HighLight News

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံစားသုံးသူကာကွယ်ရေး ကော်မရှင်ဥက္ကဌ  ပြည်ထောင်စုဝန်ကြီးက စားသုံးသူကာကွယ်ရေးဥပဒေ၏ ရည်ရွယ်ချက်များ အောင်မြင်စေရန်နှင့် စားသုံးသူကာကွယ်ရေးဆိုင်ရာမူဝါဒများနှင့် အစီအမံများချမှတ်နိုင်ရေးတို့အတွက် မြန်မာနိုင်ငံစားသုံးသူကာကွယ်ရေး ကော်မရှင်၏ (၂/၂၀၂၆)ကြိမ်မြောက်လုပ်ငန်းညှိနှိုင်း အစည်းအဝေးကို (၃၀.၆.၂၀၂၆) ရက်နေ့၊နံနက်(၀၉:၃၀)နာရီအချိန်တွင် Zoom Meeting ဖြင့် ကျင်းပပြုလုပ်ခဲ့ရာ ပခုက္ကူခရိုင် အထွေထွေ အုပ်ချုပ်ရေးဦးစီးဌာန၊ “မြဧရာ(၂)”အစည်းအဝေးခန်းမ၌ ခရိုင်စားသုံးသူရေးရာကော်မတီဥက္ကဌ၊  အဖွဲ့ဝင် (၄)ဦး၊ စားသုံးသူရေးရာဦးစီးဌာနမှ ဝန်ထမ်း(၅)ဦး၊ စုစုပေါင်း(၉)ဦး Virtual စနစ်ဖြင့် တက်ရောက်ခဲ့ကြောင်း သိရပါသည်။

          ကော်မရှင် ဥက္ကဌက အဖွင့်အမှာစကားပြောကြားရာ နိုင်ငံတော်မူဝါဒများနှင့်အညီ လိုက်လျောညီ ထွေစွာပြုလုပ်ဆောင်ရွက်လျက်ရှိကြောင်း၊ စားသုံးသူကာကွယ်ရေးဥပဒေပြဌာန်းချက် များကိုကော်မရှင်၊ ကော်မတီ၊ တိုင်းဒေသကြီးနှင့် ပြည်နယ်များ၊ ခရိုင်စားသုံးသူရေးရာ ကော်မတီများမှ စိတ်အားထက်သန်စွာ လုပ်ကိုင်ဆောင်ရွက်နေခြင်းကို သိရှိရ၍ ဝမ်းမြောက်ကြောင်း၊ ကော်မရှင်အတွင်းရေးမှူးက မြန်မာနိုင်ငံစားသုံးသူကာကွယ်ရေး ကော်မရှင်လုပ်ငန်း ညှိနှိုင်းအစည်းအဝေး(၁/၂၀၂၆)၏ ဆုံးဖြတ်ချက်များအပေါ်  ဆောင်ရွက်ပြီးစီးမှုအခြေအနေတင်ပြခြင်း၊ လုပ်ငန်းဆောင်ရွက်မှုအခြေအနေများအား ရှင်းလင်းတင်ပြခြင်း၊ အမှာစာများ ဖတ်ကြားတင်ပြခြင်းနှင့် ဥက္ကဌက အမှာစာများအပေါ် အဆုံးအဖြတ်ပေးခြင်း၊ ကော်မရှင်အဖွဲ့ဝင်များက ကဏ္ဍအလိုက် အသီးသီးဆွေးနွေးခြင်းနှင့် ပြည်ထောင်စုနယ်မြေ၊ တိုင်းဒေသကြီး/ ပြည်နယ် စားသုံးသူရေးရာကော်မတီ ဥက္ကဌများက စားသုံးသူကာကွယ်ရေး လုပ်ငန်းဆောင်ရွက်ချက်များနှင့် ရှေ့ဆက်လက်ဆောင်ရွက်မည့် လုပ်ငန်းအစီအမံများအား တင်ပြခဲ့ကြောင်း သိရပါသည်။

          ဆက်လက်၍ ပြည်ထောင်စု ဝန်ကြီးက နိဂုံးချုပ်စကားပြောကြားရာတွင် စားသုံးသူကာကွယ် ရေးလုပ်ငန်းများ လုပ်ဆောင်ရာ၌ ဌာနမှဝန်ထမ်းများက စွမ်းဆောင်မှုမြင့်မားစေရန် မိမိဌာန၏ ဥပဒေ၊ နည်းဥပဒေနှင့် ဆက်စပ်ဌာနများ၏ ဥပဒေများအား လေ့လာမှတ်သား၍ ထိရောက်စွာ အသိပညာပေး ရန်လိုအပ်ကြောင်း၊ အကြိမ်အရေအတွက်ထက် အရည်အသွေးပြည့်ဝစေရန် စဉ်ဆက်မပြတ်လေ့လာ ဆည်းပူးရန်လိုအပ်ကြောင်း၊ လုပ်ငန်းရှင်တွေ့ဆုံခြင်း၊ ဈေးကွက်စောင့်ကြည့်စစ်ဆေးခြင်း၊ နစ်နာမှုများ  ဖြေရှင်းပေးခြင်းများကို ဆောင်ရွက်နေရသော အမှုထမ်း၊ အရာထမ်းများက ဥပဒေပြဌာန်းချက်များနှင့် အညီ ဆွေးနွေးဆောင်ရွက်ရန်လိုအပ်ကြောင်း၊ စိတ်ပိုင်းဆိုင်ရာ၊ ရုပ်ပိုင်းဆိုင်ရာ၊ လုံခြုံမှုများပေးနိုင်ရေး အလေးထားဆောင်ရွက်ခြင်းဖြင့် စားသုံးသူများအား လုံခြုံမှုအပြည့်အဝပေးနိုင်ရေး ဆောင်ရွက်သွားကြရန် လမ်းညွှန်မှာကြားခဲ့ကြောင်း သိရှိရပါသည်။

DOCA(မကွေး)

      ကျိုက်လတ်မြို့နယ်၊ စားသုံးသူရေးရာဦးစီးဌာနမှ ခရိုင်ဦးစီးမှူး ဦးဆောင်၍ မြို့နယ်တာဝန်ခံနှင့် ဝန်ထမ်းတို့သည် စက်မှုလက်မှုသိပ္ပံကျောင်းရှိ ကျောင်းသား/ သူများအား (၂၅.၆.၂၀၂၆)ရက်နေ့ နံနက် (၁၀:၃၀) နာရီအချိန်တွင် အမှတ်(၁)ရပ်ကွက်၊ ကားလမ်းဘေးရှိ စက်မှုလက်မှုသိပ္ပံကျောင်းတွင် စားသုံးသူကာကွယ်ရေးဆိုင်ရာ အသိပညာပေးဟောပြောပွဲကို ပြုလုပ်ဆွေးနွေးဆောင်ရွက်ခဲ့ကြောင်း သိရသည်။

        ထိုသို့ဟောပြောရာတွင် ဆရာ/ ဆမများနှင့် ကျောင်းသား/ သူများ (၃၀၀)ဦးတက်ရောက်ခဲ့ပြီး ကျောင်းအုပ်ဆရာကြီးမှ အဖွင့်အမှာစကားပြောကြားပြီး အခမ်းအနားကို စတင်ဖွင့်လှစ်ခဲ့ပါသည်။ ထိုနောက် ဖျာပုံခရိုင်ဦးစီးမှူးမှ စားသုံးသူကာကွယ်ရေးဥပဒေအကြောင်းနှင့် စားသုံးသူကာကွယ်ရေး အခွင့်အရေးနှင့် တာဝန်များအကြောင်း Online Shopping အကြောင်းကို ရှင်းလင်းဟောပြောခဲ့ပြီး၊ မြို့နယ်တာဝန်ခံက စားသုံးသူအခွင့်အရေး(၈)ချက်ကို အကျယ်တဝင့် ပြန်လည်ရှင်းလင်းခြင်းနှင့် 1535 သို့ ဖုန်းခေါ်ဆိုမှု နမူနာပြုလုပ်၍ ခေါ်ဆိုပေးခြင်း၊ လက်ကမ်းစာစောင်များကို ဆရာ/မများနှင့် ကျောင်းသား/ သူများကို ဝေဌခြင်းပြုလုပ်ခဲ့ကြောင်း သိရသည်။

          အဆိုပါဟောပြောပွဲကို (၁၂:၃၀) နာရီအချိန်တွင် ရုတ်သိမ်းခဲ့ပြီး စားသုံးဆီလုပ်ငန်းရှင်အသင်းမှ စားအုန်းဆီ (၅၀) သား ဘူး(၃၀၀)အား ရည်ညွှန်းဈေးဖြင့် ဆရာ/ဆမများနှင့် ကျောင်းသား/ သူများအား ရောင်းချပေးခဲ့ကြောင်း သတင်းရရှိပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ်တာဝန်ခံရုံး ဦးအောင်ကျော်သက်နှင့် ဝန်ထမ်းများသည် ၂၅.၆.၂၀၂၆ ရက်နေ့တွင် နံနက်(၀၉း၀၀)နာရီအချိန်တွင် မိတ်ဖက်ဌာနများဖြစ်သော အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မီးသတ်ဦးစီးဌာန၊ လမ်းဦးစီးဌာန၊ ရေနံနှင့်ရေနံထွက်ပစ္စည်း ရောင်းဝယ်ရေးဦးစီးဌာနတို့ပါဝင်သော ပူးပေါင်းအဖွဲ့ဖြစ် မြို့နယ်အတွင်းရှိ ဆီဆိုင် (၈) ဆိုင်၊ ဆေးဆိုင်(၆)ဆိုင်၊ ဆန်ဆိုင်(၁၀)ဆိုင်အား ဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်း သိရှိရပါသည်။

        စစ်ဆေးဆောင်ရွက်ရာတွင် ဆန်ဆိုင်များအား မြန်မာနိုင်ငံဆန်စပါးအသင်း ရန်ကုန်မှ ထုတ်ပြန်သော ဆန်စပါးကုန်စည်ဒိုင် ဈေးနှုန်းပေါ်အခြေခံ၍ အမြတ် ၂ရာခိုင်နှုန်းဖြင့် ဆန်များကို ဈေးနှုန်းဖော်ပြရောင်းချရန်ကိုလည်းကောင်း၊ ဆန်များရောင်းချရာတွင် ဆန်အိတ်လက်ကျန်၊ ရောင်းချမှုအခြေအနေများကို စာရင်းပြုစုထားပြီး ဆန်ဆိုင် ရ၊ ထုတ်ကျန်စာရင်းများကို MyRo သတ်မှတ်ရက်အတွင်း ဖြည့်သွင်းဆောင်ရွက်ရန်ကိုလည်းကောင်း၊ စက်သုံးဆီဆိုင်များအားစစ်ဆေးရာ ဆီဈေးနှုန်းတည်ငြိမ်ရေးစစ်ဆေးခြင်း၊ ဆီများ ရောနှော‌ရောင်းချမှုမရှိစေရန်၊ စက်သုံးဆီပြတ်လပ်မှု ရှိ/မရှိ၊ စက်သုံးဆီကို သိုလှောင်၍ ဈေးနှုန်း အတက်ကိုစောင့်၍ ရောင်းချခြင်းမပြုရန်ကိုလည်းကောင်း စစ်ဆေးခြင်း၊ ဆေးဆိုင်များအား စစ်ဆေးဆောင်ရွက်ရာ ဆေးဝါးများနှင့် ဆေးအပိုပစ္စည်းများတွင် အရည်အသွေးမပြည့်မီ သည့်ဆေးဝါးများ၊ ဆေးဝါးအတုများ၊ သက်တမ်းလွန်ဆေးဝါးများနှင့် ခွင့်ပြုလိုင်စင်မရှိသည့် ထိန်းချုပ်ဆေးဝါးများအား ရောင်းချခြင်းများမရှိစေရေး၊ သက်ဆိုင်ရာဌာနထောက်ခံချက် ပါဝင်သောဆေးဝါးများနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းများနှင့် ကိုက်ညီသော ဆေးဝါးများသာရောင်းချစေရေး၊ သတ်မှတ်ချက်နှင့် ကိုက်ညီသောဆေးဝါးများရောင်းချရာတွင် လက်ကားဈေးအပေါ်တွင် ဒေသပေါက်ဈေးထက် ဈေးနှုန်းပိုမိုသော အမြတ်တင်ရောင်းချမှုများမဖြစ်ပေါ်စေရေး၊ ဆေးဝါးလက်ကျန်အခြေအနေနှင့် ဆေးဝါးများပြတ်လပ်မှု မဖြစ်ပေါ်စေရေး၊ ဈေးနှုန်းဈေးကွက်အခြေအနေများအား ကွင်းဆင်းစိစစ်မှုများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်မြို့နယ်၊ ပန်းတနော်မြို့နယ်၊ ညောင်တုန်းမြို့နယ်၊ ဓနုဖြူမြို့နယ် တာဝန်ခံရုံးများသည် အသိပညာပေးဟောပြောပွဲများ၊ ဆောင်ရွက်ရာ မြို့နယ်အတွင်းရှိ စားသုံးသူပြည်သူများအနေဖြင့် မိမိတို့၏ အခွင့်အရေးများကို ကာကွယ်နိုင်ရန်နှင့် စားသုံးသူအခွင့်အရေး နစ်နာဆုံးရှုံးမှုရှိလာပါက တိုင်ကြားနိုင်ခြင်း၊ စားသုံးသူကာကွယ်ရေးနှင့် စပ်လျဉ်း၍ သိရှိလိုပါက မေးမြန်းနိုင်သည့် Consumer Call Center (1535) သို့ ဖုန်းခေါ်ဆိုနိုင်ကြောင်းကို အသိပညာပေးထည့်သွင်းဟောပြောခဲ့ရာ ပြည်သူများအနေဖြင့် ဆက်သွယ်မေးမြန်းသူများရှိလာကြောင်း  သိရသည်။

        ၂၀၂၆ခုနှစ် ဇွန်လ ၂၅ ရက် နံနက်ပိုင်တွင်း မအူပင်မြို့နယ်အတွင်းရှိ  ပံတပွတ်ကျေးရွာမှ ဦးဖြူအောင် စားသုံးသူအခွင့်အရေးနစ်နာမှုနှင့် စပ်လျဉ်း၍ တိုင်ကြားနိုင်သဖြင့် မည့်သို့တင်ပြတိုင်ကြားနိုင်သည့်အကြောင်းကို သိရှိလို၍ မေးမြန်းခဲ့ကြောင်း၊ ဦးဖြူအောင်၏ မေးမြန်းမှုကို ရုံးချုပ်နေပြည်တော်မှ အကြီးတန်းစာရေး ‌ဒေါ်ဖြိုးဖြိုးဝေမှ ရှင်းလင်းဖြေကြားခဲ့ကြောင်း၊ အိုင်ဝိုင်းကျေးရွာမှ ဦးဇာနည်ထွန်းမှ ကုန်အညွှန်းအမှတ် အသားအကြောင်း မေးမြန်းခဲ့ရာ နေပြည်တော်မှ ဒေါ်ဖြိုးဖြိုးဝေ အကြီးတန်းစာရေးမှ ဖြေကြားရှင်းလင်းပေးခဲ့ကြောင်း၊ ပန်းတနော်မြို့နယ်မှ ဒေါ်နွဲ့ရီ စားသုံးသူကာကွယ်ရေးနှင့်စပ်လျဉ်း၍ မေးမြန်းခဲ့ရာ နေပြည်တော်ရုံးချုပ်မှ ဒေါ်ဖြိူးဖြိုးဝေ အကြီးတန်းစာရေးမှ ဖြေကြားခဲ့ကြောင်း၊ ညောင်တုန်းမြို့နယ်မှ (၃)ကြိမ်ခေါ်ဆိုခဲ့ရာ ဒေါ်ချိုဟန်ခြူး၊ ဒေါ်ဝင်းသီရိ၊ ဒေါ်ဖြိုးပပတို့မှ နေပြည်တော်ရုံးချုပ် လိုင်းခွဲ(၁)သို့ ခေါ်ဆိုခဲ့ပြီး ဒေါ်ဖြိုးဖြိုးဝေ အကြီးတန်းစာရေးမှ စားသုံးသူရေးရာဦးစီးဌာန၏ ပြည်သူများမေးမြန်းမှုကို ဖြေကြားပေးခဲ့ကြောင်း၊ ဓနုဖြူမြို့နယ်မှ ဦးကျော်မင်းထက် (၁၀)ရပ်ကွက်၊ ဦးသန့်ဇင်(၈)ရပ်ကွက်၊ ဦးဝေယံမင်းခန့် (၁၈)ရပ်ကွက်နေသူတို့မှာ နေပြည်တော်ရုံးချုပ်သို့ (၃)ကြိမ် ခေါ်ဆိုမေးမြန်းခဲ့ကြောင်း၊ တာဝန်ကျသူမှာ ဒေါ်ဖြိုးဖြိုးဝေ အကြီးတန်းစာရေးမှ ပြန်လည်ဖြေကြားရှင်းလင်းခဲ့ကြောင်း မိဘပြည်သူများနှင့် စားသုံးသူများအနေဖြင့် မိမိတို့၏အခွင့်အရေးနှင့် ကုန်စည်နှင့် ဝန်ဆောင်မှုများနှင့် စပ်လျဉ်း၍  ကိစ္စရပ်များကို ပိုမိုသတိပြုမိလာကြပြီး စားသုံးသူရေးရာဦးစီးဌာန၏ Consumer Call Center နံပါတ် 1535 သို့ ဆက်သွယ်စုံစမ်းမေးမြန်းမှုများ ပိုမိုပြုလုပ်လာကြကြောင်း သိရသည်။

           မအူပင်မြို့နယ်အတွင်းရှိ စားသုံးသူများအနေဖြင့် ထုတ်ကုန်လုံခြုံစိတ်ချရမှုဆိုင်ရာ သတင်းအချက်အလက်များကို သိရှိလိုပါကဖြစ်စေ၊ စားသုံးသူအခွင့်အရေး နစ်နာဆုံးရှုံးမှုများအတွက် တိုင်ကြားလိုပါကဖြစ်စေ ရုံးချိန်အတွင်း  Consumer Call Center နံပါတ် 1535 သို့ လိုင်းခွဲ(၁၊၂၊၃)သို့ အခမဲ့ ဆက်သွယ်မေးမြန်းနိုင်ကြောင်းနှင့် စားသုံးသူရေးရာဦးစီးဌာန (DOCA) ဝက်ဘ်ဆိုက်တွင်လည်း ဝင်ရောက်လေ့လာနိုင်ကြောင်း သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် ၂၀၂၆၆-ခုနှစ်၊ ဇွန်လ (၂၅)ရက်နေ့ နံနက် (10:30) နာရီအချိန်တွင် ကျောင်းကုန်းမြို့နယ်တာဝန်ခံရုံးတွင် တွေ့ဆုံဆွေးနွေးခဲ့ကြောင်း သိရသည်။

         အဆိုပါဆွေးနွေးမှုတွင် ကျောင်းကုန်းမြို့နယ် ဆန်စက်လုပ်ငန်းရှင်များအနေဖြင့် စားသုံးသူပြည်သူများ သက်သာစေရေးအတွက် သက်သာသောဈေးနှုန်းများဖြင့်ရောင်းချပေးရန်၊ ဆန်စက်လုပ်ငန်းရှင်များအနေဖြင့် ဆန်ဈေးနှုန်းများကို မြှင့်တင်ရောင်းချခြင်းမပြုလုပ်ကြရန်နှင့် သတ်မှတ်ရည်ညွှန်းဈေးအတိုင်းရောင်းချပေးရန်၊ ဈေးနှုန်းမြှင့်တင်ရောင်းချခြင်းများ မပြုလုပ်ကြရန်၊ Myro မှတ်ပုံတင်ရန်ကျန်ရှိသည့် ဆန်စက်များအား မှတ်ပုံတင်ရန်၊  Myro မှတ်ပုံတင်ရန် လိုအပ်ချက်များကို ပြောကြားဆွေးနွေးခဲ့ကြောင်း သတင်းရရှိပါသည်။

DOCA (ဧရာဝတီ)