သတင်းနှင့် လှုပ်ရှားမှုများ

      စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများ၊ ဆေးနှင့် ဆေးပစ္စည်းများ ပြတ်လပ်မှုမရှိစေရေးအတွက် အလေးထားဆောင်ရွက်လျက်ရှိရာ ၂၀.၁၁.၂၀၂၅ ရက်နေ့တွင် ညောင်လေးပင်ခရိုင်ဦးစီးမှူးရုံးမှ ဌာနခွဲစာရေး ဒေါ်ကြည်ကြည်ထွန်းနှင့် အကြီးတန်းစာရေး ဒေါ်ဝါဝါအောင်တို့သည် ညောင်လေးပင် မြို့ပေါ်ရှိ ဆေးဆိုင်များအား မိတ်ဖက်အဖွဲ့များနှင့်အတူ ကွင်းဆင်းစစ်ဆေးခဲ့ကြောင်း သတင်းရရှိပါ သည်။

      စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးမှ ဌာနခွဲစာရေး ဒေါ်ကြည် ကြည်ထွန်းနှင့် အကြီးတန်းစာရေး ဒေါ်ဝါဝါအောင်တို့သည် မိတ်ဖက်ဌာနများဖြစ်ကြသော  အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ရဲတပ်ဖွဲ့၊ မွေးမြူရေးဦးစီးဌာနတို့နှင့်အတူ ညောင်လေးပင်မြို့ပေါ်ရှိ လက်လီ၊ လက်ကား ဆေးအရောင်းဆိုင် များတွင် ဆေးဝါးများ ပြတ်လပ်မှု ရှိ/ မရှိ၊ ဆေးဝါးများအား ဈေးနှုန်းမြှင့်တင်ရောင်းချခြင်း ရှိ/ မရှိ၊ သက်တမ်းကုန်ဆုံးသော ဆေးဝါးများ ရောင်းချခြင်း ရှိ/ မရှိတို့ကို ကွင်းဆင်းစစ်ဆေးခဲ့ပါသည်။ စစ်ဆေးရာတွင် ညောင်လေးပင်မြို့ပေါ်ရှိ လက်လီ၊ လက်ကား ဆေးအရောင်းဆိုင်များအားလုံး အထက်ပါစည်းကမ်းများအား လိုက်နာမှုရှိကြောင်း သတင်းရရှိပါသည်။

DOCA(ပဲခူး)

       စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများ၊ ဆေးနှင့် ဆေးပစ္စည်းများ ပြတ်လပ်မှုမရှိစေရေးအတွက် အလေးထားဆောင်ရွက်လျက်ရှိရာ ၂၀.၁၁.၂၀၂၅ ရက်နေ့တွင် ပဲခူးတိုင်းဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာန တိုင်းဒေသကြီးဦးစီးမှူးမှ ဦးဆောင်၍ ဒိုက်ဦးမြို့ပေါ်ရှိ ဆေးဆိုင် များအား မိတ်ဖက်အဖွဲ့များနှင့်အတူ ကွင်းဆင်းစစ်ဆေးခဲ့ကြောင်း သတင်းရရှိပါသည်။

     စားသုံးသူရေးရာဦးစီးဌာန၊ ဒိုက်ဦးမြို့နယ်တာဝန်ခံရုံးမှ မြို့နယ်တာဝန်ခံ ဦးကျော်သက်မိုး နှင့် အငယ်တန်းစာရေး ဦးခွန်ကျော်ဝင်းထွန်းတို့သည် ဒိုက်ဦးမြို့နယ်ဆေးဝါးကြီးကြပ်ရေးအဖွဲ့များ ဖြစ်သော အစားအသောက်နှင့် ဆေးဝါးကွပ်ကဲရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ရဲတပ်ဖွဲ့၊ မွေးမြူရေးဦးစီးဌာနတို့နှင့်အတူ ဒိုက်ဦးမြို့ပေါ်ရှိ လက်လီ၊ လက်ကားဆေးအရောင်းဆိုင်များအား လိုင်စင်သက်တမ်းတိုးပေးခြင်း၊ Myanmar Registration မပါရှိသော ဆေးဝါးများ ရောင်းချမှုမရှိစေရေး၊ ကုန်အညွှန်းအမှတ်အသား များပါရှိသော ဆေးဝါးများကိုသာ ရောင်းချရန်တို့ကို ပူးပေါင်းကွင်းဆင်း စစ်ဆေးခဲ့ကြောင်း သတင်း ရရှိပါသည်။

DOCA(ပဲခူး)

      စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျောက် တံခါးမြို့နယ်တာဝန်ခံရုံးအနေဖြင့် ဆန်စပါးသိုလှောင်ရုံ မှတ်ပုံတင်ခြင်း၊ သက်တမ်းတိုးခြင်း ကိစ္စရပ်များ နှင့် ကုန်ဈေးနှုန်းတည်ငြိမ်ရေး ကိစ္စရပ်များကို အင်တိုက်အားတိုက်ဆောင်ရွက်လျက် ရှိရာ ၁၇.၁၁. ၂၀၂၅ ရက်နေ့တွင် ကျောက်တံခါးမြို့နယ်တာဝန်ခံ ဒေါ်တင်တင်စန်းနှင့် ဒုဦးစီးမှူး ဒေါ်ဇင်မာထွေးတို့သည် ကျောက်တံခါးမြို့နယ်ရှိ ဆန်စပါးသိုလှောင်ရုံ လုပ်ငန်းရှင်များနှင့် တွေ့ဆုံ၍ My Ro ကိစ္စရပ်များ အား ကွင်းဆင်းဆောင်ရွက်ခဲ့ကြောင်း သတင်းရရှိပါသည်။

          မြို့နယ်တာဝန်ခံနှင့် အဖွဲ့သည် ကျောက်တံခါးမြို့ပေါ်ရှိ ဆန်စပါးသိုလှောင်ရုံ လုပ်ငန်းရှင်များနှင့် တွေ့ဆုံကာ ဆန်စပါးသိုလှောင်ရုံ မှတ်ပုံတင်ခြင်းဆိုင်ရာ ကိစ္စရပ်များနှင့် ပတ်သက်၍ ဆွေးနွေးခဲ့ကြပါသည်။ ဆွေးနွေးရာတွင် မြို့နယ်တာဝန်ခံက ဆန်စပါးသိုလှောင်ရုံလုပ်ငန်းရှင်များ အား သိုလှောင်ရုံ သက်တမ်းတိုးပေးခြင်း၊ My Ro ရှိ သိုလှောင်ရုံ လုပ်ငန်းစဉ်များထဲတွင် ဆန်စပါး ရ၊ ထုတ်၊ ကျန်စာရင်းများ ကူညီဖြည့်သွင်း သင်ကြားပေးခြင်းတို့ကို ဆောင်ရွက်ပေးခဲ့ကြောင်း သတင်း ရရှိပါသည်။

DOCA(ပဲခူး)

         နေ့စဥ်လူနေမှုဘဝတွင် လူအများသည် စားသောက်ခြင်း၊ သုံးစွဲခြင်း၊ အသုံးပြုခြင်း၊ တစ်နေ့တာ ကုန်စည်များကို ထိတွေ့မှု ကင်းရှင်းသူများမရှိကြပါ။ ကုန်စည်ဆိုသည်မှာ စားသုံးသူ ကိုယ်တိုင်အတွက်သော်လည်းကောင်း၊ အခြားသူများအတွက်သော်လည်းကောင်း ရည်ရွယ်၍ ဝယ်ယူခြင်း၊ အသုံးပြုခြင်း သို့မဟုတ် စားသုံးခြင်းပြုသော အရာဝတ္ထုကို ဆိုသည်။ ယင်းစကားရပ်တွင် ငွေရေးကြေးရေးဆိုင်ရာ လွှဲပြောင်းနိုင်သောစာချုပ်စာတမ်း၊ အစုရှယ်ယာ၊ ငွေချေးလက်မှတ်၊ ငွေကြေးစသည့် ကိစ္စရပ်များလည်းပါဝင်ပြီး လူအများနှင့် ထိတွေ့မှု အများဆုံးဖြစ်၍ ကုန်စည်များကို ပြည်သူများက တန်ဖိုးနှင့်အညီပေးချေ၍ စားသုံးခြင်း၊ အသုံးပြုခြင်း၊ ဝယ်ယူခြင်းများရှိသည့်အတွက် စားသုံးသူအခွင့်အရေး မနစ်နာစေရန် ဥပဒေများဖြင့် အပြည့်အဝကာကွယ် ဆောင်ရွက်ပေးလျက်ရှိသည်။

        စားသုံးသူအခွင့်အ‌ရေးများ ထိခိုက်နစ်နာမှုမရှိစေရန် ပြည်သူများက မိမိအခွင့်အရေးများကို သိရှိနားလည်နိုင်ရန် စားသုံးသူရေးရာဦးစီးဌာနမှ အသိပညာပေးခြင်းလုပ်ငန်းများကို ကျယ်ကျယ်ပြန့်ပြန့် သိရှိနိုင်စေရန် ဆောင်ရွက်လျက်ရှိရာ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင်နှင့် ဝန်ထမ်းများသည် ၂၆.၁၁.၂၀၂၅ ရက်နေ့ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးခန်းမတွင် ပြည်သူ ၁၀ ဦးအား စားသုံးသူရေးရာဦးစီးဌာန၏ consumer call center 1535ဖွင့်လှစ်ဆောင်ရွက်ထားရှိမှု ကို အကျယ်တဝင်ရှင်းလင်း အသိပညာပေးပြီး စားသုံးသူအခွင့်အရေး ထိခိုက်နစ်နာမှူ ရှိလာပါက တိုင်ကြားနိုင်သည့်အကြောင်းနှင့် စားသုံးသူပြည်သူတွေနဲ့ လုပ်ငန်းရှင်များအနေဖြင့် သိလိုသည့်အရာများ မေးမြန်းနိုင်ဖို့ စားသုံးသူတွေ နစ်နာမှုတွေ ဖြေရှင်းပေးနိုင်ဖို့ ပြည်တွင်းကုန်သွယ်မှု သတင်းတွေကိုဖြေကြားနိုင်ဖို့ consumer call center 1535 ဝန်ဆောင်မှုကို ဖွင့်လှစ်ဆောင်ရွက်ပေးလျက်ရှိကြောင်း Consumer Call Center (၁၅၃၅)ကို ရုံးဖွင့်ရက်များမှာ ရုံးချိန်အတွင်း ဖုန်းခေါ်ဆို မေးမြန်းနိုင်ကြောင်း၊ Consumer Call Center ကို မည်သည့် Sim Card User အလွယ်တကူ ခေါ်ဆိုနိုင်ကြောင်းနှင့် တက်ရောက်လာသူ ပြည်သူတစ်ဦးမှ သိရှိလို၍ Consumer Call Center ခေါ်ဆိုမှု လုပ်ငန်းစဉ်ကို မေးမြန်းခဲ့ပြီး ခေါ်ဆိုမှုဆောင်ရွ်ကနိုင်ရန် ခေါ်ဆိုသည်အခါ ပြည်သူများမှ Consumer Call Center မှ တာဝန်ရှိသူနှင့် ရင်းနှီးဖော်ရွေစွာ ဆက်သွယ်ဆောင်ရွက်နိုင်ရန် အသိပညာပေးပြသခဲ့ပြီး Consumer Call Centerအသိပညာပေး လက်ကမ်းစာစောင်များဖြန့်ဈေပေးခဲ့ကြောင်း သိရှိရပါသည်။

DOCA(ဧရာဝတီ)

    MSMEs လုပ်ငန်းများ ဖွံ့ဖြိုးတိုးတက်လာစေရန် ရည်ရွယ်၍ ပဲခူးတိုင်းဒေသကြီးအစိုးရ အဖွဲ့အနေဖြင့် နိုင်ငံ့စီးပွားမြှင့်တင်ရေး  ရန်ပုံငွေမှ ဒေသတွင်းထုတ်လုပ်သော MSME လုပ်ငန်းများအား ချေးငွေများထုတ်ချေးပေးလျက်ရှိပါသည်။ ပြည်ခရိုင်၊ ရွှေတောင်မြို့နယ်အတွင်းမှ ဒေသ ထုတ်ကုန်အစားအစာဖြစ်သော ရွှေတောင်ခေါက်ဆွဲအား အသင့်စား Ready Made များထုတ်လုပ်၍ ဖြန့်ဖြူးရောင်းချနေသော အိုဆာကာ အမှတ်တံဆိပ်မှလည်း နိုင်ငံ့စီးပွားမြှင့်တင်ရေးရန်ပုံငွေမှ ချေးငွေရယူကာ လုပ်ငန်းများ ဆောင်ရွက်နေသည့်အတွက် ၂၅.၁၁.၂၀၂၅ ရက်နေ့တွင် စားသုံးသူရေးရာဦးစီးဌာန၊ ခရိုင်ဦးစီးမှူးမှ  အိုဆာကာ အမှတ်တံဆိပ် အသင့်စား Ready Made ရွှေတောင် ခေါက်ဆွဲ လုပ်ငန်းသို့သွားရောက်၍ လုပ်ငန်းဆောင်ရွက်နေမှု တိုးတက်မှုရှိ/မရှိ ကွင်းဆင်းစစ်ဆေး ဆောင်ရွက်ခဲ့ရာတွင် အိုဆာကာ အမှတ်တံဆိပ် အသင့်စား Ready Made ရွှေတောင် ခေါက်ဆွဲ လုပ်ငန်းအနေဖြင့် ချေးငွေရရှိသည့်အတွက် Packing ထုတ်ပိုးမှုစနစ်များ အဆင့်မြှင့်တင်လာနိုင်ပြီး ဈေးကွက်ကျယ်ကျယ်ပြန့်ပြန့် ဖြန့်ဖြူးရောင်းချလာနိုင်ကြောင်း တွေ့ရှိခဲ့ရပါသည်။

DOCA(ပဲခူး)