သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ ဖျာပုံခရိုင်၊ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့်ဝန်ထမ်းတို့သည် ၂၀၂၅ ခုနှစ်၊ နိုဝင်ဘာလ(၂၈)ရက် နံနက်(၉:၃၀)နာရီအချိန်တွင် ဘိုကလေးမြို့(၃)ရပ်ကွက် ထော်လီကွေ့ ရှိ “အောင်ပင်လယ်’ စားအုန်းဆီအရောင်းဆိုင်အား သတ်မှတ် ရည်ညွှန်းဈေးနှုန်း ဖြင့် ရောင်း ချခြင်းရှိ/မရှိ စစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် ဘိုကလေးမြို့ (၃)ရပ်ကွက်ထော်လီကွေ့ရှိ စားအုန်းဆီ အရောင်းဆိုင်အား စစ်ဆေးခဲ့ရာ ညွှန်ကြားချက်ပါအတိုင်း စည်းမျဉ်းစည်းကမ်းများ၊ နေ့စွဲများပါသော ရည်ညွှန်းဈေးနှုန်းအတိုင်း ဆိုင်းဘုတ်တင် ချိတ်ဆွဲ ရောင်းချနေကြောင်းဈေးကွက်စောင့်ကြည့်စစ်ဆေး ခဲ့မှုအရ သတင်းရရှိပါသည်။

(Doca ဧရာဝတီ)

       ဧရာ၀တီတိုင်းဒေသကြီး၊ဖျာပုံခရိုင်၊ ဒေးဒရဲမြို့နယ်တွင်(၂၈-၁၁-၂၀၂၅)ရက်နေ့၊ နံနက်(၀၉:၃၀) နာရီအချိန်တွင်‌ဒေးဒရဲမြို့ပေါ်ရှိဘိလပ်မြေဆိုင်များသို့ ဒေးဒရဲမြို့နယ်တရားမ၀င် ကုန်သွယ်မှု တိုက်ဖျက်ရေးအဖွဲ့က အဆိုပါဘိလပ်မြေဆိုင်များအား ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။
      အဆိုပါကွင်းဆင်းစစ်ဆေးမှုတွင် အ‌ထွေထွေအုပ်ချုပ်‌ရေးဦးစီးဌာန၊ စားသုံးသူရေးရာဦးစီးဌာန၊ စည်ပင်သာယာ‌ရေးဦးစီးဌာနနှင့် မြို့နယ်ရဲတပ်ဖွဲ့ပါ၀င်‌သော ပူးပေါင်းအဖွဲ့က ဘိလပ်မြေဈေးနှုန်းအ‌ခြေအ‌နေများအား မေးမြန်းခြင်း၊မည်သို့ရောင်းချပေးနေကြောင်းမေးမြန်းခြင်း ၊ဘိလပ်မြေများပုံမှန် ရောက်ရှိ မှုရှိ/မရှိမေးမြန်းခဲ့ပြီးတရား၀င်လိုင်စင်ရှိ/မရှိ၊မည်သည့်ဘိလပ်မြေအမျိုးအစားများရောင်းချကြောင်းနှင့် လက်ကျန်အိတ်အရေအတွက်တို့ကိုမေးမြန်းခဲ့ကြောင်း သတင်းရရှိပါသည်။ 

(Doca ဧရာဝတီ)

      ဖျာပုံခရိုင်၊‌ ဒေးဒရဲစားသုံးသူရေးရာဦးစီးဌာနမှ မြို့နယ်တာ၀န်ခံ ဦးသိန်းမောင်သည်၂၀၂၅ခုနှစ်၊ နို၀င်ဘာလ၂၈ရက်နေ့၊ မွန်းလွဲ၁၃:၀၀နာရီအချိန်တွင် ဒေးဒရဲမြို့နယ်ဆီကိုယ်စားလှယ်၏ ရန်ကုန်မြို့ရှိ စားအုန်းဆီကုမ္ပဏီမှ ခွဲတမ်းရစားသုံးဆီ(၂၁)ပေပါ(သို့) (၂၃၁၀)ပိဿာရောက်ရှိမှုအား ကွင်းဆင်းစစ်ဆေးကြခဲ့ပါသည်။
     ထိုသို့ကွင်းဆင်းခဲ့ရာတွင် ဒေးဒရဲမြို့နယ်ဆီကိုယ်စားလှယ်က ခွဲတမ်းရရှိသောစားအုန်းဆီများကို
ရည်ညွှန်းဈေး၊ သယ်ယူပို့ဆောင်ခကုန်ကျစရိတ်နှင့် ၂%အမြတ်တို့ဖြင့်စားအုန်းဆီလက်လီ/လက္ကားဆိုင် များသို့ဖြန့်ခွဲရောင်းချသွားမည်ဖြစ်ကြောင်း၊ လက်လီဆိုင်များမှစားသုံးသူပြည်သူများသို့ ၂%အမြတ်ဖြင့် ပြန်လည်ရောင်းချပေးသွားမည်ဖြစ်ကြောင်းခွဲတမ်းရရှိသောစားအုန်းဆီလက်လီ/လက္ကားကိုယ်စားလှယ်ထံမှ သတင်းရရှိပါသည်။ 

(Doca ဧရာဝတီ)

      မအူပင်ခရိုင်၊ စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူးရုံးမှ  ဦးအောင်ကျော်သက်နှင့် ဝန်ထမ်းများသည် (၁-၁၂-၂၀၂၅) ရက်နေ့ နံနက် (၀၈း၀၀) နာရီအချိန်တွင် မြို့နယ်စည်ပင်သာယာရေး အဖွဲ့နှင့်အတူ မြို့မဈေးအတွက် ကုန်စုံဆိုင် (၆)ဆိုင်မှ ‌ရောင်းချသည့်  ဟင်းလျာများတွင် အသုံးပြုသော အရသာမှုန့် ဟင်းခတ်ပစ္စည်းအမျိုးမျိုးအား ကုန်အညွှန်အမှတ်အသားဖော်ပြချက်နှင့် စပ်လျဉ်း၍ ကွင်းဆင်းစစ်ဆေးခဲ့ကြောင်း သိရသည်။

     စစ်ဆေးရာတွင် ပန်းတနော် မြို့နယ်စားသုံးသူရေးရာဦးစီးဌာနမှ ဦးအောင်ကျော်သက် မြို့နယ်တာဝန်ခံနှင့် စစ်ဆေးရေးမှူး ဒေါ်သဇင်ဦး ဒုဦးစီးမှူး တို့မှ  ကုန်စုံဆိုင်များမှ ရောင်းချနေ သော  ဟင်းခတ်အချိုမှုန့်အမျိုးမျိုးတို့တွင် မြန်မာဘာသာဖြင့်ကုန် အညွှန်းအမှတ်အသား ဖော်ပြပါဝင်မှု ရှိ/မရှိ အဓိကစစ်ဆေးခဲ့ပြီး သက်တမ်းလွန် ကုန်ပစ္စည်းများ ရောင်းချမှုမရှိစေရေး ကွင်းဆင်းစစ်ဆေးခဲ့ကြောင်း သိရှိရပါသည်။ မြို့နယ် ဈေးကွက်အတွင်း သတ်မှတ်ချက်များနှင့်အညီ ထုတ်ကုန်များရောင်းချနေကြောင်း တွေ့ရှိရပြီး ဆိုင်ရှင်များကို ဈေးကွက်အတွင်း ရောင်းချသော ကုန်စည်များတွင် ကုန်ပစ္စည်းများမှာလည်း ကုန်အညွှန်း အမှတ်အသားများ အပြည့်အစုံပါရှိရမည်၊ ကုန်အမှတ်တံဆိပ်၊ စားသုံးသူများ သိရှိ လိုက်နာသင့်သည့် အကြောင်းအချက်များနှင့် ထုတ်လုပ်မှု ဆိုင်ရာများအား ကုန်အညွှန်းအမှတ်အသားများ ( Labels) ဖြင့်ဖော်ပြချက်များဖြစ်ကြောင်း၊  ကုန်ပစ္စည်း၏ ပါဝင်ပစ္စည်း၊ အသုံးဝင်မှု၊ အာနိသင်၊ ဆောင်ရန်ရှောင်ရန်၊ သက်ဆိုင်ရာဌာနထောက်ခံချက် ရရှိမှုအခြေအနေ၊ အသုံးပြုပုံ၊ သိမ်းဆည်း ရမည့်စနစ် စသည့် သတင်းအချက်အလက်များ ပါဝင်ရမည့်ဖြစ်ကြောင်း စားသုံးသူကာကွယ်ရေးဥပဒေ (၂၀၁၉) သည် ကုန်စည်လုံခြုံစိတ်ချမှုအတွက် ပိုမိုတိကျသော ပြဋ္ဌာန်း ချက်များဖြင့် စားသုံးသူပြည်သူများကို ကာကွယ်ပေးထား ကြောင်း ၊  အထူးသဖြင့် အခန်း(၁၈)၊ ပုဒ်မ(၄၁)၊ (၄၂)နှင့်(၄၃)တို့သည် ကုန်အညွှန်းအမှတ် အသား ဖော်ပြခြင်းဆိုင်ရာများ တိတိကျကျပါရှိပြီးဖော်ပြထားပြီး လိုက်နာဆောင်ရွက်ရမည်ဖြစ်ကြောင်းကို အသိပညာပေးမှာကြားဆွေးနွေးခဲ့သည်။  ဈေးကွက်အတွင်း သက်တမ်းလွန်ကုန်စည် များရောနှော ရောင်းချနေခြင်း၊ တားမြစ်ကုန်စည်များကိုဈေးကွက်အတွင်းရောင်းချနေကြောင်း  တွေ့ရှိပါက ဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် စားသုံးသူကာကွယ်ရေဥပဒေပါ စီးပွားရေးလုပ်ငန်းရှင် တာဝန်များအကြောင်းကို ရှင်းလင်းပြောကြားခဲ့ကြေင်း သိရှိရပါသည်။

DOCA(ဧရာဝတီ)

     စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မအူပင် ခရိုင်ဦးစီး မှူးရုံး အနေဖြင့် ပြည်သူများ ဘေးအန္တရာယ် ကင်းရှင်းသော အစားအသောက်များ ဝယ်ယူနိုင်ရေး၊ ဝန်ဆောင်မှုလုပ်ငန်းများ ကောင်မွန်စေရေး အတွက် အစားအသောက် ဝန်ဆောင်မှုပေးသည့် လုပ်ငန်းများဖြစ်သည့် မအူပင်ခရိုင်အတွင်း ရှိ စားသောက်ဆိုင်များသို့ မိတ်ဖက် ဌာနများ ပူးပေါင်း၍ ခရိုင် ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးအဖွဲ့ဝင်များ၊ ခရိုင်စားသုံးသူရေးရာဦးစီးဌာနတို့ (၁-၁၂-၂၀၂၅) ရက်နေ့က ကွင်းဆင်းစစ်ဆေးခြင်းအား ဆောင်ရွက်ခဲ့ ပါသည်။

      ကွင်းဆင်းစစ်ဆေးဆောင်ရွက်ရာတွင် မအူပင်ခရိုင်စားသုံးသူရေးရာဦးစီးဌာနမှ ဒုခရိုင်မှူး ဦးအောင်ဇော်ဦး မှ မအူပင်စားသောက်ဆိုင်များဖြစ်သည့် 3 Season စားသောက်ဆိုင်၊ အိမ်မက်သစ် စားသောက်ဆိုင်၊ မူဆယ်စားသောက်ဆိုင်၊ ဆင်ရေတွင်း စားသောက်ဆိုင်၊ ဖူးမောက်စားသောက်ဆိုင်၊ တစ်တော့ စားသောက်ဆိုင်၊ ရွှေကံကော်စားသောက်ဆိုင်များအား ဝန်ဆောင်မှု လုပ်ငန်းနှင့် စပ်လျဉ်း၍ လိုက်နာဆောင်ရွက်‌ရောင်းချမှု ရှိမရှိကို စစ်ဆေးခဲ့ပြီး၊ ချက်ပြုတ်စားသောက်ခန်းများ သန့်ရှင်းမှု ရှိမရှိနှင့်၊ အသားဟင်းရွက်ထားရှိမှု အအနေများ၊ ရေစီးရေလာမြောင်းများအား စစ်ဆေးခြင်း၊ အမှိုက်ပုံး ထားရှိမှု စစ်ဆေးခြင်းများ ပြုလုပ်ခဲ့ပြီး၊ စားသောက်ဆိုင်တာဝန်ခံများကို စားသောက်ဆိုင်ဝန်ဆောင်မှု လုပ်ငန်းရှင်များ အသင်း၊ အစုအဖွဲ့ ဖွဲ့စည်းနိုင်ရေးနှင့် အသင်းအဖွဲ့ဖွဲ့စည်း လုပ်ငန်းဆောင်ရွက်နိုင်မှု စည်းမျဉ်းစည်းကမ်း၊ ဥပဒေများ အကြောင်းကိုရှင့်လင်းပြောကြားခဲ့ပြီး စားသောက်ဆိုင်လုပ်ငန်း ဖွံဖြိုးတိုးတက်ရေး၊ ကျန်းမာရေး နှင့် ညီညွတ်သော စားသောက်မှုလုပ်ငန်းတစ်ခုအဖြစ်ဆောင်ရွက်နိုင်ရေး ပညာပေးပြောကြားခဲ့ကြောင်း လုပ်ငန်းရှင်များမှလည်း အသင်းအဖွဲ့ဖွဲ့စည်းဆောင်ရွက်ရန် ပူးပေါင်းဆောင်ရွက်လိုကြောင်း ဌာနမှ ညွှန်ကြားချက်များကို လိုက်နာဆောင်ရွက်သွာမည်ဖြစ်ကြောင်း စားသောက်ဆိုင်တာဝန်ခံများမှ ပြန်လည်ဆွေးနွေးပေးခဲ့ကြောင်း သတင်းရရှိပါသည်။

DOCA(ဧရာဝတီ)