သတင်းနှင့် လှုပ်ရှားမှုများ

    မအူပင်ခရိုင်၊ ပန်းတနော်မြို့အတွင်း ရောင်းချနေသည့် ဆေးဝါးနှင့် ဆေးပစ္စည်းဆိုင်များအား ဈေးကွက်အတွင်း ဈေးနှုန်းအဆမတန်မြှင့်တင်ရောင်းချခြင်း မရှိစေရေးအတွက် မအူပင်ခရိုင် ဆေးဝါးနှင့် ဆေးပစ္စည်းများ ဈေးကွက်စောင့်ကြည့်စစ်ဆေးကြပ်မတ်ရေးအဖွဲ့နှင့် ခရိုင်စားသုံးသူရေးရာဦးစီးဌာနတို့ သည် ၁-၁၂-၂၀၂၅ ရက်နေ့ နံနက် ၁၀ နာရီမှစ၍ မြို့ပေါ်ရပ်ကွက် အတွင်းရှိ ဆေးဝါးနှင့် ဆေးပစ္စည်း ဆိုင်များအားကွင်းဆင်းစစ်ဆေးဆောင်ရွက်ခဲ့သည်။
          အဆိုပါ ကွင်းဆင်းစစ်ဆေးဆောင်ရွက်ရာတွင် မအူပင်ခရိုင် အထွေထွေအုပ်ချုပ်ရေးဦးစီးဌာန ၊ မှ ဦးဆောင်သည့် အဖွဲ့တို့သည် အိမ်သုံးဆေးဝါး ဆေးပစ္စည်းများနှင့် အထောက်အကူပြုပစ္စည်းများ မြို့နယ်တွင်း ပြတ်လပ်မှုမရှိစေရေး ၊ သတ်မှတ်အရည်အသွေးနှင့် ဈေးနှုန်းမှန်ကန်စေရေး ၊ ဆေးဆိုင်များအားလုံး နေ့စဉ်ပုံမှန်ဖွင့်လှစ်ရောင်းချရေး နှင့် ရောင်းချသော ဆေ’အမျိုးမျိူးတွင် ကုန်အညှန်းအမှတ်အသား ပြည်စုံစွာဖော်ပြပါရှိစော ကုန်စည်ကိုရောင်းချစေရေး၊ ဆေးဝါးနှင့် ဆေးပစ္စည်းများကုမ္ပဏီ နှင့် ဆေးဆိုင် များမှ ဈေးနှုန်းမှန်ကန်တည်ငြိမ်စွာရောင်းချစေရေး၊ မြန်မာနိုင်ငံ ဆေးဝါးမှတ်ပုံတင် အမှတ်မပါရှိသော ဆေးဝါးများ၊ သက်တမ်းလွန်ဆေးဝါးများနှင့် တရားမဝင်ဆေးဝါးများ ရောင်းချခြင်း ရှိ၊ မရှိနှင့် အလှ ကုန်ဆိုင်များတွင် သက်တမ်းလွန်အလှကုန်များ သုံးစွဲရန်မသင့်ဟု တားမြစ်ထားသော အလှကုန်များ ရှိ၊ မရှိကို ဈေးကွက်စောင့်ကြည့်ခြင်း၊ အသိပညာပေးခြင်းများနှင့် ဆေးဝါး၊ ဆေးပစ္စည်း၊ အလှကုန်များ ဈေးကွက်နမူနာ (PMS) ကောက်ယူခြင်းလုပ်ငန်းများကို ကွင်းဆင်းဆောင်ရွက်ခဲ့ ခြင်းဖြစ် ကြောင်း  လမ်းညွှန်မှာကြားခဲ့ကြောင်းသိရသည်။ 

Doca (ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့တွင် အစားအသောက်ရောင်းချသည့် စားသောက်ဆိုင်များနှင့် လက်ဖက်ရည်ဆိုင်များအား ဈေးကွက်စစ်ဆေးခြင်းကို ၁-၁၂-၂၀၂၅ နံနက်ပိုင်းမှ  လစဉ် ကွင်းဆင်းစစ်ဆေးခဲ့လုပ်ငန်းကို ဆောင်ရွက်ခဲ့ ကြောင်း သိရသည်။

     ထိုသို့စစ်ဆေးရာတွင် စားသုံးသူရေးရာဦးစီးဌာမှ အထက်ဌာန လမ်းညွှန်ချက်များအတိုင်း လစဉ် ဝန်ဆောင်မှုလုပ်ငန်းများကို စစ်ဆေးကြရာ စားသုံးသူပြည်သူများ နစ်နာဆုံးရှုံးမှုမရှိစေရေး၊ အစားအသောက် ပြုပြင်ရောင်းချသည့်နေရာများ သန့်ရှင်းစွာရှိရေး၊ အစားအသောက်ကိုင်တွယ် ချက်ပြုတ်သူများ၊ ဝန်ဆောင်မှုပေးသူများ၏ တစ်ကိုယ်ရည်သန့်ရှင်းရေး၊ အစားအသောက်များ  လတ်ဆတ်သန့်ရှင်းရေး၊ ပေးအပ်သည့် ဝန်ဆောင်မှုများနှင့်စပ်လျဉ်း၍ စားသုံးသူများအား လုံလောက်သည့် သတင်းအချက် အလက်များကို ကြိုတင်အသိပေးဖော်ပြပေးနိုင်ရေး၊ ရောင်းချသည့်စားသောက်ဖွယ်ရာများ၏ အမျိုးအစား အရွယ်အလိုက် ဈေးနှုန်းများ ပွင့်လင်းမြင်သာစွာ ရောင်းချပေးနိုင်ရေး၊ အချိန်နှင့်တပြေညီ စားသုံးသူ စိတ်ကျေနပ်စွာ ဝယ်ယူသုံးစွဲခွင့် နှင့် အခွန်ဆောင် ငွေရပါက ကိုတင်အသိပေး သတင်းအချက် အလက်ဖြန့် ဝေထားနိုင်ရေး၊ ချက်ပြုတ်ရာနေရာများ သန့်ရှင့်သပ်ရပ်စွာကိုင်ကွယ်ရေး  စသည့်အချက်များကို ကွင်းဆင်းစစ်ဆေး ခဲ့ခြင်း ဖြစ်ကြောင်းသိရပြီး စားသောက်ဆိုင်များမှ သတ်မှတ်ချက်များအတိုင်း လိုက်နာဆောင်ရွက်ရောင်းချခြင်းမရှိပါက စားသုံးသူရေးရာဦးစီးဌာန စားသုံးသူကာကွယ်ရေးဥပဒေနှင့်အညီ အရေးယူဆောင်ရွက်သွားမည် ဖြစ်ကြောင်းနှင့် ဓနုဖြူမြို့နယ် စားသောက်ဆိုင်လုပ်ငန်းရှငါအသင်းတစ်ခု ဖွဲ့စည်းပေါ်ပေါက်နိုင်ရေးကို  မှာကြားပြောကြား ဆွေးနွေးခဲ့ကြောင်းသိရပါသည်။

     အဆိုပါ ဈေးကွက်စောင့်ကြည့်စစ်ဆေးဆောင်ရာတွင် ခရိုင်စားသုံးသူရေးရာဦးစီးဌာန မြို့နယ်ပြည်သူ့ ကျန်းမာရေးဦးစီးဌာန၊ မြို့နယ်စည်ပင်သာယာရေးကော်မတီတို့နှင့်အတူ ဈေးကွက် စောင့်ကြည့်စစ်ဆေး ဆောင်ရွက်ခဲ့ကြောင်း သိရသည်။  

Doca (ဧရာဝတီ)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးမင်းမင်းစိုး (ဌာနခွဲစာရေး)နှင့်  ဝန်ထမ်းများသည် ဒဂုံမြို့သစ်ခရိုင်၊ ဒဂုံဆိပ်ကမ်းမြို့နယ်၊ မြို့နယ်စည်ပင်သာယာရေးကော်မတီမှ တာဝန်ရှိသူများနှင့်ပူးပေါင်းပြီး ဆန်ရောင်းချမှုအခြေအနေများကို ကွင်းဆင်းအသိ ပညာပေးမှုများဆောင်ရွက်လျက်ရှိရာ (၃.၁၂.၂၀၂၅)ရက်နေ့၊ နေ့လယ်(၁၂:၃၀)နာရီအချိန်တွင် သိရိကျော်တင်လမ်း၊ (၁၆၈)ရပ်ကွက်၊ ဒဂုံဆိပ်ကမ်းမြို့နယ် ပြည့်လျံ ဆန်ရောင်းဝယ်ရေး အရောင်းဆိုင်သို့သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါ သည်။

           ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသောဆန်များသည်      ရက်(၉၀)၊‌ ဆင်းသွယ်၊ ရွှေဘိုပေါ်ဆန်း၊ ဖျားပုံကြာပျံ၊ ပုသိမ်ပေါ်ဆန်း၊ ပေါ်ဆန်း(ခွန်နီ) ၊တောင်ပျံစသည့်ဆန်များရောင်းချလျက်ရှိပြီး၊ သတ်မှတ်ရည်ညွှန်းဈေးအတိုင်းရောင်းချနေခြင်း ရှိ/မရှိတို့ကိုစစ်ဆေးခဲ့ပြီး ဆန်များကို ဈေးနှုန်း အဆမတန်ရောင်းချမှုမရှိစေရေးနှင့် ရောင်းချခြင်း ကိုစိစစ်တွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမှာဖြစ်ကြောင်း အသိပေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

 စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံရုံးအနေဖြင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်စေရန်အတွက် မိမိတို့ ဒေသများတွင် လုပ်ကိုင်ဆောင်ရွက်နေသော ပြည်တွင်း အသေးစား၊ အငယ်စားနှင့်အလတ်စား စီးပွားရေးလုပ်ငန်းများ (MSMEs)လုပ်ကိုင်လျက်ရှိသော လုပ်ငန်းရှင်တို့အား သွားရောက်တွေ့ဆုံ၍ လုပ်ငန်းဆောင်ရွက်နေမှု အခြေအနေများအား ကွင်းဆင်းမေးမြန်းခြင်းကို လစဉ်ဆောင်ရွက်လျက်ရှိပါသည်။

          ထိုသို့ ဆောင်ရွက်လျက်ရှိရာ မကွေး/ချောက်ခရိုင်အတွင်းရှိ မြို့နယ်များမှ ၂၀၂၅-ခုနှစ်၊ နိုဝင်ဘာ လတွင် တောင်တွင်းကြီးမြို့၊ တိုးချဲ့(၄)ရပ်ကွက်၊ ဆတ်သွားကျေးရွာရှိ “သစ္စာ”ကိတ်မုန့်လုပ်ငန်းအား လည်းကောင်း၊ ချောက်မြို့နယ်၊ အမှတ်(၇)ရပ်ကွက်ရှိ “စိုး” ပါပလာ လုပ်ငန်းနှင့် အမှတ် (၁၅)ရပ်ကွက်ရှိ “သန္တာ”မရွေး မုန့်လုပ်ငန်းအားလည်းကောင်း၊ ရေနံချောင်းမြို့၊ ရွာသစ်ရပ်ကွက်ရှိ “မသက်သက်နှင့် ညီမ များ” ပဲကြော်လုပ်ငန်းနှင့် ရေခဲစက်ရပ်ရှိ “ထွန်းအောင်လှိုင်” ပဲကြော် လုပ်ငန်းအားလည်းကောင်း၊ စုစု ပေါင်း လုပ်ငန်းရှင် (၅)ဦးတို့အား သွားရောက်တွေ့ဆုံ၍ ကုန်ကြမ်း ဝယ်ယူရရှိမှု၊ ကုန်ချောထုတ်လုပ်မှု၊ ဖြန့်ဖြူးရောင်းချမှုနှင့် ဈေးနှုန်းအခြေအနေများအား မေးမြန်းခဲ့ကြောင်း သိရှိရပါသည်။

DOCA(မကွေး)

   မကွေးတိုင်းဒေသကြီး၊ မကွေးခရိုင်၊ မကွေးမြို့ ကုန်သည်များနှင့်စက်မှုလက်မှုလုပ်ငန်းရှင်များ အသင်း (မကွေးကုန်စည်ဒိုင်)ခန်းမ၌ ဆန်ကုန်သည်နှင့်ဆန်လုပ်ငန်းရှင်များအား ဖိတ်ကြား၍ (၈.၁၂.၂၀၂၅)ရက်နေ့၊ နံနက် (၀၉:၃၀)အချိန်တွင် စားသုံးသူရေးရာဦးစီးဌာန၊ မကွေးခရိုင်တာဝန်ခံ မှ MyRO နှင့်စပ်လျဉ်း၍လုပ်ဆောင်ရမည့် လုပ်ငန်းစဉ်များအကြောင်းအား ချပြရှင်းလင်းအသိပညာပေး ဆောင် ရွက်ခဲ့ကြောင်း သိရှိရပါသည်။

       ထိုသို့ အသိပညာပေးဆောင်ရွက်ရာတွင် မကွေးခရိုင်တာဝန်ခံက ဆန်ကုန်သည်နှင့် ဆန်လုပ်ငန်း ရှင်များအသင်း ဝင်ရောက်မှုမရှိသော လုပ်ငန်းရှင်များအား အသင်းဝင်နိုင်ရေး၊ ဆန်တန်ချိန် (၂၅)နှင့် အထက်၊ဆန်အိတ် (၅၀၀)နှင့်အထက် သိုလှောင်ရုံပိုင်ဆိုင်သူများအနေဖြင့် MyRO တွင် မှတ်ပုံတင် ဆောင်ရွက်ရန်၊ မှတ်ပုံတင်ရှိထားသည့် သိုလှောင်ရုံ ပိုင်ရှင်များအနေဖြင့် ကုန်ရ၊ ကုန်ထုတ်၊ လက်ကျန် စာရင်းများအား လစဉ် (၁)ရက်နေ့မှ (၁၀)ရက်နေ့အတွင်း MyRO တွင် ပုံမှန်စာရင်းရေးသွင်း ရန်၊ မိမိတို့ ဆိုင်များမှ နေ့စဉ် ကုန်ရ၊ ကုန်ထုတ်၊ လက်ကျန်စာရင်းများအားလည်း သေသေချာချာစာရင်း ပြုစုထား ရှိစေရန်၊ ဆန်စျေးနှုန်းများအား စျေးနှုန်းမြှင့်တင်ရောင်းချမှုမရှိစေရေးနှင့် စပါး၊ ဆန်နှင့် ဆန် ထွက် ပစ္စည်းများအား တိုင်းဒေသကြီးအတွင်းနှင့် တိုင်းဒေသကြီးပြင်ပ သို့ သယ်ယူပို့ဆောင်ရာတွင် အသုံးပြု သည့် မျှောစာများအား လက်မှတ်ရေးထိုးရမည့် ဆန်ကုန်သည်၊ ဆန်စက်လုပ်ငန်းရှင် အမည်စာရင်းအား မကွေးတိုင်းဒေသကြီးအစိုးရအဖွဲ့မှ အတည်ပြုထားပြီးဖြစ်ကြောင်း၊ မျှောစာတွင် လက်မှတ်ရေးထိုး ရမည့် မြို့နယ်အလိုက် အမည်စာရင်းအား ဖတ်ကြားရှင်းလင်း၍ မျှောစာလက်မှတ်ရေး ထိုးရာတွင်လည်း တာဝန်ရှိသူမှလွဲ၍ ကိုယ်စားလက်မှတ်ရေးထိုး၍ မရကြောင်း ရှင်းလင်းပြောကြားခဲ့ကြောင်း သိရှိရ ပါသည်။

DOCA(မကွေး)