HighLight News

          ပြည်တွင်း/ ပြည်ပမှ ထုတ်လုပ်တင်သွင်းလာသည့် ကုန်စည်နှင့် ဝန်ဆောင်မှုများအပေါ် နိုင်ငံသူ၊ နိုင်ငံသားအားလုံး ဘေးအန္တရာယ်ကင်းရှင်းစွာအသုံးပြုနိုင်ရေး စားသုံးသူကာကွယ်ရေး ဥပဒေနှင့်အညီ စားသုံးသူကာကွယ်ရေးလုပ်ငန်းများ အရှိန်အဟုတ်မြှင့် ထိရောက်စွာ အကောင် အထည်ဖေါ်ဆောင်ရွက်နိုင်ရန်အတွက် ၂၀၁၆ ခုနှစ်၊ ဧပြီလ (၁)ရက်နေ့တွင် စားသုံးသူရေးရာဦးစီးဌာနကို ဖွဲ့စည်းခဲ့ပြီး စားသုံးသူကာကွယ်ရေးလုပ်ငန်းများနှင့် ပြည်တွင်းကုန်သွယ်မှုဖွံ့ဖြိုးရေး လုပ်ငန်းများကို တာဝန်ယူဆောင်ရွက်လျက်ရှိပါသည်။

          စားသုံးသူရေးရာဦးစီးဌာန၊ ပြည်မြို့နယ်တာဝန်ခံနှင့် ဝန်ထမ်းများသည် (၁၂.၁.၂၀၂၆) ရက်နေ့၊ နေ့လယ် (၁၃:၀၀)နာရီအချိန်တွင် ပြည်မြို့၊ ပြည်သာယာရပ်ကွက်အတွင်းရှိ စီးပွားရေးလုပ်ငန်းရှင် ဦးထွန်းလှအောင်၏ ချယ်ရီရွှေအမှတ်တံဆိပ် ရေသန့်လုပ်ငန်းသို့ သွားရောက်၍ ထုတ်ကုန်လုံခြုံစိတ်ချရမှုရှိစေရေး၊ ကုန်စည်၏ ထုတ်ပိုးမှုအပြင်အဆင်ပေါ်တွင် ကုန်အညွှန်းအမှတ်အသားများ ပြည့်စုံစွာပါဝင်မှုရှိ/ မရှိ ကွင်းဆင်းစစ်ဆေးခြင်းနှင့် စားသုံးသူကာကွယ်ရေး ဥပဒေ ၂၀၁၉ ပါ စီးပွားရေးလုပ်ငန်းရှင်၏ တာဝန်များနှင့်စပ်လျဉ်း၍ အသိပညာပေးဆွေးနွေးခဲ့ကြောင်း သိရှိရပါသည်။                   

DOCA(ပဲခူး)

          ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများသည် ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ အခြေခံစားသေကာက်ကုန်ဈေးနှုန်းများကို စာရင်းကောက်ယူ၍ အပတ်စဉ် ဆောင်ရွက် လျက်ရှိရာ ဇန်နဝါရီလ(၁၂) ရက်နေ့၊ နံနက်(၀၉:၃၀)နာရီအချိန်တွင် ကွမ်းခြံကုန်းမြို့နယ်  မြို့မဈေးအတွင်းသို့ ပူးပေါင်းအဖွဲ့ဖြင့် ကွင်းဆင်းစိစစ်ခဲ့ကြောင်း သိရှိရပါသည်။

          ထိုသို့ ကွင်းဆင်းစာရင်းကောက်ယူခြင်း ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့မှ ဈေးကောက်တာဝန်ခံ ဦးသန့်ဇော်ဝင်း၊ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်း၍ ကွမ်းခြံကုန်း မြို့နယ် မြို့မဈေးအတွင်း အခြေခံစားသောက်ကုန်များရောင်းချသော ​ဒေါ်မာမာစိုး ကုန်စုံဆိုင်၊ ဒေါ်ရီရီသန်းကုန်စုံဆိုင်များမှ စားအုန်းဆီ (၁)ပိဿာလျှင် (၆၆၂၀)ကျပ်၊ မြေပဲဆီ တစ်ပိဿာလျှင် (၂၂၀၀၀)ကျပ်၊ ကြက်သွန်နီ ဆိုဒ်စုံတစ်ပိဿာလျှင် (၃၀၀၀မှ ၃၅၀၀)ကျပ်၊ ကြက်သွန်ဖြူ ရှမ်းစ တစ်ပိဿာလျှင် (၉၀၀၀မှ ၁၀၀၀၀)ကျပ်၊ ငရုပ်တောင့်ရှည် တစ်ပိဿာလျှင် (၁၃၀၀၀)ကျပ်၊ မန်းကျည်းသီးတစ်ပိဿာလျှင် (၁၂၀၀၀)ကျပ်၊ အိုင်အိုဒင်းဆား တစ်ထုပ်လျှင် (၁၀၀၀)ကျပ်၊ ကုလားပဲခြမ်းတစ်ပိဿာလျှင် (၆၅၀၀)ကျပ်၊ သကြားတစ်ပိဿာလျှင် (၅၅၀၀)ကျပ်၊ အာလူး တစ်ပိဿာလျှင် (၆၀၀၀)ကျပ်ထိ အသီးသီး အရောင်းအဝယ်ဖြစ်လျက်ရှိကြောင်း သိရှိရပါသည်။

         ယခင်တစ်ပတ်နှင့် ယခုတစ်ပတ်ဈေးနှုန်း နှိုင်းယှဉ်ရာတွင် စားအုန်းဆီဈေးနှုန်း အနည်းငယ်မြင့်တက်နေကြောင်းနှင့် ကြက်သွန်ဈေးနှုန်း မြင့်တက်နေကြောင်း တွေ့ရှိရပြီး ကျန်အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိကြောင်း တွေ့ရှိရ၍ ရောင်းချသူများသို့ မေးမြန်းစုံစမ်းရာတွင် ကြက်သွန်နီအဟောင်းများအစား ကြက်သွန်နီအသစ်များကို လူသုံးများခြင်းနှင့် ရန်ကုန်မှ ဝယ်ယူရသည့်ဈေးနှုန်း မြင့်တက်ခြင်းကြောင့်ဖြစ်ကြောင်း သိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ စားသုံးသူပြည်သူများနေ့စဉ်ဝယ်ယူစားသုံးလျက်ရှိသော အခြေခံစားကုန်ပစ္စည်းများနှင့် ဈေးနှုန်းပြောင်းလဲမှုအခြေအနေအား ဇန်နဝါရီလ(၁၂)ရက်နေ့၊ နံနက်(၀၉:၀၀) နာရီအချိန်တွင် ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေး အတွင်း/ အပြင်ရှိ အခြေခံစားကုန်ပစ္စည်းအရောင်းဆိုင်များသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ကွင်းဆင်းဆောင်ရွက်ခဲ့ရာတွင် မြို့နယ်စားသုံးသူရေးရာဦးစီးဌာနမှ ကော့မှူးမြို့နယ်တာဝန်ခံ ဦးတင်မင်းနှင့် ဒုတိယဦးစီးမှူး ဒေါ်နီလာဝင်း၊  မြို့နယ်စည်ပင်သာယာရေးအဖွဲ့မှ မြို့နယ်ဈေးတာဝန်ခံ ဦးအေးသွင်နှင့် ဝန်ထမ်းများသည် ကော့မှူးမြို့နယ် စည်ပင်သာယာမြို့မဈေးအတွင်း/ အပြင်ရှိ ဆန်ဆိုင်များတွင် ဆန်အမျိုးအစားအလိုက် ပြန်လည်ဖြန့်ဖြူးရောင်းချနေသည့် ဈေးနှုန်းများ၏အခြေအနေ၊ ကုန်ခြောက်ပစ္စည်းအရောင်းဆိုင်များရှိ ဆီ၊ ဆား၊ ငရုတ်၊ ကြက်သွန် စသည့် မီးဖိုချောင်သုံးပစ္စည်းများ၏ ဈေးနှုန်းအခြေအနေ၊ ဝက်သား၊ အမဲသား၊ ဆိတ်သားနှင့် ရေချို၊ ရေငံ၊ ငါး၊ ပုဇွန်အရောင်းဆိုင်များ၊ ငါးပိ၊ ငါးခြောက်နှင့် ကြက်ဥ၊ ဘဲဥ လက်လီ၊ လက်ကား ဖြန့်ဖြူးရောင်းချလျက်ရှိသော ဈေးနှုန်းအခြေအနေတို့အား ဇန်နဝါရီလ တတိယအပတ်တွင် ဖြစ်ပေါ်နေသည့် အခြေခံစားကုန်ဈေးနှုန်းတို့မှာ သိသိသာသာပြောင်းလဲမှုမရှိသော်လည်း စားအုန်းဆီဈေးနှုန်းမှာ တစ်ပိဿာလျှင် ၄၀ ကျပ်နှုန်းဖြင့် အနည်းငယ်မြင့်တက်သွားသည်ကို ဈေးနှုန်းစာရင်းကောက်ယူ ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

        (၁၂.၁.၂၀၂၆) ရက်နေ့ နေ့လယ် (၁၂:၃၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၄) ဦးတို့သည် မြို့နယ်စည်ပင်သာယာ အုပ်ချုပ်ရေးမှူးရုံးမှ အကြီးတန်းစာရေး ဦးသိန်းကို၊ ရွှေပြည်သာစက်မှုဇုန် (၁) ကော်မတီရုံးမှ လုံခြုံရေးမှူး ဦးဝင်းလွင် တို့ပါဝင်လျက် ရွှေပြည်သာမြို့နယ်ရှိ Diesel King Co.,Ltd ဂေါ်ဇီလာ ခြင်ဆေးစက်ရုံသို့ ဈေးကွက်မရောက်မီ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

       ထိုသို့ဆောင်ရွက်ခဲ့ရာတွင် အမှတ်(၁၀၂)၊ ချယ်ရီလမ်း၊ စက်မှုဇုန်(၁)၊ ရွှေပြည်သာမြို့နယ် သို့ ရောက်ရှိခဲ့ရာ တာဝန်ခံမှ မိမိစက်ရုံမှ ထုတ်လုပ်လျက်ရှိသော ဂေါ်ဇီလာခြင်ဆေးခွေ၊ ခြင်နှင့် ပိုးမွှားသတ်ဆေးရည်တို့အား အရည်အသွေးပြည့်မီမှုကို အဓိကအလေးထားပါကြောင်း၊ စားသုံးသူ ပြည်သူများအား အန္တရာယ်မရှိအောင်လဲ အမြဲဂရုတစိုက်ထုတ်လုပ်ပါကြောင်း၊ သတ်မှတ်ချက်များနှင့် အညီ ထုတ်လုပ်ဖြန့်ချီလျက်ရှိပြီး သက်ဆိုင်ရာဌာနများ၏ ထောက်ခံချက်များကိုလည်း ပြုလုပ်ထားပါကြောင်း၊ ညွှန်ကြားချက်များနှင့် အညီ လိုက်နာဆောင်ရွက်ထားပြီး မိမိတို့ဌာနမှလည်း စီးပွားရေးလုပ်ငန်းရှင်၏ တာဝန်များကို လိုက်နာဆောင်ရွက်ရန် အသိပညာပေးပြောကြားခဲ့ကြောင်း သိရှိရပါသည်။

DOCA (ရန်ကုန်)

         (၁၂.၁.၂၀၂၆) ရက်နေ့ နေ့လယ် (၁၃:၃၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃) ဦးတို့သည် အမှတ် (၂၄၃) ၊ စက်မှု (၁၂) လမ်း၊ မင်္ဂလာဒုံစက်မှုဇုန်၊ မင်္ဂလာဒုံမြို့နယ်တွင် စီးပွားရေးလုပ်ငန်းရှင်များအား အွန်လိုင်းစနစ်ဖြင့် ရောင်းချခြင်းလုပ်ငန်းနှင့် ပတ်သက်၍ စီးပွားရေးလုပ်ငန်းရှင်များအား အသိပညာပေး ဟောပြောဆွေးနွေးခဲ့ပါသည်။

         ထိုသို့ဆွေးနွေးခဲ့ရာတွင် ဒေါ်နီလာဝင်း၊ ဦးစီးမှူးမှ မိမိတို့အွန်လိုင်းစနစ်ဖြင့် ရောင်းချသည့် ပစ္စည်းအမျိုးအမည်၊ ရောင်းချသည့်နေရာများမှာ အွန်လိုင်းလိုင်စင်လျှောက်ထားစဉ်ကအတိုင်း ကိုက်ညီရန်လိုအပ်ပါကြောင်း၊ အွန်လိုင်းဖြင့် မှာယူသည့်ပစ္စည်းများကိုလည်း ပစ္စည်းပို့ဆောင်သည့်အခါ ကိုက်ညီမှုရှိရန်လိုအပ်ပါကြောင်းနှင့် အွန်လိုင်းစနစ်ဖြင့် ရောင်းချရာတွင် သက်ဆိုင်ရာစည်းမျဉ်း၊ စည်းကမ်းအတိုင်း လိုက်နာဆောင်ရွက်ကြရန် လိုအပ်ပါကြောင်း၊ မိမိတို့ဌာနမှလည်း အွန်လိုင်းစနစ်သည် အရေးကြီးကုန်စည်အဖြစ် သတ်မှတ်ထားသောကြောင့် လိုက်နာဆောင်ရွက်မှုများမရှိလျှင် အရေးယူဆောင်ရွက်သွားမည်ဖြစ်ပါကြောင်း ဟောပြောဆွေးနွေးခဲ့ပြီး ဆွေးနွေးပွဲကို စီးပွားရေးလုပ်ငန်းရှင် (၄) ဦးတက်ရောက်ခဲ့ပြီး (၁၃:၅၀)နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (ရန်ကုန်)