`ကချင်ပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးဆောင်၍ ကချင်ပြည်နယ် စားအုန်းဆီဖြန့်ဖြူးမှုစစ်ဆေးရေးအဖွဲ့ဝင်များဖြစ်သည့် အထွေထွေအုပ်ချုပ်ရေးဦးစီးဌာန၊ အထူးစုံစမ်း စစ်ဆေးရေးဦးစီးဌာန၊ စည်ပင်သာယာရေးအဖွဲ့၊ ပြည်နယ်ဆီကုန်သည်နှင့် ဆီလုပ်ငန်းရှင်များ အသင်းမှ တာဝန်ရှိသူများ၊ စားအုန်းဆီလက်ကားကိုယ်စားလှယ်များပါဝင်သော ပူးပေါင်းအဖွဲ့သည် ၁၃-၇-၂၀၂၆ ရက်နေ့တွင် မြစ်ကြီးနားမြို့ပေါ်ရှိ စားအုန်းဆီလက်လီအရောင်းဆိုင်များသို့ သွားရောက်ပြီး စားသုံးသူပြည်သူများ သတ်မှတ်ရည်ညွှန်းဈေးနှုန်းဖြင့် စားအုန်းဆီများ ဝယ်ယူရရှိရေး၊ မသမာသောနည်းလမ်းများဖြင့် ရောင်းချမှုမရှိစေရေး မြေပြင်ကွင်းဆင်းစစ်ဆေးခဲ့ပါသည်။
ထိုသို့ မြေပြင်ကွင်းဆင်းစစ်ဆေးဆောင်ရွက်ခဲ့ရာ ပြည်နယ်ဦးစီးမှူးနှင့် ကချင်ပြည်နယ် စားအုန်းဆီဖြန့်ဖြူးမှု စစ်ဆေးရေးအဖွဲ့ဝင်များသည် လက်လီအရောင်းဆိုင်များအား ဗွီနိုင်းများ ချိတ်ဆွဲ၍ ရောင်းချမှု ရှိ/မရှိ၊ အလေးချိန်မှန်ကန်မှု ရှိ/မရှိ၊ သတ်မှတ်ရည်ညွှန်းဈေးနှုန်းများအတိုင်း ရောင်းချမှု ရှိ/မရှိ စစ်ဆေးခဲ့ပြီး သတ်မှတ်ရည်ညွှန်း ဈေးနှုန်းများဖြင့် မှန်မှန်ကန်ကန် ရောင်းချစေရေး၊ အလေးချိန်၊ အချိန်အတွယ် မှန်ကန်စေရေး၊ ဆီအရည်အသွေးမှန်ကန်စေရေး အလေးထားဆောင်ရွက် သွားရန် ညွှန်ကြားခဲ့ကြောင်း သတင်းရရှိပါသည်။
DOCA(ကချင်)