စားအုန်းဆီဖြန့်ဖြူးရောင်းချရာတွင် ဈေးနှုန်းများကို ဗီနိုင်းများချိတ်ဆွဲရောင်းချ စေရေး၊ ရောင်းချသည့်ဈေးနှုန်းများကိုလည်း (၂%) အမြတ်ထက်ကျော်လွန်၍ ရောင်းချခြင်းမပြုရန်၊ အလေးချိန်အချင်အတွယ်မှန်ကန်စေရေး၊ ပြည်သူများလက်ဝယ်သို့ သတ်မှတ်နှုန်းထားဖြင့် အမှန်တကယ် တိုက်ရိုက်ရောင်းချစေရေး၊ ဌာနမှသတ်မှတ်ထုတ်ပြန်ထားသော ညွှန်ကြားချက် များနှင့်အညီ လိုက်နာဆောင်ရွက်စေရေးတို့အတွက် မြေပြင်အခြေအနေကွင်းဆင်းကြပ်မတ် ဆောင်ရွက်ခဲ့ကြောင်းနှင့် လက်လီအရောင်းဆိုင်များအနေဖြင့် လိုက်နာဆောင်ရွက်လျက်ရှိ‌ ကြောင်း သိရသည်။

DOCA (မွန်)

     မွန်ပြည်နယ်၊ ဘီးလင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အခြေခံ ပညာဦးစီးဌာနတို့ ပူးပေါင်း၍ စာဖတ်ရှိန်မြှင့်တင်ရေးလှုပ်ရှားမှုအဖြစ် လူငယ်စကားဝိုင်းကို ၂၈.၈.၂၀၂၅ ရက်နေ့ နံနက် (၀၈း၀၀) နာရီအချိန်တွင် အ.ထ.က(ကန်သာယာ)ကျောင်း၊ မဟော်သဓာခန်းမ၌ ကျင်းပပြုလုပ်ခဲ့သည်။

    ရှေးဦးစွာ အ.ထ.က (ကန်သာယာ)ကျောင်းမှ ကျောင်းအုပ်ဆရာကြီး ဦးဝင်းသူက အဖွင့်အမှာစကားပြောကြားခဲ့ပြီး ဘီးလင်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီး ဌာနမှ ဦးစီးအရာရှိ ဒေါ်အေးမျိုးမျိုးစံ က ကျောင်းသား၊ ကျောင်းသူများ အသိပညာဗဟုသုတ တိုးပွားလာစေရန်၊ အချင်းချင်း အပြန်အလှန်ဆွေးနွေးတတ်စေရန်နှင့် ဗလငါးတန်နှင့် ပြည့်စုံ သည့် လူငယ်များဖြစ်လာစေရန် ရည်ရွယ်၍ လူငယ်စကားဝိုင်းများကို ဆောင်ရွက်ပေးရခြင်း ဖြစ်ကြောင်း ဆွေးနွေးပြောကြားခဲ့သည်။

ထို့နောက် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခင်းကျင်း ပြသထားသည့် သိမှတ်ဖွယ်ရာ နံရံကပ်စာစောင်များ သုတ၊ ရသ၊ စာအုပ်များကို ပြသခဲ့ရာ ဆွေးနွေးပွဲသို့ တက်ရောက်လာကြသူတို့က စိတ်ပါဝင်စားစွာ လေ့လာကြည့်ရှုမှတ်သားခဲ့ကြကြောင်း သိရသည်။

DOCA (မွန်)

      ကော့မှူးမြို့နယ်အတွင်း နိုင်ငံစီးပွားရေးမြှင့်တင်ရေး ရန်ပုံငွေဖြင့် အကျုံးမဝင်သော မိုး စပါးစိုက်တောင်သူများထံ သီးနှံပေါ်ပေးစနစ်ဖြင့် သွင်းအားစု ဓာတ်မြေဩဇာများ ပေးအပ်ပွဲကို ဩဂုတ်လ(၂၉)ရက်နေ့၊ နံနက် (၁၀:၃၀)နာရီအချိန်တွင် ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ကျေးရွာအုပ်စုများတွင် ကျင်းပပြုလုပ်ခဲ့ကြောင်း သိရသည်။

       အဆိုပါ အခမ်းအနားတွင် တွံတေးခရိုင် မြေစာရင်းဦးစီးဌာနမှ ခရိုင်ဦးစီးမှူးနှင့် တာဝန်ရှိ သူများ၊ မြို့နယ်စီးမံခန့်ခွဲရေးနှင့် အုပ်ချုပ်ရေးကော်မတီမှ တာဝန်ရှိသူများ၊ မြို့နယ်မြေစာရင်းဦးစီး ဌာနမှတာဝန်ရှိသူများ၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ၊ မြို့နယ်မွေးမြူရေး နှင့်ကုသရေးဦးစီးဌာနမှ မြို့နယ်ဦးစီးမှူး၊ စိုက်ပျိုးရေးဦးစီးဌာနမှ မြို့နယ်ဦးစီးမှူး၊ မြို့နယ်ဆည် မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ မြို့နယ်ဦးစီးမှူးနှင့် မြို့နယ်စိုက်ပျိုးထုတ်လုပ်မှု ကြီးကြပ်ရေးအဖွဲ့မှ တာဝန်ရှိသူများသည် ကော့မှူးမြို့နယ် နတ်စင်ကုန်းကျေးရွာအုပ်စုနှင့် အဖျောက်ကျေးရွာအုပ်စုများရှိ မိုးစပါးစိုက်တောင်သူများအား သွင်းအားစုဓာတ်မြေဩဇာများ ပြည့်မီအောင် သုံးစွဲနိုင်မှ သီးနှံများ သတ်မှတ်ပန်းတိုင်အထွက်နှုန်းရရှိမည်ဖြစ်ကြောင်း တောင်သူ တစ်ဦးချင်းစီးပွားရေးအဆင်ပြေမှသာ နိုင်ငံစီးပွားရေး အဆင်ပြေတိုးတက်မည်ဖြစ်သောကြောင့် ယခုလိုသီးနှံပေါ်ပေးစနစ်ဖြင့် သွင်းအားစုများ ထောက်ပံ့ပေးရခြင်းဖြစ်ကြောင်း ဆွေးနွေးပြော ကြားခဲ့ပြီး မိုးစပါးစိုက်တောင်သူများထံ ကျေးရွာများ အရောက် ဓာတ်မြေဩဇာများ စာချုပ်ချုပ် ဆို ဖြန့်ဖြူးပေးခဲ့ကြောင်း သိရှိရပါသည်။

DOCA(ရန်ကုန်)

     အခြေခံစားသောက်ကုန်ပစ္စည်းများ၏ ဈေးနှုန်းပြောင်းလဲဖြစ်ပေါ်နေမှု အခြေအနေအား ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ စည်ပင်သာယာမြို့မဈေး အတွင်း/ အပြင်ရှိ အခြေခံစားသောက်ကုန်ပစ္စည်း အရောင်းဆိုင်များသို့ ဩဂုတ်လ(၂၉)ရက်နေ့၊ နံနက် (၀၈:၃၀)နာရီအချိန်တွင် ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

    ထိုသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေး တာဝန်ခံ ဦးအေးသွင် တို့ပူးပေါင်း၍ စားသုံးသူပြည်သူများ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ် ချရမှုရှိစေရေးတို့အတွက် အခြေခံစားသောက်ကုန်ပစ္စည်းများဖြစ်သော ဆန်အမျိုးအစားဈေးနှုန်း များ ကုန်ခြောက်ပစ္စည်းအမျိုးမျိုး၏ဈေးနှုန်းများ ဝက်သား၊ အမဲသား၊ ဆိတ်သားနှင့် ငါး၊ ပုဇွန် ဈေးနှုန်းများ၊ ငါးပိ၊ ငါးခြောက်၊ ကြက်ဥ၊ ဘဲဥ လက်လီ၊ လက်ကားဈေးနှုန်း၊ ကုန်စိမ်းအရောင်း ဆိုင်များမှ အသီးအရွက် ဈေးနှုန်းများအား စာရင်းကောက်ယူခဲ့ရာတွင် ဩဂုတ်လ၏ ဒုတိယအ ပတ် လလယ်ပိုင်းနှင့် ဩဂုတ်လ၏ စတုတ္ထပတ် လကုန်ပိုင်းတွင် ဖြစ်ပေါ်နေသော အခြေခံစား သောက်ကုန်ပစ္စည်းများ၏ ဈေးနှုန်းတို့မှာ တည်ငြိမ်လျှက်ရှိပြီး စားအုန်းဆီဈေးနှုန်းများမှာ အနည်း ငယ်မြင့်တက်လာသည်ကို ဈေးကွက်စောင့်ကြည့် စစ်ဆေးတွေ့ရှိခဲ့ကြောင်း သိရှိရပါသည်။

DOCA(ရန်ကုန်)