သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ သာယာဝတီခရိုင်အတွင်းရှိ မြို့နယ်များ၌ ဆေးနှင့်ဆေးပစ္စည်းများအား လက်ကားဈေးအပေါ်ပိုမို အမြတ်တင်ရောင်းချနေခြင်းရှိ/မရှိ သာယာဝတီခရိုင်၊စားသုံးသူရေးရာဦးစီးဌာန၊ မြို့နယ်တာဝန်ခံများအနေဖြင့် အပတ်စဉ်အင်္ဂါနေ့တိုင်း ဆေးဝါး အမျိုးအစားအလိုက် ရောင်းချသည့်အရေအတွက်၊ ဈေးနှုန်းဖြစ်ပေါ်မှု(အတက်/အကျ)၊ ပစ္စည်း ပြတ်လပ်မှုရှိ/မရှိနှင့် ဈေးကွက်အတွင်း အရောင်းအဝယ်ဖြစ်မှုအခြေအနေများအား ဆေးနှင့် ဆေး ပစ္စည်းအရောင်းဆိုင်များသို့ ကွင်းဆင်းစစ်ဆေးဆောင်ရွက်လျက်ရှိရာ အမျိုးအစားတူ အာနိသင် တူညီသည့် ဆေးဝါးအမယ်များ ဝယ်ယူရရှိနေသည့်အတွက် ဆေးဝါးပြတ်လပ်မှုမရှိပါ ကြောင်းနှင့် ဆေးဈေးနှုန်းများအနေဖြင့် သိသာစွာမြင့်တက်မှုမရှိပါကြောင်း ကွင်းဆင်းစစ်ဆေး တွေ့ရှိရပါသည်။

DOCA(ပဲခူး

         ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်အတွင်းရှိ ဆေးဝါးအရောင်းဆိုင်များတွင်   ဆေးဝါးများ စျေးနှုန်းကြီးမြင့်စွာရောင်းချမှုမရှိရေးနှင့် ပြတ်လပ်မှုမရ ကွင်းဆင်းစစ်ဆေးခြင်းကို ၂၀၂၅ ခုနှစ်၊ နိုဝင်ဘာ ၂၆ ယနေ့မွန်းလွဲ (၁၄)နာရီက မြို့ပေါ်ရပ်ကွက်များနှင့် မြို့မစျေးရှိ ဆေးဝါးအရောင်းဆိုင်များအား သက်ဆိုင်ရာဌာနများ ပူးပေါင်း၍ ကွင်းဆင်းဆောင်ရွက်ခဲ့ကြောင်း သိရသည်။

     အဆိုပါ စစ်ဆေးဆောင်ရွက်ခြင်းကို မြို့နယ်အစားအသောက်နှင့် ဆေးဝါးကြီးကြပ်ကွပ်ကဲရေး ကော်မတီဝင်များဖြစ်သည့် မြို့နယ် အထွေထွေအုပ်ချုပ်ရေးဦးစီးဌာနနှင့် မြို့နယ် ကျန်းမာရေးဦးစီး ဌာနတို့၏ ဦးဆောင်မှုဖြင့် သက်ဆိုင်ရာဌာနများပူးပေါင်း၍ မြို့ပေါ်ရပ်ကွက်နှင့် စျေးများတွင် ရောင်းချလျက်ရှိသော ဆေးဝါးအရောင်းဆိုင် (၆)ဆိုင်တွင် ဆေးဝါးများ စျေးနှုန်းကြီးမြင့်စွာ ရောင်းချမှုမရှိစေရေးနှင့် ဆေးဝါးပစ္စည်းများ ပြတ်လပ်မှုမရှိစေရေး ကွင်းဆင်းစစ်ဆေးခဲ့ပြီး လိုအပ်သည်များကို ဆွေးနွေးဟောပြောခဲ့ကြောင်း သိရှိရှိရပါသည်။

DOCA(ဧရာဝတီ)

      ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်ပြန်ကြားရေးနှင့် ပြည်သူ့ဆက်ဆံ ရေးဦးစီးဌာနနှင့် အုတ်တွင်းမြို့နယ်စားသုံးသူရေးရာဦးစီးဌာနတို့ ပူးပေါင်း၍ ဆန်စပါးသိုလှောင်ရုံများ မှတ်ပုံတင်ခြင်း ဆိုင်ရာလုပ်ငန်းများနှင့်ပတ်သက်၍ အသိပညာပေး Talk Showကို  ၂၇.၁၁.၂၀၂၅ ရက်နေ့ နံနက်ပိုင်းက လူထုအခြေပြုဗဟိုဌာန (Community Centre) ပြန်ကြားရေးနှင့် ပြည်သူ့ဆက်ဆံရေးခန်းမတွင် ကျင်းပပြုလုပ်ခဲ့ပါသည်။ ဆွေးနွေးရာတွင် ဆန်စပါးသိုလှောင်ရုံ မှတ်ပုံတင်ခြင်းဆိုင်ရာ အမိန့်နှင့်ပတ်သက်သည့် အကြောင်းအရာများ၊ ဆန်စပါးသိုလှောင်ရုံ ပိုင်ဆိုင်သူများ လိုက်နာဆောင်ရွက်ရမည့် အချက်များနှင့်ပတ်သက်၍ မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်ခင်မူမူဝင်းနှင့်မြို့နယ်စားသုံးသူရေးရာဦးစီး ဌာန၊ မြို့နယ်တာဝန်ခံ ဒေါ်အေးအေးခိုင်တို့က မေးမြန်းဆွေးနွေးခြင်း၊ ဖြေကြားအသိပေးခြင်းများကို ဆောင်ရွက်ခဲ့ပါသည်။

       အုတ်တွင်းမြို့နယ်အတွင်း ပြည်သူများအသိပညာရရှိရေး အသိပညာပေး Talk Show များကို အွန်လိုင်းမှတစ်ဆင့် သိရှိစေရေးကဏ္ဍအလိုက် ဆောင်ရွက်လျက်ရှိကြောင်း သိရသည်။

DOCA(ပဲခူး)

      မအူပင်ခရိုင်၊ ညောင်တုန်းမြို့နယ် လူမှုဝန်ထမ်းဦးစီးဌာနတွင် အမျိုးသမီးသင်တန်းသူများကို စားသုံးသူရေးရာဦးစီးဌာနမှ စားသုံးသူကာကွယ်ရေးဥပဒေအကြောင်းကို ၂၆.၁၁.၂၀၂၅ ရက်နေ့ နံနက် (၁၀း၀၀)နာရီအချိန်မှ (၁၀း၄၅) နာရီအချိန်အထိ သင်တန်းပို့ချခဲ့ကြောင်း သိရသည်။

    သင်တန်းပို့ချရာတွင် မြို့နယ် စားသုံးသူရေးရာဦးစီးဌာနမှ ဒေါ်ချိုမီဇင် ဒုဦးစီးမှူးက စားသုံးသူကာကွယ်ရေးဥပဒေမှ စားသုံးသူကာကွ‌ယ်ရေး အသိပညာပေးခြင်းလုပ်ငန်း၏ သဘောသဘာဝ၊ စားသုံးသူကာကွယ်ရေး အသိပညာပေးရာတွင် ထည့်သွင်းတွက်ချက်သင့်သည့်အချက်များအကြောင်း၊ ထိခိုက်လွယ်သည် စားသုံးသူအကြောင်း၊ စားသုံးသူအသိပညာပေးခြင်း အစီအစဉ်၊ စားသုံးသူကာကွယ်ရေးဥပဒေ၊ နည်းဥပဒေများ၊ ညွှန်ကြားချက်များအကြောင်းကို သင်တန်းသူ( ၁၅)ဦးအားရှင်းလင်းဟောပြောခဲ့ပြီး တက်ရောက်သူသင်တန်းသူများ သိရှိလို၍ မေးမြန်းမှုများကို ပြန်လည်ဖြေကြား ရှင်းလင်းပေးခဲ့ပြီး စားသုံးသူကာကွယ်ရေး ဥပဒေ ပန်းဖလက်များ ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

         ဧရာဝတီတိုင်းဒေသကြီးအစိုးရအဖွဲ့၊ စီးပွားရေးရာဝန်ကြီးသည် ၂၄.၁၁.၂၀၂၅ ရက်နေ့ နေ့လယ် ၁၂:၀၀ နာရီအချိန်တွင် ကျုံပျော်ခရိုင်၊ အထွေထွေအုပ်ချုပ်ရေးဦးစီးဌာန၏ အစည်းအဝေးခန်းမ(၁)တွင် ကျုံပျော်မြို့နယ်နှင့် ကျောင်းကုန်းမြို့နယ်၏ ဆန်စက်လုပ်ငန်းရှင်များ၊ ဆန်၊ စပါးကုန်သည်များနှင့် တွေ့ဆုံခဲ့ပါသည်။ တွေ့ဆုံပွဲတွင် ဝန်ကြီးမှ ဆန်၊ စပါးဖူလုံသော တိုင်းဒေသကြီးဖြစ်သော်လည်း အမှန်တကယ် စပါး၊ ဆန်လက်ကျန်မြေပြင်လက်ကျန် စာရင်းကောက်ယူရခြင်းမှာ ဆန်၊ စပါးစီးဝင်စီးထွက် အခြေအနေများ၊ စားသုံးရန်လိုအပ်ချက်နှင့် အမှန်တကယ်ပိုလျှံမှု အခြေအနေများတွက်ဆပြီး ပြည်ပပို့ကုန်လျာထားနိုင်ရန်အတွက်ဖြစ်ပါကြောင်းနှင့် အဓိကအားဖြင့် ပေါ်ဆန်းဆန်နှင့်ကောက်ညှင်းဆန်များပြည်ပတင်ပို့ရန် စီစဉ်ထားရှိမှုများရှင်းလင်းခြင်း၊  ဆန်၊ ဆန်ထွက်ပစ္စည်းများတိုင်းကျော်ပေးပို့သည့်ကားများတွင် ကုန်ပို့လွှာပါရှိရေးနှင့် စပါး၊ ဆန်သိုလှောင်ရောင်းဝယ်သူများမှ MyROမှတ်ပုံတင်ရန် ကျန်ရှိသူများရှိပါက မှတ်ပုံတင်ထားရှိရန်နှင့် လစဉ်ဆန်၊စပါးလက်ကျန် ဖြေဆိုရန်အခက်အခဲရှိပါက မြို့နယ်စားသုံးသူရေးရာဦးစီးဌာနဝန်ထမ်းများနှင့် ချိတ်ဆက်ဆောင်ရွက်ရန် ကိစ္စရပ်များပြောကြားခဲ့ကြောင်း သိရှိရပါသည်။

DOCA (ဧရာဝတီ)